منتدى جامعة الأزهر
هذه الرسالة تفيد بأنك غير مسجل بالمنتدى تفضل بالدخول على اشتراكك ان كنت عضو لدينا او قم بالنقر على زر التسجيل لتصبح عضو معنا


منتدى خاص بجامعة الازهر للتعليم والدراسه من خلاله
 
الرئيسيةالتسجيلدخول

 

 هات فيا جووون والنبي يا 'أحمد'!!

اذهب الى الأسفل 
كاتب الموضوعرسالة
د.هانى
أزهري فعال جدا
أزهري  فعال جدا


عدد المساهمات : 255
تاريخ التسجيل : 09/08/2007
العمر : 31
الموقع : www.raddadi.com

هات فيا جووون والنبي يا 'أحمد'!! Empty
مُساهمةموضوع: هات فيا جووون والنبي يا 'أحمد'!!   هات فيا جووون والنبي يا 'أحمد'!! Emptyالسبت سبتمبر 01, 2007 12:48 am

أنا قريت في مجلة إنجليزية فرنسية طليانية اسمها 'هات فيّا جون والنبي يا أحمد' أن ارتفاع معدل تهديف مدافعي مصر في شباكهم ظاهرة إيجابية وإيجابية جدا كمان، وتصب في مصلحة الكرة المصرية فضلا عن أنها ترتفع بمستوى حراسة المرمى وترتقى بردود أفعال الحراس إلى أقصى درجة وأسألني وقول لي ليه؟

زمان قبل عصر الأهداف العكسية ما تدخل بلدنا، كان مدرب حراس المرمى من دول تلاقيه ماسك الواد الجون يا عيني زانقه في الـ18 وهاريه شوط في كل حتة تحت العارضة والقائمين، واحدة في المقص وواحدة على الأرض وحاجة آخر مرمطة على أساس أن فيه مهاجم من الفرقة التانية هو اللي هيحاول يجيب فيه جون –ماكانوش يعرفوا اللي فيها-، النظام الجديد بقى الحارس فيه بيتدرب على هجوم زملائه المدافعين القناصين يعني الراجل يكون واقف في أمان الله يلاقي زميله بيحط له الكرة لوب، يتنطط ويجيبها مش مشكلتنا إحنا، شغله ده ولا مش شغله؟!، زميله ده ولا مش زميله؟!، لازم يكون صاحي ومتوقع أن كل الأنفار –جمع نفر- اللي موجودين قدامه في الـ18 هيشوطوا عليه، هو ده عصر الاحتراف، كفاية تهريج بقى، لعبنا كتير وهزرنا كتير وخلينا 'فلافيو' الهداف الموسم اللي فات نشوف شغلنا بقى؟!

3 أسابيع بالتمام والكمال هي عمر مسابقة الدوري العام وخمسة أهداف أيضا بالتمام والكمال هي حصيلة مجهودات المدافعين 'أحمد السيد' (الأهلي) و'ياسر إبراهيم' (البلدية)، ومحمد صديق (المصري)، ورامي عادل (الأهلي)، و'يوسف عبد الرحيم' (الاتحاد)، الأمر قد يبدو للوهلة الأولى مجرد صدفة ومثار سخرية الجميع ولكنه في الحقيقة ظاهرة تستحق النظر لأنها تجسيد واقعي لحالة التوهان وسوء التمركز والضغط النفسي والبدني الذي يفشل المدافعين في التخلص منه أثناء المباريات.

اللافت للنظر أن الزمالك كان أكثر الفرق استفادة من هذه الظاهرة فمن ثلاث مباريات خاضها أمام الإسماعيلي والبلدية والاتحاد سجل مهاجموه هدفين فقط بينما أحرز مدافعو خصومه هدفين –يعني النص بالنص- أيضا الأهلي أكثر الفرق تضررا فمن نفس مجموع المباريات سجل مدافعاه 'أحمد السيد' و'رامي عادل' هدفين، والاثنين كاد فيهما 'عصام الحضري' أن يشق هدومه ويشيل التراب على دماغه.

الأغرب من الأهداف العكسية هو كم ركلات الجزاء –6 ركلات- التي احتُسبَت خلال الأسابيع الثلاثة الماضية والتي تسبب فيها -بلا شك- المدافعون، يعني مش كفاية الأهداف الصديقة كمان ضربات جزاء.

يعني لما تييجي تعمل حصر بسيط كده للأهداف التي سجلت في الدوري تلاقي 6 أهداف من ركلات جزاء، وخمسة بأقدام مدافعين.. مش بالذمة قلتهم أحسن؟!

ظاهرة الأهداف العكسية والخشونة وركلات الجزاء قد تفتح -لا قدر الله- ملف قدرة خط دفاع منتخب مصر على الصمود أكثر من ربع الساعة أمام بوروندي –وهي مش ناقصة أصلا- والذي تتكون الدعامة الأساسية منه من لاعبين محليين، وأحيانا ينضم إليهم 'عبد الظاهر السقا' و'بشير التابعي' والاثنين لا يقلان تهديفيا عن الباقي.

خلاصة الحدوتة أن استمرار الوضع على ما هو عليه أمر في منتهى اللطافة والسعادة والبهجة –أنا مبتهج أهو-، لأنك بكل ببساطة ستجد بطل الدوري في نهاية الموسم رصيده من الأهداف 60 هدفا 40 منهم بأقدام خصومه، والباقي ركلات جزاء، وفي الحالة دي يبقى مفيش داعي الفرق تلعب بمهاجمين، التخلي عنهم وقتها سيكون مفيدا ومريحا وموفرا، على الأقل هنخلص من تشويحات 'فلافيو' وذقن 'متعب' وسحنة 'عمرو زكي'، و'حواجب 'أحمد حسن'، أضف إلى هذا أن المنتخب سيلعب بدون خط دفاع وسيكتفي وقتها بخطي الوسط والهجوم والحارس.. الله يا رحمك يا أبو كف!!










الرجوع الى أعلى الصفحة اذهب الى الأسفل
زائر
زائر



هات فيا جووون والنبي يا 'أحمد'!! Empty
مُساهمةموضوع: رد: هات فيا جووون والنبي يا 'أحمد'!!   هات فيا جووون والنبي يا 'أحمد'!! Emptyالأحد سبتمبر 02, 2007 3:37 am

هههههههههههههههههه
ايه ده يا دكتره شوهت الكره المصريه (هى متشوهه اساسا)
هههههههههههه
مكشور قصدى مشكور
الرجوع الى أعلى الصفحة اذهب الى الأسفل
volcano love
أزهري متميز
أزهري  متميز


عدد المساهمات : 536
تاريخ التسجيل : 09/08/2007

هات فيا جووون والنبي يا 'أحمد'!! Empty
مُساهمةموضوع: رد: هات فيا جووون والنبي يا 'أحمد'!!   هات فيا جووون والنبي يا 'أحمد'!! Emptyالثلاثاء سبتمبر 04, 2007 9:25 am

المدافعين عاوزين حد يمسكهم
الرجوع الى أعلى الصفحة اذهب الى الأسفل
 
هات فيا جووون والنبي يا 'أحمد'!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى جامعة الأزهر :: المنتدى العام :: اخبار الرياضه-
انتقل الى: