منتدى جامعة الأزهر
هذه الرسالة تفيد بأنك غير مسجل بالمنتدى تفضل بالدخول على اشتراكك ان كنت عضو لدينا او قم بالنقر على زر التسجيل لتصبح عضو معنا


منتدى خاص بجامعة الازهر للتعليم والدراسه من خلاله
 
الرئيسيةالتسجيلدخول

 

 ثقتي بنفسي ضعيفة!

اذهب الى الأسفل 
كاتب الموضوعرسالة
زائر
زائر



ثقتي بنفسي ضعيفة! Empty
مُساهمةموضوع: ثقتي بنفسي ضعيفة!   ثقتي بنفسي ضعيفة! Emptyالأربعاء أغسطس 22, 2007 1:05 pm

"ثقتي بنفسي ضعيفة!
مش قادر أثبت نفسي في أي مكان أروحه!
ووسط أي مجموعة من الناس أتواجد فيها!"

هل ممكن الواحد يغير سلوكه بنفسه
بحيث يكتسب قدرا أكبر من الثقة؟!

ممكن جدا!

في حياة كل واحد فينا
موقف، أو لحظة
حسّ فيها أنه سلطان زمانه..
وهي دي اللحظة اللي ممكن نستثمرها
علشان نقوي من إحساسنا بالثقة في أنفسنا.

حاول تستحضر بكل دقة لحظة كنت فيها في حالة من النشوة أو الانتصار,
حاول تعيشها تاني بكل تفاصيلها،
ومرن نفسك على إنك ترجع لها كل ما تحتاج لها.

وبعدين، لمّا تكون رايح مكان أو مناسبة تحتاج فيها لثقتك بنفسك
- في الجامعة، في المدرسة، في تجمع للأصحاب، في زيارة أسرية،
أو حتى أي موقف عادي من مواقف الحياة اليومية -
افتح قلبك وعقلك..
زي ما بتفتح دولابك علشان تلبس اللبس المناسب للخروجة،
واختر من وسط دولاب مشاعرك الأحاسيس اللي عايز تاخدها معاك..

وبعدين ابدأ في توضيب الإحساس،
زي ما بتوضب ملابسك بالضبط..
إزاي؟!
فيه حاجة لطيفة هنا ممكن تساعدك..
حاول تلاقي صلة جسمانية
بين إحساسك الداخلي بالثقة، ووجودك المادي..
يعني مثلا.. فيه الناس تحب تاخد نفس عميق،
أو تحب تفرك كفيها، أو تشبك أصابعها،
أوتشبك أيديها وراء رأسها،
أو تضمها أمام الصدر زي ما في حالة الدعاء،
أو تضع رجلا على رجل وتمرجحها،
وغيره وغيره..
دوّر على المفاتيح المادية لمشاعرالثقة،
وضُخْ من خلالها كمية مناسبة من المشاعر
للموقف اللي عاوزتواجهه.
في الأول هتلاقي المسألة صعبة،
لكن بالتدريج هتقدر تبدأ في السيطرة على حجم الثقة اللي بتمنحه لنفسك بنفسك.

الخطوة التانية
حاول تكتشف الإشارة أو الإيماءة التلقائية اللي بترتبط عندك بقمة الثقة في النفس...
بتعمل إيه - أو تحب تعمل إيه - وانت في قمة الثقة بالتفس؟
تزأطط وتهيص بصوت عالي؟
تضحك ضحكة رنانة،
تبتسم ابتسامة واسعة،
تربت بأصابعك على يد الكرسي اللي انت قاعد عليه،
أو حتى على الحائط،
تدندن، أو تصفر، أو تغني؟
زي ما يعجبك..
وحتىلو ما عرفتش تلاقي إشارة أو حركة من النوع ده
ارسم في خيالك صورة لنفسك وانت في لحظة ثقة،
يمكن تكون صورة مستوحاة من صورة شخص آخر تحب تكون زيه،
ليه لأ؟!
المهم تجرجر نفسك - لو اقتضى الأمر -
من حالة ضعف الثقة أو اهتزازها
لحالة الثقة الكاملة القوية..
وساعة ما تحس بحاجتك للثقة، كرر الحركة دي
حتى لو غصبت نفسك عليها، وشوية شوية
هتلاقي إنك بتستجيب...
ولو بقدر بسيط -
أحسن من ما فيش طبعا!

وبعدين انطلق لغايتك،
وشوف النتيجة.
الرجوع الى أعلى الصفحة اذهب الى الأسفل
Islam Hamdi
أزهري متميز
أزهري  متميز
Islam Hamdi

عدد المساهمات : 645
تاريخ التسجيل : 13/08/2007
العمر : 31
الموقع : ميلانوووووو

ثقتي بنفسي ضعيفة! Empty
مُساهمةموضوع: رد: ثقتي بنفسي ضعيفة!   ثقتي بنفسي ضعيفة! Emptyالأربعاء أغسطس 22, 2007 5:36 pm

اية الحلاوة دى يا وجدى
واللة موضوعك مهم قوى
ومعظمنة بيعانى من الا انتة اكلمت عنة وهى
ان ثقت الواحد فى نفسة ضعيفة خالصصصص
الرجوع الى أعلى الصفحة اذهب الى الأسفل
http://www.way2allah.com/modules.php?name=live
بليلة بالمكسرات
أزهري فعال جدا
أزهري  فعال جدا
بليلة بالمكسرات

عدد المساهمات : 270
تاريخ التسجيل : 10/08/2007
العمر : 31

ثقتي بنفسي ضعيفة! Empty
مُساهمةموضوع: رد: ثقتي بنفسي ضعيفة!   ثقتي بنفسي ضعيفة! Emptyالخميس أغسطس 23, 2007 12:42 am

حاول تكتشف الإشارة أو الإيماءة التلقائية اللي بترتبط عندك بقمة الثقة في النفس...
بتعمل إيه - أو تحب تعمل إيه - وانت في قمة الثقة بالتفس؟
تزأطط وتهيص بصوت عالي؟
تضحك ضحكة رنانة،
تبتسم ابتسامة واسعة،
تربت بأصابعك على يد الكرسي اللي انت قاعد عليه،
أو حتى على الحائط،
تدندن، أو تصفر، أو تغني؟
زي ما يعجبك

بجد موضوعك جميل يا وجدى بس متهيالى لو عملت الخطوه التانيه الناس تقول عليا عبيطه بس بجد انا فعلا والله عندى عدم الشعور بالثقه ببساطه لانى مع اصحابى بكون حاجه تهريج وكلام وكل اللى نفسى فيه بعمله لكن لو خرجت عن نطاق اصحابى او قرابى خلاص مبعرفش اتكلم او اتعامل مع حد بتكسف جدا ومعنديش اى ثقه فانت حاول بقى تكتر لنا من المواضيع الحلوة دى علشان ربنا يجيب الفرج على اديك ومتشكرين مره تانيه
هههههههههههه
الرجوع الى أعلى الصفحة اذهب الى الأسفل
زائر
زائر



ثقتي بنفسي ضعيفة! Empty
مُساهمةموضوع: رد: ثقتي بنفسي ضعيفة!   ثقتي بنفسي ضعيفة! Emptyالخميس أغسطس 23, 2007 6:33 am

هههههههههههههههههههههههههههههه
اوك يا جماعة كل اللى نفسكم فية هيكون موجود اهم شىء عندى تكونوا استفتدوا من الموضوع
الرجوع الى أعلى الصفحة اذهب الى الأسفل
الداعي ا
زائر



ثقتي بنفسي ضعيفة! Empty
مُساهمةموضوع: رد: ثقتي بنفسي ضعيفة!   ثقتي بنفسي ضعيفة! Emptyالخميس أغسطس 23, 2007 7:52 am

انا عن نفسى مش باثق فى اى حد بسرعة وكل اللى يعرفنى يقول عليا انسان غريب لية مش عارف ساعات اضحك ساعات ابكى
واللهى ما انا عارف انا عاوز اية ههههههههههههههههه
الرجوع الى أعلى الصفحة اذهب الى الأسفل
 
ثقتي بنفسي ضعيفة!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى جامعة الأزهر :: المنتدى العام :: التنمية البشرية-
انتقل الى: