قسوة الامهات

طبعا كلكم إستغربتم العنوان
إزاي كلمة قسوة تجتمع مع كلمة أم؟؟
بس أنا مش هاطول عليكم و هاقول لكم راجعوا آخر مرة مشيتوا في الشارع و شفتم أم ماشية و ماسكة في إيديها إيد إبنها أو بنتها الصغيرة و شوفوا بتعاملها إزاي؟؟

البنت علشان صغيرة عمرها لا يتعدى الخمس سنوات ماشية مع مامتها عنيها على كل حاجة مبهرة ملفته في السوق بما فيها الألعاب و زينة المحلات
البنت بتشبط في الحاجة ((بتتعلق بيها)) عايزة اللعبة الفلانية أو عايزة تتفرج على أضواء زينة في محل
مامتها بدون تفاهم تشدها من إيدها بكل قوة متعرفش البنت الصغيرة تحملت قوة الشدة ازاي
بس البنت صغيرة....و إتعلقت باللعبة .... لازم تقف و تضرب بأوامر أمها عرض الحائط
بس الأم بدون تفاهم و بكل قسوة تنزل على خد البنت بكفها
البنت تعيط و الأم مش بتبص بس تكمل المسيرة و تمشي
صدقوني اللي قريتوه مش فيلم سينما .... الكلام ده أنا باشوفه كتير جدا في الشارع

هتقولوا الأم معذورة عندها مسئوليات تانية....طب تعالى نشوف المسئوليات التانية دي
هتشترى أكل ؟؟ علشان تروح البيت تطبخ و ممكن تغسل الهدوم؟؟
يا فرحتي
إيه أهمية كل ده وسط معاملة سيئة لبنتها ؟؟
هي مش بتعمل كل الحاجات دي علشان بنتها؟؟
أيوة....يبقى هي بتهد كل اللى بتبنيه علشانها
مش المفروض الأم = الحنان؟؟
هي الصدر الحنين زي ما كنا بنسمع زمان
هي مصدر الحب و الأمان
طيب إيه اللي بيحصل ده؟؟

أم هو عدم نضج ؟؟
أفتكر إن أمي زمان مكنتش بتمد إيدها عليا....ممكن تقولوا تدليل
بس كنت بأخاف من نظرة منها
دلوقتي المفروض الأمهات على مستوى تعليمي أكثر من جيد
و كتير من الأمهات عاملات
يعني المفروض أساليب التربية تتطور للأحسن
و لا رغبة المرأة في إنها تتساوى مع الرجل و تناطحه في الحياة العملية أثر سلبا على وظيفتها الفطرية و هي الأمومة؟؟
سؤال محتاج إجابة....منكم
و من أمهات المستقبل

شكرا بليلة على طرح هذا الموضوع
فعلا انا اعرف ام نفسى اقتلها بتعامل
ابنها بكل قسوة وعنف مع ان دموع
الاطفال بيهون امامها كل شئ
الام المفروض انها نبع الحنان
والعطف للاسف تحولت الى منبع
للقسوة والعنف اكيد مش كل الامهات
بس اكيد فى سبب لهذا التحول
اسفة بليلة للاطالة

ياجماعة لو حطيتم ف بالكم ان العقول وبتختلف والظروف بتختلف مش هتستغربم
وبعدين فيه نعمه تانية مش واخدين بالكم منها وهيه نعمة النسيان بالنسبة للاولاد ونعمة الحب الشديد لامهم وابوهم ليخليهم ينسو كل حاجه وحتى لوافتكروها لما بيكبرم ويشوفو الظروف بيقدرم
احنا فى مصر ياجماعة ظروفنا صعبة وربنا يقوى الجميع

بصراحة الام مضغوطة
ومفيش وعى كفاية
هتعمل ايه يعنى؟؟؟
تقعد تديها محاضرة عشان متبصش على الزينة والالعاب؟؟
العيال رخمة وبتعاند
شكرا يا بليلة

جومانة

لا يا جومانه انا مش معاكى خالص
ضغط ايه اللى يخلى الام تعامل بنتها بالقسوة الفظيعه دى
بجد انا شوفت واحدة و الله العظيم البنت عمرها 3 سنين تقريبا
الام بتضربها ضرب فظيع و بتشتمها شتايم قذرة
و الله العظيم انا كان نفسى اخنق الست دى او اعمل فيها اى حاجة
بس وقتها جه راجل و فعلا قال للست دى شويه كلام
ظبطها بقيت فرحانه فيها بصراحه ست فى منتهى قله الادب و الاخلاق
و الله العظيم
ضغط ايه يا جومانه اللى يخلى ام تعمل فى بنتها كدة
اه ماشى مثلا تتنرفز شويه اعصابها تخرج
لكن تضرب و تشتم بالفاظ دى
تبقى الام بقى هى اللى عاوزة تتربى
فعلا و الله الامهات دلوقتى بقوا عاوزين يتعلموا من اول و جديد
بجد انا ببقى عاوزة معرفش اعمل ايه
بس ببقى متغاة جدااااااااااا لما بشوف امهات بالشكل ده
ربنا يهديم يا رب
مشكورة يا بلبله موضوع جميل ةو واقعى جدا

فى الاول مشكوره يا ست حلويات على الموضوع المسكر ده
وبعدين بقى اخش شمال شويه واقولك رايى بصراحه
هو شويه غيره على انانيه على حقد على حشريه من الستات سورى يعنى
والسلام

متشكره ليكم كلكم على ارائكم
بس مفتكرش يا جيسى ان فى تحول ده على ما اعتقد انه غباء من بعض الامهات
انا بقى معلش مش معاكم يا حبيب اانت وجومانه لان انا درست ان الطفل شخصيته بتتبنى بعد كده على اساس اول 3 سنين من عمره يعنى كل حياته وشخصيته بيتكونو فى الفتره دى يعنى لازم يكون فى حرص شديد وكبير من كل ام على انها تهتم براحة اطفالها النفسيه وده اقل واجب عليها

وبجد معاكى حق يا نور فعلا فى امهات عاوزة تتربى هيه ولا تصلح باى شكل انها تكون ام

متشكره يا كابوكا بس معلش الحشريه واتفهمت ايه علاقت الحقد والانانيه بقى

كله داخل على بعضه يا اختى والله
بس من غير زعل
هو مش كل البنات والستات والله
بس فى فئه كبيره كده

انا بقى معلش مش معاكم يا حبيب اانت وجومانه لان انا درست ان الطفل شخصيته بتتبنى بعد كده على اساس اول 3 سنين من عمره

ياست بلبلة انا قلت فى ردى ايه ؟

ياجماعة لو حطيتم ف بالكم ان العقول بتختلف والظروف بتختلف مش هتستغربم

وكمان يابلبلة مش كل اللى بندرسه ونظرياته ممكن تتطبق ف الواقع

مش كده واللا ايـــــــــــــــــــــــــــــــــــــــــــــــــه ؟

وعايز اقولك كمان غن الام بحور وانهار حب وعطاء بس طريقة التفكير والظروف والبيئة ياناس

مش كل الامهات طبعا بالطريقة دى بس انا مصدفتش وقبلت ام كده بس والله انا رائى ان الامهات

دولت غلابة جدااا جداا بجد تعبواا معانا جامد انا اول امبارح تقريبا سمعت حوار فى التليفزيون

مابين عبلة الكحلاوى والام بتشتكى من ابنها بتقولها انا رحت ازوره فى الصباحية راح اهنى

ورمانى بره الباب والست بجد كانت بتشتكى بحرقة بجد ازاى ابنها يعمل معاها كده دى بردك امه

بتقولها بعد ماجهزته وربيته وعلمته فى الاخر يعمل معايا كده بجد انتى لو سمعتيها هتصعب عليكى

جداااااا انا مش متصورة ازاى ابن يعمل فى امه كده دى مهما كان امه

اقتباس :

يعني المفروض أساليب التربية تتطور للأحسن

دا المفرود .. وزى ما كلنا عارفين ان المفرود عند المكوجى ..ههههههههههههههه

ما علينا

اقتباس :

و لا رغبة المرأة في إنها تتساوى مع الرجل و تناطحه في الحياة العملية أثر سلبا على وظيفتها الفطرية و هي الأمومة؟؟

الحمدلله ان الكلام دا جاى من بنت مش من ولد .. وشهد شاهد من اهلها.. هههههههههههههههه

بصى يا اختى الكريمه .. هوه الموضوع دا اعتقد انه على اساس حاجتين ..
اولا : البيئة المحيطه بالانسان
ثانيا : مستوى الثقافه وليس التعليم
-----------------------
شكرااااااااااااا يا بليه ع الموضع

اسمحى لى يانور انى افتخر بيكى كاخت محترمة ومأدبة ومناقشتك بتبينك انك على مستوى عالى من العقل والحكمة وانا والله صادق فعلا فى كلامى عنك ومن حق المنتدى والافضل له انك مشرفه فيه واقسم بالله ان ده مش مدح لكن دى حقيقة حستها من مواضيعك وردودك وارجوكى مترديش على كلامى ده
وبعدين يانور معلهش انا قصدى ان مش كل اللى بنتعلمه بيتطبق لان اكتر الناس وبالذات اباء وامهات مش متعلمين ولا يعرفو حاجة عن اصول التربية علشان كده بقول لك مش كل اللى بنتعلمه بيطبق
وكفاية على كده علشان مطولش

لالا اللي بتشوفيه ده يابليله حاجات قليله فما بالك بام تقتل بنتها او ابنها
او اب بيقتل ابنه او ابن بيقتل امه او ابوه تقولي عليه ايه

صادق بجد انا بشكرك ىجدااااااااااا على كلامك حقيقى
و ما كنتش اقدر ما اردش و لو بشكر بسيط
جزاك الله خيرا يا صادق و ربنا يكرمك يا رب

عبد الرحمن انت وصلت للمرحله اللى انا و الله مش عارفه ازاااااااااااااااااااى
اب او ام يقتل ابنه او بنته او ازاااااااااااااااااااااااى ابن يعوق ابوه و امه
و يعمل فيهم اللى فعلا ما ينفعش يتعمل مع الكافر
انا مش هقول مع الغريب لا فعلا ما ينفعش يتعمل مع الكافر

احنا وصلنا لعلاقه انا مش عارفه اطلق عليها لفظ ايه
بس ربنا يرحمنا برحمته و يهدينا و يهدى جميع المسلمين يا رب

مشكورة طبعا دى ااقل كلمة على الموضوع الرائع دة

ليس لنا الا الترحم على هذه المواضيع الجميله..ونطلب من الله عوده الناس

الحلوه دى تانى..بس انا هشكر مين دلوقتى..

عموما بشكرك حتى لو موصلكيش الرد