الشات والشباب

السلام عليكم ورحمة الله وبركاته
ازيكم يا اخوانى
طبعا دى اول مرة اكتب فيها موضوع واتمنى انكم تردوا عليه ومش تكسفونى
الموضوع هو الشات واضراره وفوائدة
الشباب بيدخلوا الشات بيقضوها كدب مع انه للتعارف مش عارفه لية؟
ياريت تفيدونى بارائكم
وشكرا ليكم

زائر

والله يا نورهان احنا سعداء بموضوعك ده وسعداء ايضا بأنه اول موضوع ليكى

ربنا يبارك فيكى يارب..

بالنسبه بقى يا ستى للشات وكده..فأنا ملاحظ اعتراضك على فكره الشات من ناحيه كذب الشباب

وبس..والمخادعات اللى بتحصل فيه..ورحبتى كمان بيه فى كلمه انه للتعارف فقط..

لكن والله يا نورهان يا اختى انا شايف ان ملوش اى منفعه خالص لا تعارف ولا غيره بل

بالعكس فهو قبل اى شيئ دعوه للفساد.ودعوه للضلال..يكفيكى اننا لما سألنا اهل العلم وقلنا

لهم الشات مكان بيجمع الشباب ممكن احنا ننشر كلمات خير ودعوه..والاجابه كانت بالتحذير من

دخول هذه الاماكن..يعنى مجرد الدعوه للخير هناك لا تصح..فهو اكبر فتنه تهدد شبابنا وفتياتنا

خاصه..وانا ارى ان من السهل جدااااااا ان اى انسان بيضعف امامه ويقع فى بئرته الدنيئه

لا هيكى عن دعوه المخنثون هناك ودعوه الضالين للكفر.لاهيكى عن سب الدين علنا امام الشباب

كل هذه الامور فتن فتن فتن..فأنا اتحداكى ان اى فتاه تجلس امامه تنظر لما يكتب من كلمات بذيئه

ومخله بالحياء..ولا تحدثها نفسها انها اخطأت ان كانت محترمه..وكيف تسمح لعينها ان تقرأ

مثل هذه الكلمات.ونفس الامر للشاااب..

فمجال التعارف موجود فى المنتديات الدينيه مثلا والمحترمه..فعليها رقابه لما يكتب ولا نجد ما

يخدش الحياء ولا تتعرض الفتيات للمعاكسات كما يحدث فى غير امور الشات وغيره

فأقول وفى الختام ان اى فتاه تدخل الشات نيتها من فعلتها التعرف على كم كبير من الشباب حتى

وان حدثت نفسها بكلمه انا عايزه اصادق شباب محترم..لكن هذه مجرد حجج واهيه..

ونفس الامر للشباب يريج التعرف على فتيات ليتسلى بهن ويتحدث معهن فى كل شيئ

موضوع هايل يا نروهان وانا ردى اكتر من الموضوع معلش هههههههههههههه

حيااااااااااااااااااااك

موضوع جميل يا نورهان وانا
فعلامضيقة جدا من الطريقة اللى بيستخدمها الشباب فى الشات ولكن ممكن نستعمله فى حاجات تانية مفيدة ان احنا نسلم على صحبنا واقاربنا وكده تمت الطريقة الكدب والتعارفبن الجنسين وكلام كده يعنى (مرفوضة)
وشكرا ليكى على الموضوع ويارب مش يكون اخر موضوع ونتمنى المزيد

الشات ده مصيبه كل حاجه فيه قرف في قرف
البنات تكدب علي الولاد والولاد يكدبوا علي البنات
طب ليه كل ده بناقص يا ستي لو دخول الشات لمجرد تقضيه وقت فراغ
ممكن الواحد يدخل علي منتدي مفيد احسن
لكن موضوعك حلو وسؤالك احلي ومتقلقيش هنا محدش بيكسف حد

زائر

اولا يا نورهان انا برحب بيكى اخت لينا وانشاء الله تكونى سعيده معانا .
وموضوعك ده مهم جدا بالنسبه لينا .
بس انا هقلك على حاجه مش كل شاب بيعمل شاتنج يبقى بيكدب لأن صوابع ايدك مش زى بعضيها وبعدين زى مانتى بتقولى دى حاجه كويسه للتعارف فانا ليه هكدب وانا بتعرف على صديق جديد .
ممكن الانسان اللى بيكون بيكدب على الشات بيكون انسان تافه وعايز يتسلى
مش اكتر .
وانا بشكرك على موضوعك .
ويا ريت تشاركى معانا باكتر من موضوع .
(بهاء القلب العاشق)

مش عارفة ارد بصراحة الكل دايما بيحكى عن اد ايه الشات له سلبيات كتير
وممكن الانسان يتعرض للذلل بسهولة عن طريقة
بس بجد مش قادرة احدد حجم المشكلة
لانى ببساطة
عمرىىىىىىىىىىىى مادخلت شات رووم قبل كده
بس بقول ببساطة لو كان على التعارف والصداقة مش ممكن تعتمد على مجرد معلومات انا بقولهالك ممكن تكون غلط
يبقى كده انا شخصية وهمية يبقى كده انا قلتى احسن
والاحسن اننا نبعد عن مواطن الفتن وناخد بفتاوى ونصايح ائمة الاسلام
زى اللى احمد استدل بيها

شكرا يا طيبة على الموضوع

شكرا يا احمد على مرورك
وانا استفدت اوى من كلامك
ربنا يجازيك عنا خير

شكرا يا دادوووو انتى وساره على مروركو
نورتوا الموضوع

شكرا يا بهاء على ردك انت ويوكو بجد انا استفدت اوى منكم
وفرحانه اوى بكلامكو ده
شكرا ليكو كلكو
نورتو الموضوع

بس انا ليا سؤال يا احمد ولكل الاعضاء
ايوه طبعا السات مش كويس ده اكيد
بس فيه ناس كتير اتعرفوا على بعض واتجوزوا عن طريق الشات
دول بقى ايه موقفهم؟

دول بنوا علاقتهم من الاول غلط يا نورهان تفتكري نهايتها هتكون ايهاسيبك انتي تفكري

زائر

اهلا بيكى نورهان

اسمحيلى ارد على موضوعك واقول وجهه نظرى المتواضعه فى هذا الموضوع

والله يا جماعه الموضوع ابسط مما يكون الحوار كله ان الشات وسيله للتسليه بوجه او باخر او وسيله حديثه للاتصالات والرسائل واكيد كلنا عارفين ده
وجينا احنا بقى بعبقريتنا فى تحويل استخدامات الاشياء وعملناه ساااااااااااحه للكدب والغش والنفاق والشبهات

انا بصراحه اءيد فكره الشات النظيف
اقصد باستخدامه الاصلى
الى اتعمل عشانه

مشكوره على طرح الموضوع

الشــــــــــــــــــات
مشكله العصر
لا بجد مشكله خطييييييييره جدا لانه استخدم فى غير موضعه
والغريب ان الى بيكلمو بعض عارفين انهم بيكدبو على بعض

يعنى ام كنت بتناقش مع ناس كتير عن الشات يقولو احنا بنتسلى وهما كمان عارفين اننا بنسلى
يعنى كووووووووووله بيكدب على كله

طيب ليه منحسنش من مستوانا الفكرى اكتر من كدا
مش فاهمه
بس تقريبا هو ادمان

موضوعك حلو ومتميز بس كلامه كتيييييييييييييير أوى

مشكووووووووووره نورهان

نورهان كتب:: السلام عليكم ورحمة الله وبركاته
ازيكم يا اخوانى
طبعا دى اول مرة اكتب فيها موضوع واتمنى انكم تردوا عليه ومش تكسفونى
الموضوع هو الشات واضراره وفوائدة
الشباب بيدخلوا الشات بيقضوها كدب مع انه للتعارف مش عارفه لية؟
ياريت تفيدونى بارائكم
وشكرا ليكم

