رسالة*شارك شباب الخير*

السلام عليكم ورحمة الله وبركاته
اخوانى الاعزاء
عايزة اكلمكم فى موضوع مهم
انت يا شاب ياللى لسه فاضى مش وراك ولا شغل ولا مسئوليات
وانتى يا فتاة ياللى برضوه فاضية مش وراكى حاجة
انتو فكرتو ازاى تشغلو وقتكم؟
ايه رايكم تشغلو وقتكم وتسعدو محتاجين وتخدو ثواب وفى نفس الوقت تحسو بمتعة؟
جمعية رسالة للاعمال الخيرية هى الحل
جمعية جميلة تخليك تحس انك بتعمل حاجة فى دنيتك بدل الاكل والشرب والنوم
فيها كل حاجة
انا عن نفسى هحكيلكوانا بعمل ايه فى الفرع بتاعى
مبدئيا انا مدير لجنة الورشة الفنية
غير كده عندنا انشطة كتير
عندنا لجنة الزيارات كل يوم جمعة بنروح دار ايتام نلعب مع الايتام ونحاول نفرحهم شوية واكيد انت عارف ده لوحدها ثوابها قد ايه
عندنا كمان لجنة المعارض بنجمع الملابس المستعملة وتصفية المحلات والشركات ونعملهم معرض فى المناطق العشوائية ونبعهم بسعر لا يذكر(يعنى القميص الرجالى 2جنيه وحاجات زى كده)
عندنا كمان لجنة البحث والمساعدة بيقوم شباب الخير بعمل بحث عن الناس الفقراء اللى يستهلة المساعدة بنقوم بصرف مرتب شهرة وشنطة شهرية فيها كل التموين اللازم وكمان وجبة غدا يوميا
عندنا فصول محو الامية وكمان فصول تقوية مجانية وكل ده مجانا ولما الطلبه ينجحو فى المدارس بنعملهم حفلة ونكرمهم
بنعمل ندوات توعية
بنعمل قوافل طبية بالاتفاق مع اكبر المستشفيات وبيكون الكشف والعلاج مجانا حتى العمليات الجراحية
بنساعد الصم والبكم
بنعمل دورات كمبيوتر
وبنعمل حاجات كتير جدا
ربنا عالم انا مقصدتش من كده الرياء
لا والله انا قصدى ان اخوانى يعملو زيى ويبقو شباب الخير وربنا يوفقكم
على فكرة رساة 32 فرع على مستوى الجمهورية
وانا تحت امركم واستفسارتكم بخصوص الموضوع ده
اختكم
عاشقة رسالة

مشكوره على الموضوع
وبجد انا هحاول اشوف فرع الجمعيه الى هنا

لا شكر على واجب يا كابوكا ولو عايز عنوان اقرب فرع ليك قولى اسم المنطقة اللى انت ساكن فيها وانا اجبهولك

بصراحه لولا الثانويه العامه كنت اشتركت بس خليها بعد الثانويه

انا كمان يا بوسى كنت مئجلاها لبعد الثانوية واشتركت بعد الامتحانات ب3ايام

ايه يا جماعة هو الموضوع مش عاجبكو ولا ايه

الموضوع جميل يا سمسم
وانا عايزة اقرب فرع للمنطقة بتاعتى
هابعتلك على الخاص

يا سمسم الموضوع بتاعك ده جميل جدا وانا علىفكرة متطوعة فى جمعية رسالة فرع العاشر من رمضانوبجد هناك بنشتغل بجد لنساعد الناس المحتاجة وانتى بجد موضوعك جميل جدا

ربنا يكرم الجميع

انا نفسى اشارك فى الحاجات دى لانى بحب فعل الخير جدا وبكون فرحان لما اقدر افرح او اسعد اى حد

حاجة جميلة يا فولكانو ورسالة مستنية شباب الخير يلا روح
خلى بالك رمضان داخل يعنى الحق اكسب ثواب شنط رمضان ولو عايز تفاصيل انا تحت امرك

يلا يا جماعة احنا بنجهز دلوقت شنط رمضان يلا الحقو ياريت تشوفو اقرب فرع ليكو وتروحو
ساعد فى الشنطة او فى فطار صائم
ربنا يوفقكم

ياريت التفاصيل يا سمسمة

شوف يا عم
زى ما قلت قبل كده ان جمعية رسالة الخيرية 32 فرع على مستوى الجمهورية
انت هتروح هتمضى استمارة تطوع فيها الاسم العنوان رقم التليفون ونوع النشاط اللى عايز تشارك فيه
مفيش عليك اى التزمات انت هتروح براحتك وتعمل اللى عايز تعمله من تحكمات
هيعرفوك على الانشطة بتاعتهم
1-لجنة المعارض:ودى مسئولة عن معارض دعاية لرسالة ومعارض الملابس المستعملة
2-لجنة الزيارات:وده مسئولة عن زيارات دور الايتام والمستشفيات
3-لجنة الدعاة:وهى المسئولة عن الدعاية الخاصة لرسالة
4_لجنة الابحاث:وهى المسئولة عن البحث عن الفقراء والحالات التى تحتاج مساعدة من رسالة
5-الورشة الفنية:وهى تعمل على انتاج اعمال ومشغولات فنية تباع ويكون دخلها لصالح الايتام وذوى الاحتياجات الخاصة
فى حاجات كتير مش هينفع تتحكى كده لازم تروح وتشوف بنفسك
فى شنط شهريةفيها كل ما تحتاجة الاسرة من تموين
وخد بالك اليومين دول بنجهز شنط رمضان
رسالة كل سنة تشارك فى افطار اكتر من 000 100 صائم واكتر من 000 50 شنطة رمضانية
ولو عايز تعرف اكتر
www.resala.org
وبرضه لو عايز تعرف اى حاجة تانى وا عنوان اقرب فرع ليك انا تحت امرك

مشكورة يا سمسمة وربنا يعينك على فعل الخيرات انا اولا مش هينفع يكون فى رمضان لانى حاليا فى المنصورة وبعد كدة هسافر القاهرة لظروف الدراسة بعد كدة هحاول اظبط امورى واشوف اقرب فرع ليا ويارت تدينى العنوان
وبجد كل الشكر ليكى لانك تستحقية

لا شكر على واجب يا فولكانو
وربنا يوفقك

رمضان داخل كل سنة وانتم طيبين يلا يا جماعة مين هيقرر ويبقى رسلاوى

كل سنو وانتى طيبة يا سمسمة

كل سنة وانتى طيبة يا سمسمة

وانت طيب يا فولكانو

سمسم لية ما نقمش كلنا بعمل جماعى

مع بعض

وكل سنة وانى طيبة يا سمسمة

يا ريت يا اسلام وانا موافق

وانا كمان موافقة بس محتاجين حد يخطط
وكل سنة وانت طيب يا اسلام