الحب على النت

انا هاجاوبك يا بوسى :-

كلام فارغ لية واللة دة حصل لناس كتير وفى النهاية اتجوز منها
وكمان انا اعرف ناس كتير اتجوزت من على النت بس طبعا فية فترة خطوبة كلامنهما بيعرف سلوك واخلاق التانى ويقرر معا للزواج والا فلا

وتفتكر ان الجواز عن الطريقه دى هاينجح ويستمر .. مااعتقدش

هاقولك على حاجه بسيطه خالص .. اقل حاجه هايتولد بينهم الشك
يعنى مثلا انت ايه اللى يأكدلك انها ماكنتش بتخدعك وبتكلم شباب تانيين من ع النت او العكس بالنسبه للبنت .؟!

واللة عندك حق فيما قال يا نور وكمان لازم يكونوا عارفين بعض قبل كدا
بس ارى انة هيكون زواج محكوم علية بالفشل

السلام عليكم ورحمة الله وبركاتة يا جماعة الحب على النت ليس لة وجود النهاردة تكلمك بنت وتسالها اسمك اية تقلى منى وتكتشف بعد فترة انها ولد مش بنت وان وجدت البنت تلاقى الولد يفتح الكاميرا ويوريها اشياء قبيحة على العموم الحب على النت حب فاشل

ميرسيه على ردك يا سالى يا عسل

انا ليه راي ياجماعه اللي بيحب من خلال الانترنت
ياريت برضو يكمل المسيره على الانترنت
ويتجوزها من على الانترنت
ويخلفو من على الانترنت
ويربو عيالهم من على الانترنت
فاذا كان الحب ينفع من على الانترنت
يبقى برضو ينفع يتزوجو ويخلفو وكمان يربو عيالهم من على الانترنت
اللي معارضني ياريت يتفضل

بالنسبة للحب على النت فانا اؤكدلك ان فى
ومن الممكن انه يكون فى صدق فى هذا الحب او ماشابه
ولكن الاغلب انه بيكون مجرد تضييع للوقت وللتسلية مش اكتر ولااقل
النت بيتيح للناس انهم يعملوا اى حاجة هما عاوزينها
ويديهم مساحة جراة قد لاتكون متوفرة فيهم
يعنى الشاب ممكن يستخدم النت لتحقيق شئ يعجز عن تحقيقه فى عالم الواقع

يعنى الشاب يقوللك اهو حاجة نتسلى بيها والبنت بطبيعتها المايلة الى الرومانسية مابتصدق ان الولد يقولها كلمة حلوة
وممكن الشاب يكون قااااااال الكلام الحلو ده لتمانين واحدة قبلها

وممكن برده يكون فى حالات صادقة بس غالبا ستنتهى بالفشل نتيجة للشك كما قال الاخوة الذين علقوا على الموضوع

موضوع جميل وهو بيناقش احدى سلوكيات الشباب على النت
وانهم بيحاولوا يعيشوا شخصيات مش شخصياتهم
اسف انى طولت عليكم

من ضمن برده القصص الغريبة المتعلقة بهذا الموضوع
ان واحد كلم واحدة على الايميل وعلطول قالها انا بحبك من اول buzz
وبعدين لما اتقابلوا لقاها اخته

ياااااه اخته
مش معقول
دا زمانه اتجنن اكيد
والله يا جماعه انا راييى فى الحكايه بسيط ومحدد وفعال ومتمدد واكيد
لايوجد شىء اسمه الحب على النت ولكن يوجد التسليه على النت
ولكن انبه الى انه توجد بعض الحالات النادره جداااااااااااا جداااااااااا يحدث فيها حب وزواج ولكن بعد مرور سنتان او ثلاثه من الشات على النت
هذا والله الموفق
هههههههههه

بصى يا بوسى كل شئ يحتمل الصواب والخطأ
بس الموضوع ده اعتقد انه خطأ مليون فى المية
لان اصل الحاجة اللى بتبدا غلط ما اظنش انها ممكن تعرف طريق الصح ابدا

ممكن يكون فيه حب ع النت بس لو كان فيه صدق وتفاهم واخلاص

اكيد طبعا الحب موجود فى كل مكان بس اهم حاجة التواصل والتفاهم والصدق والاخلاص
وطبعا اللى مكتوب مكتوب وكل شىء قسمة ونصيب

بوسى كتب:

فى موضوع يا جماعه كتر اوى اليومين دول مش عارفه ايه السبب

السبب واضح ومعلوم يا بوسى وهوا ان احنا ابتعدنا عن ديننا ولم نراعى الله فى حياتنا
فهل يجوز اصلا ان بنت تكلم ولد فيما يسمى بالشات؟؟
طبعا لاء لان ذلك تكرهه النفوس الشريفه العفيفه الطاهره
وشكرا ليك يا بوسى على طرح مثل هذا الموضوع فهو فى غايه الاهميه

فعلا ممكن يكون هوه ده السبب

ياجماعة فيه فرق بين الحب والمحبوب
الحب موجود بكل وسيلة وبكل طريقة
بس فين المحبوب اللى يستاهل ؟

عندك حق يا مجهول

لاء يا جومانة
معلش
انا مش معاكى
لية ما كتير اولاد اتجوزت بالفعل
طيب وانا لما اخد على عهد على نفسى واشرح للبنت ظروفى واقولها انى هاتقدم ليكى بعد ما اخلص دراسة مثلا دة غلط
هو الموضوع تعارف واخوة لغاية مالحب ياتى وطبعا اى بنت لازم تعرف اهلها
وكذلك الولد
وكلنا لينا اخوات بنات ولازم نراعى دة
وكلة سلف ودين

ايه ؟؟؟؟؟؟؟؟؟؟؟؟؟؟؟؟؟

((هو الموضوع تعارف واخوة لغاية مالحب ياتى وطبعا اى بنت لازم تعرف اهلها
وكذلك الولد
وكلنا لينا اخوات بنات ولازم نراعى دة))

معنى كدا انك موافق ان اختك تكلم ولد على النت؟؟؟

جاوبنى