بجد انا هاتكلم بمنتهى الوضوح والصراحة ويارب محدش يزعل منى
بجد انا كنت الفترة اللى فاتت دى كلها بادخل شات واكلم اكتر من خمس بنات فى الساعة الواحدة طبعا ده شىء مش كويس ومش حلو ومش فرحان بالعكس انا شاب لو شايف بنت او ولد بتكلمنى وبصراحة يبقى ليه مش هاتكلم طالما تعارف وعادى بس الاسف محدش بيتكلم على النت بالذات بصراحة الكل بيكدب على التانى الكل بيحاول يعرف حقيقة الشخص اللى بيكلمه ومحدش بيتكلم بصراحة
اما عن البنات والشات والله دى حاجة بترجع للبنت نفسها لو هى متاكدة من الشخصية اللى بتكلمها ولالالاء لكن اقسم بالله مع عندى الان ولا بنت على الايميل الا غير بنت واحدة وهى اختى واكتر وحتى انا بقالى فترة كبيرة مش شوفتها ومن حسن حظى انى الخط بتاعى اتحرق وعليه ارقام البنات دى كلها وده حاجة حلوة وانا فرحان حتى كمان مش معاى تلفيون حاليا والحمدلله ربنا عوضنى بخير صديق وهو اخوى الكبير بجد كنت غلطان اوى انى كنت بعيد عنه الفترة اللى فاتت وشكرا اتمنى انه محدش يزعل من ردى

شكرا ليك يا كابوكا انت وسارة وسارة بوسى على مروركو
نورتو الموضوع بجد

بالنسبه ليك يا strike
فبشكرك على صراحتك دى
وكويس ان الخط اتحرق ههههههههههههههه
وبجد دى بدايه كويسة
نورت الموضوع

زائر

حاضر انا هجاوبك يا نورهان على سؤالك

اولا يا نورهان..فى كتير تزوج نساء وهو يعلم انهم مش كويسين وهم يعلموا ايضا انه رجالهم

مش كويسين..دى نقطه

ممكن بقى شاب محترم لقى فتاه سمعت عن الشات وبدأت تدخل الشات بقالها مثلا شهر او

اقل يعنى مش من عشاقه ولا من مدمنيه زى بعض الناس

فيبدأ يتعرف عليها بمنتهى الاحترام واول شيئ يطلبه منها انها تترك المكان ده فورا فورا

ده دليل انه شيئ خطأ وغلط..وهو كمحترم وبيغير على الللى عايز يرتبط بيها بيحذرها من دخول

الاماكن دى..بل بالعكس ممكن يهدد علاقتهم بالانتهاء مقابل فعله كهذه..

انما شاب يحب فتاه عبر الشات وهى تحبه ويفضله برده بيرتادوا على الشاتات ويتعرفوا على ناس

فدول من الصنف الاول هو راضى انها مش كويسه وهى راضيه انه مش كويسين وما اكثرهم

الان

خلاصه قولى..ممكن الشات يبقى نزوه عند بنت متعديش شهر او ايام وبكده بنحكم عليها بالسذاجه

وحب الاستكشاف وممكن نرتبط بيها..انما استمرت تبقى مش كويسه طبعا بلاش شك

شكرا يا نورهان على طرحك للموضوع الهايل ده

حياااااااااااااااك حيااااااااااااااااااااك

شكرا يا احمد على ردك
بجد عندك حق
وانا استفدت اوى
نورت الموضوع

ههههههههههه يعنى انتى فرحان فيا يا نورهان علىفكرة اسمى محمد بلاش
STriKe دى اوكى بس عادى الارقام مش هترجع اللى فات

لا يا محمد انا بهزر معاك اوعى تزعل
بس اقول الصراحة انا فرحت بس مش فيك فى الخط

ازعل من ايه عادى والله انتى اختى عادى بس على فكرة انا رجعت الارقام كلها امبارح على شريحة جديدة
بس اقولك حاجة محدش بيعمل حاجة غصب عنه يعنى النهاردة والله بنت كلمتنى على الايميل ومن نفس الشارع اللى انا فيه على الايميل ومش تعرفنى ومعاى رقمها ومش عارف اعمل معها ايه دى
بجد الشات ده مش كويس
صدقينى انا كله وهم وكدب وخصوصا لو قلبت الحكاية بحب يا لهوى ههههههههه
بلاش بقى اصل ما افتكر اضحك واعرف قد ايه كنت غلطان بس اهو الواحد اتعلم من اللى فات

برده رجعت الارقام طيب ربنا يهديك
وعموما سيب البنات فى حالهم بقى
هههههههههههههههه
شكرا ليك
نورت الموضوع

ههههههههههه
وربنا خلاص مفيش حد منهم يلزمنى الا بنت واحدة ودى اختى وبتكلمنى من وت للتانى واظن ان دى اللى طلعت بيها من الدنيا

ربنا يخليهالك ويخليكوا لبعض
شكرا على مرورك يا محمد

شكرا نورهان لردك وموضوعك الجميل