هل جيلنا مظلوم؟!!!!!!!!!!!!!!!!!!!!

رغم اني لسه مسجله من اسبوع تقريبا لكن لفت نظري حاجه جميله اوي
علي المنتدي ده حاسه بصدق الكلام وانو طالع من القلب
حاسه ان عقليات واعيه هي اللي بتكتب
حاسه بروح اخوه بين الجميع بجد المنتدي ده جميل جدا
واصحابه اجمل وطريقه تفكيرهم نابعه عن وعي اسلامي
وعلشان كل اللي قلته ده فكرت اني اسألكوا سؤال محيرني
يا جمااااااااااااااااااااعه
هو احنا مظلومين عشان كلوا بيقول ان جيلنا جيل مستهتر ولا احنا كده فعلا؟
ماظنش ان احنا مستهترين او حتي هايفين لان فينا ناس كتير عقولهم توزن بلد
طب ليه بيقولوا علي جيلنا كده.........................................
وحاجه كمان عاوزه أسألكوا عنها
هي فعلا الحسنه بتخص والسيئه بتعم ؟!!!!!!!!!!!!!!!!!!!!!!!!!
ولو كده طب ليه الحسنه تخص والسيئه تعم كده يبئي في ظلم........
دوشتكوا بالكلام الكتير معلش بس أصلي بصراحه استريحت لكل اللي موجودين هنا
ففكرت اني اسألهم عن اللي بيدور في بالي وأملي انكوا مش تزهئوا
أصلي عندي حاجااااااااااااااات كتير عاوزه أسألكوا عنها بس هخليها لفرصه تانيه

على فكره موضوع مهم جدا وانا مش عارف ليه الناس لسه مردتش عليه بس انا هحاول على قد ما اقدر انى اوضح اى جزء من كلامك
الجيل بتاعنا ده نادر انك تلاقى فيه حد جاد فى التعاملات لان الشباب دلوقتى كل همهم فى الحاجه اللى تضيع وقتهم وخلاص وانا يا جماعه مش بعمم انا بتكلم على المستهتر بس علشان محدش يزعل منى .
ونقطه ان الحسنه تخص والسيئه بتعم دى حقيقه هيا اى نعم فيا ظلم جامد
بس هنعمل ايه بقا هيا الدماغ كده مع انهم بيقولو (اللى ياكل على درسه بينفع نفسه) فى كل حاجه كويسه كل واحد بينفع نفسه وفى كل مصيبه الكل بيروح فى الرجلين . ليه مش كل واحد يشيل هم نفسه فى المصايب زى مابينفع نفسه فى الخير . موضوع ملوش حل بصراحه
اسف لانى طولت عليكى بس الواحد لو فضل يكتب ويتكلم مش هيلاقى نهايه
وياريت نشوف منك موضوعات جديده.
(بهاء القلب العاشق)

اختى ساره
اولا نورتى المنتدى ويشرفنا طبعا اننا نشاركك فى الاسئله اللى بتدور فى دماغك
اولا احنا مش جيل مستهتر بدليل ان معظمنا الحمد لله وصل لهدفه بفضل اصراره
لو كنا مستهترين مكناش عملنا كده
بس للاسف كتير منا مش حاطط ده فى دماغه عايش الحياه بالطول والعرض زى ما بيقولوا
وده اللى مولد الفكرة دى عند الناس
لان الحسنه بتخص والسيئه بتعم
ووده ملوش اسباب غير اننا اتعودنا على كده ودى مشكله انا شخصيا كنت بعانى منها
باختصار احنا مش بنقدر نحكم على المواضيع مش بنعرف نوصل للمذنب فبالتالى الكل مذنب
عدم السيطرة على مقاليد الامور هى اللى وصلتنا لكده
والله هو موضوع كبير بس يعنى ده جزء من وجهة نظرى
ومشكورة يا ساره على اول مشاركاتك الفعليه

ساره اكيد احنا جيل مش مستهتر
بس زى مافى حلو فيه وحش
يعنى فى ناس كتير مستهترين
وفعلا السيئة بتعم عشان كده اتقال علينا مستهترين
والدليل على كدة لما الرماه فى غزوه احد خالفوا اوامر الرسول صلى الله عليه وسلم المسلمين كلهم اتهزموا
اتمنى انى اكون افدتك

شكرا ليك بهاء بجد انا سعيده بكلامك وفي كتير من كلامك مقنع جدا شكرا لمرورك

ياااااااااااااااااااااااااااه أميره المنتدي بنفسها والله ده انا ليه الشرف مشكوره كتير علي مرورك

ده انت اللي زوق يا بشمهندس وعلي فكره انا بحترم وجهه نظرك جدا وبئيدك كمان في حاجات كتير

اهلا بيكى معنا على المنتدى
اولا الجيل بتاعنا مظلوم فعلا عارفة ليه بسبب الظروف المحيطة بيه يعنى ارتفاع الاسعار والمغالاة فى المهور وحاجات كتير يعنى الشاب منا بيسافر عشان يحصل غلى فلوس ويتجوز ويفتح بيت طيب تعالى نشوف الناس اللى سافرت ايطاليا ومات منهم الكتير وطلعوا يقولوا عليهم هجرة غير شرعية طيب ليه حتى الكتير منهم باع بيته وارضه عشان مجرد حلم يا عالم هيتحقق ولالالاء طب لو كان فتح بيهم مشروع فى بلده بردك الضرائب مش هتسيبه فى حاله يعنى الشاب منا يعمل ايه يا جماعة احنا والله مظلومين بس يعنى الواحد بيعمل عليه وربنا عالم بينا

على فكره انتى عارفه الناس بتقول علينا مستهترين ليه

لانهم بيقولو علينا مش اد المسليه بس بالعكس احنا فينا نا والله زى الف وتتحمل برده المسليه
بس ده زى مابيقولو فطره

شكرا ليكي ساره بوسي وتصدقي فعلا اسمك علي اسمي
هههههههههههههههههههههه
وشكرانورهان علي كلامك

عندك حق يا strikبس هو يعني كل هدف الشباب انهم يجمعوا فلوس
علشان يتجوزوا بس انا معاك في ان الجيل فعلا مظلوم في النقطه دي

علي فكره ياطير انا متأكده ان فينا ناس زي الفل بس تقول لمين بئي
مشكور لمرورك

بجد انا سعيده جدا بمرورك يا احمد وعلي فكره كلامك جميل جدا ومشكور علي المعلومات التاريخيه المهمه اللي افدتنا بيها

كلامك جميل يا ساره
وموضوعك رائع
بسي فقط عند ملاحظة بسيطه
لازم نسأل نفسنا
إحنا أهملنا في حق كل مكان أعطي لنا ولا لا ؟؟
وإن كنا مستهترين ولا لا في أي عمل يطلب منا ؟؟
إن كنا مقصرين ولا لا في واجبنا نحو زملائنا ومجتمعنا ولا لا ؟؟
إن كنا لينا نشاط بيظهر أهميتنا ووجودنا ولا لا ؟؟
ممكن يكون جيل كل إبداعات ولكن رافض أن يقول أنه موجود
رافض يعبر عن نفسه لأنه
حاسس أن زي الجماد زي الكرسي في المجتمع
زي الطوب والحجارة وإن كانت الحجارة بيستخدمها شباب فلسطين فهي كده أصبحت أهم من جيلكم .
الكلام دوت لا ينسب إلا لمن لا يريد أن يعطي ويقدم ما يفيد زملاءه في المجتمع. ومن أعطي فهذا الكلام ليس موجه له
وانا أعتبر كاتب هذه الموضوع من أول من لم يعطوا ويقدموا وفقط لسانها يقول ويتكلم ولكن تقدم عملا ... لا ... لم يحدث أن قدمت عمل ..
وربنا يسامحها ويسامح جيلها ... أحبطوني....

انا بحترم وجهه نظرك sakr
بس انا بئي اللي عندي ملاحظه صغيره
اولا
لو كنت قرأت كلامي كويس كنت عرفت اني بستنكر اتهام الجيل اللي قبلنا باستهتار جيلنا واستفهامي كان عن سبب اعتقادهم كده
رغم ان فينا خبرات يعني
دي اولا
اما ثانيا بئي
فبالنسبه لاهمال بعض الناس في بعض الحاجات اللي بتطلب منها
فدي شئ طبيعي في ظل نمط الحياه السريع اللي احنا عايشين فيه انهارده
وخصوصا اذا كان الشئ المطلوب عمل تطوعي مش الزامي يعني
وبالنسبه للكرسي هههههههههههه
فراي فيه بسيط جدا
لما ربنا يكرم الانسان علي سائر المخلوقات يبئي مش من حق حد انو يحولوا لكرسي ههههههههههههههه
حتي لو غلط طب ما ربنا كرمنا وهو عارف اننا هنغلط
فبلاش حكايه كرسي دي
وثالثا
الله يسامحني!!!!!!!!!!!!!!!!!!!!!!!
والله يا ريت ومشكور عالدعوه الحلوه دي
لكن لو القصد شئ تاني يبئي لا والف لا
وبعدين مين قال اني مقدمتش عمل
هو لازم لما اعمل شئ مفيد انشره للناس كلها!!!!!!!!!!!!!!!
انا عن نفسي مش بحب كده علشان محسش بالرياء في يوم من الايام
لو الناس عرفت مش بفضل انها تعرف عن طريقي
وبالنسبه للاحباط فليه كده لازم يكون عندنا امل
وبعدين مش انت لسه قايل ان ان الجيل زي الفل
طب ليه الاحباط بئي
راااااااااااابعا
واخيراااااااااااااااااااااااااا
مشكور علي مرورك
وهتنور المنتدي

يا ريت اى حد يفهمنا ليه الحسنه بتخص والسيئه بتعم
(بهاء القلب العاشق)

شوفتى اننا مظلومين ازاى انا بس محتاجين فرصة نثبت فيها انفسنا مش اكتر
والله معظم الشباب لديهم افكار بجد عالية اوى لو استخدمت صح فعلا هنكون حاجة تانية خالص

والله يا قلب يا عاشق انا طرحت السؤال وعلي فكره في ناس كتير وضحت رايها في مبدأ الحسنه بتخص والسيئه بتعم مشكور يا عاشق علي متابعتك

نور الهدي
والله أول ما لئيت رسالتك متعرفيش أد ايه فرحت
بجد انا سعيده جدا لمرورك
وفعلا افدتيني كتير بكلامك
شكوووووووووووره نور الهدي

يه يا عم strike
انت شكلك فهمتني غلط
والله انا مقتنعه مليون في الميه ان شباب جيلنا مظلومين
بس كنت عاوزه اخد رايكم لان راي كل فرد عالمنتدي ده يهمني
وبجد strikeانا بكون سعيده جدا بمشاركتك