إيه لازمة المنتدى دة ..؟؟؟؟؟

انا قررت انى اكتب الموضوع دة بعض ما شوفت فى المنتدى مواضيع ملهاش لازمة

خصوصا ً مواضيع الجدال الاخيرة " المشهورة " بين الادارة واحد الاعضاء

وكنت هوصل لدرجة من الاكتئاب ملهاش لزوم برضو

وأنا بقرأ المواضيع والجدالات دى فى سؤال خطر فى بالى وهو

" ايه لازمة المنتدى العام دة ...؟؟؟ "

هل المنتدى دة لما اتعمل كان بهدف طرح المواضيع الخاصة "جدا ً"

ولا المنتدى دة اتعمل علشان نفتح ابواب الجدال ومنلقاش حد يقفلها ...حد يرد عليا

ولا ممكن يكون المنتدى دة اتعمل علشان نكدب بعضينا ونجيب شهود على بعضينا
ونكسر كل حدود الثقة " اللى المفروض تكون متوفرة بينا "

وكمان ما اظنش ان المنتدى اتعمل علشان نجيب فى سيرة الاعضاء " بنين _ وبنات "
ونطعن فى اخلاقهم ونشهر بمواقف حصلت معاهم من معاكسة وغيرة ...!!!

انا مش فاهم كل دة بيحصل ليه أصلا ً ..؟؟؟

حد فاهم يقدر يفهمنى

قولولى المنتدى دة اتعمل ليه ....؟؟؟؟؟؟؟؟؟؟؟؟؟؟

انا أظن ان المنتدى اتعمل علشان الاعضاء يكتبوا مواضيع مفيدة ويلاقوا حد يرد عليها
ويستفيد منها .... ونتعرف على بعض ونستفيد من بعض خبرات مباشرة فى حدود الأصول وقواعد الأخلاق مش نضيع وقتنا فى جدال فى مواضيع أقرب ما تكون انها منتهية النتيجة .....!!!!

أرجوكم انا تعبت حد يقولى المنتدى دة اتعمل ليه ...!!!

وياريت كل عضو يقرأ الموضوع دة يقول رأية بمنتهى الصراحة والمحايدة
علشان بس كل واحد يعرف حدوده

بس خلاص ..!

مشكورة جدا استاذة سارة على ردك

بس برضوا مقولتيش المنتدى دة لازمتوا ايه ..؟|؟؟؟؟؟

بصراحه فى الايام الاخيرة كدت اجزم ان المنتدى ليس له اى اهميه واصبح منتدى للشجار والخصام وتخليق العداوات
بجد انا اسفه على الرد ده بس دى هى الحقيقه

علاء يا حبيبى
انا عارف ومقدر حجم الضرر الى حصل لاعضاء المنتدى لكن كان لازم ارد على الموضوع
وللاسف مش انا الى فتحته وكمان عبدو غايب عن المنتدى وسايبنى لوحدى


المنتدى ده انا كنت بقضى فيه احلى اوقات يومى بجد
معلومات بالهبل كل يوم مين يتصور بعد كل ده ومن يوم ما واجهت ساهر بكلام عبدو ليا وهو مش على بعضه اصبح دلوقتى بخش المنتدى علشان ادافع عن سمعه الاداره وارد على كل الاتهامات
مش طريقه يا جماعه


علاء انا اسف بالنيابه عن الاداره لكن انا مقدرش اخد قرار نهائى خصوصا دلوقتى لان الموضوع وصل ذروته

لكن اوعدكم ان المنتدى يرجع زى ماهو النهرده ان شاء الله هحاول بقدر ما استطيع احول الامر كله على وجه خاص
بينا وبين بعض

مستنينك توفي بوعدك ياكابوكا وكمان الموضيع دي المفروض إنها تتحذف لإن فيها أسماء لأعضاء مكنش يصح إنهاتتكتب وتحل الموضوع بينك وبين أحمد وعبد الرحمن خارج المنتدي وشكرا ليك ياعلاء

اده اده اده انا سامع صوت غريب بيتكلم
ازيك يا رامى فين يا راجل انت لسه جاى تفتكر تتكلم
ههههههههههههه
طيب خليك مستنى بقى

أناساكت علشان مش عايز أزعل حد طبعا فاهم هههههه٠٠٠٠٠شكلك مش مطمني يأبوأحمد وهستنا كتير ههههههههه

sarahbosy كتب:

علاء المصرى كتب:

بس برضوا مقولتيش المنتدى دة لازمتوا ايه ..؟|؟؟؟؟؟

عمدااااااااااااا ياعلاء
انا قولت رائى لانى حقيقى مصدومه من الفوضى الى حصلت النهارده فى المنتدى
ومشكور على اتاحتك الفرصه دى لينا بالتحدث

طبعا ً طبعا ً ياسارة

لازم نتيح فرصه لبعض علشان نقول رأينا فى المنتدى

ولو الاعضاء مقالوش رأيهم أمال مين هيقول رأية يا سارة

مشكورة جدا

ENG_MUSLIMA كتب:

بصراحه فى الايام الاخيرة كدت اجزم ان المنتدى ليس له اى اهميه واصبح منتدى للشجار والخصام وتخليق العداوات
بجد انا اسفه على الرد ده بس دى هى الحقيقه

لالالالالالالالالالالالالالالالا يا باش مهندسة

المنتدى مش ممكن هيكون مكان للشجار والخصام وتخليق العدوات

بس اللى حصل دة ازمة وهتعدى ان شاء الله بخير وسلامة

وهيفضل منتدانا منتدى للفكر والابداع الأزهرى

شكرا ليكى يا باش مهندسه

Eng/kaboka كتب:

علاء يا حبيبى
انا عارف ومقدر حجم الضرر الى حصل لاعضاء المنتدى لكن كان لازم ارد على الموضوع
وللاسف مش انا الى فتحته وكمان عبدو غايب عن المنتدى وسايبنى لوحدى


المنتدى ده انا كنت بقضى فيه احلى اوقات يومى بجد
معلومات بالهبل كل يوم مين يتصور بعد كل ده ومن يوم ما واجهت ساهر بكلام عبدو ليا وهو مش على بعضه اصبح دلوقتى بخش المنتدى علشان ادافع عن سمعه الاداره وارد على كل الاتهامات
مش طريقه يا جماعه


علاء انا اسف بالنيابه عن الاداره لكن انا مقدرش اخد قرار نهائى خصوصا دلوقتى لان الموضوع وصل ذروته

انا بشكرك جدا يا باش مهندس على مجهودك فى كل الازمة

بس كمان الاعضاء ليهم حقوق لازم نحافظ عليها

علشان نحافظ على سمعة المنتدى

وانا مكتبتش الموضوع دة علشان تتأسف يا باش مهندس
انتم على عينى وراسى

بس حلوا المشاكل الخاصة بعيد من المنتدى

والى الأمام دائما ً

El_king كتب:

مستنينك توفي بوعدك ياكابوكا وكمان الموضيع دي المفروض إنها تتحذف لإن فيها أسماء لأعضاء مكنش يصح إنهاتتكتب وتحل الموضوع بينك وبين أحمد وعبد الرحمن خارج المنتدي وشكرا ليك ياعلاء

عندك حق يا كينج

ومشكور جدا ً على رأيك الواقعى

نور الهدى كتب:

انا بشكرك يا علاء جدا على موضوعك اللى فعلا عندك حق فيه



بس انا هقولك على حاجه اولا انا طبعا ارفض تماما ان المشاكل تتكتب على المنتدى

بس للأسف يا علاء انا شايفه انى فعلا كان لازم اقول كل حاجه لسببين



اولا المشكله خلاص اتكتبت و الموضوع اتكتب و صاحب الموضوع نفسه هو اللى كتبه



ثانيا صاحب الموضوع نفسه برضه هو اللى دخلنى فى الموضوع

و قالى قولى كلمة الحق



و بكلمة الحق اللى طلب منى انى اتكلم بيها قلت كلامى بكل صدق و مفيش كلمة من اللى قلتها كدبت فيها او ما حصلتش



و فى الاخر طبعا انا موافقاك ان فعلا ما ينفعش اى مواضيع زى دى تتكتب على المنتدى العام كده

و ان فعلا احنا اصلا موجودين فى المنتدى عشان نستفيد و نفيد بعض



انا بشكرك تانى على موضوعك

انا مقصدكيش انتى يا هند

انا اقصد ان الموضوع اللى مليان بالجدال دة ملهوش لازمة اصلا من أولة

وانا بشكرك جدا ً على شهادتك فى الموضوع

اللى ان شاء الله مش هيكون له اى أثر فى المنتدى

مشكورة جدا ً أستاذة هند

الحمد لله يا علاء ابشر يا اخى..الموضوع ولله الحمد اتحذف تماما..تماما اما بقى

تعقيبا عن اللى حصل فى الايام اللى فاتت ادخلوا بنفسكم وشوفو

موضوع(بحبك والله العظيم بحبك..فى فضفضه)

شكرا يا لولو يا حبيبى

مشكور جدا يا احمد

وربنا يقدم اللى فيه الخير للجميع