| شعللها شعللها.. ولعها ولعها! | |
|
|
كاتب الموضوع | رسالة |
---|
د.هانى أزهري فعال جدا
عدد المساهمات : 255 تاريخ التسجيل : 09/08/2007 العمر : 35 الموقع : www.raddadi.com
| موضوع: شعللها شعللها.. ولعها ولعها! السبت أغسطس 18, 2007 12:57 am | |
| حارة مصرية/ نهار داخلي وخارجي
بعد أن قامت "أم ممدوح" بمسح كل بلاط الشقة، تمسك الجردل الممتلئ بالمياه "اللي مش ولابد" ثم تتجه نحو البلكونة وهي تتحرك في بطء شديد بفعل وزنها الثقيل قبل أن تصل إلى سور البلكونة وهي "تنهج" بشدة ثم ترفع الجردل وتلقي بكل ما فيه من أعلى "تششششششششششش" بالضبط فوق رأس الأستاذ "عبد الحميد" الذي كان خارجا للتو مرتديا بذلته الوحيدة النظيفة الأنيقة متجها إلى عمله..
يصرخ "عبد الحميد": يارب.. أستغفر الله العظيم.. ليه بس كده يا ست.
"أم ممدوح" وقد تدلى نصف جسدها السمين خارج سور البلكونة حتى تكاد تسقط منه: غصب عني والله يا أستاذ "عبد الحميد".. ماخدتش بالي.
يظهر فجأة في الكادر "حسونة" القهوجي الذي يدخل في الحوار لتهدئة النفوس: ماخدتيش بالك إزاي يعني.. مش تبصي قبل ما تحدفي الميه الغريبة دي.. وبعدين أستاذ "عبد الحميد" يروح شغله إزاي دلوقت؟!
عبد الحميد: خلاص يا "حسونة" أمري لله أطلع ألبس الجلابية وأقولهم إني لسه جاي من الحجاز حالا!
يتدخل"حسانين" البقال في الحوار.. برضه عشان يهدي النفوس: جلابية إيه بس يا أستاذ "عبد الحميد".. ده حقك.. لازم "أم ممدوح" تجيب لك بدلة جديدة.. إن ماكانش ترفع عليها قضية تعويض ورد شرف.. أمال.. دي بدلة ياناس!
يتطوع أستاذ "صابر" المحامي الذي كان سائرا بالمصادفة في الشارع واستمع إلى الحوار ليدلي بدلوه هو الآخر: أيون.. تاخد تعويض وأنا مستعد أرفع لك قضية وأجيب لك حقك في 7 سنين بس.. ولو رفضت تدفع ندخلها الأحداث.. دي جناية.. دي شبهة جريمة قتل.. افرض الميه كان فيها حشرات ضارة ولا بكتيريا "يرسينيابيستيس" اللي بتجيب الجمرة الخبيثة.. تموت كده في "جردل"!
يخرج د."بركات" بالبالطو الأبيض من صيدليته العتيقة ذات الأبواب الخشبية المهكعة وهو يقول في هدوء: الكلام ده مظبوط.. أنا لسه عاطي لواحد دلوقت دواء مقاوم لإنفلونزا الطيور لأن واحدة جارته رمت عليه برضه شوربة فراخ!.. اتفضل يا أستاذ "عبد الحميد" عشان أكشف عليك ولو ثبت إن عندك الجمرة الخبيثة هاكتب ورقة موثقة بكده عشان تنفعك في القضية.. بس ما تنساناش لما تاخد فلوس التعويض بقى.. هاهاها.. اتفضل اتفضل!
***
وزي ما أنت شايف كده الناس اللي بتحب الخير كتير قوي! من أول "حسونة" القهوجي لغاية د."بركات" الصيدلي.. وعد إنت ما بينهما وما بعدهما!! هتكتشف إن كتير من المصريين أصبح يرفع شعار "شعللها شعللها ولعها ولعها" وهي أغنية غناها مطرب شعبي في التسعينيات وكأنه كان بيوصف حال ناس وطنه!
