ماتت قلوب الناس

ماتت قلوب الناس . ماتت بنا النخوه يمكن نسينا فى يوم ان العرب اخوه
هل الكلام ده صحيح ولا ده كلام اغانى زى ما بيقولو يجماعه انا عايز تعليق على الكلام ده يا ريت انا بجد مش عارف او بعمل نفسى انى عارف بس مش فاهم
مطلوب تعليق
(بهاء القلب العاشق)

والله يا أستاذ بهاء شكله كدة الكلام طلع مظبوط والعرب فعلا نسيوا أنهم أخوة أصبحو يقتلو فى بعض
ونسيو دينهم وأخلاقهم نسيوا أن الرسول أمرنا نكون إيد واحدة وأنه صلى الله عليه وسلم وصى
على أمته يكونوا قلب رجل واحد
يييييياااااااااااااااااااااااااااارررررررررررببب صحى قلوب الناس صحى بيها النخوة

اشكر الاستاذ بهاء على موضوعه الهام واتمنى من ربنا انه يصحى قلوب الناس ويخلى العرب يد واحده يااااااااااااارب

ممكن يكون الكلام فيه بعض الحقيقه بس لازم يكون عندنا أمل زي ما في ناس معندهاش قلب في برضوا ناس كتير عندهم قلب وقلب كبير كمان بيص يا عاشق كل انسان غينا لازم يحس بغيره مش معني اننا عايشين كويس اننا ننسي اخواتنا المسلمين لكن انا فعلا عاوزه اعرف انت رأيك ابه ده كلام اغاني ولا فيه شئ من الواقع

انا بقى شايفه ان الكلام ده مش حقيقى
والنخوه مش ماتت ولا حاجه
بس الناس هى الى فى غفله
والشباب مستنين الى يفوقهم ويصحيهم
شكرا ليك

اولا انا بشكركم كلكم بس انا بجد لسه محتار
واكيد برده كل واحده او واحد فيكم قبل ما بيرد على الموضوع بيكون متردد
هيكتب ايه .
وبجد انا مش عارف ونفسى نعمل اى حاجه
بس زى مابيقولو .
ما باليد حيله
(بهاء القلب العاشق).

ماتت قلوب الناس ماتت من النخوة
بجد يا بهاء لو مفيش بينا اختلاف ولو صراع على المهام الشخصية كنا سادة العالم شوف امريكا مثلا كلها اتحاد وعندها حقوق الانسان على الرغم من الاسلام سابق ذلك بكتير فربنا قال لقد كرمنا بنى ادم هو بس الواحد منا يرجع لربنا وسنة رسولنا الكريم وصدقنى بجد هنكون احسن حال بكتير
مع تحياتى محمد الفلسطينى

مشكوووووووووووووووووورين كلكم على مروركم
(بهاء القلب العاشق)

تسلم بس انا كده مش هبيع حاجه فى المحل وهيتخرب بيتى
ما كلنا عارفين ان معظم المنتجات امريكيه ومكتوب عليها صنعت بايدى مصريه 100%
والواحد منا بيفرح بالمنتج الاجنبى ومبيرضاش بالمحلى
وانا شايف ان العيب فينا مش فى حد تانى
واحنا اللى زلينا نفسنا برضانا

انا بشكرك يا نور على التعليق الجميل ده وبشكرك انتا كمان يا صحبى وبشكركم كلكم يا جماعه.
ردودكم كلها حلوه اوى
(بهاء القلب العاشق)

ربنا يوفقنا جميعا

ما شى يا هيما
شكرا يا جماعه

انا معاك يا ابوحمد انه حقيقه مش كلام اغانى . تمام
بس مين اللى هيعمل الكلام ده وهل كل الناس زينا هنا كده ولا الدنيه فيها
ولا امته الناس دى هتفوق لما مبقاش فى وجود للعرب اساسا
ولا ايه نفسى بجد نعمل اى حاجه .
بس مش عارف حاسس انى متكتف ومش عارف اعمل اى حاجه ا صحبى .
غير انى اصلى وادعى وربنا يستجيب لداعائى.
بشكرك يا احمد على تعليقك الجميل .
(بهاء القلب العاشق)