بدون مقدمات و لا حاجة .....
ساعات الواحد بيعمل حاجات بيبقى عارف انها غلط في حق نفسه أو في حق الله ,
و بيعملها برضه
و طبعا التوبة و الاستغفار مش كفاية ...
لأنه اتعود عليهم و كل شوية طالع نازل !!!
لكن ردة فعل كل واحد فينا بعد ما يعمل الغلط بتختلف ...
فيه واحد بيطنش و لا أكنه عمل حاجة !!!!
و واحد تاني بيتخنق من نفسه جدا ........ و يكره نفسه خالص و بيبقى مخنوق لدرجة كبيرة جدا , و محبط و يائس و حاجات كتيرة و ساعات بيتطور بيه الأمر انه يتمادى في الخطأ , عقابا لنفسه برضه و علشان خلاص بقى ... أصلها بايظه بايظة ....
كنت عاوز أعرف رأيكم , لما الواحد يغلط في حق نفسه أو في حق الله , إزاي يعاقب نفسه ؟؟؟
بحيث ما يكلفهاش أكثر من طاقتها و يصل إلى مرحلة جلد الذات , و في نفس الوقت ما يدلعهاش زياده عن اللزوم ؟؟
وجهة نظركم و رأيكم يهموني جدا جدا
تحيتي لكم .....