منتدى جامعة الأزهر
هذه الرسالة تفيد بأنك غير مسجل بالمنتدى تفضل بالدخول على اشتراكك ان كنت عضو لدينا او قم بالنقر على زر التسجيل لتصبح عضو معنا
منتدى جامعة الأزهر
هذه الرسالة تفيد بأنك غير مسجل بالمنتدى تفضل بالدخول على اشتراكك ان كنت عضو لدينا او قم بالنقر على زر التسجيل لتصبح عضو معنا
منتدى جامعة الأزهر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى خاص بجامعة الازهر للتعليم والدراسه من خلاله
 
الرئيسيةأحدث الصورالتسجيلدخول

 

 احدث لغات الشباب !!

اذهب الى الأسفل 
+8
جيسى
Islam Hamdi
شيماء نبيل
Anas Hamed
prof.محمد الأزهرى
صابرية
نور الهدى
DiaBiaN
12 مشترك
انتقل الى الصفحة : 1, 2  الصفحة التالية
كاتب الموضوعرسالة
DiaBiaN
أزهري فعال جدا
أزهري  فعال جدا
DiaBiaN


عدد المساهمات : 406
تاريخ التسجيل : 12/08/2007
الموقع : Amr diab st Elmansoura

احدث لغات الشباب !! Empty
مُساهمةموضوع: احدث لغات الشباب !!   احدث لغات الشباب !! Emptyالخميس أغسطس 23, 2007 12:10 pm

حول اللغة السرية للشباب تعالوا (( نرمى ودانا فى حجرهم )) ونشوف بيقولوا اية ؟؟؟؟؟

يبدأ يوم الشباب عندما تتجمع (( العصابة )) يعنى الشلة كل (( مورنينج )) عند (( ناصية الرمش )) وهى عبارة عن مكان تتوافد إلية مجموعة من بنات النادى أو الجامعة معظمهم بنات (( إستبن )) يعنى غير أصحابهم الآساسيين وكل بنت لها المصطلح الخاص بها يعنى لو البنت حلوه يطلق عليها (( أوكشة )) (( فى الزيف )) يعنى فى الجون ولو لابسة جزمة كعب عالى (( ألآستوك بيتوك )) أو حتة (( شامبو )) يعنى ريحتها حلوة ومستحمية !!!

ولو البنت صغيرة يطلق عليها (( أووزى )) ولو كانت البنت الاجمل فى الشلة يطلق عليها (( النتفة )) أما لو كانت قبيحة الشكل تبقى (( صندل مقطوع أو ضاربها طبنجة )) ولو البنت تخينة تكون (( اتوبيس )) ولو كانت غير متناسقة القوام او الملامح تسمى (( سلعووه ))

ولو كانت لعوباً يطلق عليها (( هشكة )) ولو كانت مرتبطة تبقى (( أوفسايد )) أو (( متشفرة)) والكارت بتاعها مع فلان !!!

ولو كانــت البنت سمـراء البشرة تسمى (( ضالمة من قارة افريقيا )) أو (( مزرقة )) ولو كانت بنت من مكان شعبى تسمــى (( بيئة ))....

وعندما ترفض البنت المعاكسة تقول لمن يعاكسها ( يا خفة .. اية التهزير دة ... روح لمامتك يا بيبى ))

وممكن الحكاية تكون فى السليم وتقلب صحوبية وتقول للولد (( خلينا فى الفيوتشر )) ...

ولو الولد زهق (( اتخنق )) من البنت أو العكس يقولها (( سمعينى بودعك )) أو (( حديها الدبلة )) ....

وعندما تريد البنت معرفة رأى أصحابها فى (( البوى فريند )) بتاعها تعطية ميعاداً وتطلب من صديقاتها رأيهم بدون أن يعرف (( الموكوس )) الغلبان .... خدوا بالكم يا شباب من المصطلحات اللى جاية دية للأهمية القصوى عندما تقول لها صديقتها انك (( تاكسى )) يعنى انت لافف وداير وبتاع بنات .. ولو قالت (( سكامونى )) يعنى جميل و أمور ...(( ملسكوبيتش )) يعنى بخيل ... (( تس تس )) يعنى رزل وممل ... (( شامورتى )) يعنى خنييق ..

(( توت فروت )) مظهرجى ... (( خفشاوى )) غير واضح وهايف ... (( شنيش )) يعنى لامؤخذة هفأ .. !!!

ولو الولد تعبان فى المذاكرة يعنى (( جايب جاز والشراب هوى ومتخرتق )) !!!

وأكثر مصطلحات متداولة هذة الايام (( العب باشكا )) يعنى العب على المكشوف !!

(( حطيت إيدى على البلف )) يعنى فهمت الموضوع !!!
(( أدعك الفانوس دلوقتى )) يعنى ممكن تمشى وترحل !!!
(( أرحلك )) أخرجك من الشلة !!
(( الجوند )) فلوس !!
(( مكيش القفف )) معاه فلوس كتير !!
(( يا صباح المظلات )) للمتقدمين للكليات العسكرية !!
(( فهمـى )) يعنى نفض وكبر الجمجمة !!!
(( أحلق )) طنش !!!
(( انت حتزاولنى )) انت حتشتغلنى !!!
(( مهييس )) عامل دماغ وطاير قووى !!!
(( يا صباح اللى بتغنى )) صباح الخير !!
(( فوكك )) سيبك من الموضوع دة !!
(( أحنا عيال قادرة وكفأة .. ودكتوراة فى الحداقة )) يعنى احنا شباب 100 / 100 !!!
(( كل معرفتى بيه .. هاى باى )) يعنى مش صاحبى قوى !!!
(( إحنا اللى بنقلوظ القلاووظ بصباع الموز )) يعنى احنا نقدر نعمل كل حاجة !!
(( شوليطى . موليطى )) يعنى مش معايا فلووس .. مفلس !!

ومن مصطلحات الاغانى المنتشرة بكثرة هذة الايام الاتى :

(( انا رايح ألعب مع روبى )) يعنى انا رايح الجيم !!!
(( تعالوا نحصل ماريا )) تعالوا نلعب شوية !!
(( انت بتقلد روبى ؟ )) يعنى بتخبى وبتدارى !!
(( أنت كدة تعجب بوسى سمير )) يعنى انت حطيت النقط على الحرووف !!

وفى الختام أقولكم ممكن حد (( يباصى )) يرسل أحدث مصطلح شبية فى نفس الموضوع عشان انا (( أتخنقت ))
الرجوع الى أعلى الصفحة اذهب الى الأسفل
http://www.amrdiabstreet.com
نور الهدى
مشرف قسم اسلامنا
مشرف قسم اسلامنا
نور الهدى


عدد المساهمات : 1368
تاريخ التسجيل : 12/08/2007
العمر : 35

احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالخميس أغسطس 23, 2007 1:27 pm

تصدق و الله انا كمان اتخنقت
ايه يا عادل الكلام ده
ده الواحد مش عايش ف الدنيا بقى
الرجوع الى أعلى الصفحة اذهب الى الأسفل
زائر
زائر




احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالخميس أغسطس 23, 2007 1:35 pm

جااااااااااامد جدا يا باشا
انت كده صيعت لنا المنتدى
ههههههههههههههه
مشكووووووووووووووور
الرجوع الى أعلى الصفحة اذهب الى الأسفل
DiaBiaN
أزهري فعال جدا
أزهري  فعال جدا
DiaBiaN


عدد المساهمات : 406
تاريخ التسجيل : 12/08/2007
الموقع : Amr diab st Elmansoura

احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالخميس أغسطس 23, 2007 1:39 pm

تصدق و الله انا كمان اتخنقت


ايه يا عادل الكلام ده


ده الواحد مش عايش ف الدنيا بقى

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا بعرفكم بس الشباب بيفكروا ازاى

و اية اللى بيحصل

مش اكتر

و لا اقل
الرجوع الى أعلى الصفحة اذهب الى الأسفل
http://www.amrdiabstreet.com
DiaBiaN
أزهري فعال جدا
أزهري  فعال جدا
DiaBiaN


عدد المساهمات : 406
تاريخ التسجيل : 12/08/2007
الموقع : Amr diab st Elmansoura

احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالخميس أغسطس 23, 2007 1:40 pm

كابوكا

عيش يا معلم

واضح من اليوزر نام بتاعك
الرجوع الى أعلى الصفحة اذهب الى الأسفل
http://www.amrdiabstreet.com
صابرية
أزهري جديد
أزهري جديد



عدد المساهمات : 41
تاريخ التسجيل : 14/08/2007
العمر : 35

احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالخميس أغسطس 23, 2007 5:51 pm

اية الكلام الوش دى
دى اتارى الواحد موضة قديمة اوى
الرجوع الى أعلى الصفحة اذهب الى الأسفل
زائر
زائر




احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالخميس أغسطس 23, 2007 6:04 pm

ههههههههههههههههههههههههههههه
بجد يا عادل بتعجبنى اوى
الرجوع الى أعلى الصفحة اذهب الى الأسفل
prof.محمد الأزهرى
المراقب العام
المراقب العام
prof.محمد الأزهرى


عدد المساهمات : 622
تاريخ التسجيل : 21/08/2007
العمر : 35
الموقع : الدقهلية

احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالجمعة أغسطس 24, 2007 1:33 am

ههههههههههههههههههه
اشطاااااااااااااااااط اوى
الرجوع الى أعلى الصفحة اذهب الى الأسفل
prof.محمد الأزهرى
المراقب العام
المراقب العام
prof.محمد الأزهرى


عدد المساهمات : 622
تاريخ التسجيل : 21/08/2007
العمر : 35
الموقع : الدقهلية

احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالجمعة أغسطس 24, 2007 2:01 am

[size=29]
اليكم معانى المصطلحات الشبابيه الروشه بالتفصيل
1- استمورننج
لفظ يقال في الصباح بغرض تناول الطعام أو التدخين ، أو شرب الشاي ، حتي يفيق الشاب من نعاسه ومثالها "هاروح أعمل استمورننج علي القهوه و جاي" ، وواضـح القياس على الكلمة العامية "اسطباحه" / "اصطباحه ، واشتقاقها من "الصبح""، فقد تم إبدالها بكلمة morning بعد إضافة "إس" لها، فأصبحت "إستمورننج" .
2- الأبلتين لدع في دهاليز الحياه
عبارة تدل علي الخواء أو الفوضي في الحياة و غالبا ما تدل على الفَلَسْ ، مثل "مفيش فلوس و الابلتين لدع في دهاليز الحياه " أي أن الحياة أصبحت خربة .
3- اعمل دماغ
عبارة مشهورة عند المدخنين ، و يقصد بها الحالة المزاجية عند المدخن ، فهم يقولون "عامل دماغ" ، وقد أخذ هذا التعبير يتسع ليشمل غير المدخنين ، فحين يُرى أحد الشباب سعيدا – مثلا – بعد مقابلة حبيبته فيقولون "باين عليه عامل دماغ" ، وكذلك عامل دماغ بانجو ، أو دماغ شِعْر ، أو دماغ كورة … إلخ ، وكأنها أصبحت دالة على حالة الإشباع من شىء .
4- إدِّيها جاز
عبارة تقال في مواقف المشاحنات بين الأصدقاء لإشعال حدة المشاجرة مثل "إدي الخناقه جاز علشان تولع "أو "شعللها" سواء عن طريق الكلام أو توجيه اللوم لأحد المتشاجرين كي تزداد ثورته علي الآخر
5- إيه النظام
بمعني إيه الموضوع ، و لقد استغلت العبارة في أحد إعلانات الموبايل في نظام كروت الشحن ، كما بدأت تدخل كسؤال عن الأحداث التي يتساءل الشاب فيها عن الجديد مثل "إيه النظام .. فيرد الآخر ساخرا ، أو لامباليا "النظام في العظام" .
6-آنَزَر ستوون another stone
تعني حجرا آخر لمدخن الشيشة علي المقاهي ، وتأنى الطرافة هنا من أن كلمة stone لا تعنى "حجر" الشيشة ، وإنما تعنى فى الإنجليزية "حجر ، نواة ، يرجم ، يشحذ ، يبلط بالحجارة" ، وتأتى المشابهة هنا فى اللفظ العربى لتعكس الطرافة .
7 - إزبهَّل
لفظ يدل علي الذهول الشديد و يقال" انت مزبهل كده ليه " اي مندهش لدرجة العبط .
8- احلق
هو لفظ لا يعني الذهاب إلي الحلاق لقص الشعر ، لكنه يفيد تجاهل الغير مثل" احلق له" أي لا تفكر فيما يقول فهو لا يستحق ، والعلاقة هنا تأتى من المشابهة فى نتيجة فعل "الحلق" فقص الشعر يؤدي إلى تطايره حيث لا حاجة له فيتم التخلص منه بالقص ، وكذلك فى العلاقات الإنسانية "احلق له" ، أى قص له موضوعه ، أو تجاهله .
9- أتوبيس راجع بضهره
عبارة يرددها الشباب لتنطبق على الفتاة الغير جميلة ، وهم يرددون مسميات أخري مثل " زي الكره الكفَر" أو "صَبْ حته واحده" ، ومعظمها يشير إلى عدم جمال الجسد فى حركته واتساقه .
10- أعَلمُّه
وهذا مصطلح يعـني التشويه في جزء من الوجه بآله حادة ، والسماع الأول لها قد يلصقها بالعلم والتعلم ، بينما هى لصيقة بالعلامة التى تصبح ظاهرة فى وجه الشخص الذى تم تشويهه ، والتى تعذبه كلما رآها .
11- إنْش
اختصار لاسم "انشراح الخباثه" ، و هي شخصية متخيلة ، منحوها اسما ، والمفردة تنطبق على كل شخصية تحمل معانى السذاجة لدرجة الهبل .
12- امبلايز
مصطلح بمعني "في الفاشوش" أي إن الموضوع الذي سعيت من أجله لم يتم ، وكان الطريق إليه بغير جدوى و تقال " الحياه في الامبلايز" أي أن الحياة لم تمنح الموضوع سوى الفشل .
13- اشاعاتي
الشخص القادر علي إصدار الشائعات بمعدلات سريعة .
14- أعلن فراري
بمعني أنوي الانسحاب من الجلسة ، فيقال "آسف أنا ها اعلن فراري"
15- أتاري
مصطلح يطلق علي سيارات الشرطة الخفيفة لمشابهتها شكل السيارات الكارتونية فى "الفيديو جيم " ، و الاتاري .
16- إحنا اللي بهيظنا الفهايص
عبارة يطلقها قائد مجموعة الشباب من الفاسدين افتخارا بنفسه و معناها "انا الذى جعلت الجميع يغيب عن الوعي" ، وواضح مافى صياغته من تفخيم للذات .
[color:71ea=red:71ea]17- أبو الغضب
اسم يفيد معني الشر ، أو أن هناك نية مبيتة على القيام بالأذى ، وهم يقولون"اسم ابو الغضب في وشه" أي أن الشر باد عليه .
18-أُوزي
لفظ يطلق علي الفتيات الصغيرات الجميلات ممن فى سن بنات المدارس الثانوية و الإعدادية ،و ما شابه ذلك
19- إنتر
مصطلح مشتق من الكلمة الإنجليزية enter و هى بمعنى يًدخل ، أو ينضم إلى ، يسجل ،كما تطلق على مفتاح إدخال البيانات في لوحة مفاتيح الكمبيوتر ، لكنها تأتي فى هـذا السياق بمعني "لا يحفظ سرا ، بل يفضح أسرار الآخرين ،كما أن لديه قدرة على استدراج الآخرين في الحديث والبوح ليأخذ منهم الأسرار ثم يبوح بها" .
20- ادعك الفانوس
عبارة تعني "اختف الآن .. انصرف .. لقد قمت بمهمتك ، و مثالها"ادعك الفانوس دلوقتى " أي امش دون أن يراك أحد .
21- انزل من علي المسرح يا نجم
عبارة تقال للشخص الذى يتدخل فيما لا يعنيه و يقصد بها أن هذا ليس دورك ، أي ليس لك دخل بهذا بالموضوع .
22 - انزل من علي ودني
يشير هذا التعبير إلى معنى الثرثرة ، والحكى المطنب ، وهى هنا بمعني " ابتعد عني" أويكفى ثرثرة .
23- أًوكْشَه
تطلق هذه المفردة / الاصطلاح على الأنثى باهرة الجمال شكلا وجسدا
24-اشتغله
أى اكذب عليه، ولا تعطه معلومات صحيحة ،وقد تأتى فى سياق خداع شخص على سبيل الجد ، أو على سبيل المزاح ، فهم يقولون فى هذا السياق هذه العبارات "أكِّلًه البالوظه " - " استهبل عليه " و حينما يكون الشخص فطنا ، ويدرك ما يحاك له فيقول لمن يقوم بفعل الخداع أو "الاشتغال" انت بتشتغلني" ، ومن الاشتقاقات المتعلقة بها "اشْتِغَاله"وتطلق على الواحدة من هذه الأفعال ، والجمع "اشتغالات" ، وكذلك كلمة "شغال" للدلالة على القيام بالفعل ، و ها تشتغلنى للدلالة على بداية الفعل.
25 - استكانيس
لفظ يدل علي الراحة و الرفاهية و المتعة ، والواحد منهم يقول " انا مستكانيس كده " أي انا مرتاح بهذه الطريقة .
26- ابْعَتُه
لفظ بمعني اخدعه أو اكذب عليه حتي نسخر منه ونضحك على تصرفاته .
27- تشريد
بمعني لا تفشى هذه الأخبار ، وهى تقارب الاستخدام العامى بين الشياب أيضا " ماتسيحش "، والأخيرة قد تكون مأخوذة من الصياح بمعنى إعلانه بصوت عال ، أو من السياحة بمعنى نشرها مع كل حركة ، ومفردة "تشريد" تستخدم فى سياقات عدة ، فيقولون "أنا ها اشردها" أى سأقوم بفضحها ، أو بلاش تشريد ، أى لا تنقل ما قلته لك .
28- ثَبِّت
لفظ يدل علي أسلوب حياة خاصة ، تهدف إلي سلب النقود ، أو بعض الممتلكات الشخصية عن طريق التهديد بآلة حادة ، و قد شاع استخدام هذه الكلمة حاليا في إطار مختلف ، فإذا قلت كلاما جميلا لمن تحبها فأنت هكذا "ثبتها" كما يتم تداولها فى إطار إقناع الشخص بفكرة ، فيقال "ما تخافش ها اثبتهولك" .[
29- ثلج (تلج) نار
و تعني أن الجو بارد جدا لدرجه التجمد
30- حوار
لا يقصد بها الحوار/ المصطلح الفنى الذى يوظف فى الفنون المختلفة من قصة وشعر ومسلسلات ، الحوار عندهم يعنى الإطالة ، وتعنى أحيانا الرأى ، أو الكلام الذى يمتلىء بالكذب ،فهم يقولون ، و" زهقنى بالحوار بتاعه ، أو "عملى حوار" .
31- خمفشاري
لفظ بمعني الشيء غير المعروف و يقال اللغة الخمفشاريه ، أو الخنفشاريه ، أي اللغة غير المعروفة ، وقد تعنى عدم وجودها من الأصل
32- دباليمو
بمعني أن هذا الشاب حاصل على دبلوم صنايع ، أو دبلوم تجارة "، وهم يتندرون على بعضهم مستلهمين إيقاع الأغنية الشعبية فيقولون "دبلوماتك برجالاتك دبله دهب في صباعاتك "
33- روشن

مفردة تدل على أسلوب حياة مختلفة يتبعه الشباب ، حيث التخلص من التقاليد البالية القديمة التى لا تتفق مع ميولهم أو رغباتهم الشخصية ، وهم يطلقون على كل جديد يتقاطع مع السائد "رِوِشْ" ، ويشتقـون منها "الروشنة" – "الرواشه" – رَوِّش – رِوِشْ - رِوِشْه – رَوَشان – روشن …إلخ . (10)
الرجوع الى أعلى الصفحة اذهب الى الأسفل
prof.محمد الأزهرى
المراقب العام
المراقب العام
prof.محمد الأزهرى


عدد المساهمات : 622
تاريخ التسجيل : 21/08/2007
العمر : 35
الموقع : الدقهلية

احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالجمعة أغسطس 24, 2007 2:03 am

اى خدمة يا عم Diabawy
الرجوع الى أعلى الصفحة اذهب الى الأسفل
DiaBiaN
أزهري فعال جدا
أزهري  فعال جدا
DiaBiaN


عدد المساهمات : 406
تاريخ التسجيل : 12/08/2007
الموقع : Amr diab st Elmansoura

احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالجمعة أغسطس 24, 2007 1:35 pm

محمد الازهرى

الكلام اللى انت قولتة دة روش جدا بس قديم يا معلم


خد عندك


البرى بء محنشر يعنى الفم عاوز اكل

سكسافوريا بالليمون لما تكون مضايق و عاوز تشرب ليمون

الدفش اللى يشلك لما تكونوا مجموعة و عاوزين تتفقوا على واحد من غير ما يعرف


جلاش يعنى موافق

انتر يعنى عمال يتكلم فى الفاضى و المليان


شحناف يعنى واد مالوش لازمة




واجدد لفظ

لحد الوقتى

.......... اخر حاجة ..... بيستعمل بدل جدا

تقول مثلا انت روش اخر حاجة


كمان


بحبك اخر حاجة


و لسة كتييييييييييييييييييييير
الرجوع الى أعلى الصفحة اذهب الى الأسفل
http://www.amrdiabstreet.com
زائر
زائر




احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالجمعة أغسطس 24, 2007 1:59 pm

ههههههههههههههههههههه
طب تعرف تقولى يا عادل يعنى اية دويستر
الرجوع الى أعلى الصفحة اذهب الى الأسفل
DiaBiaN
أزهري فعال جدا
أزهري  فعال جدا
DiaBiaN


عدد المساهمات : 406
تاريخ التسجيل : 12/08/2007
الموقع : Amr diab st Elmansoura

احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالجمعة أغسطس 24, 2007 3:13 pm

هههههههههههههههههههههههههههههههههههههههه

انت مفكرنى الدنجل و لا اية




يعنى اية دويستر ؟؟

شكلها من دماغك انت

بس هى ما عدتشى عليا قبل كدة
الرجوع الى أعلى الصفحة اذهب الى الأسفل
http://www.amrdiabstreet.com
DiaBiaN
أزهري فعال جدا
أزهري  فعال جدا
DiaBiaN


عدد المساهمات : 406
تاريخ التسجيل : 12/08/2007
الموقع : Amr diab st Elmansoura

احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالجمعة أغسطس 24, 2007 5:12 pm

ههههههههههههههههههههههههههههه

دويستر يعنى مش تمام

هههههههههههههههههههههههههههههههههههه
هههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههه
الرجوع الى أعلى الصفحة اذهب الى الأسفل
http://www.amrdiabstreet.com
Anas Hamed
أزهري متميز
أزهري  متميز



عدد المساهمات : 533
تاريخ التسجيل : 08/08/2007
العمر : 36
الموقع : مـ صـ ر

احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالجمعة أغسطس 24, 2007 6:57 pm

طب لو راجل

قول يعنى أيه

أنتش
الرجوع الى أعلى الصفحة اذهب الى الأسفل
http://www.islamway.com
prof.محمد الأزهرى
المراقب العام
المراقب العام
prof.محمد الأزهرى


عدد المساهمات : 622
تاريخ التسجيل : 21/08/2007
العمر : 35
الموقع : الدقهلية

احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالجمعة أغسطس 24, 2007 9:53 pm

هههههههههههههههههههههههههه
أنس .. حبيب قلبى
انا وانت بس اللى عارفين معناها Wink
هههههههههههههههههههههههههه
الرجوع الى أعلى الصفحة اذهب الى الأسفل
شيماء نبيل
أزهري فعال جدا
أزهري  فعال جدا
شيماء نبيل


عدد المساهمات : 250
تاريخ التسجيل : 09/08/2007

احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالسبت أغسطس 25, 2007 12:06 am

وعندما تريد البنت معرفة رأى أصحابها فى (( البوى فريند )) بتاعها تعطية ميعاداً وتطلب من صديقاتها رأيهم بدون أن يعرف (( الموكوس )) الغلبان .... خدوا بالكم يا شباب من المصطلحات اللى جاية دية للأهمية القصوى عندما تقول لها صديقتها انك (( تاكسى )) يعنى انت لافف وداير وبتاع بنات .. ولو قالت (( سكامونى )) يعنى جميل و أمور ...(( ملسكوبيتش )) يعنى بخيل ... (( تس تس )) يعنى رزل وممل ... (( شامورتى )) يعنى خنييق ..

(( توت فروت )) مظهرجى ... (( خفشاوى )) غير واضح وهايف ... (( شنيش )) يعنى لامؤخذة هفأ .. !!!

ايه الكلام ده Shocked
انا عمرى ما سمعته قبل كده
بس الباقى شويه سمعت عنهم
واحلق ونفض والكلام ده بأه عادى
لكن فعلا الغريب الكلام اللى مكتوب فوق ده
منك نستفيد يا عادل
موضوع جميل ومثيرررررر
شكرا يا عادل
الرجوع الى أعلى الصفحة اذهب الى الأسفل
Islam Hamdi
أزهري متميز
أزهري  متميز
Islam Hamdi


عدد المساهمات : 645
تاريخ التسجيل : 13/08/2007
العمر : 35
الموقع : ميلانوووووو

احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالسبت أغسطس 25, 2007 12:25 am

انا عمرى ما سمعت الحجات دى يا معلم
انتة جبتهم منين يا حج
الرجوع الى أعلى الصفحة اذهب الى الأسفل
http://www.way2allah.com/modules.php?name=live
الداعي ا
زائر




احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالسبت أغسطس 25, 2007 5:37 am

ههههههههههههههه
انتش
الرجوع الى أعلى الصفحة اذهب الى الأسفل
جيسى
أزهري فعال جدا
أزهري  فعال جدا
جيسى


عدد المساهمات : 166
تاريخ التسجيل : 16/08/2007
العمر : 34

احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالسبت أغسطس 25, 2007 12:46 pm

مشكووووووووووور يا عادل
انا عمرى ما سمعت الكلام دا
منك نستفيد
الرجوع الى أعلى الصفحة اذهب الى الأسفل
بليلة بالمكسرات
أزهري فعال جدا
أزهري  فعال جدا
بليلة بالمكسرات


عدد المساهمات : 270
تاريخ التسجيل : 10/08/2007
العمر : 35

احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالأحد أغسطس 26, 2007 4:07 am

وعندما تريد البنت معرفة رأى أصحابها فى (( البوى فريند )) بتاعها تعطية ميعاداً وتطلب من صديقاتها رأيهم بدون أن يعرف (( الموكوس )) الغلبان .... خدوا بالكم يا شباب من المصطلحات اللى جاية دية للأهمية القصوى عندما تقول لها صديقتها انك (( تاكسى )) يعنى انت لافف وداير وبتاع بنات .. ولو قالت (( سكامونى )) يعنى جميل و أمور ...(( ملسكوبيتش )) يعنى بخيل ... (( تس تس )) يعنى رزل وممل ... (( شامورتى )) يعنى خنييق ..

(( توت فروت )) مظهرجى ... (( خفشاوى )) غير واضح وهايف ... (( شنيش )) يعنى لامؤخذة هفأ .. !!!
ههههههههههه
عجبنى اوى الجملتين دول حلوين
بس انا حسه انى واقفه على الناصيه شويه مش فى منتدى
بس جميل مشكور يا عم دياباوى انت ومحمد
الرجوع الى أعلى الصفحة اذهب الى الأسفل
DiaBiaN
أزهري فعال جدا
أزهري  فعال جدا
DiaBiaN


عدد المساهمات : 406
تاريخ التسجيل : 12/08/2007
الموقع : Amr diab st Elmansoura

احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالأحد أغسطس 26, 2007 3:02 pm

ههههههههههه

شيماء

جيسى

بليلة

شكرا على المرو الجميل
الرجوع الى أعلى الصفحة اذهب الى الأسفل
http://www.amrdiabstreet.com
DiaBiaN
أزهري فعال جدا
أزهري  فعال جدا
DiaBiaN


عدد المساهمات : 406
تاريخ التسجيل : 12/08/2007
الموقع : Amr diab st Elmansoura

احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالأحد أغسطس 26, 2007 3:04 pm

محمد الازهرى .. انس


نا تعرفونى انتش يعنى اية


و اكسبوا فيا ثواب

يالا يا رجالة

عرفونى
الرجوع الى أعلى الصفحة اذهب الى الأسفل
http://www.amrdiabstreet.com
DiaBiaN
أزهري فعال جدا
أزهري  فعال جدا
DiaBiaN


عدد المساهمات : 406
تاريخ التسجيل : 12/08/2007
الموقع : Amr diab st Elmansoura

احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالإثنين أغسطس 27, 2007 2:01 pm

waiiiiiiiiiiiiiiiiiiiiiiiiiiiiiiting
الرجوع الى أعلى الصفحة اذهب الى الأسفل
http://www.amrdiabstreet.com
volcano love
أزهري متميز
أزهري  متميز



عدد المساهمات : 536
تاريخ التسجيل : 09/08/2007

احدث لغات الشباب !! Empty
مُساهمةموضوع: رد: احدث لغات الشباب !!   احدث لغات الشباب !! Emptyالإثنين سبتمبر 03, 2007 10:48 pm

جامد يا معلم
الرجوع الى أعلى الصفحة اذهب الى الأسفل
 
احدث لغات الشباب !!
الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتدى جامعة الأزهر :: المنتدى العام :: استراحه-
انتقل الى: