&هذه.. مجموعتى..أعتز بها&

بص بقى يا احمد
بصراحه انا بقرا الاذكار وبصلى الفجر والسنن
يعنى تقريبا بعمل كل اللى اتفقنا عليه
ماعدا زياره المرضى والايتام
ده ان شاء الله هيكون فى الاجازه
لان الدروس والمدرسه مليا وقتى كله
والله بدعى ربنا انه يثبتنى
ويقدرنى انى انفذ كل اللى اتفقنا عليه
وعلى فكرة بصلى الفجر جماعه مع ماما كل يووووم
ومتفقين انا واصابى فى المدرسه نرن على بعض عشاااااااااااااان نصحى كلنا وناخذ الصوااااااب

بس كده


احم احم ياريت تطمنا عليك بتنفذ اللى اتفقنا عليه ولااااااا

الواحد مكسوف اوى من نفسه
بالنسبة لصلاة القيام ان شاء الله هبدا من بكرة
اما القرءان فده وحشنى جدااااااا كلام ربنا وانا مقصرة اوى انا مش بقرا غير سورة الكهف يوم الجمعة وحاجات بسيطة جدا من البقرة
اما الصيام فبعد بكرة انا صايمة باذن الله
اما الصدقة فعايزة حد يقولى أعطى لمين؟
اما الصلوات الخمس فالحمد لله انا مواظبة عليهم
اما السنن فانا بحافظ على 12ركعة بس فى اليوم اللى مبنزلش فيه
لانى لما بنزل مش بعرف اصلى بحرية برة البيت
اما اذكار الصباح والمساء واذكار النوم فدى روح المسلم فعلا
على الصبح كده يقعد يذكر ربنا؟مين قده؟
انا عارفة ان المستوى سىء جدا والواحد لو مات كده ربنا يستر عليه
بس انا باذن الله هتقدم
ربنا يجازيك ويجازى كل من شارك معاك عنا كل خير يااحمد

مشكووووووووووور يا أستاذ أحمد السؤال
وأنا بطمنك أطمن الحمد لله أنا دلوقتى مواظبة كويس أن شاء الله
مش فاضل بس غير زيارة المستشفيات وكدة يعنى لأنى بجد والله مش فاضية خالص
وأطمن أأحنا إن شاء الله مواظبين
باااااااااااااااااارك الله فيك

شكور والحمد لله انا صمت النهارده ودى حاجه مش صعبه خالص طالما مؤمنين بربنا ووثقين من عدله سبحانه وناوين نيه صافية بقلوبنا أننا نرجع لربنا بأعمال بسيطة جداً فى عمايلها بس كبيرة أوى فى ثوابها يبقى أكيد ربنا معانا وهايسعدنا وبارك الله فيك يا أخى وجزاك عنا كل خير
بجد والله العظيم أنا سعيدة بامجموعة الجميلة دى وخاصة أنى معايا مشرقة هاانم
مشكوور

مشكوور يا أستاذ أحمد ربنا يجعله فى ميزان حسناتك

آسفة جدا للتاخير
أنا والله مش قصدى اغيب كده عنكم
انا كنت ضايعة شوية اليومين اللى فاتو دول وحاسة انى بعيدة شوية عن ربنا
عشان كده قررت انى مش هدخل الا لما اقرب شوية عشان افرحكم معايا
انا ولله الحمد اليوم واليومين اللى فاتو كنت مواظبة على 12 ركعة سنة فى اليوم
والحمدلله الصلوات فى وقتها
اما القرءان فاليوم راجعت مراجعة جيدة جدا باذن الله حزب ونصف من سورة البقرة
وسورة آل عمران كاملة
أما عن الزى فى الخروج ودى حاجة اتمنى تضيفها يا أستاذ احمد وانا بحاول اوصل للافضل
لكن الصيام صعب شوية من ناحية انى بنزل كتير دروس او الامتحنات فحاول باذن
الله أبدا لانى فعلا بهبط جدا
اما الاذكار فلله الحمد بحاول احافظ عليها قدر المستطاع
صحيح المستوى مش كويس بس انا والله بحاول ارقى للافضل
ولا تنسونى من دعائكم
ملحوظة:ياريت تثبت لنا الموضوع ياأحمد لانى فعلا بدور عليه كتير
واحيانا بضطر انى اعمل بحث
وكمان عشان ينضم لنا افراد جديدة لمجموعتنا
ربنا يجازيك عنا كل خير

بالعكس يا أحمد بغض النظر عن انك شخص أهل جدا لتثبيت موضوعك
فالموضوع نفسه مهم جدا ومن العدل جداااااا تثبيته دون النظر لكاتبه أو مشتركيه
وحقيقى أنا سعيدة جدا بتلك المجموعة والحمدلله اتحسنت كتير والحمدلله مواظبة على السنن
واتصدقت امبارح انا أصلى كنت الاول بعتقد انى لما بدى لحد بيطلب يبقى انا كده
بساعده على التسول لكن انا هديه وثوابى على الله وعلييه هو الذنب
والقرءان باذن الله هكمل مراجعة البقرة عشان أفوز بالزهراوان
ولا تنسانى من دعاااااائك