منتدى جامعة الأزهر
هذه الرسالة تفيد بأنك غير مسجل بالمنتدى تفضل بالدخول على اشتراكك ان كنت عضو لدينا او قم بالنقر على زر التسجيل لتصبح عضو معنا
منتدى جامعة الأزهر
هذه الرسالة تفيد بأنك غير مسجل بالمنتدى تفضل بالدخول على اشتراكك ان كنت عضو لدينا او قم بالنقر على زر التسجيل لتصبح عضو معنا
منتدى جامعة الأزهر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى خاص بجامعة الازهر للتعليم والدراسه من خلاله
 
الرئيسيةأحدث الصورالتسجيلدخول

 

 قصة سمسم وسمسمة

اذهب الى الأسفل 
2 مشترك
كاتب الموضوعرسالة
زائر
زائر




قصة سمسم وسمسمة Empty
مُساهمةموضوع: قصة سمسم وسمسمة   قصة سمسم وسمسمة Emptyالخميس فبراير 07, 2008 9:06 am

لال السلام عليكم ورحمة الله وبركاته
كنت عايز اقدم لكم قصص حب حقيقية من واقع الحياة و النهارده معايا قصه حقيقيه
حتبقى على فصول
لكن اللي كاتبها كتبها لانها قصص حقيقية حصلت بالفعل في السنين اللي فاتت دي
وفيها عبرة
انا هبدا واكتبها
بس يا ريت بعد كل لما اوقف كل واحد يكتب اللي استفاده منها
ولو مش عايزين اكمل
ياريت تقولوا من الاول بدل ما اتعب نفسي
ابدأ بأول القصة
اسمها
الحب الحقيقي
ابطالها سمسم وسمسمة
مش هنقول اسماء حقيقية لان اصحاب القصدة دي رفضوا ذكر اسماءهم
المهم نبدأ



الفصل الاول
(النظره الاولى)

يخرج سمسم من المسجد بعد صلاة العصر يسمع همسات و همهمات من اعلى.ينظر لاعلى للفضول ليس اكثر ويراها لاول مره تقف في البلكون ولم تلاحظه سمسمه
يستمر سمسم في السير الى منزله المجاور للمنزل و هو يتساءل .... من تكون؟كيف لم اراها من قبل و هى جارتى؟يا ترى في سنه كام؟ اسمها ايه ؟بنت مين؟؟؟؟؟؟؟؟؟؟؟؟؟؟؟؟اذاكر احسن بلاش كلام فاضى انا في ثانويه لسا يامه هقابل.........
..............................................؟


الفصل الثانى
(النظره الثانيه)


في الصباح الباكر يخرج سمسم من المنزل للذهاب الى المدرسه ليجدها امامه تلبس اليونيفورم الرمادى في طريقها للمدرسه و تلك المره نظرت اليه رأت في عينيه جميع التساؤلات و الحيره و رأى في عينيها الحيره و التشوق لمعرفته و لكن هناك سؤال جديد يطرح نفسه......
اشمعنى اشوفها مرتين ورا بعض مع انها جارتى ؟
هو ده اللى اسمه النصيب و لا ايه؟؟؟؟؟؟؟
المهم كل واحد راح مدرسته و خلصت الليله.
.............................................


الفصل الثالث
(الخطوه الاولى)

بعد عدة ايام..............الساعه تقريبا 7 مساءا
.سمسم في طريق العوده للمنزل من احدى الدروس الخصوصيه .:ايه ده سمسمه هى كمان راجعه من الدرس. ايه ده المطره بتنزل. ايه ده دى مش لابسه جاكيت . هى دى الفرصه ...........
سمسم قرب من سمسمه شال من على كتفه جاكت تقيل كان لابسه .
ولاول مره كلمها :ممكن تاخديه انا لابس تقيل و انتى مش لابسه حاجه تحميكى من البرد و المطر.
سمسمه" انا اسفه مش هينفع انا معرفكش و بعدين البيت مش بعيد.
سمسم" عادى خديه و بعدين ابعتيه على بيتى مع اى حد من عندك اخوكى او ابقى اخده منك بعدين بس بسرعه علشان المطره بتزيد.
اخدت سمسمه الجاكت واستسلمت لذوق صاحبنا سمسم و طبعا مع شوية اقناع من الثالث<الشيطان>............................
................................................
الفصل الرابع
(الخطوه التانيه)

بعد يوم او يمكن يومين و فى نفس الميعاد سمسم نازل من البيت رايح المدرسه و سمسمه هى كمان رايحه المدرسه . استنوا استنوا ايه ده .....
دى سمسمه في ايديها الجاكت .
قربت سمسمه من سمسم و قالت: انا متشكره اوى اوى على موقفك النبيل يا....
هو انت اسمك ايه؟
سمسم: انا اسمى سمسم و انتى .؟
سمسمه: انا سمسمه .انت في سنه كام؟
سمسم: انا في تالته ثانوى و انتى ؟
سمسمه: انا في اولى ثانوى . انا اسفه مش هقدر اكمل كلام معاك ممكن حد يشوفنا .اوكى.
سمسم : اشوفك تانى امتى؟
سمسمه: سيبها للنصيب احسن
سمسم: ياه البنت دى اموره اوى انا ازاى معرفش حاجه عنها انا النهارده لازم اعرف عنها كل حاجه من صاحبى اللى ساكن تحتهم
سمسم:. ياه الواد ده يجنن انا هسأل عنه اصحابى ممكن حد يعرفه

----------------------------------------------

الفصل الخامس
(المفاجئه)

................استنوا شويه ده في حاجه غريبه اوى اوى
صاحبنا سمسم سأل جار سمسمه عنها و كان الرد
"يا ابنى دى بنت ساهله و اى حد يكلمها بتكلمه انا عن نفسى زهقت منها و من الكلام معاها تاخد نمرتها لو عاوز؟" يا دى المصيبه دى طلعت مش مؤدبه انا افتكرتها معجبه بيا يلا مش مشكله انا المهم انى بتكلم معاها زى اصحابى ما بيكلموا بنات . اشمعنا انا ما يكونش ليّا تجارب و احب و اتحب هو انا وحش ولا ايه؟
...........امّا سمسمه لمّا سألت عن سمسم عرفت انه ولد ملوش في الحكايات فقالت " الواد ده لسّه خام امّا اشتغله شويه"
..........................................

الفصل السادس
( البدايه)

بعد كام يوم....... الساعه7 مساءا
سمسم راجع من الدرس و سمسمه راجعه هى كمان...............
سمسم : ازيك يا سمسمه.
سمسمه: ازيك يا سمسم عامل ايه؟
سمسم: انا كويس . ممكن طلب صغير ؛ ممكن اخد رقم تليفونك؟
سمسمه : لا طبعا انا اسفه ما اسمحلكش انك تكلمنى في البيت؛
سمسم: ليه ، انا مش هديها لحد و هكلمك في الوقت اللى تحدديه ، ولو مش عاوزه بلاش.
سمسمه: انا مش قصدى بس انا عندى اخويا و ماما وبابا و مش بيخلونى اتكلم براحتى ، بس اقولك ممكن اديك الرقم بس تطلبنى بعد الساعه 12 اوكى.
سمسم: ايوه كده هو ده الكلام المعقول.
سمسمه : باى بقه البيت قرب.
..............................
و فنفس اليوم الساعه 12 بالتمام اول مره سمسم يكلم سمسمه في التليفون
سمسمه: هاى سمسم انت بتذاكر؟
سمسم : هو اللى يكلمك يعرف يذاكر، انا مش عاوز اعمل اى حاجه غير انى اكلمك و بس.
سمسمه : انا على فكره سألت عنك اصحابى
و قالولى انك شاطر اوى و كمان مجموعك كبير و بتطلع من الاوائل.
سمسم: ايه ده انتى سألتى عنى مين ؟ هو في حد يعرفنى؟
سمسمه: طبعا يا ابنى ، البنات ما وراهمش حاجه غير الكلام عن الصبيان امال هنضيع الوقت في ايه غير كده؟
سمسم :انتوا بتتكلموا عننا زى احنا ما بنتكلم عنكوا؟
سمسمه: طبعا يا ابنى ، انتا باين عليك ما تعرفش حاجه عن البنات؟
سمسم: بصراحه انا اول مره اتكلم فيها مع بنت، و انتى؟
سمسمه : انا اول مره اتكلم مع ولد زيك مبيكلمش بنات بس حاسّه انى مشدوده ليك اوى مش عارفه ليه؟
سمسم : ممكن اطلب منك طلب؟ ممكن تبطلى كلام مع الصبيان .
سمسمه: ايه احنا بدأنا نغير ولا ايه؟
سمسم: بصراحه انا لما سألت عنك قالولى انك بنت سهله وكده يعنى.
سمسمه: اللى ميعرفش يقول عدس ، و بعدين انا احب انه يكون عندى تجارب علشان اعرف اختار شريك حياتى اما اذا كنت هتدخل معايا في قصة حب مالوش لازمه الكلام احسن ، اوكى.
سمسم : انتى حّره بس انا حبيت انصحك لانى ما اعتقدش انى لما احب اتجوز هتجوز بنت ليها تجارب ، علشان البنت اللى من النوع ده ما تقدرش تحافظ على بيتى.
سمسمه: طب ما انتا بتكلمنى اهو و لا ايه يعنى ، اعتقد دى اسمها انانيه، انت ليك اخوات بنات؟
سمسم :ايوه بس دى ملتزمه و بتصلى و ما اعتقدش انها ممكن تكلم حد او تعرف شباب.
سمسمه معنى كده ان انا مش محترمه ؟
سمسم: بصراحه البنت اللى بتكلم صبيان في السن ده تبقى مش محترمه
سمسمه: و لما انت شايف انى مش محترمه بتتكلم معايا ليه؟
سمسم : اقولك الحق انا مش عارف ليه ، انا عمرى ما فكرت انى اتكلم مع بنت بس حسيت انى مشدودلك و مش عارف يا ترى اكمل كلام معاكى ولا اسيبك ، بس ممكن نكون اصحاب و في الاخر نشوف مين فينا اللى هيقدر يقنع التانى انه صح؟
و ادينا ما بنعملش حاجه غلط ، ماشى.
سمسمه : اوكى ، باى دلوقتى

سمسم هيبدأ المحاوله الاولى في انه يبعد سمسمه عن الصبيان ، بس يا ترى ليه؟؟؟؟؟؟؟؟
انا عارف ليه. ؛؛؛؛؛ اصله عاوز يفصل بنت على مزاجه محترمه قدام كل الناس بس ، متدينه بس شويه كده وشويه كده .........
يا تري ازاى؟؟؟؟؟؟؟؟؟؟؟؟؟؟؟؟؟؟
هو في حاجه اسمها شويه كده و شويه كده ،،
ادينا هنشوف ايه الموضوع ده
...................................
الرجوع الى أعلى الصفحة اذهب الى الأسفل
زائر
زائر




قصة سمسم وسمسمة Empty
مُساهمةموضوع: رد: قصة سمسم وسمسمة   قصة سمسم وسمسمة Emptyالخميس فبراير 07, 2008 5:01 pm

بدون ما اكمل القصه مش كويسه يا محمد بلاش تكمل الهيافه دى
ايه طلع من صلاه العصر بص على واحده دى ؟
الرجوع الى أعلى الصفحة اذهب الى الأسفل
زائر
زائر




قصة سمسم وسمسمة Empty
مُساهمةموضوع: رد: قصة سمسم وسمسمة   قصة سمسم وسمسمة Emptyالجمعة فبراير 08, 2008 1:29 pm

Eng/kaboka كتب:
بدون ما اكمل القصه مش كويسه يا محمد بلاش تكمل الهيافه دى
ايه طلع من صلاه العصر بص على واحده دى ؟
هههههههههههههههههههههه
يارب يارب اروح على فين
هههههههههههههههه
الرجوع الى أعلى الصفحة اذهب الى الأسفل
زائر
زائر




قصة سمسم وسمسمة Empty
مُساهمةموضوع: رد: قصة سمسم وسمسمة   قصة سمسم وسمسمة Emptyالسبت فبراير 09, 2008 8:36 pm

روح الحته الى مفروض تكون فيها ههههههههههههههه
الرجوع الى أعلى الصفحة اذهب الى الأسفل
زائر
زائر




قصة سمسم وسمسمة Empty
مُساهمةموضوع: رد: قصة سمسم وسمسمة   قصة سمسم وسمسمة Emptyالسبت فبراير 09, 2008 9:03 pm

هههههههههههههههههه
انتش يامعلم
هههههههههههههوهى فين بقى عندكم ولا ايه ما انت عارف هههههههه
الرجوع الى أعلى الصفحة اذهب الى الأسفل
زائر
زائر




قصة سمسم وسمسمة Empty
مُساهمةموضوع: رد: قصة سمسم وسمسمة   قصة سمسم وسمسمة Emptyالإثنين فبراير 11, 2008 8:53 pm

لا يا انتشه انت عارف فين
هههههههههه
الرجوع الى أعلى الصفحة اذهب الى الأسفل
moshreqa
أزهري متميز
أزهري  متميز
moshreqa


عدد المساهمات : 659
تاريخ التسجيل : 13/02/2008
العمر : 32
الموقع : القاااهرة

قصة سمسم وسمسمة Empty
مُساهمةموضوع: رد: قصة سمسم وسمسمة   قصة سمسم وسمسمة Emptyالإثنين فبراير 25, 2008 3:04 pm

أناحاسه انى بتفرج على مسلسل قديم لان الحياه مش كده الشباب اللى بيعانى فراغ مش بيكون قريب من ربنا أماالانسان اللى بيحب ربنا بجدبيمشى صح وقلبه مش هيتحرك ناحية واحده هايفه هتقول اصحاب سوء؟طب ازاى سايبينه يصلى على العموم انامش بقلل من شانك بس الشباب عايزين اللى يكلمهم يحترم تفكيرهم صدقنى مش بقصه عن سمسم وسمسمه لا بقصه عن طموح عن امل عن حب عن حياه
Exclamation
الرجوع الى أعلى الصفحة اذهب الى الأسفل
مسافر بلا عنوان
أزهري فعال جدا
أزهري  فعال جدا
مسافر بلا عنوان


عدد المساهمات : 132
تاريخ التسجيل : 16/02/2008
العمر : 36
الموقع : شباب مية مية _عيال مجنونة

قصة سمسم وسمسمة Empty
مُساهمةموضوع: رد: قصة سمسم وسمسمة   قصة سمسم وسمسمة Emptyالإثنين فبراير 25, 2008 6:22 pm

بس انا مش سمسم
اتمنى يكون الموضوع نال اعجايك
الرجوع الى أعلى الصفحة اذهب الى الأسفل
 
قصة سمسم وسمسمة
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتدى جامعة الأزهر :: المنتدى العام :: المواقف الحياتيه-
انتقل الى: