منتدى جامعة الأزهر
هذه الرسالة تفيد بأنك غير مسجل بالمنتدى تفضل بالدخول على اشتراكك ان كنت عضو لدينا او قم بالنقر على زر التسجيل لتصبح عضو معنا
منتدى جامعة الأزهر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى خاص بجامعة الازهر للتعليم والدراسه من خلاله
 
الرئيسيةالتسجيلدخول

 

 فاطمة

اذهب الى الأسفل 
كاتب الموضوعرسالة
زائر
زائر



فاطمة Empty
مُساهمةموضوع: فاطمة   فاطمة Emptyالثلاثاء نوفمبر 13, 2007 8:13 pm

abdelmalek فاطمـــــــــــــــــــــــــــــــــــة

--------------------------------------------------------------------------------

فاطمة بنت ناس
يعنى أيه
يعنى ناس كويسين
برضه يعنى أيه
يعنى ناس بيعرفوا يربوا بناتهم
وماله
فيه كتير زى فاطمة وكتير زى الناس دول
عادى وطبيعى
فاطمة عيب ماتكلميش ولاد.................حاضر
فاطمة عيب ماتروحيش لصاحبتك هى اللى تجيلك....................حاضر
فاطمة بلاش تلبسى كدة وألبسى كدة ...................... حاضر
فاطمة عيب ....... فاطمة حرام .......... فاطمة مايصحش
وفاطمة بتسمع الكلام
فاطمة فضلت طول عمرها بتسمع الكلام
مقتنعة...؟؟؟
ممكن
مجبورة...؟؟؟
أكيد
فاطمة بتصلى وبتصوم
كبرت وبلغت ومشى عليها اللى بيمشى على كل البنات
و..........أتحجبت
سلو عيلتهم كدة
الحجاب
وماله كويس
فاطمة حلوة وشها حلو وتقاطيعها مسمسة
وجسمها خرطه خراط البنات
فاطمة بنت مرغوبة..........
عرسان أتقدموا من سن 15 سنة
لكن أبوها عايز يعلمها
فاطمة شاطرة فى الدراسة ومتفوقة
بسم الله ماشاء الله ..........أدب وعلم وحلاوة
فاطمة دخلت الجامعة
كلية أيه ما يفرقش معانا
فاطمة رايحة الجامعة ........... فاطمة راجعة من الجامعة
أول سنة امتياز...........برافوووووووووووو
وأول سنة أحمد فى السكة ظهر لها وحبها
فاطمة اتلخبطت
سمعت فى ودنها امها بتقولها لما جت تدخل الجامعة.......
فاطمة انتى رايحة الجامعة تتعلمى مش تتجوزى.... لو على الجواز يابنتى كان زمانك معاكى عيال ..... أحنا عايزنك جامعية محترمة.....
ماتكلميش ولاد .... ولا حد تسيبيه يكلمك ..... لا يقولك كشكولك ولا يقولك أعزمك ولا اوصلك....أوعى يابنتى
فاطمة الأول سمعت الكلام وعقلته.....ومارضيتش تكلم أحمد
بس أحمد ولد شاطر..........شعره عامله على الموضة ولبسه شيك وعنده عربية
وبيعرف يتكلم حلوووووووووووووووووووووووووو
بيعرف يرص الكلام ولا أجدع مهندس بيرص عواميد عمارة
احمد فضل ورا فاطمة لغاية ما كلمته
وفضل وراها لغاية ماأديته ريق حلو
وفضل وراها لما أقنعها انه بيتغير علشانها
وبيحضر المحاضرات علشانها
وح ينجح السنة دى علشانها
أحمد بيحب فاطمة
وفاطمة مش عارفة هى بتحبه ولا بتحب حبه
محدش قال لفاطمة اللى قاله أحمد
وح تسمعه فين ماهى طول عمرها ماكلمتش حد غريب
الأجازة جت وفاطمة فى البيت ............
بتساعد مامتها وبتتفرج على التلفزيون وبتقرى و .............
بتكلم أحمد على التليفون والنت
السنة التانية جت وفاطمة من اوائل الدفعة لكن أحمد يادوب نجح بمادة
أحمد فهم فاطمة أنه نجح علشانها والسنة الجاية ح ينجح بتفوق
فاطمة أبتدى قلبها العبيط يتحرك ناحية أحمد و...............بتحبه
أحمد عرف يلعب عليها لعبة الحب وقدر يقنعها بأنه يتجوزها
طيب روح لبابا ياأحمد
ماأقدرش دلوقتى لأنى مش جاهز
طيب وانا أعمل أيه
نتجوز دلوقتى مع بعض ولما نتخرج نعلن جوازنا
عايزنى أتجوز فى السر
وماله يافاطمة نتجوز احسن ماحد ياخدك منى
لا ياأحمد اخاف
وأحمد فضل يزن ويزن
وخلصت السنة وفاطمة مش راضية وخايفة
قلبها مع أحمد وبتحبه لكن ماتقدرش تعمل كدة
وفى الصيف جه عريس ............ فاطمة جريت تعيط لأحمد وتقوله يتقدم لها
لكن أحمد أتحجج بانه مش جاهز
بالعافية فاطمة رفضت العريس وطلعت فيه العبر
وجت سنة تالتة أول ماقابلها احمد قالها .............
مش قولتلك لازم نحجز بعد بطل ماتطيرى منى
ولقت زميلات كتير عاملين كدة
فاطمة وافقت بعد ألحاح أنها تتجوز أحمد
فاطمة بنت 18 سنة أتجوزت أحمد عرفى
فاطمة وقعت ونهايتها معروفة
فاطمة ضاعت وهى اللى ضيعت نفسها
فاطمة فاقت بس بعد ماأحمد ادها سكة وهى بقت .............
مدام
فاطمة أتخرجت
فاطمة كل عريس يجى لها ترفضه
ماهى خايفة
فاطمة غلطت
غلطت غلط كبير قوى
فاقت وحست بيه لما كبرت زيادة وعرفت قد أيه هى كانت عبيطة وغبية
فاطمة تابت وانابت وعرفت الغلطة فين
لكن فاطمة فى المجتمع مدام
لاهى مطلقة ولا هى آنسة
هى حاجة غريبة
فاطمة بنت 20 سنة ضاعت خلاص؟
مش من حقها تصلح غلطتها وتعيش حياتها بأى صورة
فاطمة يقام عليها الحد وتترجم ولا تتجلد وتتنفى من الأرض
فاطمة علمت أيه؟
أتجوزت عرفى
الله أتجوزت يعنى؟
لا بس العرفى فى السر يبقى مش جواز
وهى ايه اللى عرفها ده بنت 18 سنة
أه هى غلطانة بس مش مسئولة
أه هى تستحق ساعتها الدبح
بس ياما ما بنغلط
اه هى كانت مش كويسة
بس فاقت وعرفت الغلطة وتابت
المفروض يتعمل فيها أيه............حد يدبحها ولا تعمل هى أيه
فاطمة فيه منها 4 مليون فاطمة فى مصر
يعملوا أيه دول
ياترى لو حد جه يخطب فاطمة فينا وأعترفت له بده يقبل يتجوزها
ياترى لو فاطمة دى أختك ولا بنتك ولا حتى قريبتك تقتلها ولا تعمل فيها أيه
وياترى فاطمة أحسن لها تعمل عملية ترقيع والموضوع يخلص ولا أيه
حد عنده حل لفاطمة..............؟؟؟؟؟؟؟؟؟؟؟؟؟[spoiler]


عدل سابقا من قبل في السبت نوفمبر 24, 2007 2:33 pm عدل 1 مرات
الرجوع الى أعلى الصفحة اذهب الى الأسفل
زائر
زائر



فاطمة Empty
مُساهمةموضوع: رد: فاطمة   فاطمة Emptyالأربعاء نوفمبر 14, 2007 11:35 am

يا اخى انا مش عارف ارد اقولك ايه لسانى عاجز عن الكلام
بس اكيد انت عارف ان دى مشكله من زمان اوى
وللاسف اصبحت متفشيه زياده عن الازم
وانا كنت كتبت موضوع مشابه لموضوعك بينت فيه ان الحل هو ان البنت تعرف قدرها كويس وتعرف انها مش لازم تسعى للولد اول للجواز او الحب هو الى هييجى لها من غير تقليل من قدرها وفى الوقت الى يصح فيه انه يحصل ده
لانى بصراحه بعتبر اى بنت ممكن تتنازل عن حقها ده انها(.......)
بس
فالحكايه كلها ان لو البنت فعلا عندها كرامه مش هتسمح لواحد انه يحاول او يفكر انه يحاول او حتى يحاول انه يفكر انه يقرب منها او يفتح معاها سكه كلام
سلام يا مان
الرجوع الى أعلى الصفحة اذهب الى الأسفل
prof.محمد الأزهرى
المراقب العام
المراقب العام
prof.محمد الأزهرى

عدد المساهمات : 622
تاريخ التسجيل : 21/08/2007
العمر : 31
الموقع : الدقهلية

فاطمة Empty
مُساهمةموضوع: رد: فاطمة   فاطمة Emptyالأحد نوفمبر 18, 2007 2:25 pm

احيك يا محمد ع الموضوع الهام ده والحساس فى نفس الوقت .. فعلا فعلا موضوعك حقيقى و واقعى ..

اقتباس :
حد عنده حل لفاطمة..............؟؟؟؟؟؟؟؟؟؟؟؟؟
المشكله دلوقتى مش فى الى حصل لـ فاطمة .. المشكله فى ان المشكله مازات مستمرة وبيجى فاطمه جديد كل مره وبتغلط زى فاطمة الكبيره .. لأن اللى حصل لفاطمه خلاص انتهى وبأى شكل من الأشكال فاطمه هاتكمل حياتها _مع انها خارجه مجروحه ومتألمه _ بس اخدت درس عمرها ما هاتنساه فى حياتها.!! طبعا بأى حال من الاحوال فاطمه غلطانه , مهما كان التأثير اللى وقع عليها_مكانش المفروض تعمل كده _ ومش هانجيب العيب كله على اهل فاطمه .. على اساس انهم كانوا كابتين عليها وخانقنها ...... !
يبقى النقطه دى خلصنا منها .. وأنا من رأيى الشخصى : انها تعترف وتقول الصراحه للشخص اللى هايرتبط بيها بعد كده .. لأن اى حياة اسرية قائمه على الكذب عمرها ما هاتنجح .(وهوه بأه له حرية الأختيار .. ان كان عاوزها يبقى ياخدها على كده .. وإلا فلا)
يبقى السؤال دلوقتى ليه فاطمه الجديده بتعمل زى ماعمت فطامة اللى قبل منها .. ومبتتعلمش من الدرس اللى اخدته فاطمة ؟!!

(وللحديث بقية).......................................,
الرجوع الى أعلى الصفحة اذهب الى الأسفل
زائر
زائر



فاطمة Empty
مُساهمةموضوع: رد: فاطمة   فاطمة Emptyالأحد نوفمبر 18, 2007 6:48 pm

انا فى انتظارك يا محمد وسعيد جدا انك شاركت موضوعى
الرجوع الى أعلى الصفحة اذهب الى الأسفل
يا نفس متى تتوبي
أزهري فعال جدا
أزهري  فعال جدا


عدد المساهمات : 130
تاريخ التسجيل : 19/11/2007

فاطمة Empty
مُساهمةموضوع: رد: فاطمة   فاطمة Emptyالإثنين نوفمبر 19, 2007 7:14 pm

احييك على موضوعك بس عندى تفسير صغنون
انت كاتب الموضوع هنا معنى كدا انك تعرف فاطمه دى بس انت تعرف فاطمه دى او هى اختك او قربتك وان انت كدا بتفضح نفسك ومش بعيد تكون انت احمد ما هو محدش يعرف فهقولك يا اخى لو انت تعرف ربنا اتقي الله في نفسك قبل متحاسب الناس وتخوض في اعراض حد ولو انت بتعالج قضيه فمش من حقك تخوض في عرض حد دا اولا
ثانيا مش من حقك تتكلم بالطريقه دى عنا وعن البنات المسلمات اذا كان فينا شئ غلط فالمفروض ان الانسان السوى هو الى يعدل من السلوك مش يخوض في عرض الناس
ثالثا مكنش يصح انك تكتب اسم البنت كدا دا لو اسمها الحقيقي وحتى لو مش اسمها الحقيقي كان ممكن تكتب اسم دلع
شفت بقي ان زى ما البنت دى الى هى احتمال تكون اختك او مراتك عرفي غلطت انت كمان موضوعك كله اخظاء وغلطات
احييك للمره التانيه عالموضوع
الرجوع الى أعلى الصفحة اذهب الى الأسفل
زائر
زائر



فاطمة Empty
مُساهمةموضوع: رد: فاطمة   فاطمة Emptyالأربعاء نوفمبر 21, 2007 4:18 pm

انت كاتب الموضوع هنا معنى كدا انك تعرف فاطمه دى بس انت تعرف فاطمه دى او هى اختك او قربتك
لاء انا مش اعرفها ولو هاعرفها هاكتب عنها كدا لية وبعدين فضحية اية دة نقاش ودى قصة منقولة


0000000000000000000
ومش بعيد تكون انت احمد ما هو محدش يعرف فهقولك يا اخى لو انت تعرف ربنا اتقى اللة
انا اولا اسمى محمد وانا الداعى الى الحق واظن اغلب الاعضاء عارفين مين انا كويس
وانا اعرف ربنا والحمدللة وباتقى اللة هو حد قالك انى يهودى ولا حاجة اتقى انت اللة وبلاش ترمى الناس بالباطل

اخوض فى عرض مين يا انسة
وبعدين انتى بتتكلمى عن اية دى قصة وباخد رايكم فيها
ولو سمحتى بلاش ردك دة لانك اول بتتكلمى مع شخصية انتى مش تعرفيها
وانا اسف لانى كلمتك كدا بس بجد كلامك زعلنى جامد
وانا اللى استاهل انى دخلت المنتدى دة تانى
اتقوا اللة فى انفسكم
يا فاطمة
الرجوع الى أعلى الصفحة اذهب الى الأسفل
يا نفس متى تتوبي
أزهري فعال جدا
أزهري  فعال جدا


عدد المساهمات : 130
تاريخ التسجيل : 19/11/2007

فاطمة Empty
مُساهمةموضوع: رد: فاطمة   فاطمة Emptyالأربعاء نوفمبر 21, 2007 7:43 pm

اولا انا مش زى الى انت كاتب عنها
وثانيا انا مش هقول غير حسبي الله ونعم الوكيل في الصوره الى انتوا بتكلموا عنا بيها دى تربيه الاباء للبنات دى مش غلط ،ان هو دا الصح وغير كدا مش معنى ان ربنا بعت لفاطمه دى شيطان من بنى الانسان"احمد" وقدر الشيطان يغويها ان كل البنات زيها وهقول ربنا يهديها ويعفوا عنا
واكيد انا مش فاطمه الى انت بكلم عنها حسبي الله ونعم الوكيل
واخيرا انا طالبه جامعيه واحب اقول على شئ واحد ان مفيش في الجامعه عندنا حالات الجوازالعرفي الى انتوا بتكلموا عنها وان 80 %من شباب الجامعه متجوزين عرفي بالعكس احنا حالات الارتباط عندنا 65%جوازو 20%خطوبه 15%ارتباط عاطفي
لاكن مفيش حالات الزواج الهرفي دى عندنا
الرجوع الى أعلى الصفحة اذهب الى الأسفل
زائر
زائر



فاطمة Empty
مُساهمةموضوع: رد: فاطمة   فاطمة Emptyالخميس نوفمبر 22, 2007 2:33 pm

انتى مش عارفنى انا مالى ياستى بكل دة وحسبى اللة ونعم وكيل فيا انا لية
الرجوع الى أعلى الصفحة اذهب الى الأسفل
زائر
زائر



فاطمة Empty
مُساهمةموضوع: رد: فاطمة   فاطمة Emptyالخميس نوفمبر 22, 2007 2:38 pm

لية بتدخلى المنتدى اوف لين
واعرف انتى بتتكلمى كدا لية هو انا اعرفك
الرجوع الى أعلى الصفحة اذهب الى الأسفل
يا نفس متى تتوبي
أزهري فعال جدا
أزهري  فعال جدا


عدد المساهمات : 130
تاريخ التسجيل : 19/11/2007

فاطمة Empty
مُساهمةموضوع: رد: فاطمة   فاطمة Emptyالأحد نوفمبر 25, 2007 5:25 pm

ولا انا اعرفك ولا انت تعرفنى وانا جديده هنا ومش بدخل اوف لاين ودخولى قليل الفتره دى
الرجوع الى أعلى الصفحة اذهب الى الأسفل
زائر
زائر



فاطمة Empty
مُساهمةموضوع: رد: فاطمة   فاطمة Emptyالخميس نوفمبر 29, 2007 1:32 pm

خلاص انا محمد وانتى حلم
انتى رابعة تربية فنية
وانا تالتة خدمة اجتماعية ازهر
يعنى فى سن بعض
وحصل خير
واهلا بيكى معنا فى المنتدى
الرجوع الى أعلى الصفحة اذهب الى الأسفل
بوسى كات
أزهري فعال جدا
أزهري  فعال جدا
بوسى كات

عدد المساهمات : 298
تاريخ التسجيل : 21/08/2007
العمر : 29

فاطمة Empty
مُساهمةموضوع: رد: فاطمة   فاطمة Emptyالخميس نوفمبر 29, 2007 8:51 pm

العيب مش ى فاطمه ذات نفسها العيب فى لشيطان الى جالها الى اتحول من صوره شيطان الى صوره انسان ده يسمى ندل وجبان واكتر الشباب كده معلش انا بقول ان فيكم ناس كده بس طبعا مش كلهم بس الاغلبيه كده
وحسيى الله ونعم الوكيل
الرجوع الى أعلى الصفحة اذهب الى الأسفل
http://www.alazhar.gov.eg
DiaBiaN
أزهري فعال جدا
أزهري  فعال جدا
DiaBiaN

عدد المساهمات : 406
تاريخ التسجيل : 12/08/2007
الموقع : Amr diab st Elmansoura

فاطمة Empty
مُساهمةموضوع: رد: فاطمة   فاطمة Emptyالجمعة نوفمبر 30, 2007 1:00 pm

هو انتو اطلعتوا فاطمة ملاك و احمد شيطان

يعنى هو كان ضربها على ايدها

اعوذ بالله دا انتم هتجيبوا لى المرارة

هى تستاهل اللى جرى لها وزيادة




كلمة على طول بابا بقولها لى لما يغلب معايا

اللى ما يتعلمش من ابوة و امة تعلمة الايام و الليالى
الرجوع الى أعلى الصفحة اذهب الى الأسفل
http://www.amrdiabstreet.com
نور الهدى
مشرف قسم اسلامنا
مشرف قسم اسلامنا
نور الهدى

عدد المساهمات : 1368
تاريخ التسجيل : 12/08/2007
العمر : 31

فاطمة Empty
مُساهمةموضوع: رد: فاطمة   فاطمة Emptyالجمعة نوفمبر 30, 2007 7:57 pm

اولا هما الاتنين غلطانين
يعنى هى مش بريئه و مغلوب على امرها زى ما انتى وضحتى فى ردك يا بوسى
ولا الواد ده كمان مش غلطان و ما عملش حاجه و هى السبب زى ما انت قلت يا عادل
انا من رأى اصلا لما قرأت القصه لاحظت ان فاطمة متربيه على العيب و اللى مايصحش
و كلام ماما و الاهالى و ما ينفعش و....و....و....
للأسف التربيه دى بتبقى نتيجتها غلط 90 %
يعنى هى اتربت انه كده غلط لكن ايه السبب ما تعرفش
اتربت ان ده ما ينفعش عيب ما يصحش من غير سبب
مع انها لو عرفت الاسباب هتتأكد ان ده هيضرها و هى بنفسها اللى هتقول لنفسها انه ما ينفعش
يعنى فى فترة لازم اكون انا اللى مدركه يعنى ايه ما يصحش و ليه ؟؟ عشان انا مش هاخد برأى حد
فتره التمرد اللى بتحصل لينا كلنا دى ما حدش فينا بيسمع فيها لكلام اهله زى زمان
غصب عنى ببقى عاوزة اعمل اللى فى دماغى
كمان ما يصحش و عيب و الكلام ده كله بعيد تماما عن الدين
يعنى ممنكن تقابل واحد اخلاقه عاليه جدا و فاهم اوى فى الاصول لكن مش ملتزم
ما يعرفش يعنى ايه الالتزام ولا القران ولا اى حاجه
ف كلمة "عيب" دى اصول بنتربى عليها لكن مش دين
و دى مش كافيه خالص انها ما توقعش البنت او الولد فى الغلط
لازم يبقى فاهم فى الدين كويس و لو هو فاهم و عارف و قعلا بيطبقه مستحيـــــــــــــــــــل
كانت هتفكر بالشكل ده و هو كمان مستحيل يقكر بالشكل ده
يعنى الاتنين فى الاخر غلطانين و عليهم اللوم مفيش حد مش غلطان خالص
ربنا يسامحهم و يغفر ليهم و يتوب عليهم و يتوبل علينا جميعا
و يبعدنا عن الذنوب و المعاصى امين يا رب

_________________
فاطمة 103943120
الرجوع الى أعلى الصفحة اذهب الى الأسفل
زائر
زائر



فاطمة Empty
مُساهمةموضوع: رد: فاطمة   فاطمة Emptyالأربعاء ديسمبر 05, 2007 2:56 pm

ياجماعة واللة انا مش عارف يعنى لما بالعقل كدا اكون فى جامعة او اتوبيس وبنت بتتضحك او فى الجامعة زى جامعة الزقازيق عندى ومن اول كلمة مع بنت اكلمها ترد عليا وتتعرف وكدا
طيب اية اللى اعملة معاها اقسم باللة انا عشان ليا اخت بنت باكلمها انها اختى وغير كدا لاء وباقولها حاولى انك مش تتكلمى مع اى شاب وخليك انتى اللى دايما عالية فى نظر الناس
اصل بالعقل مفيش بنت هتكلم ولد ومش هيكلمها
واحنا بشر ومحدش معصوم من الخطاء
وبعدين البنت اللى بتعرف ربنا واهلها تمام مش بتحط فى دماغها الكلام دة
وبردك احنا كشباب مؤمن فواللة انا عن نفسى ومليش علاقة بغيرى
باكون هادى جدا مع اى بنت وكمان زى اختى غير طبعا لو انا باحبها هاقولها واعرض ظروفى عليها ولو هى موافقة يبقى الكلام مع ابوها
غير كدا يبقى شكرا
الرجوع الى أعلى الصفحة اذهب الى الأسفل
sakr
أزهري فعال جدا
أزهري  فعال جدا


عدد المساهمات : 293
تاريخ التسجيل : 20/03/2008

فاطمة Empty
مُساهمةموضوع: رد: فاطمة   فاطمة Emptyالسبت أبريل 05, 2008 7:41 am

تعترف وهيه وحظها

جزاك الله عنها كل خير


عدل سابقا من قبل sakr في الجمعة أبريل 11, 2008 5:47 am عدل 1 مرات
الرجوع الى أعلى الصفحة اذهب الى الأسفل
STriKe
أزهري متميز
أزهري  متميز
STriKe

عدد المساهمات : 995
تاريخ التسجيل : 24/01/2008
العمر : 32

فاطمة Empty
مُساهمةموضوع: رد: فاطمة   فاطمة Emptyالسبت أبريل 05, 2008 11:48 am

شكرا ياصقر لردك
الرجوع الى أعلى الصفحة اذهب الى الأسفل
ساره
أزهري متميزجدا
أزهري متميزجدا
ساره

عدد المساهمات : 1103
تاريخ التسجيل : 13/03/2008
العمر : 28
الموقع : مصر_أم الدنيا

فاطمة Empty
مُساهمةموضوع: رد: فاطمة   فاطمة Emptyالأحد مايو 25, 2008 6:57 pm

الاتنين غلطانين
بس احمد غلطان اكتر
لانو هوه اللي ضحك عليها
انا مش بدافع عن فاطمه
هيه كمان غلطانه وهبله
مينفعش ان ده يحصل حتي لو بيحبوا بعض مووووووووووووووت
لان كده هما بداوا غلط واللي بيبدا غلط بيفضل طول عمره غلط
والحل مش عارفه
دي مصيبه ملهاش حل
هو حرام انها تفضل طول عمرها كده
بس برضوا هيه اللي عملت في نفسها كده
انا مش عارفه
بس اللي متاكده منو ان الحل اللي انت قلته ده مينفعش
لانها كده بتغشوا هتعيش معاه ازاي وهيه حاسه انها غشاه
مظنش انها هتكون سعيده ولا هتحس في يوم انها سعيده لانها هتكون بتموت كل يوم بسبب احساسها بالذنب
انا موش عارفه الحل
ومظنش ان في حد يعرف حل يرضي الطرفين قصدي طبعا فاطمه واحمد كطرف والمجتمع كطرف تاني
يا بنااااااااااااااااااااااااااات
الشخص اللي بيعمل كده استحاله يمون حبها يوم
المهم ربنا مع كل فاطمه
ويا رب بقي منلاقيش اي فاطمه تاني
الرجوع الى أعلى الصفحة اذهب الى الأسفل
STriKe
أزهري متميز
أزهري  متميز
STriKe

عدد المساهمات : 995
تاريخ التسجيل : 24/01/2008
العمر : 32

فاطمة Empty
مُساهمةموضوع: رد: فاطمة   فاطمة Emptyالإثنين مايو 26, 2008 9:00 pm

شكرك لردك يا سارة
بجد فاطمة ماتت
واحمد كمان مات
الله يرحمهما بس ده مكانش حب
كان هبل زى ما انتى قولتى
الرجوع الى أعلى الصفحة اذهب الى الأسفل
ساره
أزهري متميزجدا
أزهري متميزجدا
ساره

عدد المساهمات : 1103
تاريخ التسجيل : 13/03/2008
العمر : 28
الموقع : مصر_أم الدنيا

فاطمة Empty
مُساهمةموضوع: رد: فاطمة   فاطمة Emptyالإثنين مايو 26, 2008 9:55 pm

ايه ده
هما ماتوا بجد
يعني دي قصه حقيقيه ولا كمثال لكل فاطمه واحمد في المجتمع
الرجوع الى أعلى الصفحة اذهب الى الأسفل
STriKe
أزهري متميز
أزهري  متميز
STriKe

عدد المساهمات : 995
تاريخ التسجيل : 24/01/2008
العمر : 32

فاطمة Empty
مُساهمةموضوع: رد: فاطمة   فاطمة Emptyالثلاثاء مايو 27, 2008 10:03 am

لاء القصة كانت موجودة عموما
ربنا يهدى الجميع
ومفيش حاجة اسمها حب هى فضول مش اكتر
الرجوع الى أعلى الصفحة اذهب الى الأسفل
ashracat
أزهري متميز
أزهري  متميز
ashracat

عدد المساهمات : 713
تاريخ التسجيل : 11/03/2008

فاطمة Empty
مُساهمةموضوع: رد: فاطمة   فاطمة Emptyالثلاثاء مايو 27, 2008 2:20 pm

abdelmalek

  1. ربنا يرحمهم ويغفر لهم لأ نهم ماتوا وهما علصيين دة لوماكنوش تابو ربنا ير حمهم برحمته
  2. من رأى أن المجتمع كله غلطان وإن كان الغلط الأكبر على فاطمة
  3. أولا:التربية كل حاجة عيب وغلط وحرام كل حاجة لأ من غير نقاش من غير تفاهم دة بالنسبة للبنت أما الولد فدة بقى حاجة تانية خالص ماحدش يقدر يكلمه ليه لأنه ولد شاب !!!!!!!!!!!!

يعنى يعمل اللى هو عاوزه واللى شايفه _ يخرج يجى ينام يبات بره يبات فى البيت يعنى ماتفرقش ليه؟؟؟؟
لأنه راجل أل راجل أل
ثانيا :الأعلام والحكومة لأنهم خلاص دخلو لنا كل التفكير الغربى الخاطىىىىىىىىىىىىء ونسيوا حاجة أسمها قرأن ودين
ونسيوا ان فى ربنا وهو مطلع على شىىء
وانتشر الboy freind و girle friend
وقال ايه احنا زى الأخوات يعنى عادى لما اكلم ولد فى الجامعة او المدرسة او الشات دة شىء طبيعى
ثالثا: العيب على الأستاذ أحمد واللى زيه من الشباب ربنا يهديهم أو يحرقهم وينتقم منهم
لأنه مافكرش لحظة واحدة لو دى كانت أخته ولا امه ولا خالته ةلا مراته ولا ولاو .........................
كل اللى كان هامه التسليه وبس وانه يمشى تبع موضة الشباب الجديدة
رابعا : وده الأهم العيب الأخت فاطمة واللى زيها لأنهم مارجعوش لكلام ربنا ورسوله صلى الله عليه وسلم وشافوا ازاى ربنا كرم المرأة وأزاى الرسول اهتم با حكام تخص المرأة
وأسهل حاجة لو اى حد تذكرها سواء جاهل ولا عالم ولا اى حد
انه ربنا جعل سورة فى القرأن الكريم اسمها النساء
يعنى اطهر مخلوقات الله ازاى واحدة زى فاطمة ولا غيرها ينسوا كل دة
حسبى الله ونعم الوكيل فى كل اللى يسؤ سمعة الأسلام والمسلمات وكل من يحاول ان يسىىىىىء أليهم
أعتذر على الأطالة ولكن الموضوع شدنى واستفزنى كثيرا
شكرا ليك على طرح هذه القضية * الوباء * المنتشر فى مجتمعاتنا الأسلامية
الرجوع الى أعلى الصفحة اذهب الى الأسفل
STriKe
أزهري متميز
أزهري  متميز
STriKe

عدد المساهمات : 995
تاريخ التسجيل : 24/01/2008
العمر : 32

فاطمة Empty
مُساهمةموضوع: رد: فاطمة   فاطمة Emptyالثلاثاء مايو 27, 2008 5:20 pm

بصى يا اشرقت
العيب فى احمد انا معاكى لانه فعلا مش تمام انه يلعب على مشاعر بنت
بس هى كمان غلطانة معلش لانه مفيش واحدة بتعرف ربنا ومحترمة هتوافق على كدا
وبعدين لما يكون ولد صريح مع بنت وفعلا ناوى الارتباط بيها وهى عنيدة وترجع تقوله اسفة انا مش هاقدر اكمل وبتاع وظروفك الاجتماعية ده يبقى ايه
وبعدين المجتمع الان فيه اخلاقيات كتير مش كويسة واكبر المشاكل فى الجامعة
ربنا يهدى
الرجوع الى أعلى الصفحة اذهب الى الأسفل
marvellous
أزهري متميزجدا
أزهري متميزجدا
marvellous

عدد المساهمات : 1066
تاريخ التسجيل : 27/04/2008
الموقع : روحى ودمى __ مصر

فاطمة Empty
مُساهمةموضوع: رد: فاطمة   فاطمة Emptyالثلاثاء مايو 27, 2008 7:04 pm

ربنا يهدى
الرجوع الى أعلى الصفحة اذهب الى الأسفل
ashracat
أزهري متميز
أزهري  متميز
ashracat

عدد المساهمات : 713
تاريخ التسجيل : 11/03/2008

فاطمة Empty
مُساهمةموضوع: رد: فاطمة   فاطمة Emptyالثلاثاء مايو 27, 2008 8:24 pm

وانا ماقولتش انها مش غلطانة
بالعكس انا قلت الغلط الأكبر هى
وبعدين ربنا يبعد عنا اصحاب السوء
وزى مابتقول ربنا يهدى
الرجوع الى أعلى الصفحة اذهب الى الأسفل
 
فاطمة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى جامعة الأزهر :: المنتدى العام :: المواقف الحياتيه-
انتقل الى: