اخواتى الفاضلات السلام عليكم ورحمة الله وبركاته فى البداية احب اعرفكم اننا كلنا ازهرية والحمد لله مسلمين وعارفين فقه وسنة والحمد لله كمان احنا كبار وعارفين الصح من الغلط والمفروض احنا بنعمل اللى بيرضى ربنا مش اللى بيرضى المجتمع وافراده
طيب بالله عليكم ينفع اخت مسلمة تقول عندما يطلب منها الحق تبارك وتعالى ارتداء الحجاب فى قوله تعالى يا ايها النبى قل لازواجك وبناتك ونساء المؤمنين يدنين عليهن من جلابيهين .. عاوزة الاول اقتنع بفكرة ارتداء الحجاب اقولك اختى معلش انتى لست اذن عالمة باحكام دينك كويس المفروض انك مسلمة وتعملى اللى ربنا يامرنا بيها من غير اى اعتراض او اقتناع
طيب عاوزنى اقنعك ان الحجاب فرض اقولك الشيخ محمد حسان ذكر قصص كدا حلوة اوى فى كتاب المؤمنة بين الخوف والرجاء قال ايه اسمعتى يا اختى شاب امريكى يهودى كان يريد الدخول فى الاسلام فاقبل على الشيخ هو وامه اليهودية وهى كانت ترتدى خمار فهى كانت تعلم انه ليس من الاسلام ان يرى رجل ليس من محارمها وجهها انظرى اختى هذه يهودية تخاف من عبد بشر مثله مثلها مابالك انتى تقول عاوزة حد يقنعنى بالحجاب
طيب قصة الزوجة اللى ماتت غرقا فى السفينة عند امرها زوجها بالخروج فقالت والله لن اخرج حتى ارتدى الحجاب كاملا يذكر زوجها انها ماخرجت الا بعد ارتداء الحجاب كاملا حتى القفازين وتوفها الله شوفى اختى هذا الخوف والرجاء من الله والايمان
تعالى بقى الى حجاب الموضة الطرحة او الاريشاب الملونة الملفوف على الوجة مع المكياج الخفيف تقولك اصل الفنانة الفلانية كانت عاملة كدا فى المسلسل وكان منظرها فيه ايه رهيب ياريتنى اطلع حلوة زيها فى الحجاب هو بالله عليكى حجاب اسلامى طيب هى الفنانة دى قدوة عشان افعل مثلها انظرى اختى الى القدوة ام الؤمنين عائشة رضى اللة عنها السيدة خديجة
الحجاب لابد الا يكون زينة فى نفسة مش تقولى انا هالبس الحجاب عشان معظم اصحابى لابسين حجاب او عشان خاطر خطيبى لاء الحجاب لابد تكونى انتى راضية عنه من تلقاء نفسك
بعض البنات تقول امى تعارضنى وخطيبى لا يوافق على ارتداء الحجاب طبعا مش هانفع اقولهم لاء اقولك امك ولا ربنا خطيبك ولا ربنا طيب ربنا اذن لاطاعة لمخلوق فى معصية الخالق
بعض البنات تقولك انا مازالت شابة جامعية فى العشرين من عمرى والحجاب بيخنق وشكلى هابقى شيخة واصحابى هيتريقوا عليا اقولك مالك ومال الناس انتى بترضى ربنا اذن هو نصيرك فالله تعالى يقول انا لا نضيع اجرا من احسن عملا
بعض البنات ليس لديهم ما يكفى لشراء الحجاب اقولك انتى لو بتحبى حد وطلب منك هدية هتجبيها ولا لالالاء بجد دى هدية ليكى وللخالق عزوجل وجزائها الجنة اذن انتى مش عاوزة تدفعى مهر الجنة يقول الله تعالى من ذا الذى يقرض الله قرضا حسنا يضاعف له الجزاء مرتين اذن الحجاب وقفة مع النفس شوفى انتى عاوزة الحجاب ده فرض عليكى خصوصا فى زمان طغت فيه الماديات وحب الشهوات
اختى فى الله اطيعى امر الله انا عارف ان كلكم ازهرية وعارفين الكلام ده كويس بس متقولتيش انا فى الثانوي لما ادخل الجامعة او انا فى الجامعة لما اتجوز او لما اكبر او ان الشركات بترفض اعمال المحجبات احنا مسلمين لازم نعقل الامر وربنا معنا ومعاكم
انا بس عاوز اذكر الاخ احمد ساهر انى عارف ان الحجاب فرض والحمد لله اهل بيتى اكثرهم ملتزمين بالحجاب والحمدلله وهما كبار وعارفين ومفيش حد مش عارف الصح من الغلط بس انا زعلت اوى لما قولت ان الموضوع بتاع الاسدال خاص بالبنات بجد انا مش باحب الاسدال لانه ساعات بيكون غير واسع وكدا
المهم الحجاب يا جماعة لازم يكون واسع غير شفاف غير معطر الا يكون زينة فى نفسه
وشكرا
الخميس يناير 31, 2008 8:29 pm