منتدى جامعة الأزهر
هذه الرسالة تفيد بأنك غير مسجل بالمنتدى تفضل بالدخول على اشتراكك ان كنت عضو لدينا او قم بالنقر على زر التسجيل لتصبح عضو معنا


منتدى خاص بجامعة الازهر للتعليم والدراسه من خلاله
 
الرئيسيةاليوميةس .و .جبحـثالتسجيلالأعضاءالمجموعاتدخول

شاطر | 
 

 6 إبريل يوم إضراب عام في مصر

اذهب الى الأسفل 
كاتب الموضوعرسالة
lazez2007
أزهري فعال
أزهري  فعال
avatar

عدد المساهمات : 72
تاريخ التسجيل : 18/09/2007
العمر : 31

مُساهمةموضوع: 6 إبريل يوم إضراب عام في مصر   الأربعاء أبريل 02, 2008 1:59 pm

--------------------------------------------------------------------------------

6 إبريل يوم إضراب عام في مصر



إتفقت كافه القوي الوطنية في مصر علي أن يكون
يوم 6 إبريل يوم إضراب عام في مصر

يوم 6 إبريل خليك قاعد في البيت
أو شاركنا فى الميادين العامة
أوعي تنـــــــــزل لكن شاركنا
ماتروحشي الشغل
ماتروحشي الجامعه
ماتروحشي المدرسة
ماتفتحشي المحل
ماتفتحشي الصيدليه
ماتروحشي القسم
ماتروحشي المعسكر
عايزين مرتبات تعيشنا
عايزين نشتغل
عايزين تعليم لأولدنا
عايزين مواصلات أدمية عايزين مستشفيات تعالجنا
عايزين دواء لأطفالنا عايزين قضاء منصف
عايزين أمن وأمان عايزين حرية وكرامه
عايزين شقق للعرسان
مش عايزين رفع أسعار
مش عايزين محسوبيه مش عايزين ظباط بلطجية
مش عايزين تعذيب في الإقسام
مش عايزين أتاوات
مش عايزين فساد مش عايزين رشاوي
مش عايزين إعتقالات مش عايزين تلفيق قضايا
قول لأصاحبك مايروحوش الشغل همه كمان وخليهم يدخلوا الإضراب

( حزب العمل المصري- حركة كفاية - الإخوان المسلمين - حزب الكرامه - حزب الوسط - حركة موظفيالضرائب العقاريه - عمال غزل المحلة - حركة إداريي وعمال القطاع التعليمي - نقابةالمحامين - حركة أستاذه الجامعات)

مسلمون ومسيحيون لصالح مصر





من ايميلى وهشارك فى الإضراب



عفوا : لاتخاذ مكان مناسب لكن لا بد من هذا وبرجاء نشر الخبر فى اكثر النتديات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
د/نور
أزهري فعال جدا
أزهري  فعال جدا
avatar

عدد المساهمات : 105
تاريخ التسجيل : 11/09/2007
العمر : 29

مُساهمةموضوع: رد: 6 إبريل يوم إضراب عام في مصر   الأربعاء أبريل 02, 2008 3:57 pm

يا جماعه والله اليوم هيكون قوي ان شاء الله
واشتارككم فيه هيزوده قوة عايزين قبل ظهر السبت 5ابريل نجمع كل اللي هيروحوا ونبلغ كل الاعضاء
وكل واحد ينشر الخبر في المدينه الجامعيه ولاصحابه وفي بلده كل مكان
والشباب يروحوا المساجد ويستغلوا يوم الجمعه الجاي
والتجمع ان شاء الله الساعه 9عند نادي السكه والكل هيلبس اسود وهنبدا نتجمع مع بعض بهدوء ولما العدد يكبر مش اقل من 50 فرد هنبدا نتحرك تجاه ميدان التحرير هياخد حوالي ساعتين مشي
بس طبعا طول ما احنا ماشيين العدد ان شاء الله هيكبر وناس كتير هتتشجع لما تشوفنا وهتنضم لينا
ياريت اي حد هييجي يلتزم بكل التعليمات المتفق عليها
انا وضحتها في قسم اخبار واحداث ومقالات
وما حدش ياخف من الامن خالص لاننا طالعين في مسيره سلميه
والامن مش هيدخل الا لو حصل شغب
طبعا كل واحد يلاقي حد جنبه يمارس الشغب يتجمعو حواليه ويمنعوه او يسلموه بنفسهم للامن حفاظا علي المسيره ولان ده شخص غير جدير بالاحترام
ياريت كل واحد يجيب معاه ورود علي قد مايقدر
لاننا هنسلمها لافراد الامن تعبيرا عن المسالمه

للعلم عدد كبير من القنوات المحلية والعالميه تنتظر اليوم بفارغ الصبر لذا لن يتدخل الامن الا اذا حدث شغب لان ذلك سيعطيهم العذر للتدخل

ممكن يكون في حرامية في وسطنا كل واحد يخلي باله من حاجته
ويلبس هدوم قديمه عشان لو اتقطعت ميزعلش عليها
مش هقدر انقل كل الملاحظات بس هتلاقوها في الاخبار واحداث ومقالات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
احمد العسال50
أزهري فعال
أزهري  فعال
avatar

عدد المساهمات : 60
تاريخ التسجيل : 14/08/2007
العمر : 29
الموقع : http://gm3tna.yoo7.com

مُساهمةموضوع: رد: 6 إبريل يوم إضراب عام في مصر   الخميس أبريل 03, 2008 2:15 pm

ليه ما اعملش كل ده
انا ليا طريق بامشى فيه
هدف لازم اوصل له
مش كلام زى كده هايعطلنى عن كل احلامى وطرقى اللى انا ماشى فيها

يا جماعه بلاش كلام اهبل وتافه
فكرو صح
البلد فيها ازمه اقتصاديه او غيره
ويا ريت الكل يعرف ان الاسعار والتوظيف وغير كده من المشاكل اللى انتو عمالين تعترضو عليها
موجوده فى الكون كله وبالخص فى الولايات المتحده
ليه مش نعمل الصح اللى بيعملوه
شاطرين بس نلبس زى مين
عايزين بيت زى مين وفلوس اغنى من مين
عايزين نشتغل
فيه ناس كتير بتشتغل ليه ما نكونش منهم
ليه دايما بنبص للنص الفاضى من الكوبايه



اعقلو شويه@#@#@#@#@#@#@#@#@
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://gm3tna.yoo7.com
فتاة الاسلام
أزهري فعال جدا
أزهري  فعال جدا
avatar

عدد المساهمات : 152
تاريخ التسجيل : 04/02/2008
العمر : 28

مُساهمةموضوع: رد: 6 إبريل يوم إضراب عام في مصر   السبت أبريل 05, 2008 2:39 pm

مش فاهمه قصدك ايه يا احمد يعنى لما تقابل ربنا ها تقو ل له ايه انا اتظلمت وسكت
فين اغتراضك يا شخص يا مسلم يا ايجابى
امريكا فيها بطاله وغلاء بس زى مصر
وبعدين فى فرق بين المرتبات المصريه والامريكيه ولا رأيك ايه
لو مثلا بصينا لماليزيا الاقتصاد فيها عامل ازاى
السنه اللى بابا مبارك قصدى تاج راسى مسك فيها الحكم فى مصر المحروسه
هى نفس السنه اللى مسك فيها مهاتير محمد رأسة وزراء ماليزيا ممكن تقول لى ماليزيا عامله ازاى دلوقتى
انا اسفه طولت عليك استحملنى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lazez2007
أزهري فعال
أزهري  فعال
avatar

عدد المساهمات : 72
تاريخ التسجيل : 18/09/2007
العمر : 31

مُساهمةموضوع: رد: 6 إبريل يوم إضراب عام في مصر   الثلاثاء أبريل 08, 2008 1:03 pm

لابد وان يكون هناك اخر للموضوع دة مش من الاضراب بس بس لازم يكون لينا واقفة على طول من اليوم لازم نحاول نغير لابد وان نتغير

نقطة الماء تنحت فى الحجر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
6 إبريل يوم إضراب عام في مصر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى جامعة الأزهر :: المنتدى العام :: أخبار وأحداث ومقالات-
انتقل الى: