عفوا..الشباب المصرى غير متاح حالياً!!

عفوا..الشباب المصرى غير متاح حالياً!!


هل أنت ولامؤاخذة مثقف؟؟
هل فكرت وغامرت واتهورت مرة وقريت كتاب؟؟
بتقرا حاجة غير مجلة ميكي ؟؟
عندك مصدر بتجيب منه معلومات غير قعدة القهوة؟؟
تعرف يعني إيه حزب؟؟
هل تعلم ماهى الليبرالية والفدرالية والإشتراكية ؟؟
يا ترى بتدخل ع النت ليه؟؟ عشان تتثقف؟؟



إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات..فكل الدراسات والأبحاث تشير إلى أن الشباب المصرى عليه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!! -يعني احنا شباب تمام..في العصر التمام-حيث تشير إحدى الدراسات إلى أن:
80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64%-لا شباب متدين صحيح-
أما في الصحافة الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"..وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة..ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس-يا حلاوة!!-..و الكارثة بجد هى وجود أكثر من 74 % من الشباب لا يعرف اسم أول رئيس للجمهورية -محمد نجيب يعني-وذكر أيضاً أن 19 % يظنون أن مصر فيها حزب واحد فقط-أكيد قصدهم على حزب النادي الأهلي-..بينما أكد 17% من الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%)..مع إن الأحزاب في كل بلاد العالم تعتمد أصلاً على الشباب بشكل أساسي..ويستطيع الشباب من خلالها إقامة واسقاط الحكومات فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم..وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم..
طب تعالوا نشوف ازاى الشباب المصرى بيستفيد من الإنترنت:
فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع الشات..والمواقع والمنتديات الجنسية ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي!!!
لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !!.. فى حين إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت..عشان كده بيتقدموا..
فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟
فى الحقيقه الكلام ده قلقني جامد فقلت لازم أطمن على الأرقام دي بنفسي.. وعلى الشباب الجامعي المثقف..فنزلت للجامعة وعملت استطلاع لعينة عشوائية من طلاب الجامعه ( 20 طالب ) وكانت النتيجة ان معظم الطلاب 17طالب يستخدمون النت للشات ( مش للبحث العلمي لا سامح الله ) وإن 15 طالب لا يقرأون إلا الكتب الدراسية (ده إذا كانوا بيفتحوها أساساً ) ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل -الحمد لله أهو لقينا حد بيقرا حاجة-..
طبعاً مش لازم تبقى محمد حسنين هيكل..ولا لازم تكون فهمي هويدي-مصيبة لا تكون مش عارف دول كمان-لكن على الأقل تكون فاهم..وعارف..وداري باللي بيجرا حوليك فاهم العالم ماشي إزاي ومين عايز إيه؟؟ ومين بيعمل إيه عشان يكسب إيه؟؟وقبل كل ده تكون عارف كويس..أنت عايز إيه؟؟
لأن فعلاً جهلنا واضمحلال ثقافتنا في كل شئ خلانا أمة نايمة مش بتفكر ولا عايزة تفكر..دماغنا فاضية..مفيهاش أي حاجة..ولا أي قضية..ولا عايشين لهدف..وكل اللي نعرفه في حياتنا..وكل معلوماتنا..عن الممثلين والكورة..حتى ديننا منعرفش عنه إلا الوضوء والصلاة اللي اتعلمناهم واحنا صغيرين..فحين إن العالم كل بيتقدم بسرعة جنونية..واحنا لسه محلك سر!!..يا ترى الفكرة وصلت؟؟ولا لسة؟؟

-------------------------------------------------------------------------------------
م
ن
ق
و
ل

انا بصراحه مش عارف اقولك ايه يا محمد غير
ربنا يصلح حالنا جميعا
بس عاوز اعرفك حاجه مش كل الشباب زى ما انت بتقول

واهلا بيك فى المنتدى وبخصوص الصوره الى انت حاططها انت شكل الشباب المصرى
ههههههههههههههههههههه

عفوا..
أولا: عشان ماحدش يفهم غلط ,أنا طبعا مااقصدش الشباب المصرى كله ,انا اقصد فئة معينة فقط والفئة دى هيا اللى مقصودة بالمقال.

ثانيا : احب اقولك يا كابوكا .. شكرا على التلميح اللى انت قولته على صورتى .. لأنى انا يشرفنى انى اكون من الشباب المصرى , بس طبعا مش من الفئة اللى مكتوب عنها فى المقال,
وبعدين بلاش انت يعنى دا حتى اسمك (كابوكا).. ولا اية.

اقتباس :

هل أنت ولامؤاخذة مثقف؟؟

بحاول ع قد ما أقدر

اقتباس :

هل فكرت وغامرت واتهورت مرة وقريت كتاب؟؟

ههههههههههههه

تصدق حصلت وكان يوم ايييييييييه

كان عايزك تكون معايا

اقتباس :

بتقرا حاجة غير مجلة ميكي ؟؟

اه

فى توم أند جيلى

هههههههههه
لالالالا

فى كمان نبيل فاروق

بس بجد

أنا عن نفسى قرأت كنت بقرا للدكتور صبرى الدمرداش

وكنت بقرا للكتاب الاجانب

يعنى مثلا قرات قصه هى وعائشه و80 يوم حول العالم وطبعًا رحلة الى مركز الارض وقرات الرحله الى القمر وحجات زى دى

اقتباس :

عندك مصدر بتجيب منه معلومات غير قعدة القهوة؟؟

طبعًا النت

والكتب

اقتباس :

تعرف يعني إيه حزب؟؟

ع ما أعرف أنها بتكون مجموعه من الناس

بيكونوا عبارة عن الاعضاء بيكون ليهم فكر معين

وأهداف مخصصه
بيحاولوا يوصول ليها

أصل أنا ماليش فى السياسه أوى

اقتباس :

هل تعلم ماهى الليبرالية والفدرالية والإشتراكية ؟؟

مع أنى ماليش فى السياسه أوى

بس قرأت عن الحجات دى

الليبرالية دى يا سيدى حاجة زى العلمانين كده

بس ع أهدى شويه

يعنى هما برضه عايزين يضيعوا الدين

بس علشان يهدو الشعب شويه

بياخدو بعض الاحكام من الدين ويطبقوها فى الحكم

بس هدفهم الاساسى انهم يبعدوا الدين عن السياسه والله اعلم !!!

الفدرالية

ههههههههههه طب دى معروفه

دى الشرطه بس فى أمريكا

ههههههههههه

الإشتراكية

ده كان نظام مطبقه عبد الناصر ع ما أظن تقريبًا

بس أظن أنه فشل فى تطبيقه

اقتباس :

يا ترى بتدخل ع النت ليه؟؟ عشان تتثقف؟؟

والله أنا بحاول

وفى حوار داخل فيه

برضه للتعليم وعايز ناس معايا

والله المستعان

ولو حد دخل ع الموضوع ده

وعايز يتعلم الفوتو شوب لحد الفلاشات يكلمنى ع الميل ده

anas_hamed_4@yahoo

اقتباس :

إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات

ع كده بقى أنا تعبان أوى

طب الله عليك شوفلى دكتور كويس ههههههههه

ــــــــــــــــــــــــــــــــــــــــــــــــــــــــــــــــــ

يا عم محمد

أنا مش عارف أنت قرفان من الشعب المصرى ليه كده

يا سيدى الفاضل الشعب فيه شباب ذو همم عاليه جدًا

وأنا أن شاء الله هنزل موضوع ع المنتدى

أبين فيها إزاى يكون الشباب ذو همم عاليه

وأيه الطريق لكده

بس بجد الموضوع مش ده وقته خااااااااااالص

كان ممكن يكون فى الالفيه اللى فاتت

(تعرف أنى بناقد نفسى هههههههههه)
اليابان السنه اللى فاتت تقريبًا أو اللى قبليها
كانت بتتحتفل بموت أخر جاهل عندها
عارف يعنى ايه جاهل ععندهم
يعنى مش بيعرف يستخدم الانترنت
خليها ع الله


بس بجد صعب أوى أن معظم الشعب المصرى مش بيدخل غير ع الــ........

اللى أنت كاتبه فى الموضوع ده

سبحان الله

ربنا يهدى الحال

اقتباس :

بعاً مش لازم تبقى محمد حسنين هيكل..ولا لازم تكون فهمي هويدي-مصيبة لا تكون مش عارف دول كمان-

هههههههههههههههههه
لأ عارفهم تقريبًا

مش محمد حسنين هيكل ده بيلعب فى البرزيل


وتقريبًا فهمى هويدى ده أبوه ع اسم امه

ههههههههههههههه

مشكووووووووور يا محمد ع موضوعك

بس أنا عايزك تكون متفائل أكتر من كده

وأنا هجيبلك مصاصه

انت على دماغى من قوف يا محمد يا ازهرى
دانت حتى ازهرى ولا ايه
ههههههههههههه

شوف بأه يا عم ((كابوكا)) .. لآخر مره بؤلك بلاش انت .. وخليك فاكر انك اللى بدأت ,وعاوز اقولك كلمتين مهمين:-
أولا: لا انت تعرفنى ولا انا اعرفك .. يبقى لزمته ايه الهزار السخيف دا.
ثانيا: عاوز تشارك فى المواضيع ..اهلا وسهلا .. بس بكل أدب واحترام , ومتدخلش فى خصوصية حد. اوك؟!

شكرا ليك يا أنوووس على مشاركة الجميلة دى ,
بالنسبه للتفاؤل انا الحمدلله متفائل .. بس المفروض مانكترش فى التفاؤل اللى بيبقى من غير عمل_او من غير تغير ملحوظ_ ونفضل نؤل يا تفاؤل .. عشان مانجيش فجأه ونتصدم فى الواقع
سلييييييييييييييييييييييييم .. ولا ايه
وبالنسبه للمصاصه .. هدية مقبوله منك يا عم انس.

اولا يا اخ محمد يا (ازهرى ) انا مدخلتش قى خصوصيات حد
وانا بتكلم بادبى فى المنتدى من اول ما بدا
ومش حتيجى حضرتك تقولى انى بتكلم كلام سخيف
وخروجا من الخلاف انا مش ههزر مع حضرتك تانى علشان انا مش سخيف
زى مانت يا محترم بتقول
وده الجزاء بتاعنا علشان بنرحب الاعضاء الجدد
سلاااااااااااااااااااااااموز يا ازهرى

يا عم كابوكا .. انت من الأعضاء القدامى على عينى وعلى راسى .. بس الطريقه اللى انت اتكلمت بيها فى الاول دى ماكنتش طريقة ترحيب خالص , بالعكس دى كان فيها تلميح على صورتى وانت تقصده كويس .. وبعدين انا مقولتش انك سخيف , انا قولت ان دا هزار سخيف , وانا ما اقصدش خالص انى ازعلك , لإنى مابحبش حد يزعل منى سواء إن كان هوه اللى بدأ يغلط فيا الاول .. يا رب تكون فهمتنى كويس.
بـيييييييييييييييييييييييييييـس يا كابوكا

اوكشن يا مان
كده عداك العيب
خلينا كويسين احسن

اوووووووك