أغلب الناس ماعادتش زي زمان بتقرب النفوس من بعض وتحاول تطيب الخواطر وتلم المواضيع.. لأ.. بيدوروا على البنزين بيتباع فين ولو بالتمن الغالي ويحطوه فوق النار!
الغريب إن "شعللها.. ولعها".. مش موجودة بس في تفاصيل الحياة اليومية.. في الشارع "الخناقات اللي بتحصل فيه كل يوم" وفي البيت "الخلافات بين أفراد الأسرة الواحدة" وفي الأتوبيس "الصراع الدائم للحصول على كرسي وللتهرب من الكمسري" والشغل "الزنب والمقالب اللي بتعملها الناس في بعض عشان ده يطلع فوق ده" والمدرسة والجامعة "الواد ده بيعاكس البنت بتاعتك.. ماتسيبهوش لازم تقطعه!"
ده الموضوع وصل لما هو أخطر - رغم إن اللي فات خطير طبعا- وصل لموضوع الأديان!
يعني إنت مثلا لو اشتريت أي جورنال في الفترة اللي فاتت هتلاقي عناوين ساخنة جدا مثل: "جماعات لتنصير المسلمين".. "4 شباب مسلمين يختطفون مسيحية ويغتصبونها".. "صراع الإنجيل والمصحف في القاهرة"..
حاجات تخض...!!
هو صحيح مش لازم نخبي راسنا في الرمل ونعمل نفسنا إنه "هييييييييه" مافيش حاجة!
بس الأكيد والمؤكد برضه إن استخدام أسلوب "شعللها ولعها" مش بيحل أي مشكلة بل بالفعل وزي ما بيقول المثل العربي "يزيد الطين بلة"
والسؤال هنا.. من الخناقات في البيوت والشوارع لغاية المشكلات الطائفية إيه اللي اتغير في سلوك المصريين؟
وليه أصبحوا متربصين لبعض.. كل واحد متحفز للتاني ومستني له على الواحدة؟..
وليه أصبحوا ميالين لإشعال الأمور وتوليعها ومش بيسعوا إلى التهدئة والمصالحة – مع المحافظة على الحقوق والكرامة طبعا-
تفتكروا إزاي ممكن نرجع لصفاتنا الأصلية الطيبة؟
وإزاي نبطل نشغل أغنية "شعللها شعللها.. ولعها ولعها"؟
| |
|
| |
جومانة أزهري متميز
عدد المساهمات : 573 تاريخ التسجيل : 12/08/2007 العمر : 33
| موضوع: رد: شعللها شعللها.. ولعها ولعها! السبت أغسطس 18, 2007 1:03 am | |
| اشعاال الفتن والتوقيع بين الناس .. داء وطبع خبيث فى النافس يمكن بيحس بنفسه شوية لما يعمل كدة وبيفرح لما يشوف الدنيا ولعت بسبب كلمة شيطانية منه.. زى ماحضرتك بتقول يا دكتور مش لازم نقول كله تمام ونصور القسيس بيسلم على شيخ الازهر بس كمان مش لازم ندخل الديانة فى كل مشكلة لازم نظهر نفوسنا اكتر من كدة ودة بيبدأ من التربية والنشأة.. لو الطفل متربى على انه ميدخلش فى حاجة مالوش فيها ويفهم ان الفتنة بين الناس داء سئ ويتعاقب لو عمل كدة اعتقد هانربى جيل احسن ونفوش انقى واطهر موضوعك مثير مشكور يا دكتور هانى جومانة | |
|
| |
د.هانى أزهري فعال جدا
عدد المساهمات : 255 تاريخ التسجيل : 09/08/2007 العمر : 35 الموقع : www.raddadi.com
| موضوع: رد: شعللها شعللها.. ولعها ولعها! السبت أغسطس 18, 2007 1:07 am | |
| هههههههههههههههههه لحقتى تقراى ماشاء الله عليكى ده انا لسه حاطط الموضوع حالا ثانكس على ردك على رأى ............. | |
