أنا بنت عندي 14 سنة، وبصراحة أنا باحب واحد قوي وهو كمان بيموت فيّ؛ لأن كل نظراته بتدل على إنه بيحبني قوي. هو بعت لي رسائل كتير مع أصحابي وأنا بصراحة كمان باموت فيه. بس بعد كده بقيت مش باشوفه وهو كل شوية بيسأل عليّ..
ياريت تقولوا لي أعمل إيه.. الصراحة اللي شجعني إني أقول لكم كده المشاكل اللي بتتبعت ليكم.. وشكرا وكانت هذه اضا بعض ردود المترددين
انتي لسة طفلة طفلة طفلة حب اية بس ياحبيبتي دي مراهقة وصدقيني بلاش استني لما تكبري وركزي في مذاكرتك احسن وعايزة اقولك انك لما تكبري شوية دماغك هتتغير خالص استني مستعجلة لية وبعدين بصي والله معظم البلاوي بتطلع من سنك دة خدي بالك من نفسك وبعدين 14 سنة يعني علي الاقل هتتخطبي مثلا 18 او 19 عايزة تقنعيني انك في كل الوقت دماغك مش هتتغير يابنتي بلاش صوني نفسك بدل ماترجعي تندمي
mahitab
ana b2a mesh moqtan3a an mayenf3esh t7eb w hya 14 sana mesh kol al banat zay ba3d
mesh lazem te3rafo esmy
يا جماعة انتم بتهجموا كده ليه انتم بتبصولها على انها صغيرة وطفلة لكن لو دخلتم مدارس الاعدادية وشفتم الى بيحصل فيها هتنسوا ان فى حاجة اسمها صغيرة انا مش بقولها انها كبيرة وتعمل الى عايزه لكن لا زم تسمع تجارب البنات الى معها وتستفيد منهاواهم حاجة تتقرب من ربنا وتعرف ان مفيش حاجة اسمها حب غير لما تخلص دراستها وتتخطب
dandona2008
انا شايف النصايح كلها فى المعقول بس ممكن اضيف ملاحظة .. فى حاجه اسمها استلطاف وكمان فى تعود وكمان تقارب فى الافكار يعنى مش لازم اللى نحس بيه يكون حب بمعنى الحب لان الحب معناه كبير ... وفى كمان حاجه فى سنك ده لازم تعيشى هذه المرحلة بكل ما فيها لانها فى الغالب احلى ايام بكره تفتكرى كلامى وتعرفى ... فأرجوا من اختنا انها تستغل احلى ايامها وما تستعجل على تحمل المسؤلية .
هادى
بصى ياحبيبتى انا مش هقول لك انتى صغيرة ولا الكلام ده كل اللى هقوله لك انك ان شاء الله اما تكبرى شوية هتلاقى تفكيرك اختلف تماما ويمكن كمان مايعجكيش وهو كمان تفكيرة هيختلف لانه شكله اكيد لسه بيبى وماتنسيش ان البنت مخها بيبلغ قبل الولد وبكرة تقولى تامر حسنى كان صادق لما قال تضحك وتقول مش معقول انا كنت بعمل كدة
dodo88
يابنتى انتى لسة صغيرة اوى المفروض متفكريش فى الحاجات دى دلوقتى خليكى فى مذكرتك وبس علشان لما تكبرى هتحسى ان دة كلة كلام فاضى وهتندمى علية
نوران
السلام عليكم ورحمة الله وبركاتة أختي الصغيرة أنتي مازلتي صغيرة جدا على هذه الأوهام التي تدور برأسك فكري في دراستك الأول بعد ذلك فكري فالحب ولكن ليس الآن هذا الوقت المناسب وأخبرا لا تزعلي من هذا الكلام فأنتي مثل أختي الصغيرة بل تصغريها بأربع سنوات ووفقكي الله بما فيه الخير
HAMADA
14 سنه وبتحبى أنتي لسه صغيرة قوي؟؟؟ وهو اكييييدقدك حتى لو اكبر منك بسنتين فهو لسه مراهق ومش هيقدر انه يتقدملك ويفتح بيت احنا مش ضدك لكنااحنا بردوا مرينا بسنك ده وعرفين ان ده سن مراهقه متستعجليش لسه بدرى على الحب والمستقبل لسه طويل وفكرى فى مزاكرتك لان ديه اللى تستحق تفكرى فيها وهتنفعك واكيد لما تكبرى وتفتكرى فى ايامك ديه هتقولى انه كان لعب عيال مراهقين
الرومانسيه
كنت عايزة اكتبلك نصيحة بس مش لاقية كلام اكتر من اللى اللى قالته "دعاء قاسم" الكلام دا صح مية فى المية وياريت تاخدى بيه عشان مصلحتك
ديدى
بصي يا قمر...انا مش عايزك تزعلي مني بس انا شايف ان اسلم حل تقربي من ربنا اكتر من كدا وتركزي ف دراستك عشان متتعذبيش بالحب دا قدام ويجيلك اليوم اللي تكرهي فيه كلمة حب واللي فيه الخير يقدمه ربنا.
k70dni_leek
انا حبيت بس اقول لك رأى بس ياريت متزعليش منى انتى مفيش حاجة فى ايديكى تعمليها غير انك تركزى فى دراستك ده فى الوقت الحالى لكن بعد كده ان شاء الله حتكونى نضجتى وحتعرفى معنى الحب لكن دلوقتى انتى لسه فى مرحلة المراهقة يعنى مشاعرك متلخبطة وبكرى تفتكرى رسالتك وحتضحكى عليها وتقولى ازاى انا كنت بفكر كده وبس
batotaaaaaaa
حبيبتى مازلتى صغيرة ع الحب وعايزاكى تسألى نفسك اخرة الحب ده ايه حتى لو حقيقى ياترى ممكن يخطبك دلوقتى؟ تعرفى ان ده ممكن يأثر على مذاكرتك وعلى مستقبلك كله متستعجليش لسه قدامك حياة جميلة مليئة بالتفوق بإذن الله ركزى فى مستقبلك واياكى تضيعى سمعتك
منى ياسين
بجد يا بنتى حرام عليكى نفسك انا مش هاقول لك انتى صغيره وخلاص لا دا لانك فعلا صغيره صدقينى والله الحب الحقيقى عمره مهيكون فى سنك ده انتى لسه فى سن مراهقه وبجد لما تكبرى هتضحكى على نفسك ومش هتصدقى انك كنتى بتقولى كدا الانسان فى مرحله المراهقه بتكون مشاعره مش ثابته بتتغير تقريبا كل فتره وكل ما تشوفى واحد هتحسى انك بتحبيه او معجبه فيه وبعد فتره صغيره هتقابلى واحد تانى وهتتأكدى ان اللى قبله دا كان مجرد نزوه متستعجليش يا حبيبتى ومتغضبيش ربنا انتى متأكده انه حتى لو بيحبك وانتى بتحبيه بجد زى ما بتقولى مش هيقدر يخطبك دلوقت ولا اهلك هيوافقو على خطوبه فى سنك ده صدقينى حاولى تشيلى الموضوع كله من دماغك وتركزى فى مستقبلك وبعد كده لما تكبرى هتكون مشاعرك حقيقيه بجد وهيكون حبك حب حقيقى وكلامك هيكون صادر من عقلك مش من مشاعرك وبس ووقتها هتقدري تختارى بجد الانسان المناسب متستعجليش الحب مش هيطير وصدقينى هييجى عليكى يوم وهتنسى انك حبيتيه الحب ده هيقل مع الايام لحد ما ينعدم لان دى بجد مش مشاعر حقيقيه اسفه طولت عليكى وعارفه انك هتقولى عليا مش حاسه بيكى وانك مش صغيره لكن والله يا حبيبتى هتتأكدى ان دى الحقيقه لما تكبرى ومشاعرك دى تتغير0 18 درجه وربنا يوفقك فى حياتك
دعاء قاسم
الأربعاء فبراير 13, 2008 12:00 pm