| كراكيب.. في بيتي! | |
|
+4ENG_MUSLIMA شيماء نبيل amina د.هانى 8 مشترك |
كاتب الموضوع | رسالة |
---|
د.هانى أزهري فعال جدا
عدد المساهمات : 255 تاريخ التسجيل : 09/08/2007 العمر : 35 الموقع : www.raddadi.com
| موضوع: كراكيب.. في بيتي! الخميس أغسطس 09, 2007 2:55 pm | |
| ليلة العيد/شقة مصرية المذياع- الراديو يعني!- يبث أغنية "يا ليلة العيد آنستينا وجددتي الأمل فينا"..
والدك يجلس مستلقيا على الكنبة الأسيوطي، نائما على ظهره، واضعا قدم على قدم وهو يدندن بلحن الأغنية "دادامدام دام دادامدم دمام دام دام دام دمممممم!"..
وفي الشباك المجاور تُدلِّي والدتك نصف جسدها إلى الخارج حتى تحسب أنها وقعت بالفعل وهي تمسك بمنفضة مصنوعة من الجريد تنفض بها المراتب والسجاد والكليم والموكيت والمشمع وورق الحائط وبلاط السيراميك كمان!
في حين تجلس أنت القرفصاء في وسط الصالة تلعب الاستغماية مع النمل المنتشر - في بيتكم- كجيوش الهكسوس! قبل أن تلتفت والدتك في عنف إلى والدك وهي تقول له: "ما تقوم ياراجل تساعدني بدل من أنت قاعد عامل لي فيها زي حارس المزلقان اللي القطر مش هيعدي عليه إلا بعد سنة!.. اتحرك.. أنا حيلي انهد من كتر التنفيض"
يقوم والدك في رشاقة لا تتناسب مع وزنه الضخم وهو يقول لها في مرح: إنت تأمري "دادامدام دام دادامدم" يامراتي يا حبيبتي "دادامدم دمام دام دام".. هاه.. عاوزاني أعمل إيه "دام دام دام دمممممم!"
تغتاظ والدتك أكثر قبل أن تجيب وهي تفش غلها في التنفيض: "شوية الكراكيب اللي في الصالون دول.. شوف هنعمل فيهم إيه.. وهدومك اللي موجودة في شنطة كبيرة تحت السرير من أيام ما كنت في حضانة الخديو إسماعيل.. اتصرف فيهم.. والواد ابنك اللي قاعد في قلب الصالة وزانقنا ده.. حطه في أي حتة.. اتصرف!"
يتحرك والدك في همة.. يحمل كراكيب الصالون التي هي عبارة عن عجلة صغيرة وبقايا سيارات لعبة ولوحة منزوعة الإطار قبل أن يذهب إلى تحت السرير ليحمل ملابس الخديو إسماعيل ثم يقترب منك في سرعة ليضعك على كتفه ويهرول مسرعا حاملا كل هذه الأشياء- اللي إنتفيها- وهووووب يضعكم جميعا فوق الدولاب الكبير الموجود في الحجرة.. ويغطيكم بملاءة سرير قديمة!
يعود سعيداً منتشياً ليجلس على كنبته نفس جلسته المفضلة هو يدندن "دام دام دام دمممممم"، تسأله والدتك في حدة: - إيه.. وديت الحاجات فين؟! - في مكانها الطبيعي..كراكيب هتروح فين يعني.. فوق الدولاب! - شاطر كده.. أمال الواد راح فين؟!
***
مريلتك الصفراء في الابتدائي.. فيونكة شعرك الصغنونة.. أول عربية لعبة بابا يشتريها لك.. أول عروسة شديت شعرها ع الآخر وبقت "قرعة".. الكراتين الفاضية.. علبة الشيكولاتة الصفيح.. البنطلون اللي قصر عليك وبقى زي الميكروجيب.. والقميص الكاروهات النص كم اللي بقى كت عليك.. بطاريات الساعة.. وشاحن الموبايل اللي غيرته بماركة تانية - الموبايل مش الشاحن-.. علب الكريم وقزايز زيت الشعر.. فرشاة الأسنان اللي بقت يا عيني من غير أسنان.. معجون الحلاقة اللي اتنت أنبوبته لآخر قطرة.. قزايز زيت الذرة وعلبة السمن النباتي.. و.. و.. و..
عد زي دول وأكتر هتلاقي في بيتكم من دي كراكيب ياما وياما
وخلينا من أولها كده نفرق.. بين "كراكيبك الشخصية".. و"كراكيب الكراكيب"!
الأولى هي المرتبطة بذكرياتك وأيام الطفولة والمراهقة والشقاوة والبراءة والشباب.. والحاجات دي لو لمتها كلها على بعضها.. مش هتزيد عن كرتونة صغنونة مربوطة بفيونكة حمراء ومحتفظ بيها في الدولاب وفي ركن من قلبك
دول ما حدش يقدر يقول لك عليهم بيعهم.. هو فيه حد بيبيع ذكرياته؟
لكن خلينا في كراكيب الكراكيب! اللي هي كل الحاجات الكتير الزحمة دي الموجودة في بيتكم وأنت ووالدك ووالدتك وأخوك وعمك وخالك وجارك والبواب عارفين كلكم إن مالهاش أي لزمة..
طب محتفظ بها ليه؟ ماتعرفش
وكل ما تيجي تنظم الحياة في البيت.. تيجي تفرزهم وتتأكد إنهم فعلا مالهومش لزمة... بس تقول لنفسك.. لأ ياعم بكرة ينفعوا.. خليهم خليهم!.. وتحط عليهم كراكيب جديدة.. وكراكيب تانية.. وكراكيب وراء كراكيب.. يتحول بيتكم إلى كركوبة كبيرة!
طب تعرف إن كلمة كراكيب أصلا معناها إفساد نظام الشيء! آه والله مكتوبة كده في قاموس المنجد الصفحة رقم 1226 على إيدك اليمين وأنت نازل لتحت!
في أوروبا والدول المتقدمة.. الكراكيب دي مكانها حاجة من الاتنين.. إما الاستفادة منها فيما يعرف بـ"إعادة الاستخدام"..يعني الورق القديم والقزايز القديمة و.. و.. كل ده بيتم إعادة إنتاجه من جديد..
أو إنه يتم التبرع بيها لمن يستحق.. يعني القميص القصير ينفع لجاركم أحمد اللي ساكن على أول شارعكم وظروفه المادية مش ولابد.. كتب المدارس.. تنفع برضه لـ"ناهد" اللي انت عارفة أن والديها بيوفروا مصاريف المدرسة لها بطلوع الروح..
وفيه كمان اللي بيلمع ويروق الكراكيب دي ويخليها فلة كده ويعرضها للبيع.. ويكسب منها كمان آه ده بيحصل..
تفتكروا ده ممكن يحصل في مصر؟ وحاولت يعني إنك تعمل كده؟ طب عندك حلول وتجارب تانية للتخلص من الكراكيب؟ طب كتبت ردك ولا لسه؟ | |
|
| |
amina أزهري فعال جدا
عدد المساهمات : 319 تاريخ التسجيل : 08/08/2007 العمر : 34 الموقع : www.azhar.forummaroc.net
| موضوع: رد: كراكيب.. في بيتي! الخميس أغسطس 09, 2007 7:43 pm | |
| انا واحده من الناس بكره الكراكيب جدا
بس المشكله مش فيه المشكله فى ماما كل ما ارمى الكراكيب ده ماما ترجع تشيلها تانى وتقول لا اكيد هيجى يوم وينفعو بجد انا لو عليا مش هيبقى فى كركوبه واحده فى بيتنا بس حكم القوى بقى هههههههههههههه تخيل انه موضوع جميل قوى ومهم جدا شكرا يا هانى | |
|
| |
شيماء نبيل أزهري فعال جدا
عدد المساهمات : 250 تاريخ التسجيل : 09/08/2007
| موضوع: رد: كراكيب.. في بيتي! الخميس أغسطس 09, 2007 11:28 pm | |
| تفتكروا ده ممكن يحصل في مصر؟ وحاولت يعني إنك تعمل كده؟ طب عندك حلول وتجارب تانية للتخلص من الكراكيب؟ طب كتبت ردك ولا لسه؟ هههههههههههههههههههه
موضوع رائع يا راجى عفو ربه لا معتقدش انه ممكن يحصل طبعا حاولت بس بردو فى كراكيب الحقيقه معنديش حلول تانيه بجد جميل شكرا ليك | |
|
| |
زائر زائر
| موضوع: رد: كراكيب.. في بيتي! الجمعة أغسطس 10, 2007 12:10 pm | |
| ههههههههههههههههههههههههههههههههههههههههههههههه جميل جدااااااااااااااااا والله رائع ايه ينى الجمال ده بجد انت وصفت جانب من الحياه اليوميه فى مصر مشكوووووووووووووور والى الامام |
|
| |
ENG_MUSLIMA مشرفة وأميرة المنتدى
عدد المساهمات : 981 تاريخ التسجيل : 12/08/2007 العمر : 35
| موضوع: رد: كراكيب.. في بيتي! الإثنين أغسطس 13, 2007 9:34 am | |
| شكراااااااااااا جدااااااااااااااا وده فعلا اللى بيحصل فى البيوت المصرية زى ما يكونوا مابينضفوش الا فى العيد | |
|
| |
ياسمينا أزهري مبتدئ
عدد المساهمات : 8 تاريخ التسجيل : 09/08/2007
| موضوع: رد: كراكيب.. في بيتي! الإثنين أغسطس 13, 2007 10:07 pm | |
| متقوليش ع الكراكيب انا عن نفسى لما يعدى على اى حاجه سنه منغير ما حد يلمسها بسربها عدل من غير ما اقول وعايزة اقولكم فعلا محدش بيسال عن اى حاجه انا سربتها والمهم من ده كله ان فى حد بيستفيد منها بدل الركنه والعته ما تاكلها ولا ايه؟ | |
|
| |
د.هانى أزهري فعال جدا
عدد المساهمات : 255 تاريخ التسجيل : 09/08/2007 العمر : 35 الموقع : www.raddadi.com
| موضوع: رد: كراكيب.. في بيتي! الأربعاء أغسطس 15, 2007 3:35 pm | |
| كل الردود على الكراكيب بنات شكل البنات هما اللى متبهدلين فى تنظيف البيوت والشباب مش فى دماغهم اكيد كراكيب مش كراكيب مش فارقه معاهم شكرا للجميع على المرور والرد | |
|
| |
sarahbosy أفضل مشرف
عدد المساهمات : 2172 تاريخ التسجيل : 16/11/2007 العمر : 35 الموقع : الاســــــــــــــــكنــدريه *نجمه مـــ صـــــ ر*
| موضوع: رد: كراكيب.. في بيتي! الإثنين أبريل 21, 2008 5:01 pm | |
| - اقتباس :
- طب تعرف إن كلمة كراكيب أصلا معناها إفساد نظام الشيء!
آه والله مكتوبة كده في قاموس المنجد الصفحة رقم 1226 على إيدك اليمين وأنت نازل لتحت! اهاااااااااااااااا باينه من اسمها برده بس فعلاااااااااااا يادكتور بئى موضوعك ده فى غايه الاهميه وعصرى جداااااااااااااا كلنا بلا استنثناء بنعانى منه مفيش تقريبا بيت فى مصر خالى من الكراكيب اصلنا بنعشق الكراكــــــــــــــــــــــييب !!!!!!!!!!! المهم فعلا انت نزلت حلول للمشكله دى وحلول هايله شكلا لببيت طبعا ومضمونا لتغير نمط الحياه بشكل ايجابى ملوش حل على فكره كمان فى حاجه كدا اسمها اعمال فنيه كنا طبعا بناخدها فى الثانوى لو البنات تفتكرها او الى بتدرس حاليا فى كليه التدبير المنزلى من خلال التعمق شويه فى الاعمال الفنيه دى لانها محتاجه هوايه من الدرجه الاولى ممكن نحول اى شئ غير نافع موجودلاى دلوقتى لشئ نافع او مفيد مايه فى المايه وبامكانيات بسيضه جدااااااااااااااا انا اختى اتعملت الحاجات دى بس من الاجانب طبعا الى اكتشفت انهم مش بيرمو اى حاجه قديمه عندهم وزى ما قولت ياما بيعيدو استخدامها ياما بينقلو ملكيتها لحد محتاج ليها وفى الغالب بيكونو منها اعمال فنيه وتحف واشكال بيزينو بيها الغرف بشكل خرافى وبجد شوفتها وانبهرت ياريت بجد كلنا نتمكن من تعليم الحاجات دى هتفرق كتير معانا وكمان والله بتحول البيت من كراكيب وفوضى للعكس تمــــــــــــــــامـــــا مشكور يادكتور هانى على الموضوع
| |
|
| |
نور الهدى مشرف قسم اسلامنا
عدد المساهمات : 1368 تاريخ التسجيل : 12/08/2007 العمر : 35
| موضوع: رد: كراكيب.. في بيتي! الثلاثاء أبريل 22, 2008 11:49 am | |
| موضوع رائع يا د. هانى بجد و فكره ممتازة و عرض للموضوع و كتابته جميله جداااااااااااااااااا بجد فعلا عندك حق طبعا و بجد لو اتخلصنا من الكراكيب بطريقه سليمه احنا هنستفاد و الاخر كمان هيستفاد ممكن اللبس اللى يبقى بالنسبه لينا كراكيب يبقى بالنسبه للناس اللى حالتهم الماديه صعبه شويه رزق و بيفرحوا بيه جدااا بجد فيه بأى بجد نقطة تانيه السطوح اللى بيبقى فوق كل عماره الناس او سكان العمارة بيحولوا السطوح ده للكراكيب و بجد بيبوظوه خالص و طبعا يخرج وقتها عن كونه سطوح الى مكان للكراكيب و الاشياء الغير مستخدمه مع ان السطوح ده لو بجد الناس اهتمت بيه و خلته شكله حلو كده و وضعت فيه زرع مثلا و بجد نظفته و شالت منه الكراكيب ديه هيبقى حاجه بجد رائعه للعماره و هيحسوا ان العماره ليها مكان نظيف كده فى السطوح يعنى الكراكيب بصراحه هم كبير و شغلانه بس على الناس اللى بجد بتحافظ اوى عليها شكرا جدا يا دكتور بجد على موضوعك المتميز و الفريد من نوعه بصراحه فى المنتدى مشكور جدا | |
|
| |
moshreqa أزهري متميز
عدد المساهمات : 659 تاريخ التسجيل : 13/02/2008 العمر : 32 الموقع : القاااهرة
| موضوع: رد: كراكيب.. في بيتي! الخميس أبريل 24, 2008 9:22 am | |
| أسلوب العرض جميل جدا يادكتور والفكرة فعلا حيوية وفعلا كتير من الامهات والآباء بيفضلو الاحتفاظ بكراكيبهم لكن فعلا فكرة الاستفادة منها حاجة حلوة اوى واحنا بنطبق النظام ده عندنا فى ناس كتير ممكن تكون محتاجة الحاجة اللى احنا شايفنها قديمة ومتلزمناش وبالتالى الحاجة دى يستفيدبيها اكبر عددممكن شكراااااااااا ليك يادكتور | |
|
| |
د.هانى أزهري فعال جدا
عدد المساهمات : 255 تاريخ التسجيل : 09/08/2007 العمر : 35 الموقع : www.raddadi.com
| موضوع: رد: كراكيب.. في بيتي! الخميس أبريل 24, 2008 12:48 pm | |
| بينى وبينكم الدنيا كلها بقت كراكيب كراكيب وفساد فى السياسه وكراكيب فى التعليم وكراكيب فى الاخلاق وكراكيب فى التعامل والدنيا كلها بقت كراكيب ايه يابنى التشاؤم ده هقولكم بدايه من ازمه رغيف العيش والغلاء وكليو العدس العدس ياهووووووواللى الناس تقولك ده عدس بقى ب تسعه جنيه والجزراين اللى بتدبح لحم حمير والمطاعم اللى بتزوع لحم الحمير وانت طبعا بتأكل ومستمتع والاضرابات والاعتصامات والفيس بوك واضراب 6 ابريل واضراب 4 مايو وتغيير المحافظين وشكلها عن قريب الوزاره و...........وغيره وغيره على مستوى التعليم التنسيق اللى بقى نار ونسبه المقبولين فى الكليات والتربح والتكسب فى الكليات الخاصه والغش اللى على ودنه فى المعاهد والمدراس والمدرس اللى بيدخل ينام فى الفصل عشان واقف طول الليل فى المحل ولا فى الشغل ولا التغذيه والمسممه والبسكوت المسمم الللى بيصرفوه للطلبه الضغيرين والاستجواب اللى اتقد وجه وزير الصحه ووزير التربيه والتعليم وجنبهم علب البسكوت كان منظر غايه الروعه فى مجلس الشعب ولا بلدنا اللى بتتقدم بينا ولا المدن الجامعيه وعدم مراعه ادميه البشر والطلبه اللى اتسممو فى الفيوم فى المدنيه الجامعيه ولا الواسطات والمحسوبيات فى تعيين اعضاء هيئه التدريس فى الجامعات وده ابن فلان وده ابن علان تعالى بقى على مستوى التعاملات شوف الرجل بيعامل مراته ازاى ياااااااااااه والله العظيم تسمع العجب شوف الولد بيعامل اخته الصغيره واخوه ازاى بيعامل ابوه وامه ازاى تبقى فى وسيله مواصلات وبالذات البنات بعد اذن حضرتك ياافندم ماتعدى يابنتى ماهى واسعه اهى ماهو واضح المكان واسع على الاخر تسمع كلمه شكرا كام مره فى اليوم كلمه بعد اذنك يااااااااااااه كراكيب ده الدنيا مليانه | |
|
| |
| كراكيب.. في بيتي! | |
|