فضفضه 100 %

ازيكم يا شباب
دلوقتى فى الموضوع ده ممكن تفضفض معانا وتقول كل اللى فى نفسك
فى اى حاجه انتا تعبان منها وعايز تحكى فيها
مواضيع شخصيه او عائليه او دينيه او دنياويه او سياسيه او عاطفيه
كل اللى انتا عايزه
(بهاء القلب العاشق)

حكياتك مؤثره جدا
وبتفكرنى بنفسى بس انتا لسه فى قدامك امل
انما خلاص يا صحبى .
كل شئ ماااااااااااااااااااات
حتى الحب مات جوايا
وانا بشكرك يا احمد على مرورك
وبتمنى ان ربك يطمنك على حبك
(بهاء القلب العاشق)

اوك يا بهاء انت عاوزنى اقول واتكلم مش هاسكت لازم اقول يعنى
الدنيا بقت قاسية اوى والاسعار بقت نار وعشان تعيش لازم تكون قد الحياة والله الواحد منا على اللى بيشوفه ده بيقول يارب نفسى اكون سعيد فى حياتى المستقبلية وكمان اكون مرتاح البال والضمير
بجد انا هاتكلم عن مشكلة كبيرة وهى اننا مش بنعمل ولا بنتحرك الا بعد وقوع المشاكل وحودثها يعنى مثلا طريق تفهنا الاشراف الزقازيق شوف يا بهاء كم الحوداث اللى حصلت عليه وكم زميل لينا مات بسبب ذلك بجد حاجة فظعية والله يعنى الحمد لله بدات الحكومة تعمل توسيع للطريق كمان انا سمعت ان محافظ الشرقية اتغير هل ذلك صحيح ام لا
ارجو المناقشة والرد عليا بفارغ الصبر

شكرا ليك يا حمو
اولا انا بتمنى من ربنا انك تكون سعيد فى حياتك
وتكون مرتاح البال والضمير
اما عن الاسعار فاتمنى من الله ان يلطف بحال المصريين وانا حاسس اننا هنكون فى مجاعه . ربنا يستر
اما عن طريق تفهنا والحوادث اللى بتحصل عليه كل يوم دى
دا قضاء وقدر زى المسئولين ما بيقولو وربنا يرحم الجميع
وانا كمان سمعت ان المحافظ اتغير
بس المشكله فى السائقين عارفين ان الطريق مش مستحمل السرعه اللى بيمشو بيها ومفيش فايده
ارجو ان اكون افدتك
مشكووووووور لمرورك
(بهاء القلب العاشق)

مشكلتى الوحيدة انى بخاف جدا من كل حاجة بخاف ان حدمن اهلى يموت بخاف لما اعمل ذنب بخاف من ان يكون فى حد بيتكلم عنى وانا مش موجوده بخاف من كل حاجة
بخاف من حاجات محدش بيخاف منها خالص
عيشه حياتى بخوف وقلق
حاول تشفلى حل من اخوف ده

على فكرة انا كنت كدا والله وبجد ده مش كويس حاولى تشليى الفكرة دى من دماغك وعيشى حياتك بهدوء صدقينى بلاش الافكار تسيطر عليكى هتتعبى جامد خلى كل شىء على الله وصدقينى مش هتخافى تانى بعد كدا حاولى يكون ليكى اصحاب من اهلك شوف حد اختك مامتك احكى معه واتكلمى والله بجد

انا بشكرك جدا يا ديدو
بس انا هقولك على حاجه
اولا الاعمار بيد الله عز وجل
ثانيا حكايه الذنب دى كلنا بنخاف منها اقصد كل الناس اللى بتخاف ربنا وعندها ضمير
ثالثا حكايه ان حد يتكلم عليكى وانتى مش موجوده دى اسمها غيبه ونميمه ودى من الكبائر وربنا هياخد لك حقك منهم فى الدنيا والاخره انشاء الله .
اما الخوف التانى اللى كلنا بنخاف منه ده زى الضلمه والحكيات المخيفه فدى كلها اوهام وحاول لو انتى مخنوقه من حاجه احكى مع حد اكبر منك
ولا فى زنب عملتيه حاولى برده تشوفى حد كبير وتشوفى الرأى الراجح هيكون ايه وتعملى بيه .
وانا بشكرك لمرورك.
واتمنى انى اكون افدتك بعض الشئ
(بهاء القلب العاشق)

شكرا ليك يا بهاء بجد كلامك فدنى جدا

انا بقى يا بهاء مظنش ان حد عنده الاحساس بصعوبه مشكلتى
زى ماانا حاساها
مشكلتى الوحيده انى بحس ان مفيش فرحه
او فرحتى خلصت وانتهت ومش هترجع تانى
طبعا هتسالنى ليه هقولك
والدى توفى من شهر 6 اللى فات كنت فى امتحاناتى بتاعه الاعداديه
مهما اوصفلك مدى حبى لوالدى الله يرحمه مش هقدر اعبر عنه
وكمان انا معنديش اخوات
فكان مدلعنى اخر دلع
بس برده كان فيه حدود
بعد ما توفى حسيت ان الدنيا ضلمه ووحشه وباخد كل حاجه حلوة مننا
لااااااااااا
انا مش حسيت
انا اتاكدت
ياااااااااااااااااه
مش عارفه اتكلم او اوصف
بجد يا بهاء انا متاكده انى مش هحس باى سعاده بعد والدى الله يرحمه
هاااااااااااااااا!!!!!!!!!!!!!!!!!!!!
عندك حل لمشكلتى؟؟؟؟؟؟؟؟؟؟؟؟؟؟؟؟

اختى الغالية نورهان
رحم الله والدك
صدقينى احساس صعب اوى بس انت ليه مش تقربى من مامتك وتكون ليكى كل حاجة وبعدين انا اعرف انك زملية سارة والله انا كنت بجد باموت لما شوفت ابن خالتى شهيد على التلفزيون فى فلسطين ومش قدرت اعمل حاجة ولا حتى احضر العزاء
خليكى مع ربنا هو احن عليكى من البشر كلها

الحمد لله يا محمد انا مصاحبه ماما
بس بابا كان جزء كبير فى حياتى اوى
وبعين يا سيدى ان شاء الله ابن خالتك فى الجنه وربنا يرحمه
وياريت كلنا نموت شهداء
شكرا يا محمد على اهتمامك

لاء انا بس جربت الاحساس ده وصعب اوى انك تعيش بدون شخص حدج غالى عندك اوى بس الحمدلله ربنا كبير ولازم اصبر والله قربى من سارة او مامتك وبجد انا تحت امرك لو محتاجة حاجة مش هتاخر واحنا كلنا اخوات فى المنتدى وفى خدمة بعض

شكرا يا محمد على اهتمامك
وعلى فكرة ساره صحبتى الانتيم
ومما صحبتى برده
وبشكرك على روحك الجميله دى

ايه الكلام ده بس يا دعدوعتي
بئي تخافي وانا جمبك
طب من ايه
وانتي يا حاجه نورهان
افضلي نكدي علي ممتك كده يا بنتي ارحمي نفسك وارحميها
وانت كمان يا محمد ربنا يصبرك لفقدان ابن خالتك
والله انا قلبي بيتقطع من المناظر اللي بشوفها عالتلفزيون
ومش انا بس لا ده كل مصري وعربي
ربنا ينصركوا يا رب
والله يا جماعه اللي يشوف بلاوي الناس تهون عله بلوته
عجبك يا استاذ بهاء
اديك قلبتهلنا درامه

انتى يا ساره هانم
انتى عارفه انه مش بايدى
وبهاء كان قصده خير

عادى والله يا نورهان احنا اخوات وبجد انتى لسه صغيرة قربى بس من حد اكبر منك وهتكونى تمام وخصوصا ربنا خليكى دايما فى طاعة الله
وبسم الله ماشاء الله
حد يكون ليه صاحب زى سارة ويخاف
شكرا يا سارة على ردك
وربنا يرحم جميع الاموات

والله يا محمد
انا عاجزه عن شكرك
شكرا كلمه قليله على اهتمامك

يا ستى ولا شكر ولا حاجة
واى خدمة ههههههههههههههه

هههههههههههه
متشكره يا عم محمد
ورنا يرحم جميع الاموات امين يا رب
وانتي يا حاجه
ما انا عارفه ان قصده خير
بهاءانسان كويس

نورهان كتب:

انا بقى يا بهاء مظنش ان حد عنده الاحساس بصعوبه مشكلتى
زى ماانا حاساها
مشكلتى الوحيده انى بحس ان مفيش فرحه
او فرحتى خلصت وانتهت ومش هترجع تانى
طبعا هتسالنى ليه هقولك
والدى توفى من شهر 6 اللى فات كنت فى امتحاناتى بتاعه الاعداديه
مهما اوصفلك مدى حبى لوالدى الله يرحمه مش هقدر اعبر عنه
وكمان انا معنديش اخوات
فكان مدلعنى اخر دلع
بس برده كان فيه حدود
بعد ما توفى حسيت ان الدنيا ضلمه ووحشه وباخد كل حاجه حلوة مننا
لااااااااااا
انا مش حسيت
انا اتاكدت
ياااااااااااااااااه
مش عارفه اتكلم او اوصف
بجد يا بهاء انا متاكده انى مش هحس باى سعاده بعد والدى الله يرحمه
هاااااااااااااااا!!!!!!!!!!!!!!!!!!!!
عندك حل لمشكلتى؟؟؟؟؟؟؟؟؟؟؟؟؟؟؟؟

بصى يا نورهان اولا انا اسف لانى مكنتش على الموضوع من يومين
ثانيا البقاء لله وربنا يرحم الجميع .
وانا عايز اقولك على حاجه .
اولا الدنيا مبتقفش على حد يا نور مهما كان الانسان ده غالى عندك او عزيز على قلبك
وانا احب اقولك انا صحيح الفراق صعب بس ده قضاء الله وقدره
وسدقينى بمرور الوقت هتنسى وهتعيشى حياتك بطبيعتها زى الاول واحسن
وحاولى تشوفى الحاجه اللى والدك الله يرحمه كان بيحب انك تعمليها ايه
وحاولى تعمليها وتنجحى فى دراستك لانه كان عاز يشوفك حاجه مشرفه اكيد
وسدقينى هتحسى انه راضى عنك وانتى كمان هتستريحى
وحاولى تقربى من ولدتك اكتر واكتر عشان انتو الاتنين متحسوش بفراغ
ويارب تكون دى اخر الاحزان .
(بهاء القلب العاشق)

ساره كتب:

ايه الكلام ده بس يا دعدوعتي
بئي تخافي وانا جمبك
طب من ايه
وانتي يا حاجه نورهان
افضلي نكدي علي ممتك كده يا بنتي ارحمي نفسك وارحميها
وانت كمان يا محمد ربنا يصبرك لفقدان ابن خالتك
والله انا قلبي بيتقطع من المناظر اللي بشوفها عالتلفزيون
ومش انا بس لا ده كل مصري وعربي
ربنا ينصركوا يا رب
والله يا جماعه اللي يشوف بلاوي الناس تهون عله بلوته
عجبك يا استاذ بهاء
اديك قلبتهلنا درامه

ساااااااااره ازيك
انا والله يا جماعه ماقصدش انى اقلبها درامه ولا اقلب عليكم المواجع
انا كل قصدى اننا اخوات نفضفض مع بعض ولو مشكله نحللها مع بعض بعقل
وبعدين انا بحص انا كل ماحد يحكى مشكله او هم بحس انه بيرتاح
عموما يا ساره ربنا جعل ايامنا كلها سعاده وفرح .
(بهاء القلب العاشق)

سدقونى يا جماعه اللى يشوف بلاوى الناس بتهون عليه بلوته
انا منى واحد عندى هموم كتير ومحمد عارف الكلام ده
بس انا مقصدش انى افكر حد بحاجه مؤلمه ولا حاجه جرحاه
بالعكس .
انا بحاول انه تكلم وكلنا نخفف عنه اللى هوا فيه .
وبجد انا بحس اننا كلنا عائله واحده ولا انا غلطان
وانا هبقى احكى لكم برده عن شويه حجات ونحلها مع بعض .
وبشكركم كلكم يا جماعه .
واتمنى اننا نحل مشاكلنا مع بعض
(بهاء القلب العاشق)