بسم الله الرحمن الرحيم
السلام عليكم ورحمه الله وبركاته
انهارده وانا فى الفرح شوفت البت الى كانت طخينه دى كانت شكلها وحش
ولا البت الى كانت لابسه احمر كانت رخمه
ولا طنط الى قاعدت تبصلى اصلا عنيها وحشه اووى
وعلى فكرة عارفه صحبتى دى امورة بس مراخيرها طويله شويه
على فكرة شوفتى الست دى رغاايه جدااااااااااااا
على فكرة شوفتى قالت ايه؟؟ وعملت ايه؟وراحت فين ؟وجت منين
عـلــى فـكــــرة
كدا حرام ومش هينفع
اغلبيه الناس مش هقول كلهوم نص يومهوم مقضيينوا فى دى عملت ودى ساوت ودى حصل منها كذا ودى شكلها حلو ودى شكلها وحش ودى رفيعه ودى طخينه
غيبه..,.. نميمه..,.. بنغلط فى خلقه ربنا..,..تضيع وقت فى كلام فارغ
بجد انا لحظت فعلا كدا معظم الناس وبالذات الستات
نص اليوم على كلامهوم دة
لاما فى تليفونات لاما وهى عند جارتها او قريبها لاما بكذا طريقه
ونسينا ان دى غيبه ونميمه
ونسينا ان حرام هنتحاسب حساب على كل ده
انا كمان اكيد بعمل كدا بس بجد لازم نعود لسنا اننا مش نجيب فى سيرة حد ولا نغلط فى حدولا فى خلقه حد
انا كنت بسمع من كام يوم كدا عمر عبد الكافى وقال حاجة جميله اوووووووووووووى فى وسط الموضوع بتاعه
قال ان ممكن تكون بتعيب على فلان يقوم ربنا يشفى من الحاجة الى كنت بتعيب عليه فيها ويبتليك انت بيهايعنى مثلا قولت الانسانه دى رغايه جداا سبحان الله ربنا ممكن يخليها تبئى كويسه ومتبأش رغايه وفجأه تلاقى نفسك انت الى بئيت رغاى والناس بيقولوا عليك رغاى
خدوا بالكوا بئى ومش تتريقوا على حد
ولا تجيبوا فى سيره حد
يالا كلنا نستغفر عن كل حد جبنا فى سيرته وربنا يغفرلنا ويسمحنا
يارب اكون وصلتلكوا المعلومه بطريقه جميله
الخميس أغسطس 23, 2007 6:24 pm
