منتدى جامعة الأزهر
هذه الرسالة تفيد بأنك غير مسجل بالمنتدى تفضل بالدخول على اشتراكك ان كنت عضو لدينا او قم بالنقر على زر التسجيل لتصبح عضو معنا
منتدى جامعة الأزهر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى خاص بجامعة الازهر للتعليم والدراسه من خلاله
 
الرئيسيةالتسجيلدخول

 

 مشكلات من الحياه ...... متجدد( ارجو التثبيت)

اذهب الى الأسفل 
كاتب الموضوعرسالة
د.هانى
أزهري فعال جدا
أزهري  فعال جدا


عدد المساهمات : 255
تاريخ التسجيل : 09/08/2007
العمر : 31
الموقع : www.raddadi.com

مشكلات من الحياه ...... متجدد( ارجو التثبيت) Empty
مُساهمةموضوع: مشكلات من الحياه ...... متجدد( ارجو التثبيت)   مشكلات من الحياه ...... متجدد( ارجو التثبيت) Emptyالسبت مارس 22, 2008 12:43 am

رأيت ان اجمع لكم فى هذا الباب ان شاء الله مشكلات من الحياه وان شاء الله يكون متجدد على قد مانقدر ويلا شدوا حيلكم معانا واللى اطلع أو قرأ مشكله من الممكن ان يستفيد منها الاعضاء لايبخل بنشرها
ودى الدفعه الاولى


عليك بالدعاء وعليه بالسعي والتوفيق من الله

السلام عليكم ورحمة الله وبركاته، أنا نفسي ألاقي حل لمشكلتي، أنا عندي 25 سنة ومرتبطة بشاب في نفس سني وبنحب بعض قوي. هو شاب حنين قوي ومحترم وبيحبني.

المشكلة في إن ظروفه مش كويسة يعني لسه مش عنده شغل كويس يقدر يعتمد عليه في إنه يفتح بيت. وكل فترة يتقدم لي عريس والحمد لله كل واحد بيكون أحسن من التاني دينا وخلقا وماديا. بس أنا بحب حبيبي ومش عايزة أي حد تاني وماما مش عاجبها الكلام ده ومعترضة عليه. مع العلم بأن أهله عارفين ومرحبين بي وماما عارفة أهله كويس لأننا نعرف بعض من ست سنين بس مرتبطين ببعض من سنة ونص. وكمان كنا تقريبا كل يوم مع بعض نخرج ونتكلم ونفضفض مع بعض وقربنا من بعض قوي لدرجة إننا بنفهم بعض من غير ما نتكلم. وكل واحد بيحس التاني زعلان ولا فرحان ولا متضايق من صوته.

هو كان بيحبني من ساعة ما اتعرفنا على بعض بس كان متردد يفاتحني في الموضوع ده علشان الظروف دي. ومن كتر ما بكون متضايقة ومنهارة من المواضيع دي بيقول لي خلاص وافقي على اللي تحسي إنه كويس علشان ماظلمكيش معايا أكتر من كده.

أنا بجد محتاجة أفضفض مع حد يفهمني ويحس بي وأنا بالتمس ده هنا. وبجد أنا محتاجة دعواتكم وأتمنى أكون صديقة ليكم..

حب الطفولة؟!المشكلة إني بحب جاري وهو عارف وهو بيحبني بس سابني وراح خطب.

وأنا مش قادرة أنساه ومش عارفة أعمل إيه ولا عايزة أرتبط بأي حد تاني لأن ده حب عمري وطفولتي كلها.

بكرة السعادة تطرق على بابك

أنا يا جماعة مخنوقة جدا وضايعة جدا.

كان نفسي أقول له إني من غيره ولا حاجة، لكن عمري ما كلمته. كان معايا في الكلية وأكبر مني. دخلت القسم بتاعه عشانه وقعدت أحلم بيه وأحبه 3 سنوات. وعرفت إنه تقدم لي وحاول كذا مرة مع أهلي بس للأسف رفضوا عشان عائلته وعشانه. وهو خطب العيد الصغير اللي فات، وكتب كتابه هيكون يوم عيد ميلاده.

أنا مكنتش أعرف إني هضيع من غيره كده. أنا مش قادرة أنساه، أعمل إيه؟؟ نفسي أشوفه وأطمن عليه. مش لازم يرجع لي بس نفسي أشوفه بجد وحشني فهو أول حبيب لي.

يا ترى هقابل اللي أحبه أكتر منه ولا عمري ما هحب بعده.. أنا ضايعة جدااااااا في بُعده

ابتعدي.. فإحساسك صادق للأسف!

أنا مرتبطة بإنسان كويس وهو بيحبني على ما أعتقد.. بس المشكلة إنه من فترة بدأ يطلب طلبات مني غريبة ويكلمني في كلام مش بيتكلم فيه إلا الناس المتجوزين. بس مشكلتي معاه إن شخصيتي قدامه مش قوية يعني مجرد ما يقول لي إنه هيزعل برضى بأي حاجة. أنا مش عاوزاه يكلمني في حاجات كده وحاولت أتكلم معاه لكن مش بيسمعني. ومن ساعة ما بدأ يطلب مني إنه يبوسني وأنا مابقيتش بحس إنه بيحبني وبحس إني مجرد حاجة عاوزها أو يشبع رغبته وخلاص..

مش عارفة هو ده صح ولا مجرد إحساس نتيجة إني بعتقد إن اللي بيحب حد مش بيفكر في حاجات كده؟ هو مخلص دراسة على فكرة بس مستني يدور على شغل ثابت ويتقدم. بس مش حاسة إنه بيسعى لكده. أو أنا مبقتش بصدق.. مش عارفة.. أنا محتارة وعاوزة حد يرد عليّ.. شكرا مرة تانية على الموقع الجميل ده


مصائب هذا الزمان!!



والله أنا مش عارف أبدأ منين. أنا محتار ومش عارف أتخذ أي قرار.

أنا تعرفت على بنت من الشات وبصراحة كنت قربت أحبها من تعاملاتها الحلوة معايا وكلامها اللي مش فاهم كل ده ليه. هل هي بتحبني فعلا ولا لا؟

هي اللي طلبت مني إني أقابلها وجات لي بلدي وراحت عندي البيت كمان وعرفتها على إخواتي وأهلي. وبصراحة أنا مش عارف هي بتعمل ده كله ليه؟ هي عشان بتحبني تقوم تجيلي البيت؟ والمصيبة الأكبر إن أمها اللي وصلتها وعارفة إنها جاية عندي.. مش عارف إيه ده.

أنا حاولت أقفل معاها لأنها نزلت من نظري بس جاتلي فترة كنت متضايق جدا وبصراحة من كتر حبها لي حبيتها مش لشخصها. ودلوقتي أنا مش عارف أقول لها ازاي اني مش بحبها.. وكذا مرة عاملتها وحش وهي برضه بتعاملني كويس ومش مديالي فرصة عشان أسيبها أعمل إيه؟


م.

من مصائب هذا الزمان يا صديقي التساهل والتراخي الذي أصبح عليه بعض الآباء والأمهات في التعامل مع أبنائهم. حتى إن أماً مثل أم فتاتك توصل ابنتها بنفسها وبكامل إرادتها الحرة إلى بيت شاب تعرفت عليه عبر الإنترنت. وماذا لو لم يكن معك أحد في المنزل؟! وسول لك الشيطان أمراً؟!

وطبعاً مع الاعتراف أنك أخطأت خطأ كبيراً عندما تعرفت على هذه الفتاة عبر الشات، وعندما دعـوتها لزيارة منزلك، فإننا لا ننصح لك بالاستمرار في هذه العلاقة تحت أي ظرف وأي دعوى. ولا قيمة لإحراجك منها في هذه الحالة، ولا معنى لعدم قدرتك على مصارحتها بذلك، فلا بد مما ليس منه بد. وكلما كان ذلك مبكراً كان أفضل سواء بالنسبة إليك أو إليها.

ولعل ما يمنعك ليس عدم وجود فرصة أمامك لإخبارها بما في نفسك، ولكنها النفس الأمارة بالسوء التي تشعر "بالاستخسار" وبالمتعة من لقاء من تكن لك كل هذه المشاعر والأحاسيس. وربما الشيطان الرجيم الذي يوسوس لك بإمكانية الحصول على بعض المكاسب والفوائد من جراء استمرار هذه العلاقة.

صديقي:

الله سبحانه وتعالى يوفق العبد ما دام على الطاعة، ومادام يجتنب الوقوع في المعاصي المهلكات، فلا ترضى عن النظافة واتقاء الله سبحانه وتعالى بديلاً، ولا تركن لضعفك البشري ولا لشهوة الامتلاك. صارح هذه البنت فوراً بحقيقة مشاعرك، واتركها تواجه القدر الذي تختاره لنفسها، وانج بنفسك من تجربة لا تدري إلى أين يمكن أن تقودك في النهاية.

واتق الله سبحانه وتعالى في نفسك وفي تصرفاتك ولا تعد لمثل هذه الأفعال مرة ثانية.

عندك وقت تضيعيه

أنا بنت عادية جدا ومريت بتجربة حب وعارفة إنها حاجة طبيعية لمثل اللي في سني.

المشكلة إني قعدت سنتين بعدها متغيرة تماما مع كل اللي حولي؛ بقيت عصبيه أكتر، وبقيت أعامل اللي حولي بطريقة ماكنتش أتخيل إني أعملها.

المهم إنه دخل في حياتي صديق من النت من محافظة تانية وابتدا يرجعني زي الأول بالتدريج. والمشكلة إني من أسرة متدينة وفصلوني عنه. أنا ماكنتش عاوزة غير أفضفض له وآخذ رأيه.. يعني بقى صاحبي بجد وأنا بفضل الصحوبية الحقيقية عن الحب. بس دلوقتي بقيت لوحدي بعد ما فقدت معنى الحب والصداقة.. مع العلم إن صاحبي ده متمسك بي جدا وعاوز نرجع أصحاب تاني.

ب.
صديقتنا العزيزة في البداية بنشكرك على كلامك اللي بنعتبره شهادة تقدير من قرائنا الأعزاء اللي أنت واحدة منهم.

تعال بقى ندخل في مشكلتك وعاوزة أسألك سؤال واحد: هل أنت على استعداد إنك تضيعي سنتين كمان من عمرك؟ الإجابة طبعا لأ، يبقى ليه عاوزة تدخلي في علاقة تضيعي بيها سنتين من عمرك من غير فايدة؟ أنا عارفة إنك بتقولي إنها مجرد علاقة صداقة طيب ما هو الحب بيبدأ بارتياح وإعجاب وأنت ارتحتيله بدليل إنك فضفضتي له وكمان أعجبت برأيه وتفكيره والدليل إنك طلعت من الحالة اللي كنت فيها الأول طيب فاضل إيه علشان تحبيه؟

أنت متضايقة إن أهلك فصلوه عنك طيب ما هم شافوا بعينهم معاملتك لهم بعد معاناتك في تجربتك الأولى. فكان من الطبيعي إنهم يعملوا جهدهم كله علشان يفصلوك عن الشخص ده اللي أنت عرفتيه معرفة سطحية من النت. ولمجرد إنك فضفضتي له عن مشاكلك بتطلقي عليه "صديقك" وبتقولي إنه متمسك بيك وعاوز ترجعوا أصحاب تاني..

أظن إنك فاهمة كويس أوي إن اللي أنت فيه ده مش مجرد علاقة صداقة. خليك صريحة مع نفسك واستني شوية على الحب لغاية ما مشاعرك تهدأ وتعرفي تاخدي القرار الصح. وبلاش تدخلي دلوقتي في تجربة بشايرها -وهي علاقة على النت وبعد المسافة ورفض أهلك- بتقول إنها مش هتكمل.

فلنبتعد من الان افضل

أحب واحدة جدا جدا ولكن هناك مشكلة وأريد حلا سريعا لأني أريد أن أتقدم لها للزواج ومنتظر أن أعرف الحل.

تعرفت عليها في أحد أنشطة الجامعة وأعجبت بها ثم صارحتها بحبي. وبدأت قصة الحب وفي وقت ما غابت وانقطعت أخبارها ولم ينقطع أملي في أنها مازالت تحبني. ولكني أحسست أنها في ضائقة واستمر الوقت يجري ولا أعرف ما بها. وبعد فترة عرفت أنها كانت مريضة وتجري عملية خطيرة، وهذا ما أبعدها عني هذه الفترة. واتصلت بها واطمأننت عليها وكلمتها ولكن أثناء الكلام عرفت أن أحد أصحابي كان يتصل بها ليطمئن عليها وهو يعرف مشكلتنا لأنه صديقي. وقالت له خلال العملية إنها لا تريد أن تتكلم معي وأنها لا تريد أن أراها وهي مريضة.

وبعد أن خرجت من المستشفى، تحدث صديقي معها وهي في البيت وهي في فترة النقاهة، وقالت له إنها لا تريد أن تظلمني معها. وإنها تحبني وهتفضل تحبني طول العمر ولكنها لا تريد أن تظلمني معها بالارتباط بالزواج بسبب مرضها.

أنا لا أعرف هل أحكم على مشكلتي وأفكر بقلبي أم أفكر بعقلي وهل أستمر في هذه العلاقة وأرتبط بها أم العلاقه هذه لن تستمر لظروفها؟؟ لا أعرف ماذا أفعل.. وللعلم هي أكبر مني في السن بسنة لكن معي في السنة الدراسية.. أريد حلا سريعا لأنني أريد أن أخطبها ولا أعرف ماذا أفعل..



لا أحد منا يدري ما يخبئه له الزمن ولا ما تحمله له المقادير فالمرض والموت أشياء مقدرة ولا يعلمها إلا الله سبحانه وتعالى ولا يوجد أحد على وجه الأرض يستطيع أن يبني لنفسه قصرا مشيدا مغلقا عليه ليمنع عن نفسه ما قدره الله سبحانه وتعالى له. فعلينا دوما أن نتقبل أقدار الله سبحانه وتعالى بنفس راضية ولسان ذاكر وقلب شاكر فنشكره في السراء والضراء في الصحة والمرض. فكم من صحيح بات مريضا وكم من شاب نام فلم يستيقظ فهذه أشياء ليست لنا يد في حدوثها.

صديقي:

إنك قد أحببت فتاتك ولم تكن تعلم أنها مريضة ولكن حبك لها لم يقل عندما علمت بهذا بل ومازلت مصرا على الارتباط بها رسميا وهذا شعور طيب منك كفاك الله وعفاك من المرض. ولكنك لا بد لك أن تجلس إلى نفسك جلسة صدق لتضع بعض النقاط على الحروف وأن تجد الإجابات الشافية لبعض الأسئلة التي ستواجهك حتما عند أو بعد الارتباط بها.

هل سوف يتقبل أهلك الأمر بسهولة كما تقبلته أنت؟ أم سوف يثيرون المشاكل ويقيمون الدنيا ولا يقعدوها؟ أم أنك قد قررت أن تخفي عنهم الأمر حتى تجنب نفسك الدخول في نقاشات قد تؤدي بك في النهاية إلى خسران فتاتك؟ وهذا ما تخشاه.

صديقي:
عليك أن تضع أمامك جميع الاحتمالات قبل القدوم على هذه الخطوة فقد تتسبب دون أن تدري في جرح فتاتك التي تريد أن تدخل البهجة والسعادة إلى قلبها المريض. لا بد أن تعلم أنك لن تستطيع أن تخفي الحقيقة طويلا فإن كنت تنوي أن تداري مرضها عن أهلك فهناك من حولنا وفي كل مكان من يطلقون على أنفسهم فاعلي خير فماذا سوف تفعل لو أنهم علموا بعد أن ترتدي فتاتك دبلتك وأجبروك على تركها حتى ولو علموا بعد الزواج فلن يتغير موقفهم.

فهل ترى في نفسك القدرة على الوقوف أمام أهلك والدفاع عن فتاتك والتمسك بها مهما كانت الضغوط؟ هل ترى أنه بإمكانك إسعادها وإبعادها عن كل هذه الضغوط والمشكلات أم أنك قد ترضخ لضغوط أهلك وتضعف وتتركها في منتصف الطريق وتقضي عليها بيديك؟

صديقي:
إن الأمر ليس سهلا فالدنيا ليست أنت وهي وحسب وإلا لهان الأمر ولكن الكل من حولك قد يتدخل في قرارك ويجبرك على النزول عن رغبتك هذه. فعليك أن تضع كل هذه الأمور في اعتبارك وعندما تشعر في نفسك القوة الكافية لإسعادها وحمايتها من كل هذه المؤثرات فلتتقدم وتدق بابها.

أما إن شعرت أن حبك لها لن يستطيع وحده إسعادها وحمايتها فلتبتعد من الآن أفضل لك ولها.
الرجوع الى أعلى الصفحة اذهب الى الأسفل
زائر
زائر



مشكلات من الحياه ...... متجدد( ارجو التثبيت) Empty
مُساهمةموضوع: رد: مشكلات من الحياه ...... متجدد( ارجو التثبيت)   مشكلات من الحياه ...... متجدد( ارجو التثبيت) Emptyالسبت مارس 22, 2008 9:29 am

الله عليك يا دكتره
الموضوع هايل وعاوزين المزيد من القصص
ومبروك التثبيت
الرجوع الى أعلى الصفحة اذهب الى الأسفل
زائر
زائر



مشكلات من الحياه ...... متجدد( ارجو التثبيت) Empty
مُساهمةموضوع: رد: مشكلات من الحياه ...... متجدد( ارجو التثبيت)   مشكلات من الحياه ...... متجدد( ارجو التثبيت) Emptyالأحد مارس 23, 2008 8:57 pm

موضوع هايل الله يوفقق
الرجوع الى أعلى الصفحة اذهب الى الأسفل
زائر
زائر



مشكلات من الحياه ...... متجدد( ارجو التثبيت) Empty
مُساهمةموضوع: رد: مشكلات من الحياه ...... متجدد( ارجو التثبيت)   مشكلات من الحياه ...... متجدد( ارجو التثبيت) Emptyالأحد مارس 23, 2008 9:12 pm

الله يكرمك يا دكتور .
موضوع شيق وممتع
ومستنى منك مواضيع تانيه
(بهاء القلب العاشق)
الرجوع الى أعلى الصفحة اذهب الى الأسفل
د.هانى
أزهري فعال جدا
أزهري  فعال جدا


عدد المساهمات : 255
تاريخ التسجيل : 09/08/2007
العمر : 31
الموقع : www.raddadi.com

مشكلات من الحياه ...... متجدد( ارجو التثبيت) Empty
مُساهمةموضوع: رد: مشكلات من الحياه ...... متجدد( ارجو التثبيت)   مشكلات من الحياه ...... متجدد( ارجو التثبيت) Emptyالخميس مارس 27, 2008 11:00 am

شكل المشكلات دى مش عاجبه الاعضاء والردود ماشاء الله كتيره اوى
لكن لو اى واحد كاتب موضوع لعبه ولا عيد ميلاد ولا مولد ولا شكله هتلاقى الردود كتير جدااااااااااا
والكل بقى داخل يحتفل بعيد الميلاد او داخل يحجز فى الشكله
الرجوع الى أعلى الصفحة اذهب الى الأسفل
STriKe
أزهري متميز
أزهري  متميز
STriKe

عدد المساهمات : 995
تاريخ التسجيل : 24/01/2008
العمر : 32

مشكلات من الحياه ...... متجدد( ارجو التثبيت) Empty
مُساهمةموضوع: رد: مشكلات من الحياه ...... متجدد( ارجو التثبيت)   مشكلات من الحياه ...... متجدد( ارجو التثبيت) Emptyالخميس مارس 27, 2008 12:31 pm

ههههههههههههههه
وعجبى عليك يا زمان
الرجوع الى أعلى الصفحة اذهب الى الأسفل
sakr
أزهري فعال جدا
أزهري  فعال جدا


عدد المساهمات : 293
تاريخ التسجيل : 20/03/2008

مشكلات من الحياه ...... متجدد( ارجو التثبيت) Empty
مُساهمةموضوع: رد: مشكلات من الحياه ...... متجدد( ارجو التثبيت)   مشكلات من الحياه ...... متجدد( ارجو التثبيت) Emptyالجمعة أبريل 04, 2008 6:17 am

جزاك الله خيراً


عدل سابقا من قبل sakr في الإثنين يونيو 02, 2008 9:52 am عدل 2 مرات
الرجوع الى أعلى الصفحة اذهب الى الأسفل
زائر
زائر



مشكلات من الحياه ...... متجدد( ارجو التثبيت) Empty
مُساهمةموضوع: رد: مشكلات من الحياه ...... متجدد( ارجو التثبيت)   مشكلات من الحياه ...... متجدد( ارجو التثبيت) Emptyالثلاثاء أبريل 08, 2008 10:35 pm

الله معك
انت انسان رائع
مشكور
الرجوع الى أعلى الصفحة اذهب الى الأسفل
sarahbosy
أفضل مشرف
أفضل مشرف
sarahbosy

عدد المساهمات : 2172
تاريخ التسجيل : 16/11/2007
العمر : 31
الموقع : الاســــــــــــــــكنــدريه *نجمه مـــ صـــــ ر*

مشكلات من الحياه ...... متجدد( ارجو التثبيت) Empty
مُساهمةموضوع: رد: مشكلات من الحياه ...... متجدد( ارجو التثبيت)   مشكلات من الحياه ...... متجدد( ارجو التثبيت) Emptyالجمعة أبريل 25, 2008 10:57 am

اقتباس :
شكل المشكلات دى مش عاجبه الاعضاء والردود ماشاء الله كتيره اوى
لكن لو اى واحد كاتب موضوع لعبه ولا عيد ميلاد ولا مولد ولا شكله هتلاقى الردود كتير جدااااااااااا
والكل بقى داخل يحتفل بعيد الميلاد او داخل يحجز فى الشكله



طبعا بعد اذنك يادكتور هانى هعلق بس على جملتك دى
علشان بصراحه اثارت غضبى
مش لان كلامك جارح طبعالاء لان دا حقك

بس علشان كلامك فيه شئ من الغلط

يعنى اسمحلى يادكتور
هكلم الاول عن المواضيع الثانيه الى حضرتك أوحيت بانجذاب الاعضاء عليها
الموضوعات دى مش قليليه الاهميه ولا حاجه لانها بتخلق فينا نوع من التقارب والتواجد

لكن لو اكلمت على موضوعك بالخاص
الموضوع كفكره فى منتهى الاهميه فعلا انا مقولتش حاجه
عجبتنى جداااااااا فكرته

لكن لما قريت النماذج المذكوره او المشاكل المعروضه
بكل صراحه محستش بأهميتها يادكتور
احنا ممكن كنا بدأنا احسن من كدا
او اقوى من كدا

فى مشاكل كتير اوى تستاهل الوقوف عندها
انا مش بقلل من قيمه المشاكل دى
بس شوفت ان اصحابها هما الى وقعو نفسهم فى المشاكل دى والطريق واضح اودامهم لكن هما الى مش عايزين يتعايشو معاه

انما فى مشاكل ثانيه فعلا شديده الاهميه
يمكن الوقت دلوقتى مش هيسمح بالغوض فيها

لكـــــــــــن لو يادكتور استقبلت كلامى بصدر رحب
فعلا هيكون فى هنا مشاكل فعلا شديده الاهميه
ومن رأى

نترك المناقشه فيها للاعضاء
يعنى حضرتك تقريبا طرحت المشكله بالرد عليها

لاء احنا عايزين نشارك الاعضاء معانا مش تلقين وبس
هما هيستفادو اكتر بالمشاركه الفكريه

______________
يارب تكون فهمت كلامى يادكتور
وطبعا حضرتك من حقك كمان توضح وجهه نظرك

وفى الاول وفى الاخر
جـــــــــزاك الله خير على فكره الموضوع
هو فعلا من اهم الموضوعات لو عدلنا فى طريقه المناقشه فيه
وطريقه عرض المشاكل


_________________
مشكلات من الحياه ...... متجدد( ارجو التثبيت) 767977589

مشكلات من الحياه ...... متجدد( ارجو التثبيت) 817463781



مشكلات من الحياه ...... متجدد( ارجو التثبيت) 816525430



--------------
لاتدور فى المنتدى ولا تحتار
أدخل معايا قسم الاخبار
علشان نملى عقولنا بالانوار
نعتق ظلام الجهل ونبقى احرار
ونشوف احداث وقضايا مليانه بالافكار

عايزه اشوفكم فى قسم الاخبار
الرجوع الى أعلى الصفحة اذهب الى الأسفل
http://www.alazhar.gov.eg
د.هانى
أزهري فعال جدا
أزهري  فعال جدا


عدد المساهمات : 255
تاريخ التسجيل : 09/08/2007
العمر : 31
الموقع : www.raddadi.com

مشكلات من الحياه ...... متجدد( ارجو التثبيت) Empty
مُساهمةموضوع: رد: مشكلات من الحياه ...... متجدد( ارجو التثبيت)   مشكلات من الحياه ...... متجدد( ارجو التثبيت) Emptyالجمعة أبريل 25, 2008 6:19 pm

بس علشان كلامك فيه شئ من الغلط

يعنى اسمحلى يادكتور
هكلم الاول عن المواضيع الثانيه الى حضرتك أوحيت بانجذاب الاعضاء عليها
الموضوعات دى مش قليليه الاهميه ولا حاجه لانها بتخلق فينا نوع من التقارب والتواجد

لكن لو اكلمت على موضوعك بالخاص
الموضوع كفكره فى منتهى الاهميه فعلا انا مقولتش حاجه
عجبتنى جداااااااا فكرته

لكن لما قريت النماذج المذكوره او المشاكل المعروضه
بكل صراحه محستش بأهميتها يادكتور
احنا ممكن كنا بدأنا احسن من كدا
او اقوى من كدا

فى مشاكل كتير اوى تستاهل الوقوف عندها
انا مش بقلل من قيمه المشاكل دى
بس شوفت ان اصحابها هما الى وقعو نفسهم فى المشاكل دى والطريق واضح اودامهم لكن هما الى مش عايزين يتعايشو معاه

انما فى مشاكل ثانيه فعلا شديده الاهميه
يمكن الوقت دلوقتى مش هيسمح بالغوض فيها
طبعا بعد اذنك يادكتور هانى هعلق بس على جملتك دى
علشان بصراحه اثارت غضبى
مش لان كلامك جارح طبعالاء لان دا حقك


لكـــــــــــن لو يادكتور استقبلت كلامى بصدر رحب
فعلا هيكون فى هنا مشاكل فعلا شديده الاهميه
ومن رأى

نترك المناقشه فيها للاعضاء
يعنى حضرتك تقريبا طرحت المشكله بالرد عليها

لاء احنا عايزين نشارك الاعضاء معانا مش تلقين وبس
هما هيستفادو اكتر بالمشاروطبعا حضرتك من حقك كمان توضح وجهه نظرك
كه الفكريه

______________
يارب تكون فهمت كلامى يادكتور

وفى الاول وفى الاخر
جـــــــــزاك الله خير على فكره الموضوع
هو فعلا من اهم الموضوعات لو عدلنا فى طريقه المناقشه فيه
وطريقه عرض المشاكل

اولا بدايه الكلام اللى انا قلته فوق مش فيه جزء كبير من الغلط ولا حاجه بالعكس فيه جزء كبير من الصح احنا شعب هيصه زى ماقلت فوق عيد ميلاد شكله برنامج وماالحقيقه ببعيد لاادرى ملابسات الموضوع بصدق لاأنى لست قريبا من المنتدى ولست ادرى مايحدث فى الكواليس ولا عايز اعرفه لاانى عندى المراره هههههههههه لا الشاهد بالفعل ان الاهتمام بالمواضيع المهمه قليل وكلامك انها فعلا بتعمل نوع من التقارب والتواجد يمكن بس الواحد المفروض يدور على الاستفاده وانه يعلى نفسه اكتر ده بدايه وعلى فكره الكلام مش لكل الناس لكن الكلام لناس معينه ويمكن معروفين وواضحين بالفعل فيه ناس محترمه وتعرف تفرق وفى ناس تانيه زى الفل برضو هههههههه
بالنسبه لموضوعى

الفكره جميله زى ماحضرتك قلتى فوق ماشى رأئع لكن نوعيه المشكلات اللى انت عارضها ليست على مايرام انا فتحت الباب فوق لجميع الاعضاء واللى عنده اى مشاكل مهمه ينشرها عشان الناس تستفيد ولا حد هنا
ولو نارا نفخت بها اضاءت ولكن انت تنفخ فى رماد
لقد اسمعت لو ناديت حيا ولكن لحياه لمن تنادى
وعلى العموم انا مستنى من حضراتكم شويه مشاكل كبيره بدل لعب العيال اللى انا كاتبه ده والموضوع على فكره ليس حصرى على انا بس
يعنى طريقه العرض اللى ممكن تكون مفيده نعملها
وشكرا على ردك واهتمامك وزوقك ربما فى الاختلاف ولكنه بشكل مؤدب
الرجوع الى أعلى الصفحة اذهب الى الأسفل
sarahbosy
أفضل مشرف
أفضل مشرف
sarahbosy

عدد المساهمات : 2172
تاريخ التسجيل : 16/11/2007
العمر : 31
الموقع : الاســــــــــــــــكنــدريه *نجمه مـــ صـــــ ر*

مشكلات من الحياه ...... متجدد( ارجو التثبيت) Empty
مُساهمةموضوع: رد: مشكلات من الحياه ...... متجدد( ارجو التثبيت)   مشكلات من الحياه ...... متجدد( ارجو التثبيت) Emptyالإثنين مايو 19, 2008 10:24 pm


دتورهانى ااسفه لتأخير الرد

وان شـــــــاء الله الاجازه هتكون انسب وقت لفتح الموضوع من جديد
وتعديل طريقه عرضه

جزاك الله خير على الفكره

وان شاء الله تفتحها من تانى قريب

_________________
مشكلات من الحياه ...... متجدد( ارجو التثبيت) 767977589

مشكلات من الحياه ...... متجدد( ارجو التثبيت) 817463781



مشكلات من الحياه ...... متجدد( ارجو التثبيت) 816525430



--------------
لاتدور فى المنتدى ولا تحتار
أدخل معايا قسم الاخبار
علشان نملى عقولنا بالانوار
نعتق ظلام الجهل ونبقى احرار
ونشوف احداث وقضايا مليانه بالافكار

عايزه اشوفكم فى قسم الاخبار
الرجوع الى أعلى الصفحة اذهب الى الأسفل
http://www.alazhar.gov.eg
ساره
أزهري متميزجدا
أزهري متميزجدا
ساره

عدد المساهمات : 1103
تاريخ التسجيل : 13/03/2008
العمر : 28
الموقع : مصر_أم الدنيا

مشكلات من الحياه ...... متجدد( ارجو التثبيت) Empty
مُساهمةموضوع: رد: مشكلات من الحياه ...... متجدد( ارجو التثبيت)   مشكلات من الحياه ...... متجدد( ارجو التثبيت) Emptyالأحد مايو 25, 2008 6:37 am

ياااااااااه والله بجد قصص حلوه اوي
مشكوووووور يا دكتور
الرجوع الى أعلى الصفحة اذهب الى الأسفل
bodyking
أزهري فعال
أزهري  فعال
bodyking

عدد المساهمات : 54
تاريخ التسجيل : 09/06/2008
الموقع : مصر

مشكلات من الحياه ...... متجدد( ارجو التثبيت) Empty
مُساهمةموضوع: رد: مشكلات من الحياه ...... متجدد( ارجو التثبيت)   مشكلات من الحياه ...... متجدد( ارجو التثبيت) Emptyالثلاثاء يونيو 10, 2008 9:53 am

شكرا يا دكتور على الموضوع
الحــــــــــــــــلـــــــــــــــو ده
الرجوع الى أعلى الصفحة اذهب الى الأسفل
http://www.google.com
اكرم
أزهري مبتدئ
أزهري  مبتدئ


عدد المساهمات : 1
تاريخ التسجيل : 27/04/2010

مشكلات من الحياه ...... متجدد( ارجو التثبيت) Empty
مُساهمةموضوع: رد: مشكلات من الحياه ...... متجدد( ارجو التثبيت)   مشكلات من الحياه ...... متجدد( ارجو التثبيت) Emptyالثلاثاء أبريل 27, 2010 10:31 pm

كل هذه المشاكل بسيطه امام مشاكل كتير
كلهم يتكلموا عن حب وليس كتب كتاب وحب مثلى
يعنى اقولو الحمد لله
الرجوع الى أعلى الصفحة اذهب الى الأسفل
 
مشكلات من الحياه ...... متجدد( ارجو التثبيت)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى جامعة الأزهر :: المنتدى العام :: فضفضه-
انتقل الى: