منتدى جامعة الأزهر
هذه الرسالة تفيد بأنك غير مسجل بالمنتدى تفضل بالدخول على اشتراكك ان كنت عضو لدينا او قم بالنقر على زر التسجيل لتصبح عضو معنا
منتدى جامعة الأزهر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى خاص بجامعة الازهر للتعليم والدراسه من خلاله
 
الرئيسيةالتسجيلدخول

 

 ايه رأيك تكوني...........(هام جدا لكل اخت مسلمة)

اذهب الى الأسفل 
كاتب الموضوعرسالة
سيبويه امين
المراقب العام
المراقب العام


عدد المساهمات : 549
تاريخ التسجيل : 09/08/2007
العمر : 35

ايه رأيك تكوني...........(هام جدا لكل اخت مسلمة) Empty
مُساهمةموضوع: ايه رأيك تكوني...........(هام جدا لكل اخت مسلمة)   ايه رأيك تكوني...........(هام جدا لكل اخت مسلمة) Emptyالأحد نوفمبر 04, 2007 11:18 am

ايه رأيك تكوني منتقبة؟, لا للجدال ..ولكن ..ممكن اعرف آرائكم ؟؟


بسم الله الرحمن الرحيم

السلام عليكم ورحمه الله وبركاته

كما ترون موضوع النقاب تكرر مرارا وتكرار على شاشات الفضائيات ويثير الجدال اينما طرح
وطالما اتهم مؤيدوه بالتشدد والتعصب واتباع هوى النفس , وانهم يفرضون في الاسلام فروضا ويحرمون على غير المنتقبات لبسهن لهذا الحجاب وانهم يزكون انفسهم بلبسهن النقاب واتهامات كثيرة

اعدكم ان نتحدث هذه المرة بلسان اخراكثر تحبيبا في النقاب بلا جدال ولا نزاع
ويشهد الله ان مادفعنى لكتابة هذا الموضوع الا حبي لكن في الله
وفى رغبتى ان يجمعنا الله جميعا في جنة الفردوس
وان يحشرنا مع زوجات النبي صلى الله عليه وسلم ..

ويبقي فقط ان انوه اننا لن نتحدث عن فرضية النقاب فهو مفتوح لكم ان تقتنعوا بالفرضية ام السنية مما تستشفوه من قراءاتكم لكتب التفاسير واراء العلماء

فالكلمات هنا تحمل معنى الدعوة بدون التطرق للجدال في الامور الخلافية.....

ويشهد الله على صدق النوايا في الدعوة الى النقاب....

اخواتى في الله منتقبات وغير منتقبات

لن ابدأ حديثى بالبداية التى تفزع الكثير منكن وتجرى الدم في العروق وما كنت اعلم انها مثيرة او مستفزة لهذه الدرجة
وهى عبارة (النقاب فرض)

واحب ان ارفع شعارى عندما قررت كتابة هذه الكلمات وهى.... لا للجدال ولكن الدعوة بهدوء

كتير من الناس بيرددوا عبارة (النقاب فضل او فضيلة) ..

طب تعرفوا معناها اية؟

ساستعين برأى الشيخ الجليل الالبانى في شرح افضلية النقاب على الحجاب العادى (غطاء الرأس) فيما يفيد موضوعى...

قال الشيخ الجليل ..
السنة: ما يثاب فاعله، ولا يعاقب تاركه، والمستحب كذلك

إذن الشيخ يرى أن التغطية سنة مستحبة، لم يقل:
مباح، جائز

بل قال:
سنة، مستحب

وهذا ألفاظ شرعية تدل على الأفضلية...

والمشروع هنا هو تغطية الوجه،ومعلوم المشروع وهو ما شرعه الله تعالى أفضل من الجائز، وهو ما أباحه الله تعالى ..
وفي بعض الناس بتفهمها خطأ تقول دى زيادة تقوى منى وزيادة تستر منى..... لى انى اعملها او معملهاش لانها فضل!!

سبحاااااان الله !!!!

ده في اية كريمة بتقول :

{يَمُنُّونَ عَلَيْكَ أَنْ أَسْلَمُوا قُل لَّا تَمُنُّوا عَلَيَّ إِسْلَامَكُم بَلِ اللَّهُ يَمُنُّ عَلَيْكُمْ أَنْ هَدَاكُمْ لِلْإِيمَانِ إِن كُنتُمْ صَادِقِينَ}

الناس فاهمينها بالمقلوب يعنى حتى لو عايزين يصححوا رؤيتهم شوية يقولوا طيب ده فضل من ربنا على انه يرزقنى حاجة زى دى ويهدينى انى اتستر مش انه فضل منى؟؟؟!!!

سبحاااان الله!!

حجاب هذه الايام الوانه تجنن بتدعو لاطلاق البصر

انا نفسي كفتاة انظر اليها والى تناسق الالوان والشياكة والخرز والترتر اللى بيلمع فيها
وانظر الى طريقة الـ cross في لف الايشارب التى طالما جننتنى (ايام الجاهلية) قبل الالتزام لأتعلمها

و الى الـ band او اللى بيسموها (انا)
وليها لون وتلبس تحت ايشارب لون مختلف عشان تعمل contrast شياكة يعنى

وايضا الي لفات الايشارب التى تخنق الرقبة لانها ملفوفة حولها مباشرة ولاتغطى الصدر كأنه لم تنزل اية تقول :
{ وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ }

اتعمل بقى حجاب جديد غريب من نوعه يغطى الشعر والرقبة ثم يمر ليظهر الاذن!!!

لاحول ولاقوة الا بالله هل هذا نوع جديد من الحجاب نزلت به اية؟؟

.دى فتنة الى جانب ان شكلها مش ظريف بفرض خلاص لبسنا عباية (عباااااية مش بنطلون وعليها بلوزة قصيرة او بودى اوشيميز اوحاجة من الحاجات الوحشة دى) مع الايشاربات دى
طب ما كده الحجاب مش مستوفي كل شروطه...
ويااارب العباية ماتكونش زينة في نفسها...
تخيلى الاية بتقول (ولايبدين زينتهن) واحنا بنخالف ونبدى الزينة

وصور الزينة معروفة :
تناسق الالوان ولا اعنى اننا نبقي مبهدلين لكن مايلفتش النظر ..
والتطريز والايشاربات المشجرة القصيرة ولبس الخواتم والذهب اعنى إظهارهم ..

يعنى ربنا سبحانه وتعالى بعث لنا رسولنا الكريم صلى الله عليه وسلم ليكون لنا قدوة واسوة ونموذج نسير على دربه هو واوزواجه ثم صحابته ثم التابعين

وادينا دلوقتى عايشين في هاوية المنحدر ونرى مظاهر العرى قد تفشت.. فهذا يعنى ان ما كان قبلنا كان اكثر مننا تسترا فاكثر حتى زمن النبي صلى الله عليه وسلم اللى كانت فيه النساء يرتدين السواد حجابا لا حدادا

وهناك احاديث كثيرة عن عائشة رضي الله عنها تصف فيها لباس النساء(متلفعات بمروطهن مايعرفن من الغلس) والغلس هو الظلام الدامس وقول اخر(عليهن اكسية سود كأن على رؤسهن الغربان من السكينة) مش ده برضه قول امنا عائشة رضي الله عنها وكانت صغيرة لما اتحجبت هو الحجاب ده مش لينا احنا المسلمين ..

سؤال

ليه دايما بنفهم ان المؤيدين للنقاب(اللى الناس بتعتبرهم متعصبين متشددين) بينادوا بالنقاب اللى هو عبارة عن قطعة قماش سوداء تغطى الوجه؟؟

الجواب :

لا ابدا هم مش بينادوا بكده ..
هم بينادوا بالرجوووووع للحجاب اللى كانت بترتديه نساء النبي صلى الله عليه وسلم في حرصهم على حجابهم وهم مثلا بينفذوا سنة من السنن او فرض من الفروض نفسهم برضه ان اخواتهم ينفذوه زيهم ..

اخواااتى الا تشتاقون للقاء رسول الله صلى الله عليه وسلم؟؟
الا تحبون ان تكونوا اهلا لان تحشروا معه ومع زوجاته(فمن احب قوما حشر معهم)؟

وبالنسبة للاخوات اللى نفسهم يلبسوا النقاب نصييييحة اختى ساااااااااااارعي اليه والله والله هتحسي بحلاوة محدش هيحسها غيرك وهتلاقي نفسك فرحاااانة جدا ماتعرفيش ليه
ولو الاهل مش موافقين ماتيأسيش ادعى لنفسك بالثبات وادعى لهم بالهداية وابتدى ادعيهم بالحسنى انهم يقتنعو وسوقي لهم الادلة وافتحى معاهم كتب التفاسير القرآن دستورنا والسنة
ماهو احنا نرجع لمين غيرهم؟؟

