اقتراح بسيط

بصى انا شايف نوع المواضيع المحطوطه فيه ان اسمه اقل شويه فى المعنى
وشايف الاسم التانى حيساعد اكتر فى انه يلفت النظر
شغلى بقى اجذب الناس للمنتدى بتاعى هههههههه

بجد انتى مش شايفه ان فى فرق خالص
عادى اختارى التصويت اللى يريحك

طارق لاحظ إنك في منتدي أزهري الغرض منو إستفادة أكتر من لعب وتسلية وأظن إن المدير عبدالرحمن إختار الأسم المناسب للقسم ورعا فية كل الإحتمالات يعني معانا في المنتدي مشايخ أمثال الأخ أحمد ساهر والأسلام هو الحل وغيرهم وكمان بيدخل زوار للمنتدي أية رأيك يشوف قسم إستراحة ولا الاسم اللي بتقول علية أنا بقول إستراحة أحسن

sarahbosy كتب:

اهاااااااااااااااااا

قولتلى بقى

لا فى دى حقك محدش يكلم

لالالالالالالالا بعد كده هنلاقى الاعضاء كلهم فى قسم التسليه والفكاهه ده



وبعدين بقى ياطارق دخلت جامد أوى بس لو انت شايف ان ده هيكون افضل فبالنسبالى مش هتفرق يعنى

خلوها تسليه وفكاهه



عايزنى ااكتبلك بيتين شعر فى الاقسام بتاعاتك

ههههههههه



جزاك الله خير ياطارق

ومبروووووووووووووك على الاشراف والنشاط الواضح

نورتى يا ساره واعتقد انك مش فارق معاكى يعنى الاختيار التالت فى التصويت


وياريت فى شعر كده من نحيتك
انا عجبنى جدا اللى انتى كنتى عاملاه


والله يبارك فيكى مفيش حد نشيط زييك

El_king كتب:

طارق لاحظ إنك في منتدي أزهري الغرض منو إستفادة أكتر من لعب وتسلية وأظن إن المدير عبدالرحمن إختار الأسم المناسب للقسم ورعا فية كل الإحتمالات يعني معانا في المنتدي مشايخ أمثال الأخ أحمد ساهر والأسلام هو الحل وغيرهم وكمان بيدخل زوار للمنتدي أية رأيك يشوف قسم إستراحة ولا الاسم اللي بتقول علية أنا بقول إستراحة أحسن

بص يا رامى احنا المفروض ناخد بالاغلبيه
مع احترامى للانت قولت عليهم على راسى
بس مفيش مانع من التسليه مع الاستفاده
مش وجود ناس معينه يكون سبب فى ان الناس تبقى مجبره على حاجه
وبعدين يارامى فى عيب بقى فى الازهر من يومه
بص يا سيدى احنا الرحلات اللى كنا بنطلعها من واحنا فى الابتدائى الى الثانوى
اللى هيا الترفيه بتاعنا كانت اغلبها للمتاحف وقاعات
ونادرا الاهرامات واشياء ثقافيه وعلميه
عمرنا حتى مطلعنا رحله لمدينه ترفيهيه مدينه العاب
مع انى شايف ان مفيش مانع
لما جيت مسكت الاتحاد بكلم مسؤل المحافظه اننا نعمل حاجه زى كده
يقولى ازاى ازهرى ويروح مكان ترفيهى ولعب
احنا الرحلات لازم تكون مفيده (واتحداك ان الطلبه بتبقى مخنوقه وزهقانه من البرنامج بتاع الرحله ) يعنى معلش احنا عندنا كم دراسه اكتر من التربيه والتعليم فحتى الرحلات حرام علينا يبقى فيها ترفيه على عكس التربيه والتعليم بيعملو رحلات بتبقى احسن من عندنا على الاقل بتبقى ترفيه بجد
واحنا مناخد من الغرب حاجات كتير موضه وغيره
طب متبص عليهم لما بياخدو اجازه او بيرفهو ازاى
ناس بتعرف تدرس صح وتتعلم صح وترفه صح
معلش انا طولت بس انا غرضى اننا احنا اتربينا على كده
فبقى بالنسبه لنا هو ده الصح الافاده بس التعليم بس
ازاى ازهرى يروح مكان ترفيهى فى لعب ومرح
حتى برده المنتديات طب مانت بتدرس فى الجامعه وعندك المكتبه
وبتعمل ابحاث من على النت
فيها ايه لو جنب كل ده بقى فيه ترفيه وفكاهه
مش عارف انا اللى مزعلنى انها بقت عيب او حاجه ممنوعه
وفى الاخر انا بردو بحترم اى وجه نظر وعادى لو فضل المنتدى
زى مهو انتو احرار

اوك يا كينج بس اسم تسليه وفكاهه اشمل من استراحه
ولا ايه يا شباب

طبعا ياجماعه كل واحد بص من ناحيته هو بس
لكن منظرش لصالح المنتتدى لكن طبعا
استراحه تضم معاني كتيرة جدا اما اذا قولنا فكاهه ولا لعب وتسليه يبقى احنا اخرجنا اساس القسم
ثم اقتراحك ياطارق على راسي بس
للاسف مينفعش يكون تصويت لان اقتراحك بتقترحه علي وانا اشوف هل هينفع ولالا مش تصويت خالص لان ممكن التصويت
يرجح عكس مصلحة المنتدى ومظنش حد هيكون قلبه على المنتدى اكتر مني
وافتكر اني لما اخترت اسماء الاقسام اكتر قسم فكرت فيه هو استراحه واظن انه اشمل ويحتوي على معاني كثيرة جدا في نفس معنى القسم
ولا ايه رايكم ياجماعه

أية يامصرى انتا اللى شكك مشحون
طارق طلب المشركة فى الموضوع كل واحد من حقو
يعبر عن رأية وفى الاول والاخر القرار للمدير

أكيد طبعا ً يا رامى

الرأى للإدارة

عادى يا جماعه
انا قولت فى الاول ان الراى ليكو وللمدير طبعا
انا كنت بس عايز اعمل تواصل بين المشرفين
وياريت يبقى فيه حاجه اسمها منتدى للمشرفين زى
المنتديات التانيه
بيعمل تواصل اكتر بينهم وبين بعض وبين الاداره
وبيبقى المشرفين بس هما اللى بيشوفوه