بابا هاتلى بومب وصواريخ مليش دعوه!!!نقااااااااش؟؟؟؟

***السلام عليكم ورحمه الله وبركاته****
كل سنه وانتوا طيبين يااحلى اصحاب وبصحه وعافيه تكونوا كويسين ده اول موضوع ليا معاكوا فى العيد هههههههههه
المهم.......

**************************
((بابا هاتلى بومب وصواريخ مليش دعوه!!!))

فاكرين احلى ايام وانتوا صغيرين لما كنا بنجيب البومب والصواريخ ونفرقعهم تحت رجلين الناس الكبيره واهالينا تزعقلنا ونروح فى الضلمه فى الاوضه ونستخبى لحد ماحد يدخل ونفرقع البومبه فى وشه ومدافع الشباشب تشتغل
كانت اجمل واحلى ذكريات بس ده واحنا صغيرين.....
طب والشاب الكبير الطويل العريض الهايف دلوقتى بقى.......!!!
ظاهرة ظهرت كتير اوى الايام دى ومسخرة والله اللى بيحصل ده
لما يبقى بطول الباب وعرض الدولاب وماسك الصاروخ ويخلى البنت تعدى من الشارع وتحت رجلها يروح حادفه والبنت تتخض وتجرى وتصوت
الموقف شكله ايه لما تبقى انسه محترمه ماشيه وتصرخ وتجرى فى الشارع علشان حته انسان عقله اصغر بمراحل من جسمه عاوز يهزر ويستظرف......!
سؤالى دلوقتى ::
للبنت:
ايه رد فعلك لو الموقف ده حصلك وتفتكرى ازاى يكون التصرف مع الولد ده؟؟
للشاب:
تفتكر ايه السبب اللى يخلى اى ولد يعمل كده وازاى يكون التصرف لو لقيت الموقف ده فى الشارع او زميل ليك فيه نفس الصفه السيئه دى؟؟

اتمنى الموضوع يعجبكوا وانا حبيت اطرحه لانه ملحوظ اوى فى معظم الشوارع وخصوصا فى اجواء شهر رمضان وبعديه العيد......

كل سنه وانتوا طيبين
(بليله بالمكسرات_أنس _نور الهدى_د/هانى_كابوكا_الكنج_أسمه .معروفه طبعا

(أقصد اسماء عبد اللطيف)_عبد الرحمن_نور_علاء _صديقى الازهرى_......)


وكل سنه وانتى طيبه يا عروسه المنتدى*(أميــــــــــــنه)*

اولا وانت طيب يا احمد ومتشكره قوى على انك افتكرت اسمى

ثانيه بقى بخصوص الموضوع ده والله انا لسه حاصلى يوم الخميس اللى فات كنت مع اخويا وكنت والله تانى خروجه ليا بالنقاب وكنت ساعتها نازله اشترى من شارع اسمه العزيز بالله ده شارع نقابات واسدالات وكده يعنى
المهم وانا ماشيه لقيت حد رامى صاروخ من بلكونه فوق وراح نزل قدامى انا اصلا مشفتوش وهو محدوف واول ما فرقع اتخضيت فبرجع بظهرى روحت مخبوطه فى تاكسى بس الحمد لله جت سليمه

وساعتها اخويا فضحنى رجع البيت يقول مكنتش شايفه حاجه ومشيه تخبط فى العربيات وانا اقوله والله شايفه بس اتخضيت من الصاروخ

يلا ربنا يسامحه بقى

على فكره يعنى انا مش هضحك عليكو انا السنادى اول عيد ليا مشتريش صواريخ انا لغايه العيد اللى فات كنت بشترى صواريخ بس عمرى ما برميها من البلكونه بس العيد ده بقى احترمت النقاب يلا الحمد لله

وانت طيب يا احمد وبالف صحو وسعادة
ثانيا المواقف دى بتحصل كتير وانا بعمل حاجة من الاتنين ياما ادوس على الصاروخ واعدى لانى بجد عملت بالصواريخ دى وانا صغيرة بلاوى سودة
ياما بعدى واسمع صوت الصاروخ وببقى مبسوطة اووووووووووووووووووووى

يااااااااااااااااه يا أمينه .معلش بقى حصل خير .وبصراحه مستغرب من رد فعل

اخوك بس انتى السبب.انتى اللى اخدتيه عليكى من الاول.هههههههههههه

عموما الف سلامه علشان اتخبطى.وانا معاكى ان شارع العزيز بالله فيه

حاجات كويسه اوى.واكيد هتخدى شويه كلمات كده من البيت علشان النقاب

بس استحملى واصبرى (أحسب الناس ان يتركو ان يقولوا امنا وهم لا يفتنون)

ربنا يثبتك يا رب.بس اهم حاجه اشتريتى حاجات كويسه.؟ هههههههه

ياااااااااااسلام يا ابله اسماء ياااا اما ادوس عليه .يا اما اعدى وانا مبسوطه

هههههههههههههههه.انا نفسى مقدرش ادوس عليه.هههههههههه

ايه الجرأه دى كلها. وكمااااااااااان بتتبسطى لما بتسمعى صوته يا خرااااشى

على الجرأه.انا هموووووووووت واعرف ايه البلاوى السوده اللى كنتى

بتعمليها بالصاروخ.ههههههههههه

تصدقى انا مبحبش الصورايخ والكلام الفاضى ده.بس بعد كده هنجيب

صاروخ ونفرقعه فى ودنك وانتى نايمه .اظن هتكونى مبسوووووطه علشان

صحيتى على صوت رومانسى بالنسبالك.هههههههههه.اوعى تزعلى ؟

اه اه اه يا عينى مش قولتك يابنى ماتفرقعش البمب فى وش الناس ماشى يا عم محمد لك يوم

ههههههههههههههههه
كل سنة وانت طيب يا احمد باشا
على فكرة كنت فى انتظار تلفيونك انك تجى بس شكلك يا برنس نسيت بدليل انك حتى مش افتكرت تقولى كل سنة وانت طيب صح
يلا بقى كل سنة وانت طيب

كل سنه وانت طيب يا محمد بك يا أزهرى ..

تشكر على القلق اللى عملته ده فى المنطقه وواضح ان الكنج اتعور ..بس

هيسامحك علشان العيد بقى...

كل سنه وانت طيب يا داعى ومتخفش منسيتش ولا حاجه ...بس كل الحكايه بعيد ترتيب نفسى من جديد والله

وان شاء الله هتسمع خير عن قريب وهجيلك متقلش...ههههههههههه

وسع وسع وسع للكنج .

كل سنه وانت طيب يا كنج .ومعلش على عينك اللى اتعورت

متقلقش هنجيب لك عين تانيه من عمر افندى.هههههههههههه

اليكم اخر الاخبار
نظرا للمفرقعات والصواريخ سام 6 وسام 7 الذى اشعلها محمد الازهرى
رقد الكنج فى العيد ولبس مصك نظرا لزيارة الاقارب له وهو الان يستعد بالدبابات والصواعق لمحمد الازهرى للنيل بالثأر



كان معكم احمد عاطف من قناة المفرقعات

ههههههههههههههه
بصراحه محمد عملنا فرح برده بجد انا ما بطلتش ضحك من اول الرد

احمد موضوعك فعلا بيحصل
هو الحمد لله ما حصلش معايا الا مرة واحده بس انا سبحان الله شفت الولد و هو بيرمى الصاروخ و بعدت و قلت لاختى وقتها يلا الحمد لله

لكن انا فعلا اصلا لما بسمع صوت صاروخ فاجأة بتخض جدا من جوايا
و بجد بستتفه اى واحد يعمل حركة زى دى

شكرا يا احمد ع الموضوع

الف سلاااااااامه عليك يا كنج مره تانيه...ماصك ليه يا راجل دا انت حتى زى القمر.شكرا

شكرا ليكى يا هنــــــــــــــد بس انتى نسيتى حاجه مهمه جدا ..لو حصل لك كده فى الشارع

هتعملى اييييييييييييه؟؟

ارجوا الاطلاع على موضوع ماما نونه فى فضفضه الصفحه الاولى ..لانه نقاش مش

تهريج..ونقاش  ممتاااااااااااااااااااز

شكرا مره تانيه يا  هند  باشا

متشكر جدا يا اخ احمد على كلامك ده

اقتباس :

شكرا ليكى يا هنــــــــــــــد بس انتى نسيتى حاجه مهمه جدا ..لو حصل لك كده فى الشارع

هتعملى اييييييييييييه؟؟

لا ما بعرفش اعمل حاجه يا احمد
هعمل ايه يعنى بتنرفز جداااا طبعا بس مش بعرف اعمل حاجه بصراحه

طب ما تقول انت الحل يا احمد...؟؟؟