منتدى جامعة الأزهر
هذه الرسالة تفيد بأنك غير مسجل بالمنتدى تفضل بالدخول على اشتراكك ان كنت عضو لدينا او قم بالنقر على زر التسجيل لتصبح عضو معنا
منتدى جامعة الأزهر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى خاص بجامعة الازهر للتعليم والدراسه من خلاله
 
الرئيسيةالتسجيلدخول

 

 الاســــــــــــــدال...نقاش؟

اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
زائر
زائر



الاســــــــــــــدال...نقاش؟ Empty
مُساهمةموضوع: الاســــــــــــــدال...نقاش؟   الاســــــــــــــدال...نقاش؟ Emptyالثلاثاء يناير 29, 2008 7:13 am


[size=9]

أبو عبدالملك

أزيكم يا حبايبى..مش اتفقنا اننا اخوات..والمفروض ان الاخ لازم يدردش مع اخوه..او اخته..تعالوا بقى

ندردش مع بعض..واعتبرنى اخوك او اخوكى او باباكى..المهم ندردش ونقول رأينا بصراحه

الاســـــــــــــــــدال

طبعا كلنا عارفينه..طيب مش ملاحظ ان فى الايام الاخيره بل الشهور الاخيرهانتشر الاسدال بكثره

ملحوظه..كام مره مشيتى مع اخوكى وشفتى الاخوات المسلمات وهم لابسين الاسدال ده وبكثره..

كام مره مشيت مع اختك او مامتك فى الشارع وشفتى الاسدال منتشر بطريقه غريبه..

وكلكم قلتو سبحان الله ربنا هيرجع دوله الاسلام فينا احنا من تانى..طيب تعااااااااااالو نتناقش فى حاجه تانيه

فى بنات بتلبس الاسدال علشان جسمهم مليان حبتين..وقالو انه هيدارى جسمهم وكمان فى الاسدال هيكون

كويس..وبالتالى بيلبسوا تحته بناطيل جينز..وسابو او شوز ملفت للنظر..ده غير الطرحه اللى مينفعش

اى مسلمه انها تلبسها..ممكن تكون بترتر او لونها فاقع شويه..او مش لاقيه على مسلمه..

وفى بنات بتلبسه علشان نحيفه وهو هيدارى النحافه اللى فيها..وبرده بتمل زى اللى قبلها.

وفى بنات بتلبسه علشان بقى موضه..أصل بنت عمها جابت زيه وهى مش احسن منى..اصل صاحبتى

اشترت واحده انبارح وهو هينطق عليها..اصل جارتى شفتها نازله بيه وكان هااااااااايل اوى عليها..

وفى بنات بتلبسه علشان الصبيان بيحبوا يشفوه على البنات..علشان بيميل للزى الخليجى..

وفى بنات بتلبسه..للــــــه..بتقول يارب..انا سبت البناطيل الضيقه والواسعه والجيبات ولبست ده علشانك

انت يا حبيبى..راضى عنى..او علشان خطيبها او زوجها وشايفه انها ملك انسان ومش عايزه حد

يبصلها غيره..

ياترى؟....انتى...مين...فيهم؟

طيب تعالوا بس ندردش كمان متمشوش عايزكم..

عمرك شفت بنت لابسه الاسدال وممكن ترقص فى فرح واحده صاحبتها..لأ طبعا..مينفعشششششش

طيب شفت واحده لابسه الاسدال واول لما تروح..تقوم مشغله الاغانى على أخرها..وتتفرج على الكليبات

والافلام..وكمان ممكن تكلم صديقها فى التليفون ويدردشوا سوا..او ممكن مبتصليش؟

طيب هسألك.......................ليه؟...ليه لبستى من الاول؟

ماااااااا انت قلت السبب علشان بيظهر مفاتنى او علشان موضه؟..

طيب يعنى مش لله..ردى عليا مش لله صح..هتبصيلى وتسكتى وتسألى نفسك اه صحيح انا ليه بعمل كده

وليه انا لبسته..هقول لك على حاجه يا بنتى بصى تعرفى ربنا ده لما بيأمر امر بيحصل ايه تعالى اقول لك

عن النواس بن سمعان عن النبى انه قال(أدا امر الله امرا فى السماء صعقت الملائكه من امره وارتعدت

وارتجفت خوفا من الله وخروا له سجدا ولا يستطيع احد ان يرفع رأسه الا جبريل فيوحى الله بأمره اليه

فيمر جبريل على اهل السماء فيسأله اهل السماء..بم امر ربنا يا جبريل فيقول قال الحق وهو العلى الكبير
فيقولون قال الحق وهو العلى الكبير.فيامرهم بما امر..

شفتى يا اختى امر الاله الاعظم بيعمل ايه فى ملائكه السماء..انتى تيجى فيهم ايه..

طيب ليه مبتعمليش كده ادام الناس..(اتخشى الناس فالله احق ان تخشاه)

طيب متزعلوش تعالو نقول حاجه تانيه..

مين فينا هنا لابسه الاسدال؟

متخفيش هنسألك بس والله شويه اسأله صغنتوته؟

حقى يا اختى الاسدال خنيق؟.......هل هو فعلا بيلبخ الواحده فى المشى؟....طيب بيحرر فى الصيف؟

وبيخلى الواحده مش طاقيه نفسها؟..

طيب قبل ما تجاوبى اسمعينى..كنت بروح الدروس مع اختى فى الحر ايام الثانوى..فكنت انا اكب مايه

واقول لها الله يكون فى عون الاخوات المنتقبات..تضحك وتقول لالالالا ابدا احنا فى جنه..

اااااااااااااااااااه جنه..يعنى ربنا ممكن يخلى حراره الشمس برد وسلامه عليكى..وبرد الشتاء دافئ ومنعش عليكى..اه طبعا انتى ناسيه ان هو الاله..وان كل حاجه فى ايده..مش معقول هيسيب واحده لبسته

طاعه له وهيعدبها بنار الدنيا او نااااار الاخره..

طيب سؤال اخير معلش..

مش ناويه تلبسيه؟...بس لله....اه اه ناويه بس لما

اخلص ثانوى وادخل الكليه.يوووووه..لما اتخطب يووووووووه..لما اتجوز.يوه يوه يوه.

انتى يابنتى..متخفيش ربنا هو اللى هيجوزك..وهو والله عارف فين عريسك وهيجبهولك..مهما كان

ومها كنتى.هو مكتوب لك..يعنى يا غبيه معلش اخ وبيشد على اخته..لما يبص لك قبل الزواج

وياخدك علشان جسمك ولبسك..ماهو لما تتنيلى وتتجوزى هيبص لغيرك علشان جسمها احلى منك..

او لبسها اشيك منك..انا عايزه ياخدك انتى بنفسك علشان هى انتى..

طيب يلا قومى..من بكره تلبسيه لالالالالا من بكره ايه؟ من النهارده..يلا يا اختى عايزين نخلى النبى

يعيش بينا تانى بسنته وبمنهجه..وانت يا اخى يلا قول لاختك البسيه او اشتريه لها وهى هتلبسه..

او زوجتك او مامتك..متقلش اصل التقاليد ابدا انت وغير التقاليد وهيكون ليك اجر كل اللى هيعمل زيك

وانتى كمان متقوليش بابا مش هيوافق..يعنى يا هانم لو صممنا على حتته جيبه بـ250 جنيه مش كنا

هنعمل اللالى علشان تيجى..اشمعنا فى دى مش بتجاهدى نفسك..ولاااااااا بتضحكى على نفسك



اتفقنا هنلبسه واتفقنا هنلبسه لاهلنا..يلا بقى اشوفكم على خير وسامحونى على الاطاااااااااله اااااااسف بجد





الاســــــــــــــدال...نقاش؟ Neqabbbnew
الرجوع الى أعلى الصفحة اذهب الى الأسفل
yoyo89
مشرف المنتدى العام
مشرف المنتدى العام
yoyo89

عدد المساهمات : 274
تاريخ التسجيل : 27/01/2008
العمر : 30

الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالثلاثاء يناير 29, 2008 11:29 am

عندك حق فى كل الى قولته بنات كتير لابسه الاسدال ومش عاملة بيه لابساه موضة وخلاص وبنات كتير كانت لبساه وقلعته
الرجوع الى أعلى الصفحة اذهب الى الأسفل
EnG.AkRaM HeKaL
أزهري فعال جدا
أزهري  فعال جدا
EnG.AkRaM HeKaL

عدد المساهمات : 499
تاريخ التسجيل : 28/01/2008
العمر : 31

الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالثلاثاء يناير 29, 2008 11:44 am

لى سؤال فقط هل من سترتدى الاسدال ستواظب عليه ؟؟

والموضوع كما قال اخى محمد للبنات فقط
الرجوع الى أعلى الصفحة اذهب الى الأسفل
ENG_MUSLIMA
مشرفة وأميرة المنتدى
مشرفة وأميرة المنتدى
ENG_MUSLIMA

عدد المساهمات : 981
تاريخ التسجيل : 12/08/2007
العمر : 31

الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالثلاثاء يناير 29, 2008 12:05 pm

الاسدال
بالنسبه للبنات اليومين دول بقى موضه
بس بصراحه مش كلهم
فى ناس لابساها وبتعمل به
وفى بنات للاسف ................
الموضوع محتاج كلام كتير
شكرا يا احمد على طرحه

