منتدى جامعة الأزهر
هذه الرسالة تفيد بأنك غير مسجل بالمنتدى تفضل بالدخول على اشتراكك ان كنت عضو لدينا او قم بالنقر على زر التسجيل لتصبح عضو معنا


منتدى خاص بجامعة الازهر للتعليم والدراسه من خلاله
 
الرئيسيةاليوميةس .و .جبحـثالتسجيلالأعضاءالمجموعاتدخول

شاطر | 
 

 تتجوزينى

اذهب الى الأسفل 
كاتب الموضوعرسالة
نورهان
أزهري متميزجدا
أزهري متميزجدا


عدد المساهمات : 1000
تاريخ التسجيل : 28/02/2008

مُساهمةموضوع: تتجوزينى   الأربعاء يونيو 04, 2008 5:04 am

تتجوزيني ؟ -
ـ أفندم ؟
ـ بقولك تتجوزيني ؟
ـ ؟؟؟
ـ تتجوزيني ؟
ـ لأ
ـ ليه ؟
ـ بصراحة كدة شكلك مش عاجبني
ـ إزاي يعني ؟
ـ يعني .. أصل أنا ليا مواصفات معينة لفارس أحلامي
ـ مواصفات معينة ؟ .. هو انتي هتتجوزي عربية؟
ـ لأ ! .. بصراحة كده .. إنت مش فارس أحلامي اللي باتمناه

************ ********* *****

ـ تتجوزيني ؟

ـ إيه ده ؟ شكلك اتغير
ـ إيه رأيك ؟
ـ واو .. شعرك بقة ناعم ! .. دي باروكة ؟
ـ أيوة
ـ ودي عدسات خضراء ؟
ـ أيوة
ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج
ـ مين عباس كيج ده ؟
ـ عباس ؟!! ياي .. إيه عباس دي ؟ اسمه نيكولاس
ـ مين نيكولاس ده ؟
ـ بقة مالكشي في السيما وجاي تكلمني ؟ .. ياي
************ ********* *****

ـ تتجوزيني ؟

ـ انت لسه ليك عين تكلمني ؟
ـ أيوة .. أنا عرفت مين بنكرياس كيج ده
ـ أولاً : اسمه نيكولاس كيج
ـ أيوة أيوة .. كنت هاقول اسمه صح .. بس اختصرته .. ده ممثل
ـ ممثل إيه ؟
ـ ممثل أمريكاوي
ـ أمريكاوي ؟! .. إخّييي ! .. اسمه أميريكان يا بابا .. ما تبقاش دونكي
ـ دونكي دي تبقى شتيمة ؟
ـ أوف كورس

************ ********* *****

ـ تتجوزيني ؟

ـ عندك عربية موديل كام ؟
ـ موديل دي تبقى شتيمة ؟

************ ********* *****

ـ تتجوزيني ؟

ـ قوللي الأول .. حاطط أنهي نغمة في الموبايل بتاعك ؟
ـ نغمة دي تبقى شتيمة ؟

************ ********* *****

ـ تتجوزيني ؟

ـ ما قلتليش .. إنت بتشتغل إيه ؟
ـ أنا -بلا فخر- عاطل
ـ عاطل ؟ .. ياي
ـ مش أحسن من اللي ما بيشتغلش ؟
ـ لا
ـ يعني مش هتتجوزيني ؟
ـ لا
ـ كدة أنا أزعل
ـ ما تزعلش يا بابا .. خليك فريش
ـ ماشي .. ماشي .. بس قوليلي
ـ إيه ؟
ـ فريش دي تبقى شتيمة ؟

************ ********* *****

ـ تتجوزيني ؟

ـ لقيت شغل ؟
ـ أيوة طبعًا .. سنتين وأنا بادور .. أخيرًا لقيت
ـ وإيه هو ؟
ـ سواق تاكسي
ـ ياي ! .. مش مكسوف وانت بتقولها ؟
ـ فيها إيه ؟ العمل شرف .. وكلها كام سنة وأجمع مبلغ كويس
ـ شرف ؟ جتك القرف

************ ********* *****

ـ تتجوزيني ؟

ـ جمعت مبلغ كويس ؟
ـ طبعًا .. مبلغ كبير جداً
ـ قد إيه يعني ؟
ـ ألف جنيه
ـ نعم ؟!!! .. ألف جنيه دول تروح تسرح بيهم ببطاطا
ـ يعني موافقة ؟
ـ روح اتنيّل

************ ********* *****

ـ تتجوزيني ؟

ـ عندك شقة ؟
ـ طبعًا .. أوضة على السطوح
ـ نعم ؟
ـ إيه المشكلة ؟! .. أحسن ما ننام في الشارع
ـ في الشارع ؟! .. إيه الألفاظ السوقية دي ؟ ياي ! .. لازم يا بابا تجيب شقة
ـ طيب .. كلها كام سنة وأجيبلك أحسن شقة في الدنيا
ـ وهتجيبها في جاردن سيتي ولا في الزمالك ؟
ـ لا .. في الأهلي .. هيهع هيهع هيهع

************ ********* *****

( بعد سنوات)
:

ـ تتجوزيني ؟

ـ جبت الشقة ؟
ـ أيوة .. الحكومة بتبني شقق للشباب وأنا خدت شقة .. صحيح إنها اتأخرت لسبع سنوات .. لكن المهم إنها جات
ـ فانتاستيك
ـ بس الشقة ناقصة حاجة
ـ إيه هي ؟
ـ مفيهاش حمام
ـ امشي من قدامي ! .. مش طايقاك

************ ********* *****

ـ تتجوزيني ؟

ـ إنت تاني ؟
ـ جبتلك حمّام إنما إيه
ـ خليه ينفعك
ـ ليه بس ؟ .. ده ينفع لينا احنا الاتنين
ـ وأنا مالي ؟
ـ مش عاجبك .. مش مشكلة .. أكتبه باسمك


************ ********* *****

(بعد سنين)
..

ـ هتتجوزيني ولا أولع فيكي ؟
ـ ومالك محروق كدة ؟
ـ حكايتنا طولت قوي .. طولت أكتر من اللازم
ـ أوكي .. بس ممكن أعرف حاجة ؟
ـ إيه ؟
ـ إنت ليه متمسك بيا أوي كدة ؟
ـ أصل .. أصل
ـ أصل إيه ؟
ـ أصل أنا بحُبك
(بضم الحاء)
ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) بعدين خليك روش وقول
I love you
ـ ماشي .. بس قوليلي
ـ نعم ؟
ـ روش دي تبقى شتيمة ؟

************ ********* *****

ـ تتجوزيني ؟

ـ بصراحة .. في حاجة كنت عاوزة أقولهالك من زمااااااان
ـ إيه ؟
ـ أنا بصراحة .. مش شايفة إن في حد في العالم يستاهلني
ـ يا سلام ! .. ليه ؟
ـ عشان أنا جميلة .. خفيفة الدم .. رشيقة .. رقيقة
ـ رقيقة ؟! .. ده انت بدأتي تقشفي
ـ فشر
ـ فوقي لنفسك .. العمر بيجري
ـ أنا مصرة على رأيي
ـ يعني إيه ؟
ـ يعني اقطع معايا
ـ بعد كل السنين دي ؟! .. بعد كل الحب ده ؟
بلاش تراجيديا من فضلك -
ـ ماشي .. بس قبل ما أمشي عاوز أسألك سؤال واحد بس
ـ إيه هو ؟
ـ تراجيديا دي تبقى شتيمة ؟

************ ********* *****

( بعد سنوات )
..

ـ تتجوشيني ؟
ـ إيه ؟
ـ تتجوشييينييييييي ؟
ـ إنت مين ؟
ـ أنا حبيبك يا هبلة .. البشي النضارة عشان تشوفيني
ـ طيب شاعدني عشان ألاقي النضارة
ـ آهي على الترابيزة قدامك
ـ فين ؟
ـ لا دي نظارتي أنا
ـ أيوة لقيتها
ـ البشيها بقة
ـ ططييبب
ـ عينيكي فوق شوية .. ده بقك
ـ طيب لبشهالي إنت
ـ عقبال ما البشك الدبلة
ـ ما تكشفنيش .. كنت بتقول إيه بقى ؟
ـ كنت بقول تتجوشششيييينيييييي ؟
ـ أكوشك ؟ .. إزاي ؟
ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي؟
ـ دي شتيمة ؟
ـ لاااااء .. بقولك تتجوشيني ؟
ـ آه !! .. أجوشك
ـ بالضااااابط .. هاه ؟
ـ شيبني أفكر
ـ أشيبك تفكري ؟! .. ده انت هتموتي خلاش
ـ لا .. شيبني أفكر بش
ـ ربنا يوفقك
ـ إيه ؟
ـ ربنا يوفقك
ـ بتقول إيه ؟
ـ ربنا ياخدك

************ ********* *****

(على فراش الموت)
:
ـ تـ … كو .. تتـ .. كوح كاح كيح .. تتكو ... تتكوشـ .. كوح كوح .. يني ؟
ـ مش شامعة
ـ بـ .. قوللـ كوح .. بقولك .. تـ .. كوح تتجوشيـ .. ؟ كوح
ـ أجوش مين ؟
ـ هـ .. و.. ه .. كووح كاح .. هوه إنتي .. كوح .. معرفتيـش .. كوح كوح كيح .. ميـ .. كوح .. مين ؟
ـ إيه ؟
ـ لا .. كوح .. أبدًا .. كوح .. كنت … كح كح .. بأكح
ـ كنت بتكح ؟!!!! .. شلامتك .. ما قلتليش ليه ؟
ـ هو .. كوح .. إنتي .. لشة .. عارفـ .. ـة .. كوح كوح
ـ بتقول إيه ؟
ـ يا .. ولية .. كوح كوح .. ردي .. كوح كوح .. عليا .. تـ .. تـ .. جو شيـ .. كوح كوح كوح كوح .. نـي ؟
ـ أجوشك ؟!! .. طب بش خد الدوا الأول
ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح
كوح كوح .. ـني ؟
ـ أيوة يا حاج .. موافقة
موافقة إنك تتكوشني ..أخيـ….كوح كوح ..راااااً !! .. كوح كوح كدة أموت .. كوح كوح .. وأنا .. كوح .. مطمئن ومرتاح .. الودااا .. كوح ..ع ع ع ع
ـ يا حاج .. يا حاج
لااااااااااااااااااااااااااااا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
moshreqa
أزهري متميز
أزهري  متميز
avatar

عدد المساهمات : 659
تاريخ التسجيل : 13/02/2008
العمر : 27
الموقع : القاااهرة

مُساهمةموضوع: رد: تتجوزينى   الأربعاء يونيو 04, 2008 8:21 am

ههههههههههههههههههههههه
برضو جميلة
أهم حاجة انها وفقت الحمدلله
ههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
marvellous
أزهري متميزجدا
أزهري متميزجدا
avatar

عدد المساهمات : 1066
تاريخ التسجيل : 27/04/2008
الموقع : روحى ودمى __ مصر

مُساهمةموضوع: رد: تتجوزينى   الأربعاء يونيو 04, 2008 2:26 pm

هههههههههههههههههههههههههه
دا تعليقى يا نور
هههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زائر
زائر



مُساهمةموضوع: رد: تتجوزينى   الأربعاء يونيو 04, 2008 8:00 pm

هههههههههه
انتى فية أية اليومين دول
هههههههههههه
جواز جواز
ملها عيشت العزوبية
لا المدام تنكد علية ولا أنكد عليها
هههههههههههههه
موضوع عثل عثل نحل
بس اوعى النحل يقرصك
هههههههههههه
الرجوع الى أعلى الصفحة اذهب الى الأسفل
علاء المصرى22
مشرف المنتدى العام
مشرف المنتدى العام
avatar

عدد المساهمات : 2231
تاريخ التسجيل : 09/09/2007
العمر : 30
الموقع : مصر هى أمى بعد أمى

مُساهمةموضوع: رد: تتجوزينى   الأربعاء يونيو 04, 2008 11:39 pm

هههههههههههههههههههه

هو دة الجواز فى نظرها ...شقة ...وعربية ...وفلوس

دى طلعت هبلة بشكللللللللل

هههههههههههههههههههههههههههههههههههههههه

الجواز ...دى أصلا ً لو عرفت قيمة الجواز مكانش دة بقا حالها

الجواز دة مشروع الحياة الأول والأخير ...لذلك لابد اننا نختار كويس

مشكورة جدا ً يا نورهان

موضوع هايل

_________________





http://www.tawkatonline.com/ وقع الآن على مبادىء التغيير الـ 7 .... الفرصة جت لغاية عندك لتشارك فى التغيير



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.tawkatonline.com/
ساره
أزهري متميزجدا
أزهري متميزجدا
avatar

عدد المساهمات : 1103
تاريخ التسجيل : 13/03/2008
العمر : 26
الموقع : مصر_أم الدنيا

مُساهمةموضوع: رد: تتجوزينى   الخميس يونيو 05, 2008 11:30 pm

هههههههههههه
بت يا نور وربنا لو انا مكانه كنت ولعت فيها من تاني مرهمش استني لما اجي اقولها تجوشيني
هههههههههههههه
بس حلوه اوي وانا بايد راي علاء
فعلا ده مشروع العمر الاول والاخير
مشكووووووووووووووووووووووووووووووره
ههههههههههه
بالمناسبه
تتجوشيني دي عجبتني اوي
ههههههههههههه
تتجوشيني
ههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سيبويه امين
المراقب العام
المراقب العام


عدد المساهمات : 549
تاريخ التسجيل : 09/08/2007
العمر : 33

مُساهمةموضوع: رد: تتجوزينى   الجمعة يونيو 06, 2008 2:23 pm

ههههههههههههههههههههههههههههه كوح جميل كوح كوح اوي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نورهان
أزهري متميزجدا
أزهري متميزجدا


عدد المساهمات : 1000
تاريخ التسجيل : 28/02/2008

مُساهمةموضوع: رد: تتجوزينى   الإثنين يونيو 09, 2008 4:08 pm

اسفه يا جماعه عل تاخير الرد

بجد كانت ظرووووووف

وانا فرحانه اوى اوى اوى ان الموضوع عجبكوا

مشكوووووووووووووووووووووورين عالرد

نورتو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نورهان
أزهري متميزجدا
أزهري متميزجدا


عدد المساهمات : 1000
تاريخ التسجيل : 28/02/2008

مُساهمةموضوع: رد: تتجوزينى   الإثنين يونيو 09, 2008 4:12 pm

El_king كتب:
هههههههههه
انتى فية أية اليومين دول
هههههههههههه
جواز جواز
ملها عيشت العزوبية
لا المدام تنكد علية ولا أنكد عليها
هههههههههههههه
موضوع عثل عثل نحل
بس اوعى النحل يقرصك
هههههههههههه

ههههههههههههههههههه
ههههههههههههه
لا مش هيقرصنى ان شاء الله
واليومين دول كان عندى افراح عقبالكو كلكو
يمكن عشان كده مواضيعى عن الجواز

وعيشه العذوبيه كويسه بس الجواز احسن فى كل حاجه
ده مش كلامى ده كلام ربنا ورسوله
نورت الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نورهان
أزهري متميزجدا
أزهري متميزجدا


عدد المساهمات : 1000
تاريخ التسجيل : 28/02/2008

مُساهمةموضوع: رد: تتجوزينى   الإثنين يونيو 09, 2008 4:14 pm

علاء المصرى22 كتب:
هههههههههههههههههههه

هو دة الجواز فى نظرها ...شقة ...وعربية ...وفلوس

دى طلعت هبلة بشكللللللللل

هههههههههههههههههههههههههههههههههههههههه

الجواز ...دى أصلا ً لو عرفت قيمة الجواز مكانش دة بقا حالها

الجواز دة مشروع الحياة الأول والأخير ...لذلك لابد اننا نختار كويس

مشكورة جدا ً يا نورهان

موضوع هايل

ردك هو اللى هايل
وعندك حق طبعا
الجواز مشروع الحياه الاول والاخير
نورت يا علاء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تتجوزينى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى جامعة الأزهر :: المنتدى العام :: استراحه-
انتقل الى: