عفوا..الشباب المصرى غير متاح حالياً!!

عفوا..الشباب المصرى غير متاح حالياً!!


هل أنت ولامؤاخذة مثقف؟؟
هل فكرت وغامرت واتهورت مرة وقريت كتاب؟؟
بتقرا حاجة غير مجلة ميكي ؟؟
عندك مصدر بتجيب منه معلومات غير قعدة القهوة؟؟
تعرف يعني إيه حزب؟؟
هل تعلم ماهى الليبرالية والفدرالية والإشتراكية ؟؟
يا ترى بتدخل ع النت ليه؟؟ عشان تتثقف؟؟



إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات..فكل الدراسات والأبحاث تشير إلى أن الشباب المصرى عليه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!! -يعني احنا شباب تمام..في العصر التمام-حيث تشير إحدى الدراسات إلى أن:
80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64%-لا شباب متدين صحيح-
أما في الصحافة الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"..وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة..ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس-يا حلاوة!!-..و الكارثة بجد هى وجود أكثر من 74 % من الشباب لا يعرف اسم أول رئيس للجمهورية -محمد نجيب يعني-وذكر أيضاً أن 19 % يظنون أن مصر فيها حزب واحد فقط-أكيد قصدهم على حزب النادي الأهلي-..بينما أكد 17% من الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%)..مع إن الأحزاب في كل بلاد العالم تعتمد أصلاً على الشباب بشكل أساسي..ويستطيع الشباب من خلالها إقامة واسقاط الحكومات فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم..وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم..
طب تعالوا نشوف ازاى الشباب المصرى بيستفيد من الإنترنت:
فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع الشات..والمواقع والمنتديات الجنسية ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي!!!
لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !!.. فى حين إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت..عشان كده بيتقدموا..
فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟
فى الحقيقه الكلام ده قلقني جامد فقلت لازم أطمن على الأرقام دي بنفسي.. وعلى الشباب الجامعي المثقف..فنزلت للجامعة وعملت استطلاع لعينة عشوائية من طلاب الجامعه ( 20 طالب ) وكانت النتيجة ان معظم الطلاب 17طالب يستخدمون النت للشات ( مش للبحث العلمي لا سامح الله ) وإن 15 طالب لا يقرأون إلا الكتب الدراسية (ده إذا كانوا بيفتحوها أساساً ) ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل -الحمد لله أهو لقينا حد بيقرا حاجة-..
طبعاً مش لازم تبقى محمد حسنين هيكل..ولا لازم تكون فهمي هويدي-مصيبة لا تكون مش عارف دول كمان-لكن على الأقل تكون فاهم..وعارف..وداري باللي بيجرا حوليك فاهم العالم ماشي إزاي ومين عايز إيه؟؟ ومين بيعمل إيه عشان يكسب إيه؟؟وقبل كل ده تكون عارف كويس..أنت عايز إيه؟؟
لأن فعلاً جهلنا واضمحلال ثقافتنا في كل شئ خلانا أمة نايمة مش بتفكر ولا عايزة تفكر..دماغنا فاضية..مفيهاش أي حاجة..ولا أي قضية..ولا عايشين لهدف..وكل اللي نعرفه في حياتنا..وكل معلوماتنا..عن الممثلين والكورة..حتى ديننا منعرفش عنه إلا الوضوء والصلاة اللي اتعلمناهم واحنا صغيرين..فحين إن العالم كل بيتقدم بسرعة جنونية..واحنا لسه محلك سر!!..يا ترى الفكرة وصلت؟؟ولا لسة؟؟

-------------------------------------------------------------------------------------
م
ن
ق
و
ل

عفوا..
أنا طبعا مااقصدش الشباب المصرى كله .. انا اقصد فئة معينة منهم (اللى بيتكلم عنهم المقال).

اقتباس :

هل أنت ولامؤاخذة مثقف؟؟

بحاول ع قد ما أقدر

اقتباس :

هل فكرت وغامرت واتهورت مرة وقريت كتاب؟؟

ههههههههههههه

تصدق حصلت وكان يوم ايييييييييه

كان عايزك تكون معايا

اقتباس :

بتقرا حاجة غير مجلة ميكي ؟؟

اه

فى توم أند جيلى

هههههههههه
لالالالا

فى كمان نبيل فاروق

بس بجد

أنا عن نفسى قرأت كنت بقرا للدكتور صبرى الدمرداش

وكنت بقرا للكتاب الاجانب

يعنى مثلا قرات قصه هى وعائشه و80 يوم حول العالم وطبعًا رحلة الى مركز الارض وقرات الرحله الى القمر وحجات زى دى

اقتباس :

عندك مصدر بتجيب منه معلومات غير قعدة القهوة؟؟

طبعًا النت

والكتب

اقتباس :

تعرف يعني إيه حزب؟؟

ع ما أعرف أنها بتكون مجموعه من الناس

بيكونوا عبارة عن الاعضاء بيكون ليهم فكر معين

وأهداف مخصصه
بيحاولوا يوصول ليها

أصل أنا ماليش فى السياسه أوى

اقتباس :

هل تعلم ماهى الليبرالية والفدرالية والإشتراكية ؟؟

مع أنى ماليش فى السياسه أوى

بس قرأت عن الحجات دى

الليبرالية دى يا سيدى حاجة زى العلمانين كده

بس ع أهدى شويه

يعنى هما برضه عايزين يضيعوا الدين

بس علشان يهدو الشعب شويه

بياخدو بعض الاحكام من الدين ويطبقوها فى الحكم

بس هدفهم الاساسى انهم يبعدوا الدين عن السياسه والله اعلم !!!

الفدرالية

ههههههههههه طب دى معروفه

دى الشرطه بس فى أمريكا

ههههههههههه

الإشتراكية

ده كان نظام مطبقه عبد الناصر ع ما أظن تقريبًا

بس أظن أنه فشل فى تطبيقه

اقتباس :

يا ترى بتدخل ع النت ليه؟؟ عشان تتثقف؟؟

والله أنا بحاول

وفى حوار داخل فيه

برضه للتعليم وعايز ناس معايا

والله المستعان

ولو حد دخل ع الموضوع ده

وعايز يتعلم الفوتو شوب لحد الفلاشات يكلمنى ع الميل ده

anas_hamed_4@yahoo

اقتباس :

إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات

ع كده بقى أنا تعبان أوى

طب الله عليك شوفلى دكتور كويس ههههههههه

ــــــــــــــــــــــــــــــــــــــــــــــــــــــــــــــــــ

يا عم محمد

أنا مش عارف أنت قرفان من الشعب المصرى ليه كده

يا سيدى الفاضل الشعب فيه شباب ذو همم عاليه جدًا

وأنا أن شاء الله هنزل موضوع ع المنتدى

أبين فيها إزاى يكون الشباب ذو همم عاليه

وأيه الطريق لكده

بس بجد الموضوع مش ده وقته خااااااااااالص

كان ممكن يكون فى الالفيه اللى فاتت

(تعرف أنى بناقد نفسى هههههههههه)
اليابان السنه اللى فاتت تقريبًا أو اللى قبليها
كانت بتتحتفل بموت أخر جاهل عندها
عارف يعنى ايه جاهل ععندهم
يعنى مش بيعرف يستخدم الانترنت
خليها ع الله


بس بجد صعب أوى أن معظم الشعب المصرى مش بيدخل غير ع الــ........

اللى أنت كاتبه فى الموضوع ده

سبحان الله

ربنا يهدى الحال

اقتباس :

بعاً مش لازم تبقى محمد حسنين هيكل..ولا لازم تكون فهمي هويدي-مصيبة لا تكون مش عارف دول كمان-

هههههههههههههههههه
لأ عارفهم تقريبًا

مش محمد حسنين هيكل ده بيلعب فى البرزيل


وتقريبًا فهمى هويدى ده أبوه ع اسم امه

ههههههههههههههه

مشكووووووووور يا محمد ع موضوعك

بس أنا عايزك تكون متفائل أكتر من كده

وأنا هجيبلك مصاصه

محمد الأزهرى كتب:

عفوا..
أنا طبعا مااقصدش الشباب المصرى كله .. انا اقصد فئة معينة منهم (اللى بيتكلم عنهم المقال).

وأن شاء الله الشباب المصرى كله

هيكون أحسن من الشعب المصرى

بس أنت أدعى لنا بس

وخليها ع اللى خلقها

مشكور يا محمد

شكرا على مرورك يا كنج

موضوعك حلو جداااا يا محمد وواقعى جدااا جدااااااا
انتة لو سالت اى حد على الاسئلة الا انتة سالتة والا واحد هيرد
ولو سالت واحد انتة بتعمل اية بالنت مظنش هتلقى رد يفتح نفسك
ههههههههههههههههههههههههههههه
وردك حلو اوى يا انس بس هى دى الحقيقة
مصر خلاص بقت من اوئل الدول المتخلفة
والحمد للة ادينة بنرتب فى ناس تانية مبترتبش
ههههههههههههههههههههههههههههههههههههههههههه

شكراااااااااااااا على مشاركتك يا اسلام..

فعلا موضوع حساس ومهم جدا للى بيقدر

على رايك مين الى يقدر ؟

شكرا ليكم جميعا ع المشاركة

جامد موضوعك يا محمد فعلا الشباب خارج نطاق الخدمة
انزل المقاهى والنوادى وانت تشوف الشباب بيعمل اية يلا همالاقيين شغل وقالوا لا

volcano love كتب:

جامد موضوعك يا محمد فعلا الشباب خارج نطاق الخدمة
انزل المقاهى والنوادى وانت تشوف الشباب بيعمل اية يلا همالاقيين شغل وقالوا لا

أعتقد يا فولكانو ان المشكله مش فى الشغل .. المشكله فى الدماغ اللى مش عاوزه تشتغل
شكرااااااااااا ع المشاركه .

شكراااااااااااااااا يا هند .. مش هند برده؟ .. ع المشاركه الجريئه دى ..
وصراحتك فى الكلام .
وان شاء الله مادام انتى ناويه انك تتحسنى وتذودى ثقافتك .. كله هايبقى تمام

ياه يا ابنى المواضيع النااااااااااااااااااار دى . انت فيييييييييييييين بمواضيعك دى من زماااااااااااااااااان .لالالالالالالالالالا انت مش سهل ابدا ابدا .انا مش هقدر اقول غييييييييييييييييييير شكرا يا استاااااااااااااااذ .استااااااااااااااااااااااذ .استاااااااااااااااااذ.شكرا يا حبيب قلبى

العفو يا محمد و انا هند فعلا
و يا رب اتثقف اكتر من كده
لان فعلا اختى ما شاء الله اصغر منى و مثقفه اكتر منى بكتييييير
ما شاء الله بتقرأ كتير
حتى انا بقولها ابقى ادينى الكتب اللى بتقرأيها اقرأها

شكرا تانى على موضوعك
و امة اقرأ لازم تقرأ
تعليق سمعته و عجبنى جدا

مش باين عليكى خالص يا هند انك مش بتقرأى كتير .بس يا ستى جه الزمن اللى اخواتنا الصغيرين احسن مننا . وده شيئ كويس .بس تصورى بالرغم من انك مش بتقراى كتير لكن ثقافتك عاليه جدا وعندك فراسه عاليه .

و الله يا احمد السكوت الكتير بيخلى الانسان يسمع اكتر و يميز مين الصح و مين الغلط
يمكن هى دى ميزة سكوتى بين الناس او اصحابى او حتى بين الاسرة مش بتكلم
لكن وقت ما بتكلم بكون كونت كل الفكرة بتاعتى
فبيقولوا دايما هند ما شاء الله بتعرف تميز اوى بين الاراء مع ان
ده كله مش بيحصل الا انى عشان بسكت لحد ما ارتب افكارى و كلامى و بعد كده اتكلم لما كله يخلص

شكرا يا احمد على المتابعه

طيب ما تعلمى صديقتك نبيله حاجه من العقل اللى انتى فيه ده. لانها مره قالت انا غيرك خالص يا هند انا مبعرفش اقعد ساكته.يا ريت تعقليها شويه ماشى .وانتى فعلا لقب على مسمى يا هند انتى فعلا *نــــــــــــــــــــــــور**الهــــــــــــدى*