ولو زاد الامر سوءا معاهم واصروا على الرفض
فما تركنيش الموضوع
خليكى لسه سخنة فيه
وحطيه في دماغك كاى اولوية بتدى لها اهتمام

ناس كتير خدتهم الحمية في الاول وبعد كده بردوا وكأن شيئا لم يكن
وللاسف ده بيسوء الصورة عند الاهل وبيعتبروا النقاب مجرد حاجة بنتهم شبطت فيها لفترة وبعد كده زهقت
وبيزود التأكيد والاقتناع عندهم ان حجاب الايام دى يمشي مع اننا في عصر الفتن
خلاص المنتقبة والغير منتقبة بتتعاكس ماعدتش تفرق مع الشباب
فاولى باولى اننا نزيد التستر ..

كما ترون انى حتى الان لم اناقش فرضية النقاب ولكنى ادعو لتفتيح المسام المنغلقة تجاه هذا الموضوع والله اعلم بنيتى واسأل الله ان يجعل كل اعمالى خالصة لوجهه الكريم

يا جماعة معلش سؤال صغير

مش اللى عايز يعمل حاجة لازما ولابدا يعرف ايه فوايدها ؟؟

دلوقتى هقول الفوائد الظاهرية للنقاب والفوائد الباطنية طبعا عارفينها انه افضل وانه قربى لله تعالى ..

وسبحان الله تستر المرأة الكامل له فوائد جميلة جدا مايحسهاش الا اللى لبسوه(وعلى لسانهم) ..

هى فوائد عجبانى شخصيا

مثلا

في الميكروباص لما تيجى تركبي كأن في حالة لبس حصلت فيه كله بيوسع للمنتقبة احتراما لها(وانا لا ازكيهم على الله في انهم مثيرين للاحترام) بس ده اللى بيحصل فعلا....
ولو قدر الله ان قعد جنبها رجل برضه يوسع لها وبيبقي كأنه قاعد مش على بعضه زى مابيقولوا عندنا في مصر خايف انه يمسها....

سبحان الله!!انتى كده بنقابك خدتى عليه كذا ثواب ..

اولا
اعنتيه على غض بصره
(ومن دعا الى هدى كان له من الاجر مثل اجور من تبعه لا ينقص من اجورهم شيئا) ..

ثانيا
اعنتيه انه لايمس بدنك
(لأن يطعن في رأس احدكم بمخيط من حديد خير له من ان يمس امرأة لاتحل له) ..

ثالثا
خارج الميكروباص في الكلية بيخلصك من آفة الاختلاط

سبحان الله

مثلا كنتى بتكلمى ولد وانتقبتى مرة واحدة سيبك من انه مش هيعرفك بس مش هيجرؤ انه يجى يكلمك هيحس بهيبة تانية ..
ده غير طبعا وانتى لابسة القفازين محدش هيسلم عليكى بالايد ..

رابعا
تستر وعفة وطهارة من جوة ..

خامسا
بييعينك انتى نفسك على غض البصر وبيعين غيرك معاكى ..

سادسا
بيقرب منك صحبة صالحة ماتعرفيش ازاى لانهم هيتوسموا فيكى الخير وهتلاقيهم هم نفسهم بيدعوا لك بالثبات ..

سابعا
هتحسي بقرب شديد من ربنا سبحانه وتعالى هو اللى انعمه عليكى واختصك به ..

ثامنا
بيحميكى من اسمرار البشرة في الصيف بالذااااات لو خدتى بالك وانتى محجبة بتلاقي في فرق في اللون بين برة وجوة
لكن في النقاب بيبقي في homogenity فى اللون


,وصلنا بقى لحاجة دايما بتخاف منها البنات قبل ما تلبس النقاب الا وهى......


كلكم طبعا عارفينها


( الزواج )


امممم طب هسألكم سؤال

انتم مش مؤمنين بالله سبحانه وتعالى ومؤمنين انه مقسم الارزاق وعلام الغيوب؟؟

الزواج ده رزق من ربنا سبحانه وتعالى يؤتيه من يشاء وينزع الفضل ممن يشاء...
يعنى ماتخافيش هيجيلك هيجيلك ده مكتوب لك فوق ومقدر ليكى يتقدم لك في اليوم الفلانى في السنة الفلانية.....
وعايزة اطمنك ان رزق المنتقبات(ولا احسدهم وازكيهم) ماشاء الله بيبقي اوسع اوسع اوسع بكتييييييييييييييييير من غير المنتقبات ...

