- اقتباس :
- انا عصبى اوى وخلقى ضيق بس مش بايدى ده بسبب الظروف اللى بامر بيها والبيئة المحيطة بيا
عمر الظروف ما تتحكم فى الواحد إلا لو الواحد ده ضعيف. ما يقدرش يقاوم شوية ظروف. وعمر الظروف ما هتبقى أكتر من الظروف اللى مر بيها النبى محمد صلى الله عليه وسلم قدروتنا ومعلمنا ولا التى مر بها الصحابة. ومع ذلك وجدناهم قد قادوا الأمم وقد تحلوا بأحسن الصفات وعمر ما شفت حد من الصحابة عصبى ولا خلقه ضيق ولا عمرى شفت حد من الصحابة قال ظروفى وبيئتى المحيطة بيا.
- اقتباس :
- اخوانى الاعضاء يعلم الله كم انا احبكم فى الله والموضوع ليس الهدف منه اى شىء مادى ولا معنوى غير انى تسامحونى
وأشهد الله أنى أحبك فى الله وأن الهدف من الموضوع فالله أعلم بالنوايا.
- اقتباس :
- انا يا جماعة تعبت جدا لما شوفت ابن خالتى بيموت على شاشة التلفيزيون فى قناة الجزيرة
اللهم ارحمه واغفر له وادخله الفردوس الأعلى والبقاء لله أخى محمد الفلسطينى.
- اقتباس :
- ومش قدرت اعمل حاجة مات على يد فلسطين للاسف مش يهود لية بس الانقسام بين حركتى فتح وحماس بسبب التفرقة العنصرية
نأسف على ذلك لكن ما سلط الله اليهود على الفلسطينيين إلا لضعف إيمان أكثرهم.
وأما الانقسام بين حركتى فتح وحماس فلا أظن أنه يسمى بتفرقة عنصرية فإنهم من عنصر واحد فهم لون واحد وطن واحد ولكن أظن أنها يمكن أن تسمى تفرقة طائفية أو حزبية.
- اقتباس :
- بسبب غدر وطمع اليهود يلعنهم الله
لعنهم الله.
- اقتباس :
- بجد انا تعبت جدا ودخلت مستشفى ايامها
شفاك الله وعافاك أخى ولكن هو الموت لا مفر منه.فلتصبر ولتحتسب
- اقتباس :
- وانا اصلا ودى اول مرة اقولها ومش بافضح نفسى ولا عاوز حد يتعاطف معاى انا اعصابى تعبانة بما فيه الكفاية
اعتقد أن المقصود بتعب الأعصاب هو الاجهاد والتوتر النفسي لأن الأعصاب بحكم وظيفتها الفيزيولوجية كناقلة للأوامر الحركية والاحساسات المختلفة لا تتعب ... وبهذا المعنى فإن ضغوطات الحياة ومشاكلها العديدة الحالية والاجتماعية والإدارية تستنزف الطاقة النفسية للأفراد وتقود إلى النرفزة والنزق وعدم التحمل في البدء.. وإذا استمرت قد تقود إلى الاكتئاب.
وهذه الحالة لا يجدها المؤمن أبداً لأن المؤمن قارئ للقرآن بخشوع وبالقرآن يطمئن قلبه المؤمن متصل بربه اتصالاً وثيقاً. وقلة الإيمان ينشأ منها تعب الاعصاب وكل المشاكل النفسية. فانظر فى نفسك أخى واصلحها.
- اقتباس :
- يعنى انتم لو مكانى ابن خالتكم الوحيد وزمليكم وكل اسراركم معاكم يموت فى ثوانى تعملوا اية وامه تموت بعده بشهر حتى مش عرفت احضر عزاء ابن خالتى
مش هاعمل حاجة غير أنى اصبر واحتسب وأدعو ربى أن يغفر له وأن يدخله الفردوس الأعلى وإن بكيت فالبكاء شئ فطرى لا نقدر على كتمه. فإن القلب يحزن والعين تدمع.
- اقتباس :
- طب لما زمليك يموت على رجليك فى حادثة طريق انا بجد بادعى ربنا يرحمهم والموت علينا حق
بالله أخى لا تقلب المواجع فهذا زميلك فما بالك بى وقد رأيت أبى وقرة عينى يحتضر. وجدتى يموت على رجليها أبى وعمى. فماذا تفعل هى؟ صبرها الله..
- اقتباس :
- بس احساس رهيب اوى لما كله ده يحصل والعريش تتحكم فى اهالى غزة والاسعار مرتفعة وانا واقف كدا مكانى مش عارف اعمل حاجة
احساس كل انسان بفقد حبيب عليه مثل احساسك أخى ويمكن أن يكون أمر من احساسك.
العريش تتحكم فى اهالى غزة... فالله المنتقم من كل ظالم.
"مش عارف اعمل حاجة" ما يقول المؤمن هكذا أبداً مهما حدث.
- اقتباس :
- بس خلاص انا مسافر فلسطين ومش راجع تانى الا شهيد
أؤكد لك أنك لن تفعل لأننا أبناء لحظات وفقط لأننا قد ضعف ايماننا لأننا قد رأينا قبل ذلك ما هو أفظع فلم نتحرك فهل سنتحرك اليوم.. لا.
- اقتباس :
- وده قرار
قرار ليس بصائب واعلم أنك سترجع فيه لسبب أنك غير مؤهل لهذا القرار.
- اقتباس :
- ومحدش عندى هيبكى عليا غير امى ربنا يصبرها
إذا مت شهيداً فلن تبكى عليك أمك فقط بل ستبكى عليك الأمة كلها ولكن ماذا يفعل البكاء؟ هل يعيد من مات؟ هل يجعل الأعداء يتركون البلد ويذهبون؟ هل يحرر الأرض؟ وما فائدة البكاء لمن مات شهيداًُ؟ إذا كنت تريد أنت تموت شهيداً فلا تفكر فيما سيحدث فى هذه الدنيا بعد موتك.
- اقتباس :
- انا ولا ليا زميل ولا حبيب وبجد انتم كل حاجة حلوة كانت فى حياتى وعشان كدا سامحونى وادعوا ليا بالرحمة
طب أنا ابقى ايه؟ عمال تقلى نبقى صحاب وأقلك ماشى وأنا أقلك أحبك فى الله وانت تقلى أحبك فى الله. وفى الآخر تقول ولا ليا زميل ولا حبيب. لا لا أنا زعلان.
"انتم كل حاجة حلوة فى حياتى" ربنا يكرمك. دا انت اللى من أحسن الحاجات الحلوة فى حياتنا.
"وعشان كدا سامحونى وادعوا ليا بالرحمة" يا أخى أنا مسامحك مع إنك ما عملتش حاجة وكل اللى فى المنتدى قلوبهم طيبة ومسامحينك كلهم. أم عن الدعاء فمن غير ما تقول أنا بادعيلك. وبادعى لكل اللى فى المنتدى وفى ناس منهم بادعيلهم بالاسم.
- اقتباس :
- واشوفكم على خير
سواء أستشهدت أم رجعت فى كلامك بإذن الله هتشوفنا على خير فى الجنة. وبإذن الله أزورك فى يوم فى بيتكم وتشوفنى على خير فى الدنيا كمان.
- اقتباس :
- بس هل انا كدا غلطان لو دخلت غزة ده يبقى انتحار ولا استشهاد
انت قلت دا قرار.
بتسأل ليه بقا بدام قررت. اللى بيقرر حاجة ما بيرجعش فيها.
ولكن لو رجعت فى كلامك أبقا أقلك إجابة السؤال.
- اقتباس :
- حد يرد عليا
أظن أنا رديت عليك ولسه فى موضوع كامل هرد عليك فيه وهقلك إزاى بقا تورينا الهمة والوفاء لابن خالتك وخالتك ووطنك وإزاى تحرر أرضك وتكسب الشهادة من غير تهور ولا قرارات.
وتقييمى للموضوع: 10 من 10. لأن الموضوع عجبنى فى إن أخى محمد الفلسطينى طلع اللى عنده واللى نفسه يعمله ومش قادر يعمله.
بس تعرفوا كلام الواحد عن مشاكله وهمومه بتريحه جداً وياريت كل صديق وكل أخ فى الله يفتحلنا قلبه ويقلنا على مشاكله يمكن نعرف نحلها أو نساعده فى حلها.
الأحد يناير 27, 2008 9:51 pm
اخوانى الاعضاء كيف حالكم جميعا 
