منتدى الفكر والإبداع الأزهرى .......فى الميزان

واللة الكل بيعمل اللى علية
وبيحاول
يكون المنتدى احلى منتدى فى العالم
والمدير مش ساكت اللة يكون فى عونة
والاعضاء والمشرفين
والكل بيساهم فى تطوير المنتدى
ولاكلام غلطى

مش قصدى ياجماعة ان احنا نقول ان احنا بنعمل اللى علينا وخلاص
فعلا كل واحد له مجهود بس ياترى المجهود ده ف طريقه علشان يحقق اهداف المنتدى واللا مكتفيين بزووم واللعب وشوية مواضيع جايز تكون بعيدة اوى عن الفكر والابداع اللى هوه شعار المنتدى
خلينا نواجه نفسنا بصراحة ونصحح الطريق اذا كان لازمه تصحيح علشان المنتدى يحقق هدفه
معلهش مشكلتى انى صادق وصريح

عندك حق يا صادق بجد
و فعلا المفروض ان احنا نكون عندنا هدف نوصله من خلال المنتدى
احنا فعلا ممكن نكون بنعمل اللى بنقدر عليه و زياده
بس مش حاسين بكدة لان مفيش هدف محدد كلنا بنحاول نوصله
و انت طبعا عندك حق
لازم يكون فيه هدف عشان نوصله و نحققه
بس الهدف ده المفروض عبد الرحمن هو اللى يقولهولنا
و احنا نساعده بس هو يكون البدايه

مشكور يا صادق فعلا عندك حق و الله

مع الرغم انى باكون مبسوط اوى بردودك يانور لانك متفهمة اوى
بس انا مش معاكى ان كل حاجه عبدالرحمن هو اللى يعملها او يقولها
كتر خيره انه عمل المنتدى وبيشارك
لكن احنا مفروض يكون لنا دور ونشارك ف تحديد الاهداف ونعمل ع تحقيقها
لانى بصراحة شايف ان المنتدى لغاية الوقتى ميفرقش عن منتدى الازهر وجايز فيه سلبيات مفيش داعى انى اقولها لان ميزات المنتدى اكتر منها
واشكرك اوى يا نور
بس بصراحة انا طلبت من عبدالرحمن يدخل احمد امين ومحمد رزق ف الاشراف لانى شايفهم محترمين اوى اوى ومواضيعهم بتدل عليهم على الرغم اننى مليش سابق معرفه بيهم
بس حاسس انهم لما يشاركوكى انتى وهانى ف الاشراف ممكن المنتدى يكون له مقام كبير بعد كده
ومعلهش ليه راى كمان على حكاية الناس اللى بيعرضم شوية تصرفات ليهم على انها مشكلتهم وده ممكن يكون نوع من نشر الاعمال السيئة او يوصل لافشاء العادات السيئة وان النبى عليه الصلاة والسلام امرنا ان نستر اخطاءنه
ومعلهش جايز حد يعترض معاية بس انا بقول رايى بصراحة وصدق

طبعا ماشى عندك حق
و انا و الله مش بقول كل حاجه تبقى على عبد الرحمن و كدة
لا انا بس قلت عبد الرحمن يقولنا اهدافه كانمت ايه
لان هو اللى عامل المنتدى و صاحب المنتدى
فكنتن عاوزاه يقولنا اهدافه ايه من انه عمل المنتدى
او كان عاوز ينشأ منتدى بهدف ايه
و انا اتمنى كل الاعضاء يشاركونا
عشان فعلا عاوزين اراء و مقترحات
و عاوزين نعرف هدف كل عضو ايه من المنتدى
و شكرا ليك يا صادق تانى ع الموضوع لانه فعلا موضوع مهم جدا

شكرا يا نور ع اهتمامك

طيب يا صادق
ما نشوف كدا مع بعض
اية الهدف من المنتدى ونساهم كلنا مع بعض
فى تحقيقة
ونشوف البداية منين وانا واللهى معاك

شفتم ياجماعه مفيش اى حماس
الكل همه انه يكتب موضوع او يرد ع موضوع
لكن لو جينا لوقت الجد الكل يتكلمو كلمتين حلوين وبعدين سلام
معلهش
زى مقلت لكم انا دايما صادق وصريح

و احنا عاوزين الصدق و الصراحه يا صادق
انت ليه دايما تقول معليش انى صادق و صريحخ
و هم دول عيب بالعكس و الله يا ريت كل الناس تبقى صادقه و صريحه

بص يا صادق انا بصراحه شخصيا كان هدفى
هو انى اغير فكرة الناس عن المنتديات
يعنى زى ما فيه منتدى مش كويس فيه منتدى كمان كويس و جحميل
ثانيا بصراحه اسم المنتدى رائع
يعنى بجد انا دايما بفكر و بحاول ازاى المنتدى يبقى
منتدى الفكر و الابداع فعلا
ازاى نخلى فيه حاجات جديده و جميله و محترمه فى نفس الوقت
بس حاليا لسه معنديش افكار اوى
يعنى لو بقدر اجدد فى القسم اللى مشرفه عليه و احط مواضيع جديده بعمل كدة
بس بجد انا لسه برضه بفكر ازاى نخليه منتدى مختلف و شيك و محترم و مهم و واقعى و كل الصفات الحلوة تطلق عليه

عموما انا بجد نفسى الاعضاء يشاركونا و يفكروا معانا
مشكور يا صادق ع الموضوع بجد

ربنا يوفق وايد مع ايد بتساعد
ودايما زوقك بيسبق كلامك يانور