وبعد طوووووووول عناء...

السلام عليكم ورحمة الله وبركاته...
أخيرا..وبعد عام كامل من التعب والجهد والمذاكرة...والسهر...

توالت الآيام والليالى...ولطولها..ظننت أنه لن يأتى اليوم الذى ينتهى فيه هذا العام...ولكنه جاء ولكن بعد..................................
وصدق من قال..ما من أول إلا ويتلوه آخر...
والآن...عدنا من جديد لنكمل معكم مشوار الفكر والإبداع...
ولنسمو سويا نحو القمة بإذن الله...

كما اسأل الله العلى القدير أن يوفق جميع زملائى وزميلاتى طلبة الشهادة الثانوية..
وأن يكلل أعمالنا جميعا بالفلاح والنجاح...
وأن يحقق لنا جميعا ما نصبو إليه...

وتقبلونى أختا لكم من جديد..
والسلام عليكم ورحمة الله وبركاته...

.

زائر

جزاكى الله خيرا كثيرا
ومبارك على انتهاء الامتحانات على امل المجموع العالى ان شاء الله

ارجو من سيادتكم زياره المنتدى الجديد الذى سيتم نقل المنتدى الفكر والابداع اليه
www.arabstep.com

شكرا وبالتوفيق

عوداً حميداً أختى راية الإسلام. وبإذن الله حضرتك تبقى التانية على الجمهورية السنة دى.
أنا آسف بس أنا حاجز الأول على الجمهورية لحد تانى.
وأنا يعنى بقول كفاية عليا أجيب كلية حلوة. يعنى لو طمعت شوية أبقا العاشر على الجمهورية أو العاشر على المحافظة.

وبإذن الله ربنا يوفق كل اللى فى الثانوية.

ومبروك الأجازة. مع إن المذاكرة وحشتنى. من امبارح لغايت النهاردة ما ذاكرتش.

ويارب تكون أجازة سعيدة على حضرتك وتبقى أحسن أجازة فى حياتك. اللهم آمين

السلام عليكم

هاجر والله وحشتنى جدا

والله ياجماعه هاجر هيه اللى كانت مخففه عنى الامتحانات
اينعم كنا بنحط همنا على بعض ونقعد ندعى على اللى حاطط الامتحانات
بس والله فى الاخر كنا بنقلبها ضحك ههههههههههههه

حمدالله على السلامه يا محمد
بتقول يا محمد وحشتك المزاكره طب خلاص احنا فيها يلا قوم زاكر تانى
حرام عليك ده انا بجد مش مصدقه انى خلاص خلصت
بجد حاسه بافرااااااااج
الحمدلله

amina كتب:: حمدالله على السلامه يا محمد
بتقول يا محمد وحشتك المزاكره طب خلاص احنا فيها يلا قوم زاكر تانى
حرام عليك ده انا بجد مش مصدقه انى خلاص خلصت
بجد حاسه بافرااااااااج
الحمدلله

الله يسلمك أختى أمينة.
وأنا والله وحشتنى المذاكرة. وصحيح كتبت الرد اللى فات وقمت صحيح أدور على حاجة أذاكرها والحمد لله لقيت. قلت أقدم فى معهد إعداد الدعاة.
وربنا وفقنى وعرفت إن فى دورة لمدة شهر وبعدها تمتحن. لو نجحت فى الامتحان تعفيك من السنة التمهيدية للمعهد. وهتبدأ الدورة من يوم
22/6/2008. وكان فى اعلان عن كده.
قلت كده تمام. وبعدين ركزت شوية ايه ده؟ دا هتبدأ النهاردة.
بصيت فى الورقة لقيتها هتبدأ صحيح فى نفس اليوم من صلاة العصر حتى صلاة العشاء. بصيت فى الساعة لقيت فاضل على صلاة العصر نص ساعة.
بصيت فى الورقة لقيت ان المكان جنب المعهد بتاعى. دا الموصلات بتاخد نص ساعة. طب الحق بقا. طلعت جرى لبست وقلت لمامتى أنا رايح أبو حماد اللى هى المدينة اللى جنبنا. قالت ليه دا أنت لسه راجع من هناك دلوقتى من امتحان المستوى. مش هترتاح شوية. قلتلها : لأ أنا عاوز ألحق الدورة. قالتلى دورة ايه؟ قلتلها الورقة اهيه. وأنا ماشى عاوز حاجة منى. قالت: لأ ربنا يسهلك ويبارك فيك. معاك فلوس. قلتلها آه.
وبعد لما ركبت العربية. قلت لنفسى هو أنا رايح فين؟ هو مش لازم بيقدموا قبلها الدورة دى. لقيت مع اللى جنبى اعلان عن الدورة دى.
بصيت لقيت مكتوب آخر معاد لتقديم الأسماء يوم 16/6/2008.
ساعتها زعلت خالص. وبعدين قلت لنفسى: هى فى الجامع أنا هاروح وأحضر وخلاص. مش مهم اسمى ينكتب.
رحت هناك وربنا سهلها والشيخ اللى كان بيدرس يومها ارتاح لى خالص. وبعد الدرس جه سلم عليا واتعرف عليا. قلتله : أنا عاوز أقدم وأنا كنت فى امتحانات وكده. خدنى ورحت قدمت. قالى بس تذاكر علشان هسألك. قلتله هذاكر.
وخدت أول يوم كان فى كتاب منهاج المسلم. ورحت النهاردة خدت تانى يوم كان لغة عربية. وربنا يسهل.
أصل أنا عارف لو مش شغلت نفسى هتبقى أجازة مملة.
وبعدين أنا قلقان جداً من النتيجة فبحاول أشغل نفسى بأى حاجة.

وربنا يكرمنا كلنا. وعاوزين بقا مجاميع.

مشكور أخى كابوكا على الرد..
وبإذن الله سأزور المنتدى الجديد....

وشكرا للدعوة...
جزاك الله خيرا....

أشكرك أخى سيف على ردك المتميز دائما....
لكن عايزة أعرف المركز الول حجزته لمين؟؟؟؟

ثانيا...اطمن..شكلها لا فيها مركز تانى ولا عاشر..
ربنا يستر اهم حاجة...

وفقك الله أخى ورعاك..ومن كل سوء حماك...

وإجازة سعيدة إن شاء الله تظلها طاعة الرحمن

...

أميييييييييييييييييييـنـة.....
كيف الحال....؟؟
وإيه أخبار الإجازة...
أكيد المذاكرة وحشتك....
الحمد لله إن السنه العجيبة دى عدت بالسلامة...

ربنا يتمم فرحتنا جميعا بالمجاميع العالية...
إنه ولى ذلك....

وطبعا..متشكرة مووووت على ردك....الرائع....

بالتوفيق للجميع