الخداع والمكرفى الحب

السلام عليكم و رحمة الله و بركاته

ازيكم يا بنوتات
جايبلكم موضوع جدامد عشان تخلوا بالكم
ألاعيب الشباب و اللى بيحصل انه يقولك :

1- تعرفى يا حبيبتى أنا عمر ما كان ليا تجارب ( ايوة صح ليك خبرات بس )

2- حبيبتى تعرفى انك رقم واحد فى حياتى ( تقصد واحد و خمسين )

3- يا رتنى عرفتك من زمان ( خير ان شا الله عرفت 99 قبلى )

4- معلش حبيبتى أنا حقفل معاكى أصل أختى ع الخط التانى ( ايوة صح أصل أختك حتكلمك ع الموبايل من حبها فيك دى ما بتصدق تخلص من وشك )

5- مش عارف ليه حاسس انك مختلفة و غير كل البنات ( ليه ؟ عندى قرون مثلا )

6- حاسس انى أعرفك من زمان ( هو انت بتحس أصلا )

7- و أنا معاكى بنسى كل الناس حتى نفسى ( معلش معلش ما هو الزهايمر بقى بييجى للصغيرين دلوقتى )

8- أنا كلمت ماما عنك و نفسها تشوفك ( يا حرام زمان أمك اتعمت من كتر ما شافت )

9- الأكل مش بيبقى ليه طعم غير و أنا معاكى ( امال اللى بتأكله فى البيت ده يبقى ايه؟؟ تعالى كلنى أحسن )

10- قبل ما أقابلك الدنيا ما كانش ليها لون ( ما هو عمى الألوان ما بيجيش غير للى زيك )

11- بحبك من زمان ( زمان امتى ؟؟؟ ده أنا أعرفك من شهر واحد كمان شوية تقولى فاكرة لما عدينا على أبو لهب )



و ده طبعا حاجة بسيطة من اللى بيتقال
تحياتى للجميع

ههههههههههههه
ايه يا هيما
انت عارف مش ينفع نقول الفضايح دى على المنتدى
يلا بقى

ههههههههههههههههههه شكرا الموضوع حلو اوى وزى ما قالت نور (وشهد شاهد من اهلها) ومرسى على النصائح

لا تعليق

بس ســــــــــــؤال احنا هنكلم البنات دى ازاى..الا لو بصفه رسميه بالطريقه

دى..ولما نكون بصفه رسميه يبقى اكيد هتتبنى على الصراحه

احزننى كلامك يا حبى..

ههههههههههههههههه
ياراجل حرام عليك
دحنا غلااااااااااااابه
مشكور يا عسل

"ما هذا بحب؟
هذا هو ما أدى بالمسلمين إلى الذل والهوان. الشباب يتكلمون مع الفتيات.
هذا ليس الخداع والمكر فى الحب؟ إنما هو معصية الله؟
هذا ليس بحب؟
إنما هو شئ زرعه الغرب فينا فأثمر حنظلا بل هو أمر ، غرسوه في بلاد المسلمين وسنبل الشر شر
وتعاهدوه كفار العرب والعلمانيون وفسقة المسلمين وجناه الجيل بعد الجيل . فمتى نقتلعه من جذوره ؟
نجحوا في إفهام الكثير منا على أنه البراءة والعطاء وسر النجاح !
صوروه في الكم الهائل من الأغاني والمسلسلات والقصص والأفلام والأشعار والروايات ولأن أسلحة الإيمان لدينا ضعيفة لا تقاوم جيوش الباطل لديهم ولحب الهزيمة في نفوسنا وضعف العزيمة تمكن الداء وعز الدواء.

فمتى تنكشف عن عيون الشباب والفتيات أغطية الغفلة ويرون ماذا قد حدث فى أمة الإسلام؟"

هذا هو تعليقى على الموضوع. وأشكرك أيها الإنسان الحزين وليس الطير الحزين (لأنى لا أظن أن الطير يحزن)

شكرا على النصائح
بس احب اقول انا الحب مش معيب ولا حرام زي ما قال سيف الاسلام
ما دام في الطريق الصحيح والمشروع ومادام ليس في معصية بالعكس
الحب الحقيقي بيقوى ولا يضعف والا يكون في معصية
دة طبعا بالنيبه للشباب العاقل وليس شباب اليوم
وكمان البنات يكون غلطانة في ساعات

ههههههههههه
حب اي بس
يا ازهرية
ما خلاص طلع وهم

هههههههههههههههههههه
اى يا عم الحج الكلام دة

سيف ازاى واحد يعبر عن الا جواة لوحدة بيحبة من وجهة نظرك
وازاى يتاكد من حبة ليها
وازاى تعرف انها مكامتش حد قبل كدة

شكرااا يا هيما على الموضوع
ومنتظر اجابتك يا سيف

اقتباس :

شكرا على النصائح
بس احب اقول انا الحب مش معيب ولا حرام زي ما قال سيف الاسلام
ما دام في الطريق الصحيح والمشروع ومادام ليس في معصية بالعكس
الحب الحقيقي بيقوى ولا يضعف والا يكون في معصية
دة طبعا بالنيبه للشباب العاقل وليس شباب اليوم
وكمان البنات يكون غلطانة في ساعات

أقول: كيف يكون هذا الطريق الصحيح أو المشروع؟

اقتباس :

سيف ازاى واحد يعبر عن اللى جواه لوحدة بيحبها من وجهة نظرك
وازاى يتاكد من حبه ليها
وازاى تعرف انها مكامتش حد قبل كدة

أخى إسلام حمدى: أنا ايجالى واحد صاحبى بس فى رابعة كلية صيدلة وقلى إنه بيحب أختى فقلتله عاوز تتجوزها قلى ياريت بس لما أخلص كلية فقلتله طيب بس مفيش كلام معاها قبل لما تخلص كلية وأنا هسأل أختى وأشوف إيه رأيها فيك ولو وافقت أول ما تخلص كلية هقول لمامتى إنك عاوز تتجوزها. فرحت سألت أختى ما وفقتش وأنا قلتله كده وقلتله اصبر واحتسب وإن شاء الله ربنا يعوضك. المهم قابلنى بعدها وقلى إنه بيحبنى جداً وعاجبه ردى عليه وقلى إنه نسى أختى وبإذن الله لما يخلص كلية هيبقى يفكر يتجوز. وأنا عارف إنه مش نسيها بس كونه قال إنه نسيها معناه إنه مش هيكلمها وخلاص صرف دماغه عن الموضوع. وبالفعل ما كلمشى أختى هتقلى عرفت ازاى هقلك أختى وأنا بحافظ عليها أكتر من نفسى. والمهم أختى اتجوزت. وهو هيتجوز بإذن الله وهيعيش حياة سعيدة والأيام هتشغله وهينسى.

وأنا باعتبر كلامه ليا فى أول الأمر الطريقة الصحيحة لتعبر لوحدة عن اللى جواك.
أما عن ازاى يتأكد من حبه ليها؟ فده لو فاتت فترة طويلة تقرب من أكتر من سنة وما حسش بنفس الشعور اتجاه واحدة غيرها أما لو حس بنفس الشعور اتجاه واحدة غيرها فيبقى هو معجب بالاتنين مش بيحب أى واحدة منهم. وبعدين حبه ليها لو كان بجد هيدفعه إن يكلم أخوها أو أبوها فى إنه عاوز يتجوزها حتى لو لسه ما خلصش تعليم ما جهزش نفسه. هيلاقى نفسه مدفوع لا إرادياً إنه يصاحب أخوها ويقله إنه عاوز يتجوز أخته. دا اللى بيحب بصحيح ما يرضاش يمشى مع اللى بيحبها غلط. يحب يمشى معاها صح لأنه بيخاف عليها من السيئات بيخاف عليها من غضب ربنا. بيخاف عليها من كل حاجة.
أما الجزء الأخير فأنا مش فاهم السؤال أصلاً.





ولكن أؤكد لك أخى أنه لا يمكن لإنسان أن يحب آخر قبل أن يعرفه معرفة حقيقية شاملة لا مجرد رؤيته. كما يقولون من أول نظرة. ولكن من أول نظرة يعجب بشكلها الخارجى وفقط. ولا يمكن لإنسان أن يعرف آخر معرفة حقيقة شاملة إلا إذا عاش معه. ولا يمكن لرجل أن يعيش مع امرأة إلا إذا تزوجها. فالحب لا يأتى إلا بعد الزواج.

ونفسى أعرف أخى إسلام ليه سألتنى أنا بالذات.