| الفرقه الاولى قسم عماره | |
|
|
كاتب الموضوع | رسالة |
---|
ENG_MUSLIMA مشرفة وأميرة المنتدى
عدد المساهمات : 981 تاريخ التسجيل : 12/08/2007 العمر : 35
| |
| |
sally أزهري فعال جدا
عدد المساهمات : 172 تاريخ التسجيل : 10/08/2007
| |
| |
ENG_MUSLIMA مشرفة وأميرة المنتدى
عدد المساهمات : 981 تاريخ التسجيل : 12/08/2007 العمر : 35
| موضوع: رد: الفرقه الاولى قسم عماره الثلاثاء سبتمبر 08, 2009 12:44 pm | |
| بصى نتكلم انهارده فى المناهج كفايه عليكى عشان الاسئله بتاعتك دى عايزه الاربع سنين كليه مش اولى
اولا يا ستى المناهج جميله ولذيذه وسهله مووووووووووووووت بس اهم حاجه حضور المحاضرات والسكاشن والمواد النظرى اللى هى اصلا الترم الاول بس تتذاكر اول باول
مواد الترم الاول واقصد مواد الامتحان لان فى مواد هتدرسيها ترم اول وتانى بس هتمتحنيها الترم الثانى زى الانشاء والتصميم والظل والرسم المعمارى
المساحه احلى ماده فى الدنيا اهم شئ تكتبى كل كلمه د/عادل يقولها لانه فعلا لو ركزتى معاه تاخدى الامتحان ومتقلقيش من الماده دى خالص لو لا قدر الله وقفتى فى حاجه انا بعشق الماده دى وفهماها عن ظهر قلب وعشان تتطمنى جايبه فيها امتياز والسكاشن د/اسماعيل تركزى معاه جدا خاصه فى العملى
الماتريل دى ماده متعه جدا ولذيذه اخر حاجه بس بردو اهم حاجه محاضره د/سعيد دى الامتحان اصلا بيديكى كل تكات الامتحان فى المحاضره بس لو ركنتى محاضره او مش ذاكرتى اول باول تعالى قبلينى يبئى الماده ضاعت والسكشن م/هشام يوسفينى اقولك لازم تحضرى عشان الغياب بس والله مفيد بيلمك الدنيا كلها وبيعرفك الاختبار رايح فين وجاى منين
نظريات العماره ماده نظريه بحته بس هى اساس المواد المعماريه والدكتور بتاعها عبقرى قسم عماره د/علاء فريد امتياز الماده حاجتين حضور وكتابه ورا الدكتور وتعملى كشكول لانه بيطلبه اخر الترم يدى عليه درجات لان الماده مش ليها سكاشن
الاوتوكاد او تطبيقات الكمبيوتر فى العماره اظن واضحه دى برنامج هندسى بتدرسى مبادئه فى اولى وبتكملى فى باقى السنين لانك فى تالته ورابعه مش هتشتغلى الا كمبيوتر ومش تقلقى ان شاء الله اول يوم فى الدراسه هجبلك سى دى يخلصلك على الاتوكاد وترتاحى منه
الانجليزى طبعا مش عايزة اقولك نظامه يعنى مذكره بتتلم اخر السنه ودى سيبيها عليا هحاول ان شاء الله اجبلك المذكره اللى كانت معايا بس ابئى فكرينى مش معنى كده مش تحضرى لا الحضور مهم جدا لانها بردو بتاخد غياب
الترم التانى
الانشاء وده اصلا اللى بتتدرسى فى الترم الاول وبتدرسى فيه حاجات جميله جدا لان الماده دى نظرى ورسم النظرى أ.د/زكريا هيظبطك فيها بس متسبيش محاضره وتكتبى وراه كل كلمه والرسم تركزى اوى فى السكشن مع د/على المنصورى لانه بجد ربنا يباركله
التصميم بيديكى الاساسيات د/زكريا وفى الترم الاول بترسموا حاجات خفيفه يعنى مثلا يقولك صممى شقتكو مثلا حاجات بتدرسوا فيها اساس التصمييم وفى الترم التانى بتاخدى مشروع وبيكمل د/هشام صبح مسيره د/زكريا وبجد هيعرفك يعنى ايه تصميم بس ركزى معاه والسكشن م/احمد القطان بجد رائع ولو ربنا بيحبكو د/جيهان تكمل معاكو
الرسم المعمارى دى ماده شخبطه ومفيده لانها بتعلمك تمشى ايديك فى الرسم ومش تخافى ود/هشام هيشجعكوا جدا وهيجبلكوا حاجات تشوفوها بجد هيظبطكوا والسكشن م/هناء ربنا يباركلها
الظل والمنظور واضحه من اسمها طبعا الظل دى ماده الترم الاول بيعرفك ازاى ترمى ظل للمبنى او للكتله ود/هشام هو دكتور الماده والسكشن م/محمد حسن بجد عبقرى بس ركزوا معاه والترم التانى هتدرسوا منظور ودى عباره ان بيديكى بلان وواجهات المبنى او واجهه واحده وبيعتمد على استنتاج المسقط التالت وببعض الاساسيات بتعملى منظور وركزى اوى فيها لانها اربع سنين مش معنى انك بتدرسى ظل ومنظور اربع سنين لا بتستخدميه اربع سنين فى المشاريع يعنى مهم جدا
الاستركشر ماده تحفه جدا هتحسى فى الاول انك تايهه ومش فاهمه حاجه بس والله ركزى لان اللى بيديكى الماده د/ايمن سمره واظن تعرفيه بس بيختلف عن الوصفيه تماما ركزى معاه بجد وحلى مسائل على اد ما تقدرى والسكشن م/سامح بردو ممتاز ماشاء الله
تاريخ فنون وعماره ماده باينه من اسمها بتدرسى تاريخ العماره من اول العصر الحجرى لوقتنا هذا وكل عصر بتاخدى عليه مثال وبيكون رسم ولازم تحضرى عشان الغياب لانها مش ليها سكشن وتسلمى اللوحات اول باول عشان مش تاخدى ليت او متاخر
السيره عادى زى الفقه بس ياريت لو تحضريه عشان على الاقل تعرفى المنهج
وطبعا اولهم القران وياريت لو تقسمى منهجك وتحفظى ان شاء الله حتى عشر ايات كل يوم هيريحك والله كتير ده لو مش حافظه
اعتقد كل دى مواد السنه وقولتلك على اهم ما فيها والمفروض تعملى ايه وان شاء الله مره تانيه اجاوب على باقى الاسئله ويارب اكون وفيت السوال الاول | |
|
| |
sally أزهري فعال جدا
عدد المساهمات : 172 تاريخ التسجيل : 10/08/2007
| |
| |
ENG_MUSLIMA مشرفة وأميرة المنتدى
عدد المساهمات : 981 تاريخ التسجيل : 12/08/2007 العمر : 35
| موضوع: رد: الفرقه الاولى قسم عماره الخميس سبتمبر 10, 2009 11:22 pm | |
| نظام الدراسه يا ستى اظن انا قولته فى المناهج اهم حاجه الحضور دااااااااااااااااااااااااااااايما وتسليم اللوحات فى مواد الرسم ولو فى شيتات زى المساحه والاستركشر اعمال السنه فى عماره60% والفاينل40% يعنى لو اعمال السنه تمام الامتحانات بالنسبه لك ترفيه فى دكاتره هيطلبوه كشاكشيل المحاضرات زى المساحه المحاضرة والسكشن ونظريات العماره واحتمال الاستركشر سكشن بصى هو مفهاش كلام كتير غير الحضور ثم الحضور فالحضور والتسليم اول باول وتحضرى المحاضره من اولها لاخرها متخبيش خيبتنا زى ما عملنا فى الاول والله هتندمى كتير وبالنسبه للى عندى فكتير هبئى اعملك سى دى باللى انتى عوزاه وابئى اتصرفى انتى ومتخفيش الصاله جنب الصاله هتلاقينا معاكى دايما بالذات فى الترم الاول لانكو هتحسوا انكو تايهين فى المساحه فربنا يكرم وبردو لو احتجتى اى شئ مش تتكسفى يا سلولتى ربنا يوفقك يارب وتكون سنه خير ونجاح علينا كلنا | |
|
| |
sally أزهري فعال جدا
عدد المساهمات : 172 تاريخ التسجيل : 10/08/2007
| موضوع: رد: الفرقه الاولى قسم عماره الجمعة سبتمبر 11, 2009 12:33 am | |
| ربنا يخيلكى للشعب يا سومة
وطبعا هنتقابل ان شاءالله هناك | |
|
| |
عزيز عوضين أزهري مبتدئ
عدد المساهمات : 3 تاريخ التسجيل : 08/02/2010
| موضوع: رد: الفرقه الاولى قسم عماره الأربعاء فبراير 10, 2010 7:50 pm | |
| هو المنتدي ده بنات يس ولا ايه فين المهندسين | |
|
| |
أبو عبدالملك المدير العام
عدد المساهمات : 624 تاريخ التسجيل : 08/08/2007 العمر : 35
| موضوع: رد: الفرقه الاولى قسم عماره الأربعاء فبراير 10, 2010 8:13 pm | |
| انا هنا ياعزيز انا طالب بكليه الهندسة الهندسة المدنيه الفرقه الثانية اهلا بيك معانا في منتدى جامعة الازهر عايزين نشوف مواضيعك الفعاله | |
|
| |
عزيز عوضين أزهري مبتدئ
عدد المساهمات : 3 تاريخ التسجيل : 08/02/2010
| موضوع: رد: الفرقه الاولى قسم عماره الخميس فبراير 11, 2010 6:06 pm | |
| ان شاء الله المواضيع جايه بس انا حاسس ان المنتدي مش فيه جديد يعني مش حاسس بفعاليه او روح الحماس زي باقي المنتديات | |
|
| |
عزيز عوضين أزهري مبتدئ
عدد المساهمات : 3 تاريخ التسجيل : 08/02/2010
| موضوع: رد: الفرقه الاولى قسم عماره الجمعة مارس 12, 2010 3:23 pm | |
| فينك يا باش مهندس محيص انت فين | |
|
| |
أبو عبدالملك المدير العام
عدد المساهمات : 624 تاريخ التسجيل : 08/08/2007 العمر : 35
| موضوع: رد: الفرقه الاولى قسم عماره الجمعة مارس 12, 2010 7:16 pm | |
| احنا موجودين ومتقلقش الاعضاء هييجو بس في شوية فتور وان شاء الله هيرجعو قريب انا هراسل الاعضاء كلهم بس انت خليك على تواصل معنا | |
|
| |
ابو العينين أزهري مبتدئ
عدد المساهمات : 1 تاريخ التسجيل : 05/07/2010
| موضوع: رد: الفرقه الاولى قسم عماره الإثنين يوليو 05, 2010 6:28 am | |
| تمنياتى لكل طلبة وطالبات العمارة بالتوفيق اناخريج عمارة الازهر دفعة 2000 ويسعدنى ان اتواجد معكم ومعرفة كل جديد عن قسم العمارة وتحت امركم فى اى مساعدة او استفسار | |
|
| |
sosa_lola2011 أزهري فعال جدا
عدد المساهمات : 108 تاريخ التسجيل : 23/11/2011
| موضوع: رد: الفرقه الاولى قسم عماره الخميس ديسمبر 01, 2011 5:25 pm | |
| | |
|
| |
| الفرقه الاولى قسم عماره | |
|