...كن قليل ادب ...تكسب قلوب من ذهب...

بسم الله الرحمن الرحيم
السلام عليكم ورحمة الله وبركاته

هكذا هم أغلب الناس دوماً .. يفسروا طيبتكـ و تعاملكـ برفق معهم على أنه ضعف ..

هكذا يظن الكثير ... وعلى هذا المقياس يعاملكـ الناس .....

عندما تتنازل عن حق لكـ ... فقط لكي لاتؤذي مشاعر الشخص الآخر ...
أطلقوا عليكـ لقب الضعيف....

وصرخوا في وجهكـ .ألا تستطيع أخذ حقكـ منه ... كم أنت جبان..

لم هذهـ النظرة ؟

عندما تعطي شيئاً مما تملكـ لأحد ما ... ليس لشيء بل رغبة في عدم إحراجه ...
فسر ماعملت بأنه ضعف ..

عندما تصفح عن من أخطأ عليكـ ... فقط لكي لا تدب الكراهية بينكما ... قيل عنكـ الجبان ....

عندما يكشر البعض عن أنيابه باتجاهكـ... وتقابلهم بالإبتسامة ... قيل عنك لايملكـ سواها ...

عندما تتلطف،، فـا بالأسلوب تستخدم العبارات الرقيقة تجاه الآخرين ....... قيل عنكـ مراوغ ..

إذاً .. فإليكـ بالحل الوافي .. والدواء الشافي ..والجواب الكافي ..وإنتظر النتائج ...

فلتقل أدبكـ... وتتهمج في أسلوبكـ... وتسلب الآخرين حقوقهم إضافة إلى حقكـ...

وتكشر عن أنيابكـ في ظل الآخرين متبسمين... ولاتعطي بل تمنع... ولاتتهاون بل تصرخ...

ولاتغفر الأخطاء بل أنعت من فعلها وعليكـ بالزجر فإنه لهم رهبه وخوف...

وأستخدم أقبح العبارات في النقاشات... وتلفظ بأوقح الألفاظ في الحوارات...

عندئذ... سيعمل الآخرين لكـ ألف حساب... سيخافوا منكـ... سينتظروا ردة فعلكـ...

لن يحاولوا إيذائكـ ولو بكلمة... يترقبون ماتريد... ينفذون دون طلب...

هكذا هو مجتمعنا... يأبى بأن نكون ذا أدب وإحترام...

ويحرضنا على أن نكون من ذوي الكره والإنــتــقام ..

هل هذه حقيقه واقعيهـ أمـ أنا أتخيل ذالكـ ..؟؟



السلام عليكم ورحمة الله وبركاته

لا انا مش معاكى خالص خالص ياDr-srlove

بصى الانسان المحترم يفرض احترامه على اللى قدامه وبيخليه غصب عنه يحترمه
ونادر اوى لو حد قال عنه انه جبان او انه ضعف
بصراحه وده مش مدح فيا ولا حاجه والله بس انا بحب اتعامل مع الناس كلها باحترام
وصدقنى بلاقى كل اللى قدامى بيقدر ده ومحدش فى مره اعتبر ده ضعف او جبن بالعكس تماما كله بيعمل للاحترام ده الف حساب ويبدا يراعى مشاعرى جدا
وكان د\هانى كاتب مقوله فى احد موضوعاته وانا عجبانى اوى المقوله دى معلش بقى يا د\ هستعيرها
كان بيقول الناس عبيد الاحسان وفعلا صدقت هذه المقوله جدااااا
وشكرا ليك على موضوعك
والخلاف فى الراى لايفسد للود قضيه ههههههه

شكرا يا دكتورة ع الموضوع
بس انا بصراحه كنت منتظره اشوف رد بلبله
لو كان غير كده كنت هازعل جدا
انا مع رأى بلبله
اصل بصى مهما كانت قله الادب بجد
فهو مش هيقولى كلمه مش حلوة
او لفظ مش حلو الا لو انا اضطريته لكده
يعنى مش هيجى من غير سبب و يشتمنى مثلا
الاحترام زى ما قالت بلبله بيفرض نفسه

و شكرا ليكى يا دكتوره على الموضوع

انا كمان مع بلية فى الرأى
بس المعظم للاسف كده دلوقتى

الحقية الكلام دة غريب اوى
على كل حال اتمنى ان ربنا يصلح احوال المسلمين

اللهم امين

الموضوع مش رأي مين اللي صح
يعني انا متهيئلي ان الدكتوره ساره تقصد شئ ونبيله تقصد شئ تاني خالص
يعني الدكتوره ساره بتقصد ان لو شخص عفى عن شخص تاني ومرضيش ياخد حقه من الشخص اللي اصاب بيه ضرر بتعتبرة الناس جبان وده وارد بكثرة كمان
اما نبيله تقصد الاحترام في المعامله وأكيد كل الناس بتحب المعاملة الهاديه والراسيه والمحترمه وده لا غبار عليه
يعني بمعنى اصح انتو الاثنين صح

بصراحة يا دكتورة سارة الكلام اللى قولتيه مش حل لمشكلة ان الناس شايفانى ان الشخص المحترم ضعيف ....او جبان ....او قليل الحيلة
انا بصراحة حصلت معايا اغلب المواقف اللى ذكرتيها حضرتك وقابلت الشتيمة بالابتسامة والزجر باللين وقلة الادب بالاحترام .....الخ
والناس اللى دماغها فاضى من المفاهيم والاذواق عايزة فعلا كلنا نبقى مش محترمين لكن دة مستحيل يكون الحل !!!!!!!!!!!!!
انا استخدمت عدة حلول مع الناش اللى بالشكل دة
اولا الصبر ان الواحد المحترم يصبر على غيرة وان اساء اليه
2 ان يكون عند الشخص المحترم ان عقلة اكبر من اللى مش محترم وبالتالى حيحتوى الموقف اللى هو فيه بعقلة اللى مليان افكار محترمة
3 ان الشخص المحترم يظهر احترامة بطريقة واضحة جدا يعنى يفهم اللى قدامة انه مش عايز يرد عليه عشان احترامة وانه ممكن يعاملة بنفس المعاملة
4 اخر حاجة بقا رد السلام والله العظيم دى طريقة متجربة وجابت نتيجة فعلا ان الشخص المحترم يرد السلام على طووووووول ويكون مبتسم دايما لاى حد حتى لو كان الحد دة بيكرة وانا عن نفسى والله كسبت صداقات كتير وكسبت احترام ناس اكبر منى عشان خاطر موضوع رد السلام دة
(((((( الحلول دى تنفع لعامة الناس ))))))))))))))
لكن فى نوع خاص بقا
هو النوع الغلس الرخم
ودة النوع اللى عارفك محترم وقاصد انه يغلس عليك عشان هو متأكد انك مش حتعاملة بنفس المعاملة
والنوع دة ملهوش غير حل واحد انه يتعامل بالحسنة الاول ولو مجاش منه
يبقى لازم نوريه مقامة ونكسفه قدام الناس عشان يعرف مقامة كويس
___________شكرا ____________

كلامك مظبوط يا دكتوره .انت بتنقلى حال الناس وحال الواقع انتو زعلانين ليه يا جماعه. بس انا متحفز على عناون الموضوع..واضم رأى هنا بقى لرأى بليله ورأى نور الهدى . انما انا شايف ان مش معنى انك تحطى العنوان كده يبقى ده رأيك.بس انتى فعلا كلامك والله صحيح جدا بس احنا منعملش كده. ولا اييييييييييه يا دكتوره