|
| |
DiaBiaN أزهري فعال جدا
عدد المساهمات : 406 تاريخ التسجيل : 12/08/2007 الموقع : Amr diab st Elmansoura
| موضوع: رد: شعللها شعللها.. ولعها ولعها! السبت أغسطس 18, 2007 3:49 am | |
| استيكانس كدة يا هانى
و فرمط لى دماغك
علشان هقول لك حاجة مهمة
شعللها شعلل ولعها ولع
شهيصها شهيص برجلها برجل
ما انت طلعت اهون زى القهوجى
اللى ولعها
نروح نضرب القهوجى يعنى | |
|
| |
زائر زائر
| موضوع: رد: شعللها شعللها.. ولعها ولعها! السبت أغسطس 18, 2007 12:13 pm | |
| ههههههههههههههههههههههههههههههههههههه ايه الحلويات دى كلها يادكتور نفسى اعرف انت بتجيب الناس دى منين على العموم كله شعللها ولعها للمنتدى ههههههههههههه مشكووووووووووووووووور |
|
| |
sally أزهري فعال جدا
عدد المساهمات : 172 تاريخ التسجيل : 10/08/2007
| موضوع: رد: شعللها شعللها.. ولعها ولعها! السبت أغسطس 18, 2007 1:36 pm | |
| [size=18]طيب مااحنا فيها اهو يا دكتور يعنى مثلا انا اعرف واحد كدا يعنى داخل موضوع ويقول ثانكس على راى ناس.......... دا بقى مش شعللها شعللها [/size ] | |
|
| |
د.هانى أزهري فعال جدا
عدد المساهمات : 255 تاريخ التسجيل : 09/08/2007 العمر : 35 الموقع : www.raddadi.com
| |
| |
نورهان أزهري متميزجدا
عدد المساهمات : 1000 تاريخ التسجيل : 28/02/2008
| موضوع: رد: شعللها شعللها.. ولعها ولعها! الجمعة مارس 21, 2008 7:52 pm | |
| ههههههههههههههههههههههه موضوع هايل يا دكتور شكر ليك | |
|
| |
sakr أزهري فعال جدا
عدد المساهمات : 293 تاريخ التسجيل : 20/03/2008
| موضوع: رد: شعللها شعللها.. ولعها ولعها! الجمعة مارس 21, 2008 8:00 pm | |
| | |
|
| |
نور الهدى مشرف قسم اسلامنا
عدد المساهمات : 1368 تاريخ التسجيل : 12/08/2007 العمر : 35
| موضوع: رد: شعللها شعللها.. ولعها ولعها! الجمعة مارس 21, 2008 8:03 pm | |
| بجد موضوع رائع جدااااااااااااااااااااااااااااااااااااااااااااااااا
و مهم جدا فى الايام دى حقيقى
اغلب مواضيعك بتبقى عن الاخلاق يا دكتور هانى و بتلقى متميزة جدات بجد
جزاك الله خيرا
حقيقى عجبتنى جدا فكرة الموضوع و طريقته | |
|
| |
د.هانى أزهري فعال جدا
عدد المساهمات : 255 تاريخ التسجيل : 09/08/2007 العمر : 35 الموقع : www.raddadi.com
| موضوع: رد: شعللها شعللها.. ولعها ولعها! الجمعة مارس 21, 2008 8:57 pm | |
| اغلب مواضيعك بتبقى عن الاخلاق يا دكتور هانى و بتلقى متميزة جدا شكرا يانور على مرورك الطيب وبالفعل من اسمى الاشياء فى الدنيا الاخلاق خاصه ان احنا نفتقدها اليومين دول موضوع ممتاز اشكرك ياسكر على زوقك وردك
ههههههههههههههههههههههه موضوع هايل يا دكتور شكر ليك شكرا على ردك واهتمامك بالموضوع يانورهان | |
|
| |
| شعللها شعللها.. ولعها ولعها! | |
|