( ياشباااب ترضى تلبس حبيبتك النقاب.وانتى يا اختاه تقبلى؟؟؟)

لو انت بتحب    

لو انت خاطب

تختار انك تلبس حبيبتك النقاب  ولا يراها  الا  (أنت _ومحارمها اللذين لو يجاوزون اصابع اليد الواحده)

أم يراها (صديقك_أخيك _جارك_وكل  من تعرفه ومن لا تعرفه من المسلمين وغيرهم .ومن الشباب الفاسد وغيرهم .)

توافق الا يستطيع أحد ان يميزها وهى خارجه  مثلا من المصلى أو فى اى مكان عام  الا  أنت . لانك أقرب الناس لها. أم تريد أن  يميزها صديقك  ويقول (دى  خطيبه فلان)ولا تستطيع منع اعينهن عن جمالها ان كانت شديده الجمال.مع العلم انها لابسه طرحه طويله او اسدال  او خمار بس هى جميله  وجهها جميل.

موقف ظريف  حصل لى*(لى اخت توائم  منتقبه .وكانت فى زياره لصديقتها وانا كنت اعلم انها خارج المنزل .وكنت فى طريقى الى البيت فوجئت بفتاه ترتدى نفس زى اختى ونفس الحجم تقريبا فأسرعت  خلفها انادى بأسم اختى .وكلما أسرع لها .أجدها تسرع هى الاخرى للامام وانا استعجب من الموقف .فلما اقتربت جدا منها ورأيت الشنطه اللى كانت تحملها غير شنطه اختى .فنظرت فى الارض وذهبت الى البيت فوجدت اختى جالسه تشرب الشاى.هههههههههه)*

الشاهد: تحب حبيبتك او خطيبتك محدش  يعرفها وهى ماشيه الا انت ولا كل  اصحابك يعرفوا مين اللى بتحبها .

سؤالى  ليكى أيتها العضوه .لو طلب منك حبيبك  او خطيبك كده هترفضى.

طيب لو هو مطلبش  ليه متعمليش كده من نفسك ولا انتى عايزه  الناس كلها تشوفك وتعرفك.

الاول انتى  مقتنعه بالنقاب ولا  ............عمو  طنطاوى  قام بالواجب  

ممكن  نعرف فى  بنات معانا فى المنتدى منتقبات ولا   لا؟يا ريت  نعرف؟


رجائى الاخير :ممكن  حد يساعدنى فى الدعوه  لهذا الأمر ويا ريت عضوه .علشان  هتفهم  ثغرات البنات بس اهم حاجه تكون مقتنعه بيه.

على فكره أكثر أعضاء المنتدى اهلهم كده وأنا أولكم وبلا  فخـــــــــر.

فى انتظار  ردودكم (الشباب والبنات).........

انا عن نفسي مقتنعه بان النقاب شيء كويس في حياتنا وبيحافظ كتير علي كيان المراه
لكن اني البسه من نفسي كده ودلوقتي صعب
لاني بكل بساطه معرفش ظروف حياتي بعدين هتكون ايه
هشتغل ولا لا حسب ظروف زرجي ومعروف ان النقاب عائق في الشغل خاصة في شركات الادويه مثلا
ولا اريد ان ارتديه الان ثم تضطرني الظروف لان اخلعه مره اخري
اما اذا طلب مني زوجي او خطيبي اني البسه وكانت ظروفنا فعلا مناسبه لده عمري ما هعترض بالعكس ياريت اصلا
لكن:
ليس كل ما يشتهي المرء يدركه تاتي الرياح بما لا تشتهي السفن

اقتباس :

لكن اني البسه من نفسي كده ودلوقتي صعب

وقال صلى الله عليه وسلم : " المرأة عورة ، فإذا خرجت استشرفها الشيطان "
رواه الترمذي من حديث ابن مسعود رضي الله عنه .

شكرا ليك يا أنس وانت عندك حق فى موضوع الصوره.وأنا شلتها فعلا.شكرا يا صديقى وربنا يثبتك.

أوك يا أنس .أنا فهمتك خلاص.بس يعنى أنا قلت أنى أحط حاجه متعلقه بالموضوع.فهمت ؟.

شكرا تانى ليك يا قمر.

بصراحة موضوع النقاب دة موضوع كبير جدا
بس انا حقول كامتين والسلام فى الموضوع دة بس بمنتهى الايجاز
اولا ً السؤال بتاع احمد انى احب ان خطيبتى او مراتى تلبس النفاب ولا يراها احد غيرى ؟؟؟؟ هى طبعا حاجة مفهاش فصال يعنى نادرا ما تلقى واحد يقولك انا عايز الناس يشوفوا مراتى اكيد هو حابب انها تلبس النقاب علشان محدش يشوفها """ اما بالنسبة لمراتى انا بصراحة لغاية دلوقتى مفكرتش انى اتجوز واحدة متنقبة من اولها انا فكرت انها تكون ذات دين ولابسه الحجاب الشرعى لكن كونى انى أطلب منها انها تتنقب اثناء الخطوبة او بعد الزواج الموضوع دة بقا متوقف على اشياء كثيرة تخصنى وتخصها وتخص المجتمع اللى انا عايش فيه لكن فى الاول وفى الاخر إجابتى على سؤال احمد _ انا احب جدا جدا جدا ان خطيبتى تكون لابسه النقاب ومؤيد لموضوعك يا احمد
ثانيا ًبالنسبة بقا للأخت نور انا شايف بصراحة ان فكرها زى فكر اغلب البنات اللى مش لابسين نقاب لان مش اى واحدة مؤهلة انها تلبس النقاب
وانا شايف انها مقالتش حاجة غلط لغاية دلوقتى
ثالثاً بالنسبة بقا لردوووووووووود الاخ انس
انا رأى انا لو النقاب لو هيتعارض مع الشغل يبقى ممكن نسيب الشغل
ونشوف شغل تانى لا يرفض المتنقبة
لكن بقا فى حالة ان الانسة واخدة شهادة معينة فى مجال معين ومينفعش تشتغل فى اى حاجة تانى والشغل بتاعها رافض النقاب وهى معندهاش فرصة انها تشتغل فى اى مجال ومفيش حد يصرف عليها
يبقى ممكن تتخلى عن النقاب وتتمسك بالحجاب او الخمار لغاية ما تجد شغل مناسب ليها
اما بقا موضوع ان النقاب فرض او سنة انا بصراحة مقدرش اتكلم فى النقطة دى
وعلى فكرة مش اى واحدة تلبس النقاب دة فى مؤهلات كتير جدا علشان البنت تلبس النقاب ومينفعش تلبس النقاب وهى غير مؤهله
يعنى احنا بنشوف بنات متنقبات فى الشارع ممكن واحدة فيهم تضحك فى الشارع بصوت عالى
يبقى ازاى تلبس نقاب وهى مش متربية اصلا
يبقى يا اختى علشان تلبسى النقاب لازم تكونى اهل لانك تلبسى النقاب
وطبعا كل واحدة وليها ظروفها وحياتها ومجتمعها الخاص بيها
يعنى بصراحة انا معاى اختى فى البيت كانت عايزة تلبس النقاب انا رفضت
انها تلبسه لانها غير مؤهله يعنى بتسمع اغانى ومزعلة اهلها منها قولتلها ظبطى نفسك الاول وبعدين البسى النقاب
اظن كل البنات فاهمنى انا عايز اقول ايه
انا اسف جدا على الاطالة
ومشكور يا احمد على موضوعك
والى الامام دائما

شكرا يا علاء .وانا هعلق فى النهايه على كل الردود.ومبدئيا شكرا لردك.

الى الامام دائما.

اقتباس :

لكن بقا فى حالة ان الانسة واخدة شهادة معينة فى مجال معين ومينفعش تشتغل فى اى حاجة تانى والشغل بتاعها رافض النقاب وهى معندهاش فرصة انها تشتغل فى اى مجال ومفيش حد يصرف عليها
يبقى ممكن تتخلى عن النقاب وتتمسك بالحجاب او الخمار لغاية ما تجد شغل مناسب ليها

اقتباس :

وعلى فكرة مش اى واحدة تلبس النقاب دة فى مؤهلات كتير جدا علشان البنت تلبس النقاب ومينفعش تلبس النقاب وهى غير مؤهله
يعنى احنا بنشوف بنات متنقبات فى الشارع ممكن واحدة فيهم تضحك فى الشارع بصوت عالى
يبقى ازاى تلبس نقاب وهى مش متربية اصلا
يبقى يا اختى علشان تلبسى النقاب لازم تكونى اهل لانك تلبسى النقاب

لاء بجد مليش فى الكلام الجامد بتاعكم دة
بس هاقول حاجة مهمة جدا
البنت بجد اللى بتخاف من ربنا بجد هتعمل اى حاجة تقربها من ربنا ولا شغل ولا سفر ولا اى حاجة
ياجماعة فية بنات كتير اوى بس النقاب دة اعترضت لمواقف كتير مش كويسة لكن فى النهاية الخير انتصر على الشر
يعنى مثلا فى الامتحان لازم المراقب يشوف صورة البنت وطبعا هى بالنقاب طيب فية ست زيها تشوف هى ولالالاء مش لازم يقولها اقلعى النقاب وبعدين دة غلط منة
صح انا بس نفسى الناسش تفهم الدين صح ومن غير تصعب
بجد انا عندى ناس كتير اعرفها محترمة بردك والنقاب جزء من حياتها

احبائى الاعزاء
الى جميع من قرأ هذا الموضوع او رد عليه
انا كل اللى اعرفه عن موضوع النقاب دة
انه مختلف عليه بين العلماء والقاعدة الفقهية تقول " لا اختلاف فى مسائل الخلاف "
يعنى اللى عايزة تلبس تلبس واللى مش عايزة براحتها
وبعدين لمؤخذه يا اخوانى عندى سؤال مهم جدا واريد الاجابةعليه
لو واحدة ملتزمة وبتصلى الخمس صلوات وبتقيم الليل وبتقرا قران
وبتدعوا الى الله وتتحرى الحلال فى جميع احوالها وترتدى الحجاب الشرعى
وتظهر الوجة والكفين ولا تلبس النقاب هل عدم لبسها للنقاب معصيه ممكن ان تحبط باقى اعمالها الصالحة وهل عدم لبسها لنقاب ممكن ان يكون سببا ً فى دخولها النار وحرمانها من الجنة ؟؟؟؟؟؟؟؟؟؟ ارجوا الاجابة لمن يهمه الامر
ملحوظة " انا لا اقلل من شان النقاب ولكنى اتحدث فى عدم اولويته فى الدين "
جزاكم الله كل الخير

متقلقش يا علاء انا هعلق على كل الردود فى الاخر.واللى عنده شبهه فى مسأله هنتناقش مع بعض فيها. بس انا مش عايز اتسرع فى ردى الا لما اعرف كل الردود

بس اهم حاجه فين ردود البنات دى اهم حاجه فى الموضوع.

انا مستنى ردك يا ساهر
وفى الاول وفى الاخر
الاختلاف فى الرأى لا يفسد للود قضية
وكا قيل " رأيى صواب يحتمل الخطأ ورأى غيرى خطأ يحتمل الصواب "
جزاكم الله خيرا

احب اضيف حاجه بس يا جماعة .. بالرغم من رأيى الشخصى اللى هوه رأى انس وانا متفق معاه.. بس حبيت اوضح حاجه مهمه .. ان مش معنى ان اللى مش بيلبسو النقاب ومتحجبين بس نقدر نعيب عليهم .. بالعكس انا اعرف ناس محترمه جدا لدينها ولنفسها وذات عقل وحكمه ووقار ومنهم اللى قريبيبن منى واعرفهم ومنهم اللى من الناس الافاضل اللى الناس كلها عارفها .. يعنى ممكن نقول انهم مقصرين على حسب بعض اراء العلماء .. وممكن يكون ملزمين كويس على برده اراء علماء تانيين . وشكرا..

ردى على الاخت *(نـــــــــــور)*

شكرا يا نور

على فكره الشيطان قدر انه يغلبك زى ما عمل كده ما بنات تانيه كتير.

النقاب يا نور عمره ما كان عائق فى الشغل وفى اى مجال ولو كانت دولتى رافضه انى اشتغل بيه فالمفروض بنت مؤمنه بأن الله هو الرزاق وهو اللى طلب منها حاجه زى كده .وهو اللى قادر يزوجها رجل مليونير .وقادر انها تمسك اكبر شركات الادويه فى العالم .وليس على الله ببعيد .تقول (لا وربى لن أبالى)مش مهم شغلى .المهم طاعه ربى .

وبعدين لو الدوله قالت مش هيشتغل فى شركات الادويه الا البنات كاشفات الشعر هنقدرى نقولى هنا (ليس كل ما يشتهيه المرء يدركه تانى الرياح بما لا تشتهة السفن) ولا ممكن تكشفى شعرك علشان (الفلوس)يا نور .ومن يتق الله يجعل له مخرجا ويرزقه من حيث لا يحتسب.ولو أطعتى الله صدقينى ربنا هيعوضك كل خير فى الدنيا والاخره.ممكن لو فكرتى فى الفكره ربنا يرزقك عريس من عائله ملكيه او حتى طبيب من أكبر أطباء العالم .او رجل صالح وده احسنهم وبلا شك.المفروض كنتى قولى (اللهم انى فعلت ذلك ابتغاء وجهك ولا أريد الا أنت فعوضنى به خيرا).
على فكره أمى مفتشه ماليه وأداريه والنقاب عمره ما كان عائق بالنسبلها .وبعدين ياااااااااابنتى انتى ضااااامنه انك هتشتغلى.ضااامنه انك هتنجحى ولا دى كلها بيد الله .

فمن باب أولى اننا نطيعه.ولا أيــــــــــه.شكرا على ردك

ردى على *(أميــــــــــنه)*

أولاوبعد غياب المده اللى فاتت دى كلها فحمد الله على السلامه بالناس اللى بترجع فى كلامها لأن قلنا اخر مره انك تكثرى من مواضيعك وكنت بنتظرى لك أى موضوع أو حتى رد ولكن الا من تناااااااااااااادى.

ثانيا:يؤسفنى ان بعد المده الطويله دى كلها اننا نختلف مع بعض وانا كنت لا أحب ان أختلف معاكى أنتى بالذاااات. ولكن يااارب أقدر أخليكى تعيدى تفكير فى الموضوع وتقتنعى بكلامى.نرجع بقى لموضوعنا ياااااأميـــــــنه.

ومع احترامى الشديــــــد للدكتور/عبد الله بركات.بس أنتىأنسانه عاقله وتقدرى تميزى بين الكلام الصح والغلط ومستحيل تاخدى كلامه عميااااااء.

عايز بس اعرف حاجه فى حاجه فى شرع ربنا أسمها فضيله

الاحكام الشريعه اللى نعرفه هى(الواجب -السنه-المستحب-الحرام-المكروه)

وبصراحه مسمعتش أى عالم دينى قال فضيله غير علماء مصر وبالذات بتوع الازهر. لدرجه أن شيخ الازهر صرح بأن النقاب لا أصل له فى الاسلام.وقال أيضا النقاااب حراااااااام شرعا وطبعا اللى يقتنع بكلامهم يبقى عايز يريح دماغه وبيرضى هواه وبس.

2-كل العلماااء قالو بأن النقاب وااااااااااااجب فى زمن الفتن حتى اللى قال بأنه سنه وبلاش بقى كلمه فضيله دى .ياااأمينه فى زمن فتن أكتر من اللى أحنا فيه.

3-الحديث اللى كلنا متعلقينا بيه أوى بتاع أمنا أسماء وعلى فكره معظمنا مش حافظه بس اهو قال كده وخلاص ومنهم قال أن السيده اسماء قالت الوجه والكفين مش عوره.هههههههه.الكلام ده غلط .الحديث بيقول ان السيده اسماء كانت عند امنا عائشه وكانت تلبس ثياب تشف جسمها .فقالت لها امنا عائشه المرأه أذا بلغت المحيض لا يظهر منها الا هذا وهذا واشارت الى الوجه والكفين.اولا الحديث ده مرسل.يعنى منقطع السند .ليييه؟لان اللى راوى الحديث قال عن عائشه مباشره وهو أصلا لم يعاااصر السيده عائشه .والادهى انه اعترف بعدها بانها كذب فى الحديث وانه حيث منقطع السند يعنى ضعيييف ولا يحتج به.وبعدين السيده عائشه كانت ترفض تركب خلف النبى الناقه بسبب غيره زوجها الشديده وهذا رسول الله .وتقبل على نفسها تمشى بثياب شفافه فى الطريق

يا امينه نساء الصحابه اول لما ايات الحجاب نزلت غطو وجوههم بثيابهم وثياب ابنائهم على كل الرجال حتى ازواجهن وأولادهن.ولما علم النبى فسر لهم الايه ومنعهم من الظهور امام الرجال الاجانب فقط.

يااامينه فى اكتر من النبى يجهز جيش ويقاتل اليهود علشان حاول رجل يهودى انه يكشف عن وجه امراه .واللى قالك انه شبك طرف الثياب فى مقدمه رأسها فبانت سؤتها فده كلام غلط .كل اللى طلبه اليهودى انه يشوف وجها.ولما وجده رجل من المسلمين يفعل ذلك قتله فقتله اليهود فجهز النبى جيش وقاتل اليهود بالفعل من اجل امراه ومن اجل النقاااااب

بالله عليكى يا شيخه لو انه فضيله او سنه كنا هنحارب علشانه.ونضحى بأنفسنا

ياااأمينه بالله عليكى كلمه(ذلك أدنى أن يعرفن).ياااااااأمينه وهل تعرف المراه الا من وجهها.ده كلام أبن تيميه.

يااااااااأمينه النبى أمر زوجاته انهم يغطو وجووهم من عبد الله بن ام مكتوم وكان أعمى.

ياأمينه فى حادثه الافك لما دخل الصحابى لا أذكر أسمه على عائشه وهى نائمه وكانت كاشفه الوجه .فقال وكنت اعرف قبل ايات الحجاب يعنى قبل الحجاب ما يشرع كانت كاشف الوجه .فنحنح .فلما افاقت غطت وجها.

طيب ما كان بيشوفها عادى قبل ايات الحجاب لكن لما الحجاب شرع غطت وجهها.عنه.ده دليل على ان بعد ايات الحجاب مفيش حاجه اسمها أكشفى وجهى

أمك عائشه يا امينه قالت كنا أذا مر الركبان علينا يعنى فى الحج .اسدلنا عن وجوهنا .ولما بيكونو لوحدهم بيكشفو وجوههم عادى.طيب يا منمن لو ده فضيله او سنه كانو غطو وجوههم ليه مع ان دول كانو فى حج والنبى بيقول (لا تنتقب المرأه المحرمه ولا تلبس القفازين.)طيب كلمه لما تنتقب المرأه المحرمه .يبقى هى فى الاصل أييييييييه؟؟؟؟.منتقبه

فى أدله كتيييره اوى والله بس نقتنع.وبذكرك العلماء اللى قالو سنه قالو فى زمن الفتن واجب.

صدقينى هكون أسعد مخلوق فى الكون لو بلغتى المنتدى كله أنك أنتقبتى.وهدعيلك وانتى عارفه انى بدعيلك من زمااااااااان يا أمينه.

أنا جبت لك ردود الشباب وأثبت لكم تفكير الولد عامل ازاى .الولد بيدور على المنتقبه ولو مش منتقبه والله هيلبسها النقاب.

أدخلى يا أمينه كليه الطب كده وشوفى كثره البنات المنتقبات أنزلى أسكندريه أو المنصوره اللى لا يخلو شارع منها الا من نساااء من منقبات.او أى مكان .

انا والله عندى صور لمنتقبات فى لندن ياااااااااه.

اوعى تقولى انا خايفه لمعملش بيه لالالالالا.البسيه وانتى هتعملى بيه وصدقينى .وايه كلمه خايفه لأخلعه دى فين الثقه فى النفس.

ممكن الشيطان يقول لك (يا عبيطه واللى هيشوفك علشان يتجوزك يشوفك ازاى يا هبله)استنى اما يج العريس وبعد كده نلبس على كيفنا .

تعرفى ان اللى بتلبس القاب فرصتها للزواج أكتر من التانيه.

أختى اول لما لبست النقاب جالها طالب فى طب وطالع الاول على المملكه البحرينيه.وملونير بس طلب سفرها معاها واحنا رفضنا وحاليا متزوجه بطالب فى 6 طب مصرى .وحامل كمان عقبالك.

أخيرا ترضى تكونى حلوى مكشوفه اللى عايز يشوفك يشوفك والذباب ينال منك اللى هم بمثابه الشباب الفاسق.

ولالؤلؤه فى قوقعه ومغلفه وفى قاع البحر لا ينالها الا الغواص الماااااااااااهر

وأن نالها لا يفرط فيها لانها لؤلؤه .ثمينه مثلك. غاليه مثلك .جميله مثلك .رقيقه مثلك .فهيا يا لؤلؤه بادرى بأرتدائه والله لفرحه ربك بك بالدنيا وما فيها تخيلى منظرى الملائكه وهى تصفق لك وتهلل وتكبر من أجلك .يااااااااااه

كل ما يهمنى فى الدنيا الان أن أسمع عنك كل خير يا أمينه .ونسعد بالفرحه الكبرى .وأبقى سيبك من فضل شاكر ده .ولا كمان الدكتور عبد الله مبروك قالك ينفع نندمج معااااااااااه هههههههههه.معلش انا قاسى عليك شويه بس

ربنا اللى يعلم أد أيه................. .شكرا .وياارب ما تحرمينا من ردودك تانى

يا استاذ احمد انت وانس العلماء اختلفو علي فرضية النقاب والعلماء لا يختلفون علي ما هو معلوم من الدين بالضروره وبالنسبه للشيخ بن عثيمين فانا احترمه واعلم قدره جيدا ولكن كما قال هو بفرضية النقاب فقد قال غيره من العلماء بعدم فرضيته
وبعدين مش من حقك انك تقول ان الشيطان اغواني ولا لا
ثانيا لو انا جيت اشتغل وطلبو مني خلع الحجاب طبعا هرفض ومش هختار الفلوس "زي ما بتقول" لان الحجاب متفق علي فرضيته
اعتقد ان كلامي واضح بان انا لست ضد النقاب ولكني لا اعتقد انه فرض"مش بمزاجي"ولكن من فتاوي العلماء
وان انا مفضلتش """الفلوس"""علي فرض الله