هدايـــــــــــــــــــــــــــــة .

شوفوا بأه يا جماعة .. أنا كتبت شوية حاجات كده يادوب لسه امبارح بالليل ..

عاوز أشوف رأيكوا فيها ..

ومش عارف ان كانوا ينفعوا شعر ولا ايه .. اصل بصراحة انا اول مرة اكتب بالأسلوب ده ..

انا ببقى أكتب شوية حاجات كده مع نفسى لنفسى .. بس مش بالأسلوب اللى انا هاعرضه دلوقتى ..

يعنى بتبقى كنظام خواطر كده .. او مدونات ..

المهم .. نشوف مع بعض ..





-------------------------


هدايـــــــــــــــــة

(حوار بين النفس والقلب والعقل)





أكتب .. ولكنى ماذا أكتب

التبس الخيال بالواقع

وتداخلت الحقيقة بالباطل

وذهب العقل وقال ما الدافع

وصرخ بوخهى وقال أتعرف من الفاعل

قلت نعم أعرفه جيدا ولكن ليس هوه الشاغل

وسمع القلب كلماتى واضربت دقاته من الداخل

خاطبنى وقال لى يا ويلى من الماضى أو الحاضر

فهما انثنين لا أعرف الفرق بينهما الا من الظاهر

قلت له يا قلبى حتى أنت حزين الى وقتنا الحاضر

قال وكيف لا أحزن مع صاحبى الساهر الحائر

يجهدنى كل ليلة مستنفذا منى العواطف والمشاعر

يشركنى بهمه وكل مايدور بباله حتى فى أصغر الصغائر

فتدخل العقل مسرعا قائلا لا فأنا الأكثر ارهاقا منك ومن صاحبك المحاور

هو ايضا صديقى ولا يصدق شيئا الا اذا قلت له صادق

فأنا الذى اتدبر مايفكر فيه وفى كل الأوامر

أنا ميزانك الصائب المعاير

تزن به ان شأت ولا يعصى لك أوامر

فإن أخطات عذرا فأنت من وضع اللوائح والشعائر

وقمت بحفظها عندى وسميتها الثوابت والعوامل

التى لا طالما لم نجد غيرها بالأمس أو بالقريب العاجل



وظل القلب منتظرا حتى يفرغ العقل من شرحِ

وقال لى هكذا أنا وأنت تعرفنى طيب سمح مرهف الحسِ

تدق نبضاتى من أجلك للتو مسرعةً إذا علمت بحالك منشغلا وبالهمسِ

أعرف ان كنت حزينا أو فى السعادة منغمرِ

فإن جرحت فجرحى لك نقشٌ مرسومٌ على الحجر

منفردا لا مثيل له فهو يفنى ولا يزلِ

موجودا فى مكانه حتى يأتى الجارح منكسرا ليعتذرِ

فلما رأيت بقلبه البأس والندم لم أنتظر حتى يكمل العذر بالكلمِ

فأعفوا وأصفح فى الحال ويداوى الجرج للتوِ

وإن لم يأتى فلا أبالى وأحاول أن أنسى من هو الجانى

هكذا فطرنى المولى مغفرةً واقتداءً بالحبيب المصطفى الغالى

خير خلق الله والبشرِ

أرى العقل منتبها يريد أن يروى لى الأمرِ

ويذكر القلب بان له دورا لا ينسى ولا جدلِ

فى الإيمان بالله وملائكته والكتب والرسلِ

ومنهاج محمدا هو الحق للأبدِ



وظللنا على هذا الحال نتحاور طول الليل نتسامر

وتوصلنا الى أن هدى الله ليس لبعده هادِ

فإن رضى عنا فبإذنه قد توصلنا الى هُداه

وهذا هو مقصدنا جميعا يا أحباء الله



.

.

أنا


__________________________
(أخوكم فى الله محمد الأزهرى)

اقتباس :

ايووووووووووو كل ده يامحمد
شوف بجد انا قريتها ثلاث مرات علشان افهمها
كلاماتها جميله بجد
لكن حاسه ان فى معنى مش واصلى

على فكره معظم كتاباتى كده ..حتى لو كان كلام عادى _مش شعر يعنى_
(مش عارف ليه بتكون معقده )
ههههههههههههههههه

ويمكن هيا دى حلاوتها .. ان يكون فيها مغزى ..
وتحاولى تركيزى فيه عشان تطلعيه ..

اقتباس :

يعنى بدايتها روعه ونهايتها اروع

بس مش فاهمه الحوار الى كان فى النص مقصوده ايه من الموضوع ؟
هرجعلها تانى وهركز فيها شويه

الله يخليكى .. شكرا ع الكلام الجميل ده ..
مش عارف كتابتى تستحقها ولا لأ ..

برده مش فاهمه الموضوع بيتكلم عن ايه ؟؟


على فكره انتى قربتى توصلى للمعنى المطلوب ..
ركزى فى بداية الكلام وفى نهايته كويس..



وبرده ماقولتليش ده يعتبر شعر ولا ايه ؟؟

الكلمات جميله يا بروف

ماشا الله عليك



وجميل انك بتكتب بتلقائيه ما يمليه عليك قلبك

ومستنى هلتك علينا تانى يا ساااااااااااااااااااااااارة ..
وتقوليلنا ايه رأيك .. وفكرة الموضوع وصلتك ولا لسه ؟

وانت فيـــن يا احمد يا حسيـــن ..؟؟

بص يا بروف يا عسل
هو ينفع خواطر زى مانت قلت
وممكن نمشيه شعر هههههههه

Eng/kaboka كتب:

بص يا بروف يا عسل
هو ينفع خواطر زى مانت قلت

انت رأيك كده .. يعنى نودية فضفضه أحسن عشان الأعضاء تستفيد منه ..
وبالمرة نشوف رأي باقى الأعضاء ..

اقتباس :

وممكن نمشيه شعر هههههههه

ههههههههههههههههه
اااااااااااااااه .. شكلك كده بتاخد بخاطرى وخلاص ..
ماشى يا عم كابوكا ..

انا جيت تانى
ههههههههههههههه

شوف يامحمد انا دلوقتى مليش رأى خاااااااااالص
اصلى المفروض انى اروح الاول اتعلم اصول الشعر واصول اللغه
فمش معقوووول هحكم على القصيده وانا لسه محكوم عليا

ههههههههههه

اه والله العظيم
بس فكره القصيده وصلتلى نوعا مــــــــــا بس برده فيها غموض

بس حقيقى يامحمد والله الكلمات حلوه
ان شاء الله توالينا بالمزيد

جزاك الله خير

ههههههههههه
اهلا ساااااااااااااااااارة ..
منوره الموضوع تانى وثالت ورابع كمان ..

اقتباس :

شوف يامحمد انا دلوقتى مليش رأى خاااااااااالص
اصلى المفروض انى اروح الاول اتعلم اصول الشعر واصول اللغه
فمش معقوووول هحكم على القصيده وانا لسه محكوم عليا

ههههههههههه

اه والله العظيم

هههههههههههههه
ايوه بس أكيد بقى ليكى خبره فى موضوع الشعر ده ..
وخصوصا انك بتكتبى من فتره .. وكتابتك رائعه كمان ..

اقتباس :

بس فكره القصيده وصلتلى نوعا مــــــــــا بس برده فيها غموض

ههههههههههههه
برده .. طب ايه بس اللى انت مش فاهماه ..
او ايه الجزء اللى فيه غموض .. ؟؟
وانا ان شاء الله اوضحهولك ..

اقتباس :

بس حقيقى يامحمد والله الكلمات حلوه
ان شاء الله توالينا بالمزيد

جزاك الله خير

وجزاك مثله ..
وشكرا على رأيك فى الكلامات ..
وبالنسبه للمذيد ..ف مش عارف بأه انت كنت هاكمل ع النظام ده ولا ايه
ادعيلنا باه ..ربنا يسهلها معانه

اقتباس :

ههههههههههه
اهلا ساااااااااااااااااارة ..
منوره الموضوع تانى وثالت ورابع كمان ..

ههههههههههههههه
ده بس من ذوقك

اقتباس :

هههههههههههههه
ايوه بس أكيد بقى ليكى خبره فى موضوع الشعر ده ..
وخصوصا انك بتكتبى من فتره .. وكتابتك رائعه كمان

اااااااااااسكت يامحمد علشان محدش يسمعك بقى
مهو مطلعش شعر
ده انا هروووح اخبى كشكول الشعر احسن حد يشوفه
هههههههههه

اقتباس :

ههههههههههههه
برده .. طب ايه بس اللى انت مش فاهماه ..
او ايه الجزء اللى فيه غموض .. ؟؟
وانا ان شاء الله اوضحهولك ..

شووف يامحمد انا فاهمه المعزى من القصيده
يعنى الى فهمته ان قلبك وعقلك محتارين حيرانين وانتهت مناقشتهم ان مفيش راحه الا بالتقرب من الله وكدا
بس الحوار نفسه هو الى غريب بصراحه كنت فاكراه حوار لحاجه ثانيه
هههههههههههههه

اقتباس :

وجزاك مثله ..
وشكرا على رأيك فى الكلامات ..
وبالنسبه للمذيد ..ف مش عارف بأه انت كنت هاكمل ع النظام ده ولا ايه
ادعيلنا باه ..ربنا يسهلها معانه

ياااااااااااااارب يامحمد نشوفك كده شااااعر كبير
ولا حتى كاتب كبير
اقولك نشوفك اى حاجه كبيييييييييييييييره
ههههههههههههه

لا بجد ربنا يوفقك ان شاء الله
والله بدايه روعه ان شاء الله تكملها

انا هنا

بـــــــــــــــــــــــــــــــــــس



مش عارف اوصفك ازاى

انت كل حاجه حلوه جواى

انت سيمفونيه بتتعزف على ناى

.
.
مش ممكن يامحمد بصراحه

مافيش اجمل من كده براعه

انت فين من الصحافه والاذاعه



دا كله كان فين من زمان؟؟؟

كنت عامل فيها هادى وغلبان

دا ممكن تقول عليه

شعر بيقوله كروان

او

نثر بيتكتب من قلب انسان


الله عليك يا ( أزهريشن ) والله على الكلام الجميل ده
بس ياريت توضحه شويه
وبعدين حلوه اوى

الساهر .. الحائر

دى
.
.
وبعدين التوقيع ده...( أنا)
متهيألى شوته قبل كده فى حاجه بتيجى كل يوم أربع
هههههههههههههههههههههههههههههههههههههههههههههههههههههههههههههههههههههههههه
.
وأخيرا ياعينى عليا

كنت بسمع كاظم بتخصص

جه واحد حبيبى وقصقص

وخلانى ادور تانى وافحص

وكنت فاكر انى شاعر

شاعر ايه ماخلاص

هو فيه اجمل من كده شعر ولا نثر
واضح ان أنا مش هاتكلم فى أى حاجه تانى خالص
.
بــــــــــــــــــــــــــس
.
لسه فى حاجه عندى أمل اغلبك فيها

الكووووووووووووووووووووووووره



انتش
يامعلم

جامد يامحمد وطول عمرك جامد

بس ياترى أمام ابداعاتك ممكن أفضل صامد

يارب ساعدنى

سااااااااااااااااااااااااااااااااااعد
.
.
بس ياريت تفتكر مين اللى ....

خلاك تسمع كاظم تمللى
.
.
وقالك حاول تكتب شعر

دا الشعر يامحمد دا مش سحر
.
.
انتش
يامعلم

ايييييييييييييييييييه .. بجد و الله ؟
يا هار ابيض ..هو ايه اللى حصل فى المسابقه ده صحيح ..
امال انا اعمل ايه بأه ..
دا انا الحق نفسى بأه عشان محدش يشوفنى..
هههههههههههههههههههه


لأ بجد .. انا زعلت اوى ع اللى حصل ده ..
دا انتو تعبتو كتير والله ..
وفى الاخر يطلع كل ده مش شعر ..
يلا معلش .. ربنا معاكى ..و متيأسيش أبدا ..
ولا كل المتسابقين ..
مش مشكله انكم تتنقدوا فى البدايه .. المهم بأه تحاولوا تتعلموا و تدرسو
عشا تطلعوا حاجات احسن وأحسن ..

وبرده ماتخبيش كشكولك ولا حاجه ..
لأنك أكيد تعبتى كتير .. واجتهدتى كتير .. وده فى حد ذاته شئ جميل جدا..
وطلعتى حاجات جميله كمان ..

اقتباس :

شووف يامحمد انا فاهمه المعزى من القصيده
يعنى الى فهمته ان قلبك وعقلك محتارين حيرانين وانتهت مناقشتهم ان مفيش راحه الا بالتقرب من الله وكدا

يعنى قربتى توصلى .. ع العموم هاقولك
هيا مش حكاية راحة .. هيا المراد منها الهدايه للطريق الصحيح فى الحياة عامةً ..
والهداية فى الكتابه خاصةً ..
حتى انا عامل عنوانها هدايـــــــــة ..
ولو لاحظتى فى الأول .. هاتلاقينى كاتب ..
(أكتب .. ولكنى ماذا أكتب)
وفى النهايه .. كتبت بأه عن الهدايه اللى ربنا هايهديها لنا ان شاء الله ..
وان مفيش هدايه بعد هداية ربنا _سبحانه تعال_ ..
............. الخ
وان اى انسان فى الدنيا محتاج الهداية دى ..

على فكره برده انا كان ممكن اذود فيها كده حته فى الاخر .. عشان تكون واضحه اكتر
وأقول :-
(وسنظل نحيا ونكتب حتى ان هدانا الله)

اقتباس :

بس الحوار نفسه هو الى غريب بصراحه كنت فاكراه حوار لحاجه ثانيه
هههههههههههههه

ههههههههههههههههههههه
حاجه تانيه !!.. حاجه تانيه زى ايه يعنى ..
ااااااااااااااااه . لالالالالالالالالالا
عقلك راح لبعيد خالص ..

اقتباس :

ياااااااااااااارب يامحمد نشوفك كده شااااعر كبير
ولا حتى كاتب كبير
اقولك نشوفك اى حاجه كبيييييييييييييييره
ههههههههههههه

لا بجد ربنا يوفقك ان شاء الله
والله بدايه روعه ان شاء الله تكملها

ياااااااااااه ..مش عارف أقول ايه بعد دعواتك دى كلها
الله يكرمك يا رب .. ويا رب انتى اللى تكون شاعره كبيرة جداااااااااااااااااا..
وكمان احسن محامية فى العالم كله .. وتدافعى عن كلمة الحق ..

ونيجى باه نرفع اواضى عندك ببلاااااااااااااااش
ههههههههههههههههههههههههه
اوعى تنسينا بس ..

اقتباس :

انا هنا

بـــــــــــــــــــــــــــــــــــس



مش عارف اوصفك ازاى

انت كل حاجه حلوه جواى

انت سيمفونيه بتتعزف على ناى

.
.
مش ممكن يامحمد بصراحه

مافيش اجمل من كده براعه

انت فين من الصحافه والاذاعه



دا كله كان فين من زمان؟؟؟

كنت عامل فيها هادى وغلبان

دا ممكن تقول عليه

شعر بيقوله كروان

او

نثر بيتكتب من قلب انسان

اللـــــــــــــــــــــه .. ايه الحاجات الحلوه دى ..
بس للأسف ماقدرش اقول عليها شعر دلوقتى

معلش باه يا احمد ربا معاكوااااااااااااااااااااااااااااااااااا ..
زى ما قولت .. ماتيأسوش أبدااااااااااااااااااااا ..

اقتباس :

الله عليك يا ( أزهريشن ) والله على الكلام الجميل ده
بس ياريت توضحه شويه
وبعدين حلوه اوى

الساهر .. الحائر

دى
.
.
وبعدين التوقيع ده...( أنا)
متهيألى شوته قبل كده فى حاجه بتيجى كل يوم أربع
هههههههههههههههههههههههههههههههههههههههههههههههههههههههههههههههههههههههههه
.
وأخيرا ياعينى عليا

كنت بسمع كاظم بتخصص

جه واحد حبيبى وقصقص

وخلانى ادور تانى وافحص

وكنت فاكر انى شاعر

شاعر ايه ماخلاص

هو فيه اجمل من كده شعر ولا نثر
واضح ان أنا مش هاتكلم فى أى حاجه تانى خالص
.
بــــــــــــــــــــــــــس
.
لسه فى حاجه عندى أمل اغلبك فيها

الكووووووووووووووووووووووووره

ههههههههههههههههههههههههه
ماشى يا سيدى .. ربنا يقويك فى الكورة وماحدش يغلبك فيها أبدا ..
مع انى مش واثق برده اوى يعنى ..
زى ما انت عارف .. لو انا حطيت حاجه فى دماغى
ههههههههههههههههههههههههه



شكرا يا بوحميد .. انك شرفت الموضوع .. وشكراااااااااااا ع الكلام الحلو ده ..