لعبة *** ماذا تفعل لو قعت في مثل هذا الموقف ؟

يعني أيه يعني اللي بعدك اسمه كده يعني ولا يه

ايده يا اخ مازن
انا مش قصدى كده
وكمان ده بتحصل وانا شوفتها فى الشارع
واحد كده شتم واحد تانى بالشتمه ده
وانا اسيغربت لما حصل كده
عشان كده كنت بسأل لو حد عمل فيك كده
وانا عمرى ما هفكر التفكير الوحش ده ابدا

هذا الكلام لا يجب أن يكون في منتدي الفكر والإبداع

أتمني أن لا تكوني تقصدي وتعتذري لمن أخطئتي في حقها

وانا مش هعتذر
لان انا مش قصدى كده
(ان بعض الظن اثم )يا اخ مازن
وعلى العموم مشكور على هذا الظن السىء
شكرا

وتعمل ايه لو حد ظن فيك ظن سىء ؟؟؟؟؟؟؟؟؟؟

أسامحه وأدعيله من قلبي أن ربنا يوفقه وينجحه

تعمل أيه لو طلبت النصيحه ومش عجبتك؟

احم احم
ايه يا مازن الكلام ده
يعني أيه يعني اللي بعدك اسمه كده يعني ولا يه

هذا الكلام لا يجب أن يكون في منتدي الفكر والإبداع

هيه مش قصدها كده وبعدين ما هيه اللعبه كده
مفروض نقول مواقف غريبه
وده كان مجرد موقف بسمه قالته
مش قصدها اي حاجه
وبعدين خليك دايما حسن الظن بالناس

وكمان قولك

أتمني أن لا تكوني تقصدي وتعتذري لمن أخطئتي في حقها

انت كان لازم تعرف لوحدك ان ده مش قصدها مش تتمني كده
لان بسمه ردودها ومواضيعها بتبين شخصيتها
وبالنسبه للاعتذار مفروض تعتذر لمين ليه
انا مش طالبه اعتتذار لاني فاهمه كلامها وعارفه هيه تقصد ايه

وسؤالك بقي

تعمل أيه لو طلبت النصيحه ومش عجبتك؟

اكيد هحترمها وهحترم الشخص اللي قالها بس مش لازم يعني اخد بيها لان كل فرد ادري بوضعه
واللي بعدي
تعمل ايه لو اتحطيط في موقف محرج جدا
تخرج منه بالضحك ولا بالصمت ولا بالانسحاب؟؟

ياجماعة خلاص حصل خير
بسمة ماكنتش تقصد ومازن فهم غلط وسارة مع بسمة
خلاص حصل خير ياريت بلاش كدة
اما بالنسبة للسؤال
أفضل الصمت
اللى بعدى تعمل ايه لوصديق عزمك فى بيته
وقدملك أكل أنت بتكره ( أستغفر الله العظيم )مش القصد الكره يعنى
بس انت مش باتكله خالص ولا بتطيقه هل هاتكله ؟؟؟

ashracat كتب:: ياجماعة خلاص حصل خير
بسمة ماكنتش تقصد ومازن فهم غلط وسارة مع بسمة

ايه يا اشرقت انتى ترديها لنفسك
ده ظن ظن سىء
وكمان ع الملاء
وحتى ما اعتذرش
وال ايه عاوزنى اعتذر
طب ده يرضى حد
ولا يرضيكى
جوبينى بصراحه يا اشرقت ؟؟؟؟؟؟؟؟؟؟؟؟؟؟

خلاص حصل خير ياريت بلاش كدة
اما بالنسبة للسؤال
أفضل الصمت
اللى بعدى تعمل ايه لوصديق عزمك فى بيته
وقدملك أكل أنت بتكره ( أستغفر الله العظيم )مش القصد الكره يعنى
بس انت مش باتكله خالص ولا بتطيقه هل هاتكله ؟؟؟

طبعا هاكل حبه قليلين خالص
او اعمل نفسى باكل
عشان متزعلش

اللى بعدى تعمل ايه لو حد عصبك جدا وانت مش طايق؟؟؟؟

انا عن نفسي صريحه جدا
هروح اقوله انا متدايقه منك للاسباااااااااب الاتيه
وههدي اعصابي
انا مش بحب غليان الدم
هريح نفسي واخلص واقول اللي جوايا
اللي بعدي
تعملي ايه لو الماده اللي انتي بتعتبيريها لعبتك
جبتي فيها درجه مش اللي انتي متوقعاها ؟؟!!!

يا بسمة يرضينى لأنه ماكنش يقصد
ولا أنتى كمان تقصدى
وبعدين كلنا معرضين للفهم الخطأ يعنى مافهاش حاجة
وخلاص بقى يابسمة
عدى مش مستهلة والله

اوكى عشان خطرك بس يا اشرقت
وعلى العموم ساره حببتى هددتنى شويه
مشكووووووووووووورين على اهتمامكم
مشكووووووووووورين
وانا دلوقتى هديت
شكراااااليكم انتم الاثنين

تعملي ايه لو الماده اللي انتي بتعتبيريها لعبتك
جبتي فيها درجه مش اللي انتي متوقعاها ؟؟!!!
_________________

طبعا هزعل جدا
وهحاول انى لا اعملها تانى

اللى بعدى
تعمل ايه لو انت شوفت انسان مريض جدا مر من امامك وانت فى المستشفى
لغرض من الاغراض
يعنى هتدعبلوا ولا تقول الحمد لله ولا هتعمل ايه ؟؟؟؟؟؟؟؟؟؟؟؟

طبعا الحمد لله الذى عافانا مما ابتلى به غيرنا
الحمد لله انا عادة فى الموقف ده اول حاجه بتجول فى ذهنى عرض المساعده
لعل وعسى اقدر اقدمله شئ
وربنا يشفى مرضانا ومرضى المسلمين

اللى بعدى لو دخلت لجنه الامتحان واول لما مسكت الورقه معرفتش اول ربع ساعه تحل ولا كلمه وحاسس انك لو عملت حاجه هتبقى غلط
احساسك هيبقى ايه؟؟؟؟؟؟؟؟؟؟؟؟؟؟

marvellous كتب:: اوكى عشان خطرك بس يا اشرقت
وعلى العموم ساره حببتى هددتنى شويه
مشكووووووووووووورين على اهتمامكم
مشكووووووووووورين
وانا دلوقتى هديت
شكراااااليكم انتم الاثنين

الأخت المهندسة مارفليوس
أولاً : أنا أسف
ثانياً : أنا عارف أنك مش تقصدي بسي كنت بهدي الأمور بينك وبين المهندسة ساره
ثالثا: الموضوع هزار بس
وأنا أسف

وشكراً للأخت المهندسة أشرقت اللي كانت بتصلح في الأمور

إجابة السؤال:::::::::::::
حصلت معايا مره
الدكتور قال المقرر وعكس معانا وجاب لنا كل الأسئلة من خارج المقرر
والدفعه كلها (كانوا رجاله بمعني الكلمه يرعبوا العميد بصوتهم في كل اللجان)
في 5 دقايق في كل اللجان صوتها كان عالي
والدكتور العميد طلع لنا
وهدانا وقال أكتبوا في كل الأسئله ومحدش يسيب سؤال فاضي
أدور علي أي سؤال أكون عارفه والله مش لقيت ولا سؤال
كان ماده غريبه ودكتور غريب """"ربنا يسامحه""""
حاولني وكتبت وألفت في كل الأسئله ماعدا سؤال واحد
مفهمتش في أي حاجه وديت أول مره أسيب سؤال أبيض
وكان فيها مسأله ألفت لها قوانين يكون فيها كل المعطيات
وطبعاً يكون فيها الناتج!!!!
بسي كانت صدمه قاتله
وفعلاً نجحوا كل الناس في هذه المادة وجبت فيها جيد
وبالنسبة لرد الفعل: كنت بحاول أعرف الورقه عدلتها إزاي
اقلبها شويه مش الاقي فيها أي سؤال انا عارفه ...
أعدل ما فيش برضك أي سؤال أنا عارفه ....
ويعيني علي اللجنه الكل بيبص لبعضه ويضحكوا

الحمد لله

اللي بعدي جاوب علي نفس السؤال السابق؟

الرد على سؤال المهندسة اسماء
أكيد هدى نفسى فرصة اهدأ وحاول اجمع وأفتكر اللى ذاكرته لحد مااوصل
اللى بعدى تعمل ايه لو انت مستنى مجموع فوق التسعين وتروح تلاقى عندك كام ملحق؟
وفى الآخر تطلع لخبطة فى الأسماء!!!

ثانياً : أنا عارف أنك مش تقصدي بسي كنت بهدي الأمور بينك وبين المهندسة ساره
ثالثا: الموضوع هزار بس
وأنا أسف
جزاك الله خير يا أستاذ مازن نعم الأخ المسلم
وشكراً للأخت المهندسة أشرقت اللي كانت بتصلح في الأمور
الشكر لله وبعدين أنا بس ماكنتش عاوزة أى حد يزعل علشان مش مستهلة
وبارك الله فيك
مشكور

الأخت المهندسة مارفليوس
أولاً : أنا أسف
ثانياً : أنا عارف أنك مش تقصدي بسي كنت بهدي الأمور بينك وبين المهندسة ساره
ثالثا: الموضوع هزار بس
وأنا أسف

خلاص يا دكتور مازن
حصل خير
بس متهديش الامور تانى
هههههههههه
وخلاص طالما هو هزار مش مشكله
مشكوووووووووووووووور ع الرد
جزاكم الله خيرا

اللى بعدى تعمل ايه لو انت مستنى مجموع فوق التسعين وتروح تلاقى عندك كام ملحق؟
وفى الآخر تطلع لخبطة فى الأسماء!!!
_________________

طبعا هتصدم صدمه كبيره اوووووووووووى
ممكن انهار
وبعدين هعمل تصحيح ورق
وبعد ما طلع لخبطه
هيكون مش مشكله المهم خد حقى

اللى بعدى
تعمل ايه لو اتظلمت فى الدرجات جامد جداجداجدا
وفى الاخر ما خدش حقك وكانت سنه شهاده
وفى الاخر مجموع وحش ؟؟؟
هتعمل ايه

هعيد السنه ما انا مش هضيع تعبي يعني
بس هكون اتعس انسانه في الدنيا وهكون مخنووووقه من كل الناس حتي اللي بحبهم
والدكتور مازن انا لسه في ثانوي يعني مش مهندسه
هههههههههههههه
مشكوووور بس انا وبسمتي مفيش بينا تهديه النفوس دي
ههههههههه
اللي بعدي
تعمل ايه لو فجاه لقيت كل حاجه حواليك كدب
اصحابك معارفك كووووووووووول حاجه ؟؟

تعمل ايه لو فجاه لقيت كل حاجه حواليك كدب
اصحابك معارفك كووووووووووول حاجه ؟؟
للأسف هاكون أتعس مخلوقة
وعلى فكرة أنا مجربه الموقف دة وحاليا كمان
وكنت بجد فى حالة نفسية تحت الصفر
بس الحمد لله طول مانا مع ربنا وباحمده على كل شىء أكيد ربنا هاينصرنى
وأحمد الله تعالى أنى عديت خلاص المرحلة دى وبقيت فى أحسن حال والحمد لله
اللى بعدى تعمل أيه لو أتخدعت فى صديق عمرك بعد صداقة أستمرت 20 سنة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وااااااااااااو شكرا ليكى يا اشرقت
وربنا معاكى ويعينك انك تنسى كل اللى خدعك

اجابة السؤال

هنهار وهتعب
وعمرى ما هرجعله

وااااااااااااو شكرا ليكى يا اشرقت
ايه اللى فرحك أوى كدة يعنى
وربنا معاكى ويعينك انك تنسى كل اللى خدعك

الحمد لله أنا خلاص نسيت وربنا يسامح
هنهار وهتعب
وعمرى ما هرجعله
ليه عمرك ماهاترجعى؟؟؟؟؟؟؟؟؟؟؟؟
لازم تكونى متسامحة
وبعدين إذا كان ربنا بيغفر وبيتوب
أحنا العبيد اللى لالينا لاحول ولاقوة مش هنسامح
شكرا ياحبى على ردك

فين السؤال

طيب أسأل انا

تعمل أيه لو الكمبيوتر كان بيدخن وفي مقومات عماله تفرقع وانت قاعد جنبه؟
تتابع الموقف وتشوف الأسباب؟
ولا تجري بعيد عنه ؟

طبعا اجرى بعيد هو العمر بعزقه هههههه
سؤالى تعمل ايه لو قعت قدام جمهور كبييييييير جدا وكلهم ضحكوا عليك؟؟؟؟؟؟؟

همشي واسيبهم
هههههههه
هعمل ايه يعني
هسيبهم يضحكوا
اللي بعدي
تعمل ايه لو مره واحده الكمبيوتر والتليفزيون وموبايلك حتي تليفونك الارضي كووووووولهم باظوا
ها قولي تعمل ايه
اه ومش معاك فلوس تصلح حاجه اتصرف بقي

أقول الحمد لله

تعمل أيه لو شفت حرامي عند الجيران ومفيش أي وسيلة غير أنك تقاوم بنفسك!!!

ههههههههه
بما انى بنت يعنى فمفيش داعى اعمل نفسى شجاعة وأقاومه بنفسى
عشان كده يااما هحاول بهدوء ابلغ اى حد عشان يتصرف أوهصوت واللى يحصل يحصل.
اللى بعدى قبل ماتجاوب تخيل شعورك
لو فقدت بصرك فجأة وخلاص مفيش امل فى رجوعه؟