لماذا أبر والدى

اولا" عشان انا عاقل...هتسألونى يعنى ايه عاقل ؟...عاقل يعنى عقلانى فى تفكيرى وبحب اوزن الامور واعقلها كويس جدااا" ...... واشوف الصح فين واعمله... والغلط فين وابعد عنه.

ومدام انا بحب لما اكبر ان شاء الله واتجوز كدا"عقبالكم" اولادى يعاملونى كويس ويسمعوا كلامى ويشرفونى قدام الناس يبقى لازم اسمع كلام ربنا وأبر الوالدين .

قولت : ما هو الموضوع مش هينفع غير بسماع كلام الرسول الكريم

يعنى مثلا" لما يقولك فى الحديث الشريف "بروا آبائكم يبركم أبنائكم"
يعنى بالعقل كدا انا اقدر على زعل والدى ووالدتى ولا اقدر او استحمل دعاؤهم عليا "بعد الشر يعنى" لا مش ممكن الطيب أحسن وكلامهم على راسى من فوق.

ولا لما تسمع الرسول العظيم وهو بيقولك حتى لو انت دخلت فى الصلاة ووالدك نادى عليك وقالك يا محمد"مثلا يعنى" تجرى جرى نعم يا بابا .. بتنادى ...مش تتطنش وتعمل نفسك مش سامع..
يقول الرسول الكريم فى الحديث "لو ادركت والدى او احدهما وقد افتتحت الصلاة فقرأت فاتحة الكتاب ، فقال يا محمد ، لقلت لبيك"

ياااااااااه يا رسول الله كلامك عظيم اوى وبيآثر فيا اوى ومن دلوقتى مش هقدر ابدا" ازعل والدى ولا والدتى ابدا" .... مين يا ترى هيبقى معايا ويعمل زيي وكل يوم يقبل ايد امه ست الحبايب ويطلب منها الدعاء والتوفيق .

اقتباس :

بس المشكلة هنل ازاى نبر والدينا ... وازاى نتقرب منهم

والله يا جماعه الايام دى يا ريت بس الابناء يقولوا كلمة حلوة لامهاتهم انما دا الكلام بيكون بطريقة مش كويسة وتطنيش وكلام من دا كتير الايام دى
بس ربنا يهدى الجميع وفعلا كما تدين تدان
وفعلا موضوع جميل يا علاء
جزاك الله كل خير

وفيك بارك