لا ومش كدة وبس

مش اى حد بيتقدم لهم

مابيجيلهمش الا الملتزمين

وده مش كلامى ده كلام اخوانا ..قرأت لهم ردود كتيرة على مواقع كتير بيقولوا انهم لن يتزوجوا الا منتقبة
يعنى واحد عارف ربنا...واحد عايز بدايته تبقي كده

اية رأيك مش دة برضه احسن ولا لأ؟؟


وكل واحدة على اد نيتها في الزواج وفي ارتداء النقاب قاصدة به وجه الله تعالى والتقرب منه بتنفيذ احكامه ولا عشان يجيلها واحد كويس

(انما الاعمال بالنيات ولكل امرئ مانوى ومن كانت هجرته الى الله ورسوله فهجرته الى الله ورسوله ومن كانت هجرته الى دنيا يصيبها او امرأة ينكحها فهجرته الى ماهاجر اليه)

يعنى النقاب(قطعة القماش السوداء هذه) مش هى اللى بتفرق...
تضمنى منين انه حتى يجى لك وانتى غير منتقبة اهو واحد شافك وشاف اد ايه انتى جميلة يكون كويس او ملتزم؟

الله اعلم....ربنا هو عالم الغيب

وعلى فكرة دى تعتبر فايدة جميلة احب اضيفها لفوائد التستر الكامل...انه بيغرس فيكى وازع التوكل على الله واليقين بالله والثقة في الله ..
سايبة نفسك لربنا سبحانه وتعالى ومتوكلة عليه وهو عزوجل لما يعلم منك كده هيرزقك.....

وكمان لما ترددى بينك وبين نفسك بتسترك وعفتك(ومن ترك شيئا لله عوضه الله خيرا منه)
وتقتنعى وتثقي وتجزمى بيقين ربنا هيعوضنى انا بعمل كده وواثقة ان ربنا هيدينى احسن ماكنت اتمنى وزيااادة!!

سؤال تانى بقى

ليه دايما لو لاقيتى واحدة صاحبتك لبست النقاب بتلاقي نفسك تلقائيا بتقولى لها مبروووك؟؟؟؟؟
وممكن لو قالت لك عقبالك تقولى يارب

انا بقول الكلام ده للاخوات اللى بتروح لاختها المنتقبة تبارك لها مش تقولها ايه اللى انتى عملتيه في نفسك ده؟ ليه عملتى كده؟ انتى لسه صغيرة!!

فتشي بينك وبين نفسك اختى
هتلاقى سبحان الله ميل غريزى انك تبقي متسترة تبقي غالية مكنونة في حجابك والا ماكنتيش قلتى لها مبروك او قلتى يارب يرزقنى زيها

نقطة كمان

بعض الاخوات بتبقي نفسها جدا تلبس النقاب ومقتنعة به وكل حاجة بس تيجى تلبسه تقول لا بعد مااتزوج.....واحنا اتفقنا انه رزق
يعنى هى مقتنعة وعايزة تلبسه بس الشيطان مانعها مقيدها مسلسل ايديها ورجليها انها تنزل تشترى الحجاب اللى تستر به نفسها
والقرآن الكريم بيحكى لنا خطة عمل الشيطان في افساد الشعوب {يَا بَنِي آدَمَ لاَ يَفْتِنَنَّكُمُ الشَّيْطَانُ كَمَا أَخْرَجَ أَبَوَيْكُم مِّنَ الْجَنَّةِ يَنزِعُ عَنْهُمَا لِبَاسَهُمَا لِيُرِيَهُمَا سَوْءَاتِهِمَا}

تخيلوا اللعين عايز العرى ينتشر

وكانت هى دى خطته من زمان المحجبة يقول لها ده انتى بنت كده .. خلاص انتى عملتى اللى عليكى كفاية عليكى كده خليكى كده

فيفتنها ويصرف تفكيرها انها تعدل في حجابها او تطور نفسها فيه
يعني ان كان قصير تطوله
و ان كان في زينة تبعد عنها
وان كان بنطلون ماتلبسوش لكن الغبي دة يقولها ده عملى وكمان لما تيجى تركبي الميكروباص محدش يقدر يشوف منك حاجة!!!

والغير محجبة ينسيها ( بالرغم من انها بتشوف نفسها في المراية كل يوم وبتسرح شعرها الصبح) ينسيها فرض الله الا وهو الحجاب وتسأل عنه يوم القيامة تلاقي نفسها مش عارفة تقول ايه

وتخيلى اختى من اللى بيسألك....الجبااار....سبحانه وتعالى

اختى بالله عليكى ماتضيعيش فرض الله انتى مسئولة طول ما انتى بالغة ورشيدة

وفوايد الحجاب جمييييلة وكتيييييرة بس انتى انوى والبسيه

طب بعض الاخوات تقول ادعى لى ان ربنا يهدينى الاول وبعد كده البسه


طب انتى وانتى لابسة حجابك (غطاء الرأس) لما كبرتى قعدتى تقولى لما ربنا يهدينى

انا بقولك ده على اساس انك لسه مقتنعة ان هو ده الحجاب الشرعى....
لا مقلتيش كده بالرغم من انك في قرارة نفسك لابسة غطاء الرأس على انه فرض


اذن تنفيذك لفروض ربنا ومنها حجابك وتسترك مالوش علاقة بدرجة الالتزام والهداية { وَاللّهُ يَهْدِي مَن يَشَاء إِلَى صِرَاطٍ مُّسْتَقِيمٍ }

البسي الاول وهتلاقي النقاب نفسه بيضفي عليكى مشاعر وموجبات الالتزام
منها غض البصر ليكى وبتعينى غيرك بيه وخفض الصوت وطبعا مفيش اختلاط مفيش سلام باليد مفيش تبرج في حجابك ولا زينة في نفسه ولا لباس شهرة

طب في اخوات بيقولو اخاف البسه وبعدين اخلعه تانى؟؟؟


شوفي يا اختى المفروض انك لابساه ابتغاء لوجه الله تعالى وامتثالا لاوامره يبقي تبقي مسلمة بيه وتدعى لنفسك بالثبات عليه
وهتلاقي سبحان الله الصحبة الصالحة انجذبت ليكى وهتدعى لك بالثبات ان شاء الله

وان كان على هدعيلك بس انتى خطى الخطوة الاولى في الطريق ده وربنا هياخد بايدك صدقينى


اخوات تانيين ممكن يقولوا طب والشغل؟؟؟؟؟



اااه جينا لنقطة جميلة جدا...
في اية كريمة جميلة بتقول { وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَى }
شوفي معايا كلمة( وَقَرْنَ فِي بُيُوتِكُنَّ ) اد ايه جميلة تحسى ان ربنا عايز يحفظك وبيأمرك بالقرار في بيتك معززة مكرمة


تفتكرى لو زوجك قالك اقعدى في البيت ماتشتغليش هتطيعيه ولا لا؟؟

طب ده ربنا عز وجل هو اللى بيأمرك ليه ماتطيعيهوش!!!

وتدبرى معايا اختى ان ربنا قال ( وَلَا تَبَرَّجْنَ تَبَرُّجَ الْجَاهِلِيَّةِ الْأُولَى )


انا مش بقولك خليكى في البيت محبوسة لحد مايجيلك كبت...لا ابدا....

اسلامنا عمره ماكان دين شدة وعنف بينا وماكان الله سبحانه وتعالى ليكلفنا مالا نطيق

انتى مأمورة انك تتعلمى(طلب العلم فريضة) ولكن تلتزمى في خروجك بالضوابط الشرعية كغض البصر وعدم الخضوع بالقول وعدم الاختلاط

والنقطة الاخيرة (عدم الاختلاط) كلنا للاسف مش عارفين نحققها لانها موجودة في كل حتة في الكلية... في الاسواق.... في الشغل....

انا دلوقتى مش بناقش فرضية النقاب بس بفكر معاكو بصوت عالى


لذا كيف السبيييييييل؟؟؟

واقولك يا اختى عليكى انك تنفذى الاية بشكل متحور شوية بانك تبقي برة بيتك زيك كأنك جوة بيتك
لا استني اوعى تكوني فهمتي اني بقولك تبرجي

استني بسسسسسس

مش انتى لما بتكونى في بيتك حد بيبقي شايفك؟؟

لا...

الجدران والستائر والاغطية مغطياكى....

طيب نفذى الاية بقي اخرجى وانتى متغطية


فعليكى بالحجاب الكامل...اللى ينفذ لك الاية ويحفظك....

في الشغل عموما انتى مش مأمورة بالشغل لانك ملزومة من زوجك واهلك بانهم يصرفوا عليكى
فان كان ولابد اوى فاشتغلى واحفظى نفسك بنقابك وان شاء الله ربنا هيحفظك

اسألكم الدعاء لي
الرجوع الى أعلى الصفحة اذهب الى الأسفل
نور الهدى
مشرف قسم اسلامنا
مشرف قسم اسلامنا
نور الهدى

عدد المساهمات : 1368
تاريخ التسجيل : 12/08/2007
العمر : 31

ايه رأيك تكوني...........(هام جدا لكل اخت مسلمة) Empty
مُساهمةموضوع: رد: ايه رأيك تكوني...........(هام جدا لكل اخت مسلمة)   ايه رأيك تكوني...........(هام جدا لكل اخت مسلمة) Emptyالأحد نوفمبر 04, 2007 3:31 pm

استاذ احمد انا دلوقتى متلخبطة خااااااااااااااااالص
فين الصح و فين الغلط
مش قادرة اشكك فى العلماء اللى قاله ان النقاب سنه
و فى نفس الوقت كلامكم بيخلينى ارجع تانى و اقول ما ممكن فعلا يكون فرض
و بعدين بجد لو فعلا طلع فرض انا بجد خايفه جداااا يكون فرض
دايما فعلا بقول ربنا ينعم عليّا بالنقاب زى ما انعم عليّا بالحجاب
و بجد انا ليا اصحاب منتقبات كتيــــــــــر جداااااااا
بس فى بالى انه مش فرض عشان كده لما بفكر فيه بفكر فيه كسنه
و بعدين طبعا برفض اشكال الحجاب اللى طالعه دلوقتى
اللى بجد لا تمتّ باى صله للحجاب الشرعى زى ما حضرتك كتبت فى موضوعك الرائع
بس بجد انا متحيــــــــــــرة جدااااااااااااااااا
بس حقيقى انا بحييك على موضوعك الرائع بجد
و ان شاء الله هفكر فى النقاب تانى و يا رب انتقب و كل البنات ان شاء الله

_________________
ايه رأيك تكوني...........(هام جدا لكل اخت مسلمة) 103943120
الرجوع الى أعلى الصفحة اذهب الى الأسفل
سيبويه امين
المراقب العام
المراقب العام


عدد المساهمات : 549
تاريخ التسجيل : 09/08/2007
العمر : 35

ايه رأيك تكوني...........(هام جدا لكل اخت مسلمة) Empty
مُساهمةموضوع: رد: ايه رأيك تكوني...........(هام جدا لكل اخت مسلمة)   ايه رأيك تكوني...........(هام جدا لكل اخت مسلمة) Emptyالثلاثاء نوفمبر 06, 2007 9:31 am

جزاكي الله خيرا وان شاء الله يكون الموضوع هو الخطوة الاولى على طريق النقاب
الرجوع الى أعلى الصفحة اذهب الى الأسفل
nana92
أزهري فعال جدا
أزهري  فعال جدا
nana92

عدد المساهمات : 369
تاريخ التسجيل : 21/11/2007
العمر : 28

ايه رأيك تكوني...........(هام جدا لكل اخت مسلمة) Empty
مُساهمةموضوع: رد: ايه رأيك تكوني...........(هام جدا لكل اخت مسلمة)   ايه رأيك تكوني...........(هام جدا لكل اخت مسلمة) Emptyالجمعة نوفمبر 23, 2007 6:47 pm

جزاك الله كل خير يا استاذ احمد
بس هو فيها حاجة لما اكون لبسه حجاب الشرعى
الرجوع الى أعلى الصفحة اذهب الى الأسفل
سيبويه امين
المراقب العام
المراقب العام


عدد المساهمات : 549
تاريخ التسجيل : 09/08/2007
العمر : 35

ايه رأيك تكوني...........(هام جدا لكل اخت مسلمة) Empty
مُساهمةموضوع: رد: ايه رأيك تكوني...........(هام جدا لكل اخت مسلمة)   ايه رأيك تكوني...........(هام جدا لكل اخت مسلمة) Emptyالأربعاء ديسمبر 05, 2007 11:42 am

هرد عليكي يانانا في الدرس ونتكلم في الموضوع ده بالتفصيل
الرجوع الى أعلى الصفحة اذهب الى الأسفل
nana92
أزهري فعال جدا
أزهري  فعال جدا
nana92

عدد المساهمات : 369
تاريخ التسجيل : 21/11/2007
العمر : 28

ايه رأيك تكوني...........(هام جدا لكل اخت مسلمة) Empty
مُساهمةموضوع: رد: ايه رأيك تكوني...........(هام جدا لكل اخت مسلمة)   ايه رأيك تكوني...........(هام جدا لكل اخت مسلمة) Emptyالأربعاء ديسمبر 05, 2007 6:18 pm

ماشى
الرجوع الى أعلى الصفحة اذهب الى الأسفل
علاء المصرى22
مشرف المنتدى العام
مشرف المنتدى العام
علاء المصرى22

عدد المساهمات : 2231
تاريخ التسجيل : 09/09/2007
العمر : 32
الموقع : مصر هى أمى بعد أمى

ايه رأيك تكوني...........(هام جدا لكل اخت مسلمة) Empty
مُساهمةموضوع: رد: ايه رأيك تكوني...........(هام جدا لكل اخت مسلمة)   ايه رأيك تكوني...........(هام جدا لكل اخت مسلمة) Emptyالأربعاء ديسمبر 05, 2007 6:55 pm

جزيت كل الخير استاذ احمد على موضوعك

لكن الموضوع اقل من كل هذا وذاك

يقول ربى واحق القول قول ربى (وليضربن بخمورهن على جيبوهن ولا يبدين زينتهن الا ما ظهر منها .....)

ولم يقل وليضربن بنقابهن

الموضوع وما فيه

ان النقاب يختلف من واحدة لواحدة

ومش اى واحدة تلبس النقاب .. لأن أى ذرة خطأ منها حتسىء بيها لكل المنتقبات وللاسلام اولا ً

وعلى فكرة انا دلوقتى فى القاهرة اتصلت بيا اختى اللى اكبر منى من البلد
وقالتلى انا عايزة اخد رأيك فى حاجة
قولتلها خير
قالتلى انا عايزة البس النقاب!!!!!!بالمناسبة هى حاليا ً بتلبس طرحة صغيرة
قولتلها طيب ايه رايك لو لبستى الخمار الاول وبعدين نشوف موضوع النقاب دة ؟؟؟؟؟
قالتلى لأ انا عايزة البس النقاب ومش عايزة الخمار !! هى عندية شوية

المهم بقا
اخر الحوار ..... قولتلها متلبسيهوش الا لما انزل البلد واقعد معاكى ونتكلم فى تفاصيل الموضوع

ولما انزل البلد حقولكم ايه اللى حصل !!!!!

نصيحة للبنات اللى لابسين النقاب واللى ناوين يلبسوه

( تخلقن بالصفات الباطنة قبل الصفات الظاهرة )
امشو خطوة خطوة

_________________
ايه رأيك تكوني...........(هام جدا لكل اخت مسلمة) 800074270

ايه رأيك تكوني...........(هام جدا لكل اخت مسلمة) 367450908


http://www.tawkatonline.com/ وقع الآن على مبادىء التغيير الـ 7 .... الفرصة جت لغاية عندك لتشارك فى التغيير



ايه رأيك تكوني...........(هام جدا لكل اخت مسلمة) 173613772
الرجوع الى أعلى الصفحة اذهب الى الأسفل
http://www.tawkatonline.com/
yasmein
أزهري فعال جدا
أزهري  فعال جدا
yasmein

عدد المساهمات : 391
تاريخ التسجيل : 06/11/2007
العمر : 28

ايه رأيك تكوني...........(هام جدا لكل اخت مسلمة) Empty
مُساهمةموضوع: رد: ايه رأيك تكوني...........(هام جدا لكل اخت مسلمة)   ايه رأيك تكوني...........(هام جدا لكل اخت مسلمة) Emptyالسبت ديسمبر 15, 2007 4:19 am

طب انا ووالله مش غلاسة انا كنت عايزة اعرف اجابة سؤال نانا وهي لو مكنتش سألتو كنت انا سألته
الرجوع الى أعلى الصفحة اذهب الى الأسفل
 
ايه رأيك تكوني...........(هام جدا لكل اخت مسلمة)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى جامعة الأزهر :: اسلامنا :: المرأه المسلمه-
انتقل الى: