يبقي انت اكيد اكيد في مصر

يبقي انت اكيد اكيد في مصر

هي المشكله في مين اه المشكله في مين؟

بعد انتشار اغنيه يبقي انت اكيد اكيدفي مصر
طلعت ناس تقولك لما تلاقي
_العربيات زحمه وبتخبط في بعض يبقي انت اكيد اكيد في مصر
تعليقي :1 2 عسكري المرور فين
يعني هو عسكري المرور اللي حاطه الدوله بيروح فين لما العربيات تخبط في بعض .

_طيب لما تلاقي واحد بياخد بايد واحد اعمي
وبيعدي بي الشارع بذمتكم مشيبقي انت اكيد اكيد في مصر .

طبعا انتو دلوقتي بتقوله انت عايز ايه يا عم فاركاوي .

انا عايز كل واحد فينا يكتب ايه الموقف اللي لما يشوفه او بيحصل معاه بيحس
انه اكيد في مصر.
وتعليقه ايه علي الموقف ده ؟

لو سالبي او ايجابي قول وكلنا هنشارك ونعلق عليه ؟

مش عاوزين تقول اية هى مصر

بلاش يا وجدى احسن
هههههههههههههههههه
مصر اية ياعم
خليك فرش

حاجات كتير والله بس مش فاكره بالظبط

اوك يا بوسى

اما بشوف زحمة الاتوبيس والناس متشعلقه على الباب وكل واحد ماسك فى اللى قدامه واول ما يشوفو الاتوبيس جاى من بعيد مش بيقفو على يمينه عشان يركبو لا ده بيقفو فى وشه عشان يوقفو وتلاقيه منزل 200 ويركب غيرهم 500 بجد بيبقى منظر فظيع والناس بتتخانق وبتشتم بعض على الاتوبيس اللى زاد ربع جنيه واللى ينزل بعد مايركب واللى يتخانق عشان حد قعد على كرسيه على الرغم انه قام عشان يعدى اللى جانبه ياااااااااااااااااااااااه


اوحش حاجه فى مصر المواصلات

شكرا ياا محمد على موضوعك بس قلبت علينا المواجع

لاما تركب قطر الصعيد المميز مش المكيف زيى كده على قد حالى بئه وتلاقى واحد نايم تحت الكرسى وواحد نايم فوق مكان الشنط وانت فارش حاجه وقاعد على الارض ومافيش مشكله ده يعدى يدوس عليك بتاع شاى معدى يرش عليك شويه مفيش مانع بتاع ميه وانت قاعد ياعينيى هتعمل ايه وتلاقى واحد واخد اربع كراسى لوحده نايم عليهم ياحاج يقولك محجوز تقوله اكيد يقولك عيييييييييييييييب يبقى انت اكيد اكيد فى مصر

طب ليه نسوأ سمعة مصر ومنقولش ان ده سلوك جزء من الناس مش سلوك مصر وبلاش الجملة الى بتقول ( يبقى انت اكيد فى مصر

شكرا لردكم على الموضوع
وكيد احنا فى مصر