_________________
الاســــــــــــــدال...نقاش؟ 280853678
إذا أردت شيئا بشده فأطلق سراحه فإن عاد إليك فهو ملك لك إلى الابد
وإن لم يعد فهو لم يكن لك من البدايه ...........
الرجوع الى أعلى الصفحة اذهب الى الأسفل
نور الهدى
مشرف قسم اسلامنا
مشرف قسم اسلامنا
نور الهدى

عدد المساهمات : 1368
تاريخ التسجيل : 12/08/2007
العمر : 31

الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالثلاثاء يناير 29, 2008 12:12 pm

الموضوع رائع جدا و المواضيع المناقشات دى احمد بصراحه هو اللى بيقوم بيها دايما فشكرا ليك بجد لانها فعلا بتبقى مناقشات قيمه و مفيده



الاسدال دلوقتى للأسف البنات كتير منهم لابسينه اه بس الاكتنر لابسينه موضه و الدليل على كده الايشاربات الحمرا و المعصم الاحمر اللى يخليهم يرفعه نص كم الاسدال عشان يبان او يشتروا اسدال تلتين كم كده عشان يبينوا المعاصم بتاعت الوان الطيف اللى بيلبسوها دى



يعنى بجد انا بتنرفز جدا لما واحده تعمل الحركه دى ايشارب احمر ولا اورنج و معصم نفس اللون و شنطة كمان نفس اللون ايه ده يعنى مش منظر خالص بجد حاجه مستفزة تقلعه احسن و تلبس الجينز ولا اللبس اللى كانت بتلبسه لان بجد هم بتصرفهم ده بيسيئوا فعلا للى لابسينه عشان ربنا او لابسينه عشان هو حاجه محترمه اكتر من اى حاجه تانيه



انا بصراحه لما لبست الاسدال بجد سبحان الله جت كده قدر خالص يعنى فى بالى انى خلاص العبايه و الايشارب طويل خلاص كده الحمد لله كويس لكن فعلا الاسدال ده كنت مش حباه بسبب البنات اللى بيستخدموه غلط فى لبسه



لكن بجد و الله انا بالنسبالى فعلا اريح حاجه و اسرع حاجه لو عندى مشوار مثلا سريع بجد الاسدال و الله فعلا مريح جدا جدا غير كده بجد شيك و محترم جدا جدا جدا حقيقى و الله



بس فى الاخر ربنا يهدى البنات يا رب



و ارد بس على بشمهندس اكرم فى حكايه ان البنات هتواظب ع الاسدال ولا لأ



انا عن نفسى اه بلبس الاسدال غالبا لكن لو ما لبستوش بلبس عبايه يعنى مش بتفرق كتير لكن طبعا فى بنات تلبس الاسدال و لما تقلعه بلاقيها لبست الجينز و البدى و الفيست و اللبس اللى فعلا مناقض تماما للأسدال و ساعتها يبقى فعلا عندك حق لما تقول انهم مش بيواظبوا او لابسينه موضه و خلاص



شكرا تانى على الموضوع الرائع ده

_________________
الاســــــــــــــدال...نقاش؟ 103943120
الرجوع الى أعلى الصفحة اذهب الى الأسفل
زائر
زائر



الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالثلاثاء يناير 29, 2008 9:05 pm

اولا شكرا للاخ الفاضل محمد الفلسطينى حفظه الله لكن اخى الفاضل

عدرا..دلوقتى لما المشايخ بتتكلم فى موضوع عن الحجاب او النقاب فى مسجد

من المساجد ياترى الرجاله تسيب المسجد..وتقول الموضوع متعلق بالنساء فحسب

اخى الفاضل انت فعلا تكون بعيد عن الامر وغير مطالب بيه فى حاله واحده

بس..لما تكون فى الدنيا دى لوحدك وملكش اخوات بنات او ام تعد من النساء

او قريبه ويجب عليك نصحهها..وعلى كل شكرا لك..اما قولك عن انه ملوش

لازمه خالص الا فى المواطن اللىدكرتها فأنا مش معاك بالكليه انا شايف

انه فعلا وصف للحجاب الموجود فى عهد النبى(هم كالغربان)لا يعرف احدنا

اهم مستقبلون ام مستدبرون..وملناش دعوه باللى بيلبسوا بناطيل او غيره

وعلى كل افادكم الله..
الرجوع الى أعلى الصفحة اذهب الى الأسفل
زائر
زائر



الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالثلاثاء يناير 29, 2008 9:11 pm

yoyo89 كتب:
عندك حق فى كل الى قولته بنات كتير لابسه الاسدال ومش عاملة بيه لابساه موضة وخلاص وبنات كتير كانت لبساه وقلعته

ماااااااااااااااشى يا يويو هانم بس برده مجبتيش سيره الناس الكويسه اللى بنشوفها

وكمان مقلتيش انتى لبساه ولا لأ..ولو مش لبساه نفهم من كلامك انك مش ناويه

تلبسيه علشان اللى قلتى عنهم..ولا تعملى زى اللى لبسوه لله..وعملوا به بما يرضى

الاله..عايزين ننتظر الرد يا ابله يويو وانا سعيد على تواجدك اولا اللى انا اتشرف

بيه..ودائما اقول المرء على دين خليله..وبما انك انتى واسماء اصدقاء..

فنشهد لك بالخير والصلاح والادب..نحسبك كدلك ولا نزكيك على الله..

شكرا يا يويو ولسه منتظرين ليكى بقيه الرد
الرجوع الى أعلى الصفحة اذهب الى الأسفل
زائر
زائر



الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالثلاثاء يناير 29, 2008 9:14 pm

اخى الفاضل اكرم مرحبا بك.وفقك الله لما يحب ويرضى يا اخى العزيز

بس يا اخويا زى ما قلت لاخوك محمد الفلسطينى انت بعيد عن الامر لما تكون لوحدك فى الدنيا بدون اخت او ام او اى مرأه قريبه لك وانت كمسلم

مطلوب بدعوتها لحاجه زى كده..وبرده لازم يكون ليك رأى فى الظاهره دى

وتقول هى حاجه حلوه ورأيك فى البنت اللى بتلبسه وممكن تفكر بالرتباط

من احداهن..وطبعا اقصد اللواتى لبسنه مرضاه لله..منتظر بقيه رأيك يا

قمر..ومنتااااااااااش معفى من القضيه..ههههههههه..احبك فى الله اخى
الرجوع الى أعلى الصفحة اذهب الى الأسفل
زائر
زائر



الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالثلاثاء يناير 29, 2008 9:17 pm

اختى العزيزه اسماء..برده يا ست الكل..معرفناش منك انتى لبساه ولا لأ

وبرده مش ناويه تلبسيه لله..بلاش الناس الوحشه التانيه..

ومقلناش رأيك فيه كزى..هل فعلا يرضى الله ..وانه افضل من غيره..

واهم من كده اننا نعرف رأيك فى الناس اللى لبساه لله ولو انتى فرحانه بيهم

يبقى تعملى زيهم..منتظر بقيه الرد يا اسماء..وشكرا بجد لوجودك فى

الموضوع اللى كنت انتظره انتى وبقيه اخواتك..وفى الانتظار..
الرجوع الى أعلى الصفحة اذهب الى الأسفل
sarahbosy
أفضل مشرف
أفضل مشرف
sarahbosy

عدد المساهمات : 2172
تاريخ التسجيل : 16/11/2007
العمر : 32
الموقع : الاســــــــــــــــكنــدريه *نجمه مـــ صـــــ ر*

الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالثلاثاء يناير 29, 2008 9:18 pm

احمد ساهر بدايه جزاك الله خير على حرصك دايما على النصيحه


وعلى سلسه مواضيعك الخاصه بالنساء





وانا لا اعراضها

ولكن انا عايزه افهم منك حاجه يأحمد هل انت تقصد من كلامك ان الاسدال هو فقط الزى الشرعى الذى لا يجب الخروج بدونه ؟؟؟؟؟؟؟؟؟؟



ولا انت بتتكلم عن الاسدال زى من الزى الشرعى



لانى ياحمد شايفه ان مش الاسدال بس هو الثياب الى المفروض المرءاه تردتيه

احنا كنا ممكن نخلى الموضوع عام وطبعا ده من وجهه نظرى

عن الاحتشام فى الملبس والحفاظ على الزى الشرعى



يعنى ايه المشكله اما البنت تلبس جيبه وبلوزه وتكون محترمه وحجاب كبير مناسب للاسلام

وبتكون فيهم فتاه مثايه بجد وبتكون محافظه على شكلها واحترامها واسلامها



وزى ما انت قولت البنات دوقتى اخدت الاسدال على انه موضه وبيدندشو ههه بجد بطريقه تلفت الانظار اكتر من اى لبس تانى



فى حين بقى تجد فتيات كتييييير لابسه برضه زى محتشم ومناسب وفى نفس الوقت بيكون شيك وموضه ومع كلا مش بيكون ملفت للانظااااااار



فبصراحه انا شايفه ان المشكله فى الاسدال او البنطلون

المشكله فى زى مناسب مهما كان

وحفاظ على الزى ده بالاخلاق والاداب المناسبه ليه

يعنى احترام الزى الاسلامى



لان احنا بنشوووووووووف كتير ناس لابسه الاسدال والنقاب كمان وانا من رائى يقلعوهم احسن لانهم بيسؤ سمعه المنقبات والمسلمات باصواتهم العاليه فى الشارع وطريقه كلامهم مع غيرهم والغرباء عنهم

وغير كده وكده بيسمعو اغانى وعلى العلن كمان ودى نوعيه انا شوفتها

وكل الى بيشوفهم كان بيقول بصو المنقبات بيعملو ايه



!!!!!!!!!!!!!!



فانا بصراحه انا شايفه ان المهم يكون لبس مناسب للاسلام ومحتشم ومش ملفت للانظار

سواء كان اسدال اوى اى شئ تانى



ومع ده يحافظو على اسلامهم ويحترمو الزى الى لابسينه





مشكووووووووورين للموضوع ياحمد

لانه حقيقى يستاهل النقاش

جزاك الله خير

_________________
الاســــــــــــــدال...نقاش؟ 767977589

الاســــــــــــــدال...نقاش؟ 817463781



الاســــــــــــــدال...نقاش؟ 816525430



--------------
لاتدور فى المنتدى ولا تحتار
أدخل معايا قسم الاخبار
علشان نملى عقولنا بالانوار
نعتق ظلام الجهل ونبقى احرار
ونشوف احداث وقضايا مليانه بالافكار

عايزه اشوفكم فى قسم الاخبار
الرجوع الى أعلى الصفحة اذهب الى الأسفل
http://www.alazhar.gov.eg
زائر
زائر



الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالثلاثاء يناير 29, 2008 9:26 pm

هند.اللقب(نور الهدى)كم اسعدنى ردك جدا جدا جدا جدا..فبعد ان توقعت

عدم ردودك فى كثير من المواضيع..توقعت ايضا ان هدا الموضوع لا يشرف

بوجودك..لكن الحمد لله عثرنا على ردك..الجميييييييييل..اللى اسعدنى وابهرنى..وكان فيه دعوه لأرتدائه..ربنا يكرمك يا هند ياااااااااااارب

ويثبتك ويخليكى ممن ارتديتيه مرضاه لربك..وممن عمل به..بس همتك

انتى بس فى تكمله المسيره والدعوه اليه..وفى انتظار مساعدتك..

لكن يبقى لى اختان فى الله فى هد المنتدى ننتظر تواجدهم وردودهم..

وايضا بقيه الاخوات اللى عايزين نعرف رأيهم هم واخواتهم
الرجوع الى أعلى الصفحة اذهب الى الأسفل
زائر
زائر



الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالأربعاء يناير 30, 2008 12:30 am

أخييييييييرا عرفنا رأيك يا ست ساره..فاضل واحده عايزين نعرف رأيها

بل فاضل كتير..

انا كلامى عن الاسدال مش معنى كده انه الزى الشرعى الوحيد دلوقتى..

فى العبايه والخماروالنقاب طبعا..لانى اتكلمت قبل كده عن النقاب وقلت انه

الزى الشرعى اللى أمرنا الله به..

لكن سامحنى يا ساره (جيبه وبلوزه)مظنش ان ده يكون زى اخت مسلمه يا

ساره حتى لو واسع ومحتشم..وانا مظنش انى هلبسهم(الجيبه والبلوزه لبناتى الا فى سن
عشره 12 او13 سنه..غير كده تلبس عبايه طبعا..هضرب لك مثل

مامتك مثلا ينفع تلبس جيبه وبلوزه طبعا استحاله..لازم يا اسدال يا عبايه

طيب نسألها ليه..تقول علشان الجيبه والبلوزه مفيهمش وقار او احترام وخاصه انى متزوجه..طيطب اشمعنا احنا بقى البنوتات الصغيرين..

ولا احنا مش بندور على الوقار او الاحترام وبنقول كل اللى فى سننا كده..

برده زى ما فى صور وحشه للاسدال فى صوره مشرفه وجميله..جدا وهى

لا تعد ولا تحصى ومحدش يقول القله..وبرجع وبقول هو الان افضل من

حاجات كتير والانسان بيسعد لما يشوفه منتشر كده..

بس عرفنا من كلامك يا ساره انك مش لبساه..وكمان شكلك مش ناويه تلبسيه

عموما احنا هندعيلك انك تلبسيه وتعملى بيه..وواثقين انك ممكن تعملى اى حاجه علشان ترضى ربك..سعيد بوجودك يا ساره..جدا جدا جدا..بس كنت

متوقع رد غير كده..واما نشوووووف هتعملى ايه ومتكسفناش
الرجوع الى أعلى الصفحة اذهب الى الأسفل
زائر
زائر



الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالأربعاء يناير 30, 2008 7:59 pm

احمد رجاء الرد عليا
واستنى منى موضوع عن الحجاب للشيخ محمد حسان
الرجوع الى أعلى الصفحة اذهب الى الأسفل
زائر
زائر



الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالخميس يناير 31, 2008 12:07 am

اخى الفاضل محمد بارك الله فيك يكفيك ردى عليك من قبل ..

وننتظر منك افضل المواضيع بأدن الله بارك الله فيك
الرجوع الى أعلى الصفحة اذهب الى الأسفل
yoyo89
مشرف المنتدى العام
مشرف المنتدى العام
yoyo89

عدد المساهمات : 274
تاريخ التسجيل : 27/01/2008
العمر : 30

الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالخميس يناير 31, 2008 3:10 pm

اولا انا الحمد لله لبساه وملتزمه بيه وردى كان على السلبيات الى انا شايفاها ودة طبعا مش يمنع ان فى ناس لابساه وملتزمه بيه لكن ليه حاسه بكلامك بطريقة سخرية
الرجوع الى أعلى الصفحة اذهب الى الأسفل
ENG_MUSLIMA
مشرفة وأميرة المنتدى
مشرفة وأميرة المنتدى
ENG_MUSLIMA

عدد المساهمات : 981
تاريخ التسجيل : 12/08/2007
العمر : 31

الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالخميس يناير 31, 2008 3:37 pm

بص بقى يا اخ احمد
انا مش لابسه الاسدال ومش هلبسه
لانى لو فكرت فى كده هيبقى ملحفة ان شاء الله
وفعلا انا كنت بفكر فى ده فى الايام الاخيرة
بس لسه مخدتش قرار
وبالنسبه للاسدال او الملحفه
فهى شئ ساتـــــــــــــــــــــر جدا خاصه الواسع منها والفضفاض
بشرط متكونش ملفته للنظر اطلاقا
وبصراحه انا اعرف ناس كتير لابساه
واهمهم واغلاهم واقربهم منى منزله
حبيبتى يويو
انا مكنتش عايز اقول انها لابساه غير لما هى تقول
والحمد لله هى قالت
وشكرا لك بخصوص رايك اللى قولته فى الرد على حبيبتى يويو
وبجد هى افضل منى بمراحـــــــــــــــــــــــــــــل
لعلنا ندركها
ربنا يباركلى فيها ويثبتها على الايمان
شكرا يا اخ احمد للمرة التانيه

_________________
الاســــــــــــــدال...نقاش؟ 280853678
إذا أردت شيئا بشده فأطلق سراحه فإن عاد إليك فهو ملك لك إلى الابد
وإن لم يعد فهو لم يكن لك من البدايه ...........
الرجوع الى أعلى الصفحة اذهب الى الأسفل
صفا مصطفى
أزهري فعال جدا
أزهري  فعال جدا
صفا مصطفى

عدد المساهمات : 204
تاريخ التسجيل : 19/01/2008
العمر : 30

الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالخميس يناير 31, 2008 5:15 pm

شكرا لكى اخى في الله أحمد فهذا الموضوع مهم جدااااااا
وعلى فكرة انا لبسة الاسدال بس بصراحة مكنتش
بعمل بية اووووووووووى بس بعد الى انتا قولتة انا شاء الله
هستمر علية
أنا كنت نواية اقلع الاسدال لما دخل الجامعة
بس ؟أنا شاء الله مش هقلعة هو فعلا مريح جدا
بس طأنا لما بشوف الناس في الشارع بقول لا
انا هقلعة عشان مش أكون زيهم
ويضا امنتقباااااااات
ما بيدنا غير لا حول ولا قوة الا بالله
تمنى من الله ان يهدي شباب المسلمين ونسائهم ورجالهم
الرجوع الى أعلى الصفحة اذهب الى الأسفل
زائر
زائر



الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالخميس يناير 31, 2008 11:07 pm

يويو..يويو..يويو..

والله ما قصدت اى شيئ من حديثى..بس توقعت انك هتدكرى الايجابيات

والسلبيات..وانا من البدايه توقعت انك انتى بالدات واسماء اكيد لابسينه هو

او الملحفه..وبشكرك على ردك الاخير اللى وضح ليا المسأله

ان كنتى فهمتى اى شيئ سيئ من حديثى..فأنا..أأأأأأأأأأأأأسـ.....ف..

تكفيكى؟
الرجوع الى أعلى الصفحة اذهب الى الأسفل
زائر
زائر



الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالخميس يناير 31, 2008 11:27 pm

يـــــــــــــاماشاء الله يــــــــــــاماشاء الله على اخواتنا فى الله..ربنا يزيدهم نور

وهدى وتقوى..ايوه كده يا اسمه ربنا يبارك فيكى..بصراحه وانا بقرأ ردك

قلت ايه ده ايه ده..هو فى ايه مش ممكن تكون دى اسماء ..

لكن بعد شويه ابتسمت وضحكت وفرحت جدا جدا جدا جدا..

الملحفه فعلا قريبه من الاسدال والحمد لله هو افضل من الاسدال ..

وهندعيلك كلنا انطك تلبسيه قريب جداااا.يمكن دلوقتى..ومش بعيد عن ربنا

وبجد اجمل ما فيكم انتى ويويو انكم اصدقاء وواخوات ملتزمات يعنى

نطمع انكم تشجعوا بعض على الطاعه والهمه العاليه فى الالتزام..

شكراااااااااا يا اسماااااااااااااااااااااااااااء..

وابقى اشكرى لى يويو شخصيا وفهميها اننا منقصدش نزعل الاخوات

الكويسين دول..منتظرين الرد
الرجوع الى أعلى الصفحة اذهب الى الأسفل
زائر
زائر



الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالخميس يناير 31, 2008 11:44 pm

ماشاء الله ماشاء الله عليكى يا صفا..

ايوه كده يا صفا يا شاطره..عايزين همه الاخوات اللى زيك تعلى وتعلى

كمان..مفيش حاجه اسمها نخلعه خاااااااااااالص..احنا نزوده وندعى ربنا

يثبتنا عليه ونبدأ نعمل بيه..مين عارف نوصل للنقاب قريب..ياااااااااااااااارب

بس ننسى حكايه نخلعه الاسدال دى خااااااااالص..تفى من بؤك..

وقولى اللهم اكتب لنا الحجاب الدى يرضيك وانا واثق انه هو(النقاب)..

شكرا يا صفا..
الرجوع الى أعلى الصفحة اذهب الى الأسفل
ENG_MUSLIMA
مشرفة وأميرة المنتدى
مشرفة وأميرة المنتدى
ENG_MUSLIMA

عدد المساهمات : 981
تاريخ التسجيل : 12/08/2007
العمر : 31

الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالجمعة فبراير 01, 2008 11:16 am

شكراااااااااااااا يا اخ احمد على ردك
وادعيلى بقى
وان شاء الله اول ما اكلمك ابقى اقولها
وعلى فكرة صفا كمان غاااااااااااااااليه عليا اوووووووووووووووى
من ايااااااااام الدراسه وما بعدها

_________________
الاســــــــــــــدال...نقاش؟ 280853678
إذا أردت شيئا بشده فأطلق سراحه فإن عاد إليك فهو ملك لك إلى الابد
وإن لم يعد فهو لم يكن لك من البدايه ...........
الرجوع الى أعلى الصفحة اذهب الى الأسفل
sarahbosy
أفضل مشرف
أفضل مشرف
sarahbosy

عدد المساهمات : 2172
تاريخ التسجيل : 16/11/2007
العمر : 32
الموقع : الاســــــــــــــــكنــدريه *نجمه مـــ صـــــ ر*

الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالجمعة فبراير 01, 2008 6:18 pm


ما شاااااااااء الله عليكو والله
ايه البنانيت القمر دول
كلكم لابسينو ربنا يكرمكم


أحمد ساهر كتب:

انا كلامى عن الاسدال مش معنى كده انه الزى الشرعى الوحيد دلوقتى..

فى العبايه والخماروالنقاب طبعا..لانى اتكلمت قبل كده عن النقاب وقلت انه

الزى الشرعى اللى أمرنا الله به.

اه انا شوفت الموضوع وشوفت الردود عليه كماااااااااااااان بس ميمنعش انى شايفه ان النقاب فضيله



اقتباس :
لكن سامحنى يا ساره (جيبه وبلوزه)مظنش ان ده يكون زى اخت مسلمه يا

ساره حتى لو واسع ومحتشم..وانا مظنش انى هلبسهم(الجيبه والبلوزه لبناتى الا فى سن
عشره 12 او13 سنه..غير كده تلبس عبايه طبعا..هضرب لك مثل


ازاى ياحمد ده على اساس ايه انه حتى لو واسع ومحتشم
طيب هاتلى سبب مقنع يقولى ان الجيب او البلوز جتى لو واسعين مينفعش المرءاه تلبسهم
ليه يعنى هيفرقو ايه عن العبايه فى نظرك
هو مش الغرض
الستر المرءاه وانه لا يشف ولا يخف
؟؟؟؟؟؟؟


اقتباس :
امتك مثلا ينفع تلبس جيبه وبلوزه طبعا استحاله..لازم يا اسدال يا عبايه

طيب نسألها ليه..تقول علشان الجيبه والبلوزه مفيهمش وقار او احترام وخاصه انى متزوجه..طيطب اشمعنا احنا بقى البنوتات الصغيرين..

ولا احنا مش بندور على الوقار او الاحترام وبنقول كل اللى فى سننا كده..



وايه المانع ان والدتى تلبس جيبه وبلوزه مفيش مانه طالما محترمين عليها
وعلى فكره ياحمد ماما بتلبس الاثنين ومفيش فرق بينهم
التاير زى العبايه
لان مش اى تايير بيتلبس







اقتباس :
برده زى ما فى صور وحشه للاسدال فى صوره مشرفه وجميله..جدا وهى

لا تعد ولا تحصى ومحدش يقول القله..وبرجع وبقول هو الان افضل من

حاجات كتير والانسان بيسعد لما يشوفه منتشر كده..


ده اكيييييييييييد واصدقائى كلهم ما شاء الله لابسينه وبيعملو به
وصوره مشرفه بجد ومحدش ينكر ده


اقتباس :
بس عرفنا من كلامك يا ساره انك مش لبساه..وكمان شكلك مش ناويه تلبسيه

عموما احنا هندعيلك انك تلبسيه وتعملى بيه..وواثقين انك ممكن تعملى اى حاجه علشان ترضى ربك..سعيد بوجودك يا ساره..جدا جدا جدا..بس كنت

متوقع رد غير كده..واما نشوووووف هتعملى ايه ومتكسفناش

ههههههههههه
خلاص انت ادعيلى بقى ياحمد
وربنا يسهل
مشكووووووور ياحمد

_________________
الاســــــــــــــدال...نقاش؟ 767977589

الاســــــــــــــدال...نقاش؟ 817463781



الاســــــــــــــدال...نقاش؟ 816525430



--------------
لاتدور فى المنتدى ولا تحتار
أدخل معايا قسم الاخبار
علشان نملى عقولنا بالانوار
نعتق ظلام الجهل ونبقى احرار
ونشوف احداث وقضايا مليانه بالافكار

عايزه اشوفكم فى قسم الاخبار
الرجوع الى أعلى الصفحة اذهب الى الأسفل
http://www.alazhar.gov.eg
زائر
زائر



الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالجمعة فبراير 01, 2008 6:54 pm

ان شاااااااااااء الله يا اسمه هتلبسييييييييييييه..والله هتلبسيه وانا اقسمت

يارب بس متصومناش 3 ايام..وانا عن نفسى هدعيلك من كل قلبى انك

تلبسيه..يااااااااااااااااااااااااااااااااااااااارب تقبل منى
الرجوع الى أعلى الصفحة اذهب الى الأسفل
زائر
زائر



الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالجمعة فبراير 01, 2008 9:58 pm

والله ياساره انا مش عارف اقول لك ايه..بجد مش فاهم

انا بصراحه بقدرك بس مش معنى كده انى اوافقك على موضوع الجيبه

والبلوزه..وبلا شك ان الكلام زعلنى..

ياساره انا مش قادر اوضح ليكى موقفى لما قرأت كلامك والدليل على خطأ كلامك

البنطلون الجينز الوااااااااااااسع جدا والفضفاااااااض والساتر للعوره..

هل يجوز اننا نلبسه..باتفاق العلماء لأ طبعا..مع انه ساتر للعوره وفضفاض

برده الجيبه والبلوزه..

انا هسألك سؤال..انتى فى نظرك الاسدال والملحفه احسن ولا الجيبه والبلوزه

بلاااااااااشك الاسدال والملحفه والعبايه..

طيب ليه انتى متعمليش الافضل والاحسن يا ساره..

بصى يا ساااااااااره انا بتكلم بس ووااااااااااااااثق من رد فعلك فى النهايه..

وبقول ان شااااااااااء المولى هتلبسيه يا ساره..
الرجوع الى أعلى الصفحة اذهب الى الأسفل
sarahbosy
أفضل مشرف
أفضل مشرف
sarahbosy

عدد المساهمات : 2172
تاريخ التسجيل : 16/11/2007
العمر : 32
الموقع : الاســــــــــــــــكنــدريه *نجمه مـــ صـــــ ر*

الاســــــــــــــدال...نقاش؟ Empty
مُساهمةموضوع: رد: الاســــــــــــــدال...نقاش؟   الاســــــــــــــدال...نقاش؟ Emptyالسبت فبراير 02, 2008 8:12 am


ياحمد انت محسسنى انى رافضه الاسدال انا مش رفضاه
ومعنديش مانع فى وقت انى البسه وباقتناع ان شاء الله
بس مش معنى كده انى اقول على لبسى الحال انه غللط بقى ومش اسلامى
ازاى يعنى
بس ان شااااااااء الله اعمل زى ولاء اختى والبس كده
انت ادعيلنا بقى ياحمد لكل بنات المنتدى بالهدايه

_________________
الاســــــــــــــدال...نقاش؟ 767977589

الاســــــــــــــدال...نقاش؟ 817463781



الاســــــــــــــدال...نقاش؟ 816525430



--------------
لاتدور فى المنتدى ولا تحتار
أدخل معايا قسم الاخبار
علشان نملى عقولنا بالانوار
نعتق ظلام الجهل ونبقى احرار
ونشوف احداث وقضايا مليانه بالافكار

عايزه اشوفكم فى قسم الاخبار
الرجوع الى أعلى الصفحة اذهب الى الأسفل
http://www.alazhar.gov.eg
 
الاســــــــــــــدال...نقاش؟
الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتدى جامعة الأزهر :: المنتدى العام :: فضفضه-
انتقل الى: