السلام عليكم ورحمت الله وبركاته
بصراحة الواحد هو وعايش بتحصلة مواقف كتير
فى مواقف بينساها لعدم أهميتها
ومواقف ميقدرش ينساها لأهميتها
بس ممكن تكون مواقف مش كويسه وهى مهمة لانها غيرت صاحبها للاحسن
لكن بقا مواقف ميقدرش ينساها وهى فى نفس الوقت كويسه وغيرت صاحبها للاحسن دة يبقى خير من ربنا وفضل عظيم من الله "ذلك فضل الله يؤتية من يشاء "
ودة بالفعل اللى حصل معايا
كنت قاعد بتصفح فى النت وفجأة فى حد اعرفه ويعرفنى ذكرنى بنظر الله الى واننا لازم نراقب ربنا
علشان خاطر ربنا
مع انى عندى علم بمراقبة ربنا وممكن اكتب موضوووع كامل فى المراقبة لكن لما يجى حد يفكرك
بيبقا ليها تأثير تانى خالص
والله فعلا بعد الموقف دة حصلتلى حالة طمأنينة وسكينة واصرار على تغيير نفسى
وطبعا كل دة حيكون فى ميزان حسنات اللى ذكرنى بالمراقبة """
وياريت كل واحد فينا لو شاف اى حد على غلط لازم يذكرة وينصحة وميسبهوش على الغلط
مين عالم ممكن يتغير على ايدك وتكون سبب فى هدايته
قال رسول الله " لأن يهدى الله بك رجل واحدا ً خير لك من حمر النعم .. وفى رواية "خير مما طلعت عليه الشمس وغربت... وفى رواية " خير من الدنيا وما فيها " صدق رسول الله صلى الله عليه وسلم
جزاكم الله خيرا ً