تعالو ياجماعة نتناقش ف موضوع يهمنا كلنا او يهم اغلبنا بس المهم نفتح عقلنا ونفتح قلبنا ونفتح صدرنا للمناقشة ومنتعصبش لفكرة معينة ونكتب اللى ف قلبنا بصراحة ونسيب قلوبنا تقول اللى هيه عايزاه ولو حب العقل يتدخل يبقه نشكره
فيه شويه مننا ف سن جواز الوقتى وفيه الباقى لسه بعيد شويه بس بيتهيالى ان الكل او الاكتر مشغول بحد معين وبيقول
مفيش غير اللى ف بالى هوه ده حبيبى ومش هسيبه يفلت منى
وانا من رايي ان الفكرة دى غلط
ليه بأاااااااه تعالو نتناقش
ممكن حد شوف حد ويعجبه شكله ولو شافه مرة تانيه ينشغل به ولو اتكررت يتعلق به ويقول هوه ده حبيبى
وممكن حد تانى يقابل حد يعمل معاه موقف حلو فيعجبه ويبدأ يبنى له شخصيه ف خياله لغاية ميتعلق به ويقول هوه ده حبيبى
وممكن حد تالت يقابل حد ويتناقش معاه ف موضوع معين ويعجب بفكره اوى لغاية ميتعلق به ويقول هوه ده حبيبى
بس انا شايف ان ده غلط لان هنقابل س ونعجب به واكيد هنقابل ص ونعجب به وهنقابل ع ونعجب به
يباه منستعجلش لكن مفروض نسيب نفسنا للتجارب وبعدين لما يكتمل فكرنا ونقدر نختار الحد اللى حبى له يكون شىء واقعى وعاطفى وعقلانى ويعجبنى من كل شىء واعرفه على حقيقته كلها مش ناحية واحدة بس
ساعتها يبقه من حقى اقول هوه ده حبيبى ومش هسيبه يفلت منى ومفيش غيره هيكون ف بالى
بس برضه حابب اقول لكم ان الدنيا مبتقفش عند حد معين
لازم نحط ده فى بالنا كويس