ها عندكوا افكار ولا..؟!!

يا اجمد شباب وارق بنات في الدنيا.....
طبعا انتوا عارفين ان الجمعه الجايه هتكون يوم اليتيم...
يا جماعه انا عاوزه فكره جديده اعملها مع الايتام السنه دي
يعني مش بس نديهم حلويات وشيكولاتات ونلعب معاهم
أي نعم هم بيفرحوا وبيضحكوا وضحكتهمدي بتملي قلبي سعاده
بس مش بحس اني اديتهوم كل اللي مفروض اديهولهم
انا عاوزه حاجه تنفعهم في مستقبلهم
عاوزه حاجه احس بيها فعلا اني هنفعهم مش بس الكام ساعه اللي هقعدهم معاهم
لا..................
هتنفعهم حتي بعد ما أمشي واسيبهم
ها يا شباب ويا بنات............
قولولي الافكار
انا واثقه ان في هنا عقول مبدعه ومبتكره
واكيد هلاقي افكار جامده مووووووووووووووووت
يلا بئي متترددوش حتي لو الفكره بسيطه قولولي عليها
(عاشقه السلام ســـــــــــــــــــــــــــــاره)

ممكن نشترى ليهم لبس
وطبعا هيستفادوا بيه
وكل لما يلبسوه هيفتكروكى
ممكن نعمل مشروع مفيد ليهم بجمع تبرعات
مثلا نعمل لهم مركز تحفيظ قران اوى اى مشروع
بجد ياريت فكرتى تعجبك يا سارة يا روح قلبى

يااااااااااه
والله فكره هايله يا نورهان
اما بالنسبه لدار التحفيظ فدي بتكون موجوده اصلا في دور الايتام
مشكوووووووووووووره يا روح قلبي انتي

بصى احسن حاجه التواصل معاهم
يعنى ميبقاش تروحيلهم فى يوم واحد
حسسيهم انك معاهم على طول
ودورى على الايتام اللى مش موجودين فى دار الايتام
لان حالتهم بتكون اصعب
والناس مش بتعرف توصلهم فانتى بكده تكونى عملتى اللى حاجه مش كل الناس بتعملها فتتميزى عند ربنا
وبنا يكرمك يارب ويرزقك الاخلاص

يااااااااه
مشكور يا طارق علي مرورك
وبجد عندك حق
في ايتام كتير مش موجودين في دور الايتام
وبجد بيكونوا محتاجين رعايه
مشكور مره تانيه

العفو
بس انتى بتروحى اليوم ده انه جمعيه اللى بيروحها الفنانين وكده ؟؟

مش فاهمه
قصدك جمعيه ايه

انا اعرف ان الفنانين بيحتفلو باليوم ده معاهم وبيودلهم حاجات
انتى برده بتروحى معاهم

لا انا مش بروح مع الفنانين
انا بروح انا واصحابي
او اقاربي
شكرا للاهتمام يا طارق

بصى يا سارة مهما كانت الهدايا والحاجات دى بردك اهم حاجة والله وانا لاحظتها فى دار الايتام لانى خدمة اجتماعية وبانزل تدريب ميدانى دار ايتام وسجون وملاجىء اطفال ودار احداث وغيرها
بس الايتام عاوز اللى يقرب منه يكون صاحبه يعطف عليه بالحب والاهتمام والرعاية بصرف النظر عن الهدايا والحاجات دى
بصى انتى تروحى وتقعدى معاهم وتحاولى ترسمى الابتسامة على وجوه هذه الاطفال اما عن فكرتى فهى مثلا تكون هى والله اهم حاجة الحب والحنان اللى بجد هيقرب الاطفال دول منك
طب ماهو كتير بيجيب هدايا وفلوس وملابس
اهم حاجة ترفعى الروح المعنوية عند الاطفال
ربنا يوفقك وتقدرى تساعدى هؤلاء الاطفال بقدر المستطاع

عندك حق يامحمد
انا رحت انهارده
وبجد رجعت وانا حاسه اني قلبي مفتوح للدنيا كلها
دول شويه اطفال يا اخي بياخدوا العقل
كانوا بيعملوا بروفه علي فقره هيقدموها في حفله يوم اليتيم
مش هقدر اوصف طريقه القائهم.....
ولا نظراتهم.......
انا مكنتش عاوزه امشي والله لولا الدروس كنت فضلت قاعده معاهم طول اليوم
مشكوووووووووووور لمرورك يا محمد

ربنا معاكى وفى الخير دايما يا سارة

بجد عندك حق يا احمد
مفروض مش يوم وخلاص
وفعلا لازم نحسسهم انهم عاديين
تعرف انا اتصاحبت علي اطفال كتير
وبعتبرهم كلهم اخواتي
وبعدين بئي انشاء الله مين اللي مواضيعه روعه يا استاذ
مشكوووووووووور عالمرور يا احمد

على فكره ممكن محبيه اليتم تبقى من كلمه لو قلتهاله يتعلق بيكى او لمسه حنان طاهره تفرحه بالدنيا
او كلمه صادقه
وبعدين كل حاجه فانيه لبس او اكل لهم
وصدق حبيى المصطفى
(انا وكافل اليتيم كهاتين فى الجنه واشار باصبعه السبابه والوسطى)
وده اكيد اجمل شىء
بس هنقول لمين محدش هيكفل حد الا من رحم ربى
ممكن اقول ان احنا لو حطينا ايدينا مع بعض وافتتحنا لهم
منتزه ترفيهى
ويكون فيه رجال ونساء ويحسسوهم بالامومه وبالحنان
او كل اسره فى مصر تيجى تقضى معاهم يوم وصت اولاده ومع الايتام وبيتهيقلى ده احسن حاجه تحسسهم بالامان
مشكوره وربنا يوفقق
اتمنالك التوفيق من صميم قلبى