منتدى جامعة الأزهر
هذه الرسالة تفيد بأنك غير مسجل بالمنتدى تفضل بالدخول على اشتراكك ان كنت عضو لدينا او قم بالنقر على زر التسجيل لتصبح عضو معنا
منتدى جامعة الأزهر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى خاص بجامعة الازهر للتعليم والدراسه من خلاله
 
الرئيسيةالتسجيلدخول

 

 حوار بين صحفى و؟ ادخل وشوف

اذهب الى الأسفل 
كاتب الموضوعرسالة
د.هانى
أزهري فعال جدا
أزهري  فعال جدا


عدد المساهمات : 255
تاريخ التسجيل : 09/08/2007
العمر : 31
الموقع : www.raddadi.com

حوار بين صحفى و؟ ادخل وشوف Empty
مُساهمةموضوع: حوار بين صحفى و؟ ادخل وشوف   حوار بين صحفى و؟ ادخل وشوف Emptyالجمعة أغسطس 10, 2007 12:56 pm

س: بالأمس.. كانت شوارع القاهرة هادئة، والناس طيبون، وكل الإشارات خضراء.. ما تفسيرك؟

ج: قيل لي إن هيفاء وهبي كانت تغني في الساحل الشمالي.. وقيل لي إنها ذكري ثورة يوليو.. مش عارف والله يا باشا!

س: بالمناسبة.. هل أنت هيفاوي أم نانساوي؟

ج: إليساوي يا باشا.. إليساوي من الصدر إلي سمانة القدم.

س: وكيف احتفلت بذكري ثورة يوليو؟

ج: نمت علي أغنية «لو تعرفوا».. وفي حضني صورة الرئيس مبارك.

س: اشمعني؟

ج: لأن الرئيس مبارك آخر ما بقي من الثورة.

س: لو استيقظت ـ وربنا يكفينا شر يقظتك ـ ووجدت الأستاذ جمال مبارك رئيسا لمصر.. تعمل إيه؟

ج: ولا حاجة يا باشا.. بس خلصونا.

س: خلصت روحك!

ج: خلصت من زمان يا باشا.. لكنكم لا تريدون دفن الجثة. إلا صحيح يا باشا.. مش عايزين تدفنوها ليه؟.. ده حتي إكرام الميت دفنه! أقولك.. ولعوا فيها وحطوا رمادها في برطمانات واكتبوا علي كل برطمان: «إذا الشعب يوما أراد الحياة..» بلاش: حطوها في عبارة وغرقوها. حطوها في قطر ودخلوه في بنزينة وولعوا سجاير وانبسطوا.. اخلصوا يا باشا قبل الريحة ما تطلع وتتخنقوا.

س: وله.. مش عايزين نقورة.

ج: والله العظيم يا باشا ما هي نقورة.. أنا فقط اطمئنك وأعتب عليك لأنك تضع اعتبارا لـ«الشعب» أكثر من اللازم!. الشعب ده يا باشا حيالله حتة لحمة فاسدة.. إبرة مصدية.. حاجة مالهاش لازمة. إنتو بس اللي عملتوا للشعب قيمة.. مرة تقولوا «الشرطة في خدمة الشعب».. شلتوا «الشعب» وخليتوها «في خدمة سيادة القانون».. لغيتوا القانون وحطيتوا الشعب علي حجركم وخليتوها «الشرطة والشعب في خدمة الوطن».. ما «تلغوا» الوطن وتريحوا دماغكم يا باشا.

س: والله فكرة.. بتشتغل إيه يله؟

ج: صحفي.

س: عرفنا إنك زفت.. بتشتغل إيه بقي؟

ج: المفروض إني أقرفك وأعكنن عليك وأحاسبك وأفضحك لو لزم الأمر.. لكن الظاهر إن مفيش فايدة.

س: أيواااه.. اندب اندب! ما انتو يا تشتموا أسيادكم يا تندبوا وسط الجرابيع اللي فاكرين نفسهم خايفين علي البلد.

ج: إحنا خدامين اللطافة يا باشا.. يعني زينا زيكم.. إحنا الاتنين بنحافظ ع «النظام».

س: قل لي يله.. إنت متجوز؟

ج: وعندي بنتين وعربية بالقسط وألم مزمن في فقرات الرقبة.

س: وإيه رأيك في الجواز؟

ج: والله يا باشا أنا شايف إنه أحسن حاجة يخلوه «قانون جديد».. يعني عقد محدد المدة.

س: هل تمنيت شيئا لم يتحقق؟

ج: كل ما تمنيته تحقق، عدا أمنية واحدة: أن أكون فاسداً.

س: هل لديك أقوال أخري؟

ج: «هاتشي».. معلهش يا باشا.. أصل عندي برد.. وبرد الصيف أحد من السيف.. ربنا يكفيك شر الأنتي بيوتك ويكتبلك في كل خطوة «سيالس».

(وأغلق المحضر بتاريخه وتم التحفظ علي المتهم لحين صدور الحكم بإعدامه.. افتح الزنزانة يابني).
الرجوع الى أعلى الصفحة اذهب الى الأسفل
زائر
زائر



حوار بين صحفى و؟ ادخل وشوف Empty
مُساهمةموضوع: رد: حوار بين صحفى و؟ ادخل وشوف   حوار بين صحفى و؟ ادخل وشوف Emptyالجمعة أغسطس 10, 2007 3:27 pm

هههههههههههههههههههههههههههههه
جميل جدا
بالمناسبه انت مقلتلناش انت اليساوى ولا هيفاوى ؟
مشكور يا دكتور
الرجوع الى أعلى الصفحة اذهب الى الأسفل
سيبويه امين
المراقب العام
المراقب العام


عدد المساهمات : 549
تاريخ التسجيل : 09/08/2007
العمر : 35

حوار بين صحفى و؟ ادخل وشوف Empty
مُساهمةموضوع: رد: حوار بين صحفى و؟ ادخل وشوف   حوار بين صحفى و؟ ادخل وشوف Emptyالأحد أغسطس 12, 2007 10:56 am

هههههههههههههههههههههههههههههههه
الرجوع الى أعلى الصفحة اذهب الى الأسفل
د/نور
أزهري فعال جدا
أزهري  فعال جدا
د/نور

عدد المساهمات : 105
تاريخ التسجيل : 11/09/2007
العمر : 30

حوار بين صحفى و؟ ادخل وشوف Empty
مُساهمةموضوع: رد: حوار بين صحفى و؟ ادخل وشوف   حوار بين صحفى و؟ ادخل وشوف Emptyالأربعاء سبتمبر 12, 2007 3:41 pm

شر البلية ما يضحك
الرجوع الى أعلى الصفحة اذهب الى الأسفل
 
حوار بين صحفى و؟ ادخل وشوف
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى جامعة الأزهر :: المنتدى العام :: أخبار وأحداث ومقالات-
انتقل الى: