منتدى جامعة الأزهر
هذه الرسالة تفيد بأنك غير مسجل بالمنتدى تفضل بالدخول على اشتراكك ان كنت عضو لدينا او قم بالنقر على زر التسجيل لتصبح عضو معنا


منتدى خاص بجامعة الازهر للتعليم والدراسه من خلاله
 
الرئيسيةالتسجيلدخول

شاطر
 

 عريس لقطه(منقووووووووووووول)

اذهب الى الأسفل 
كاتب الموضوعرسالة
نورهان
أزهري متميزجدا
أزهري متميزجدا


عدد المساهمات : 1000
تاريخ التسجيل : 28/02/2008

عريس لقطه(منقووووووووووووول) Empty
مُساهمةموضوع: عريس لقطه(منقووووووووووووول)   عريس لقطه(منقووووووووووووول) Emptyالأربعاء يونيو 04, 2008 4:49 am

بصوا بأه ..أولا الحكاية دي برضه من فصيلة هم يبكي و هم يضحك ..بس الصراحه يعني الصراحه ..انتوا هتضحكوا عليا أنا..هتشوفوا ..بس بقولكوا ايه بما اني فتاه ركيكة ..قصدي رقيقة رقيقة..و مهيضة الجناح..ههه حلوة مهيضه دي..فبليز بليز ..بلاش تريقة

الحكاية دي مايعرفهاش أي حد غير انا و ماما ..ماحكيتهاش لأي حد من أصحابي ..يعني ابقوا اتفشخروا قدام كل أصحابكم بالأمتياز ده ...حصريا على بلوجر ..حكاية العريس التاني ل عايزة أتجوز ..إقرا الحادثة ..اقرا الحادثة
احمم..مقدمة...عارفين ايه احساس واحده و هي ماشية في الشارع و تحس ان حد معجب بيها..مش معاكسه يعني و كده ..لأ بيبقى فيه كده كيميا زي مابيقولوا الأجانب ..و على فكرة فيه جوازات كتير بتبدأ كده ...واحد يشوف واحده في الشارع..يمشي وراها ..يعرف ساكنة فين و يسأل عليها و يخطبها ..ابن عمي عمل كده و البت لسعته حتت قلم على وشة ..علم على صداغه 3 أيام ..قام هو اتكيف قوي و قال البت دي واضح انها مؤدبة و متربيةوراح خطبها ..آه و النعمة..هي صحيح بعد كده اتضح ان ايديها بتطول عليه في كل المواقف مش في الموقف ده بس ..بس و الله الراجل مبسوط و بيحلف باليوم اللي شافها فيه..و بيلعن أبو ...والا بلاش دي في مقام عمتي برضه

المهم أنا يوم نازله من البيت رايحه الشغل..حسيت بكيميا م اللي كنت بقولكم عليها دي ..حسيت ان فيه عين هتخرم قفايا ..اتديرت بسرعه كده في الخباثة لقيتلكم راجل انما ايه ..طول بعرض بارتفاع.ماسك ف ايده شنطة سودا و لابس بدله و كرافته و نضارة شمس....عامل كده زي العيال اللي كانوا بيطلعوا في إعلانات جمعية شباب المستقبل بتاع جمال مبارك "شباب الجيل ..قوام جينا ..هو ..هو" فاكرينهم ؟..المهم الواد كان حليوة و انا قلبي هفهفله أول مالمحته ..استنيت شوية ع المحطه و بعدين جه الميكروباص..ركبت راح راكب ورايا..قلت الشياكه دي كلها هتركب مكروباص ليه يعني..أكيد في الأمر إنا ..و جه كمان قعد جنبي ....يا حلولي يا حلولي..بس كنت خايفه ليعاكس و ساعتها أنا ماعرفش أبويا ...باللي ف رجلي و لايهمني لا شباب المستقبل و لا جمال مبارك ولا حاجه أبدا..بس لاقيته في نص المسافه كده ..بيميل عليا و بيقول باسلوب رزين كده
...لو سمحتي ممكن أسأل حضرتك على حاجه ..وانتوا ماتعرفونيش... باتسطل لما حد يقولي حضرتك ..بس برضه مش سهله يعني..صدرت الوش الخشب و قلتله ..خير بمناسبة ايه ؟...يعني كنت عايز أسأل بس ..هو حضرتك مرتبطه ..واضح انك مش مخطوبة ولا متجوزة مافيش دبل في ايديكي ..بس الإرتباط بأه لازم أتأكد منه من حضرتك ..(حضرتك تاني يا حلولي)..والله الكلام ده مايتقالش في مواصلات و بعدين انا ماعرفكش و مش متعوده أكلم حد ماعرفوش ..طب يعني أنا لو معجب بحضرتك و عندي نيه أتقدم رسمي ..أعمل ايه ..أصلي بصراحه متابعك من مده بس دي أول مرة أتشجع و أحاول أكلمك ..ياحلاوة ياحلاوة متابعني من زمان ...ده واقع بأه..بس برضه على مين ..لازم أثبت ..و الله لو حضرتك متابعني زي مابتقول تبقى عارف بيتي و عارف بابايا ..هو الوحيد اللي ينفع يتكلم في المواضيع دي ..لو سمحت ماتحرجنيش اكتر من كده ..جامده جامده يعني ...الحقيقة انت كده أثبتيلي اني أحسنت الإختيار....ياسلام ياسلام..الله الله ..هو ده الكلام ...لحد كده الأمور كلها صح و مية مية ..صديته آه بس كمان قلتله كلم بابا..سيبتله سكه مفتوحه يعني .

الواد بأه التباع راح شاخط فيا في اللحظه دي ..الأجرة يا أبله والا هتركبواببلاش...يابن اللذينا ..دانا عماله أترسم من ساعتها تبعتر كرامتي كده ؟...جيت أمد ايدي جوه الشنطه لقيتلكوا الأخ بأه راح بسرعه مطلع فلوس و محاسبلي ..لأ مايصحش ..لأ بأه اسمحيلي ..أنا لا يمكن أقبل واحده هاتقدملها تدفع و انا موجود ...وجون وجون وجون ..هيتقدملي خلاص أيوة كده هو انا صحيح ماعرفش هو بيشتغل ايه و الا عايش فين والا بيقلد فنانين والا ايه نظامه بس الجواب بيبان من عنوانه.

أول ما المكروباص وقف لقيته نزل معايا في نفس المحطه و بصلي و قاللي ..أنا حبيت أنقذك يعني في المكروباص ..واضح قوي انك ماعاكيش فلوس...الدم ضرب في نافوخي..وله انت هتتمنظر عليا والا ايه ؟..واضح ان شنطتك فاضية آخر الشهر بأه يالا وفرتلك أجرة المكروباص تنفعك ..بصتله بذهول كده و قلت له ..مين اللي قالك الكلام الفارغ ده ..انا عمري مامشي بشنطتي فيها أقل من 300 جنيه..قالي باستهزاء كده ..لاااااماصدقش..الدم كان خلاص قرب يطلع من نافوخي زي النافورة..رحت مطلعه كل اللي في المحفظه مورياهولي ..أهه حتى شوف 50-100-200-220
لقيته مد ايده اخد الفلوس..و بصلها كده و عدها و قاللي آه صحيح انتي معاكي فلوس أهه
و في لحظه راح مطبقهم و حاطتهم في جيبه ..و قاللي انا هاخليهم معايا بأه سوفينير لحد لما آجيلكم البيت ..ماستوعبتش و قبل ما آخد فرصة أقول كلمه واحده كان راكب ورا واحد على موتوسيكل شكله كده كان ماشي ورا المكروباص و هوا ..فص ملح و داب
أختكم بأه واقفه في وسط الشارع هابلااااااااااه ..زي اللي اتدلق عليه جردل مايه مش نضيف..مش عارفه أصوت والا أطلع أجري وراه والا ألطم على وشي ...فضلت واقفه يجي خمس دقايق في الشارع مش عارفه اروح فين والعربيات تقعد تزمرلي و لما تلاقيني مسهمة تقريبا اللي سايقين يقولوا في نفسهم دي يا اما طارشه يا اما مجنونةعريس لقطه(منقووووووووووووول) Engry1 يا اما م اللي بيبيعوا مناديل ...و الناس تعدي تبصلي... و العيال الصغيرة يشدوا في هدوم أهاليهم ..بابا بابا هي الست دي عامله كده ليه؟
بعد شوية كده لفيت و دخلت المستشفى اللي باشتغل فيها ..و على وشي تعبير كده زي تعبير العمده الآلي بتاع زمان ..دخلت الصيدلية..قعدت ع المكتب ..و فجأه .....انفجرت في العياط ..و العيال زمايلي اتلموا حواليا..مالك ..فيه ايه؟...حد زعلك ..حد كلمك؟
من بين العياط و الشحتفه ما اقدرتش أقولهم غير كلمه واحده
............ ......... ......... ......... ......... .
اتسرقتعريس لقطه(منقووووووووووووول) Frownn
منقووووول
الرجوع الى أعلى الصفحة اذهب الى الأسفل
ENG_MUSLIMA
مشرفة وأميرة المنتدى
مشرفة وأميرة المنتدى
ENG_MUSLIMA

عدد المساهمات : 981
تاريخ التسجيل : 12/08/2007
العمر : 30

عريس لقطه(منقووووووووووووول) Empty
مُساهمةموضوع: رد: عريس لقطه(منقووووووووووووول)   عريس لقطه(منقووووووووووووول) Emptyالأربعاء يونيو 04, 2008 7:16 am

بجد جميل اوى يا نورهان
عايزة اقولك انا موت من الضحك
تسلم ايدك يا قمر

_________________
عريس لقطه(منقووووووووووووول) 280853678
إذا أردت شيئا بشده فأطلق سراحه فإن عاد إليك فهو ملك لك إلى الابد
وإن لم يعد فهو لم يكن لك من البدايه ...........
الرجوع الى أعلى الصفحة اذهب الى الأسفل
moshreqa
أزهري متميز
أزهري  متميز
moshreqa

عدد المساهمات : 659
تاريخ التسجيل : 13/02/2008
العمر : 28
الموقع : القاااهرة

عريس لقطه(منقووووووووووووول) Empty
مُساهمةموضوع: رد: عريس لقطه(منقووووووووووووول)   عريس لقطه(منقووووووووووووول) Emptyالأربعاء يونيو 04, 2008 8:18 am

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
لا بجد تهلك
فظيعة يانور فظيعة بجد
دمك شربات
شكرا ليكى
الرجوع الى أعلى الصفحة اذهب الى الأسفل
marvellous
أزهري متميزجدا
أزهري متميزجدا
marvellous

عدد المساهمات : 1066
تاريخ التسجيل : 27/04/2008
الموقع : روحى ودمى __ مصر

عريس لقطه(منقووووووووووووول) Empty
مُساهمةموضوع: رد: عريس لقطه(منقووووووووووووول)   عريس لقطه(منقووووووووووووول) Emptyالأربعاء يونيو 04, 2008 2:34 pm

ههههههههههههههههههه
نورهان ايده كله
جمييييييييييييييل اوووووووووووووووى
مشكوره يا سكر
الرجوع الى أعلى الصفحة اذهب الى الأسفل
sarahbosy
أفضل مشرف
أفضل مشرف
sarahbosy

عدد المساهمات : 2172
تاريخ التسجيل : 16/11/2007
العمر : 31
الموقع : الاســــــــــــــــكنــدريه *نجمه مـــ صـــــ ر*

عريس لقطه(منقووووووووووووول) Empty
مُساهمةموضوع: رد: عريس لقطه(منقووووووووووووول)   عريس لقطه(منقووووووووووووول) Emptyالأربعاء يونيو 04, 2008 7:16 pm


هههههههههههههههههههههههههههه
ههههههههههههههههه

نورهان مش ممكن بجد عسسسسسسسسسسسل اوى الموضوع
انا موت من الضحك

ميرسيه ليكى يانورهان بجد خرجتينى من مودواكتئاب وحش
ربنا يكرمك

_________________
عريس لقطه(منقووووووووووووول) 767977589

عريس لقطه(منقووووووووووووول) 817463781



عريس لقطه(منقووووووووووووول) 816525430



--------------
لاتدور فى المنتدى ولا تحتار
أدخل معايا قسم الاخبار
علشان نملى عقولنا بالانوار
نعتق ظلام الجهل ونبقى احرار
ونشوف احداث وقضايا مليانه بالافكار

عايزه اشوفكم فى قسم الاخبار
الرجوع الى أعلى الصفحة اذهب الى الأسفل
http://www.alazhar.gov.eg
ساره
أزهري متميزجدا
أزهري متميزجدا
ساره

عدد المساهمات : 1103
تاريخ التسجيل : 13/03/2008
العمر : 27
الموقع : مصر_أم الدنيا

عريس لقطه(منقووووووووووووول) Empty
مُساهمةموضوع: رد: عريس لقطه(منقووووووووووووول)   عريس لقطه(منقووووووووووووول) Emptyالخميس يونيو 05, 2008 11:18 pm

لا لا لا لا لا
مش معقوووووووووووول ايه ده
بجد جامده اوي
مشكووووووووووووره يا نور
الرجوع الى أعلى الصفحة اذهب الى الأسفل
dadooo
أزهري فعال جدا
أزهري  فعال جدا
dadooo

عدد المساهمات : 131
تاريخ التسجيل : 24/08/2007

عريس لقطه(منقووووووووووووول) Empty
مُساهمةموضوع: رد: عريس لقطه(منقووووووووووووول)   عريس لقطه(منقووووووووووووول) Emptyالسبت يونيو 07, 2008 9:07 pm

جميلة
لالالالالالالالالالا
جميلة مش كفاية
روعة
لالالالالالالالالالالالا
برضة روعة مش كفايه
هايله
لالالالالالالالالالا
برضة هايلة مش ليقة
مش عارفة اوصفك بايه
بجد رااااااااااااااااااااااااااااااااااااااااااااااااااااااااااااااااااااائع
الرجوع الى أعلى الصفحة اذهب الى الأسفل
نورهان
أزهري متميزجدا
أزهري متميزجدا


عدد المساهمات : 1000
تاريخ التسجيل : 28/02/2008

عريس لقطه(منقووووووووووووول) Empty
مُساهمةموضوع: رد: عريس لقطه(منقووووووووووووول)   عريس لقطه(منقووووووووووووول) Emptyالإثنين يونيو 09, 2008 4:07 pm

اسفه يا جماعه عل تاخير الرد

بجد كانت ظرووووووف

وانا فرحانه اوى اوى اوى ان الموضوع عجبكوا

مشكوووووووووووووووووووووورين عالرد

نورتو
الرجوع الى أعلى الصفحة اذهب الى الأسفل
نورهان
أزهري متميزجدا
أزهري متميزجدا


عدد المساهمات : 1000
تاريخ التسجيل : 28/02/2008

عريس لقطه(منقووووووووووووول) Empty
مُساهمةموضوع: رد: عريس لقطه(منقووووووووووووول)   عريس لقطه(منقووووووووووووول) Emptyالإثنين يونيو 09, 2008 4:16 pm

sarahbosy كتب:

هههههههههههههههههههههههههههه
ههههههههههههههههه

نورهان مش ممكن بجد عسسسسسسسسسسسل اوى الموضوع
انا موت من الضحك

ميرسيه ليكى يانورهان بجد خرجتينى من مودواكتئاب وحش
ربنا يكرمك

ليه كده بس
بلاش اتئاب خليكى متفائله يا قمر
نورتى يا عسل

وسلمتكو من الموت انتى واسماء
ان شالله اللى يكرهوكو

نورتو الموضوع والله
واسفه عالتاخير
الرجوع الى أعلى الصفحة اذهب الى الأسفل
bodyking
أزهري فعال
أزهري  فعال
bodyking

عدد المساهمات : 54
تاريخ التسجيل : 09/06/2008
الموقع : مصر

عريس لقطه(منقووووووووووووول) Empty
مُساهمةموضوع: رد: عريس لقطه(منقووووووووووووول)   عريس لقطه(منقووووووووووووول) Emptyالثلاثاء يونيو 10, 2008 4:07 pm

موضوع حلو بموت من الدحق
مشكوره
الرجوع الى أعلى الصفحة اذهب الى الأسفل
http://www.google.com
نورهان
أزهري متميزجدا
أزهري متميزجدا


عدد المساهمات : 1000
تاريخ التسجيل : 28/02/2008

عريس لقطه(منقووووووووووووول) Empty
مُساهمةموضوع: رد: عريس لقطه(منقووووووووووووول)   عريس لقطه(منقووووووووووووول) Emptyالثلاثاء يونيو 10, 2008 9:23 pm

اى خدمه
نورت الموضوع
الرجوع الى أعلى الصفحة اذهب الى الأسفل
 
عريس لقطه(منقووووووووووووول)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى جامعة الأزهر :: المنتدى العام :: استراحه-
انتقل الى: