هذه حكايتى (جرح حقيقى لمن يهمه الامر)

هذه روايتى كتبتها بدمعى فكيف لا يبدو صدقى فيها
هى المرة الاولى اشعر فيها بطعم الحب
ولوعة الفراق
تجارب المحبين على مر الزمن عشتها بين يوم وليلة
رغم حداثة عهدى الا انى كفرت بالحب ولكن امنت بعذابه
شكرا لردك ومرورك الكريم ولكن رجاءا
ان كنت لامحالة داعيا لى
فادع لى ان يعود قريبا فانا ساظل مخلصة لحبه
اول دقات قلبى كانت له واخر انفاس لفظها قلبى كانت له
من اليوم انتظر عسى يحيا قلبى ثانيا بحبه
اللهم صبرنى وقوينى وهب لى من عندك طمأنينة
بك أثق ربى أنه سيعود فقط لنسكن فى قصرنا الذى بنيناه

أية الأحساس العالي دا يايوكو واضح إنك مركزة في الوصفية جامد ربنا يوفق يايوكو ويحقق لك كل اللي في بالك

بتتريق يا رامى ؟؟
هههههه
مقبولة
شكرا لدعوتك
انا الحمد لله احسن
وادعيلى بجد اركز فى الوصفية
شكرااا لمرورك

يوكو ماهذا
تشجعى يا يوكو ايه ده متبقيش رهيفه كدا يا يوكو لسه قدامك بدرى اوى اوى
واكيد لو مارجعش هتلاقى غيره كتيييييييير

ربنا يصبرك انا حاسس بكلامك وحاسس بشعورك والله

شكرا ليك يا كابوكا
انا بجد مش رهيفة خالص بس اول مرة احس بالضعف
ممكن يا كابوكا تقول يرجع بلاش غيره دى
شكرا لاحساسك بيا
يا كابوكاااااا

وادعيلى

العفو يا يوكو ومتقلقيش هدعى لك
بس اكيد لو هو بعد بمزاجه يبقى ميستهلش

للاسف لو بعد بمزاجه كنت طبعا هنساه مع انه ميتنسيش
انا حاسسة اننا الاتنين ضحايا

ربنا يتولانا
شكرا تانى يا كابوكا لاهتمامك

ربنا يصبرك يا اية

والله انا شايفة انه لو يستهل حبك مكانش هيبعد عنك بس ممكن تكون هناك ظروفه اجبرته على ذلك فبردك فكرى هل هو فعلا يستاهل هذا الحب منك ام لا وفى الاخر اتمنى ليكى حياة سعيدة

ان شاء الله يا ايه هو لو بيحبك بجد هيرجع ومش هيهمه اىظروف المهم انه يحافظ على حبه ولو ليكو نصيب فى بعض محدش يقدر يفرق بينكم
ربنا يوفقك

بسمة امل كتب:

والله انا شايفة انه لو يستهل حبك مكانش هيبعد عنك بس ممكن تكون هناك ظروفه اجبرته على ذلك فبردك فكرى هل هو فعلا يستاهل هذا الحب منك ام لا وفى الاخر اتمنى ليكى حياة سعيدة

انا واثقة انه يستحق حبى ما دمت قد منحته اياه
بالفغل هى ظروف اسال الله ان تزول
وشكرا لامنيتك ورايك يا طيبة

yoyo89 كتب:

ان شاء الله يا ايه هو لو بيحبك بجد هيرجع ومش هيهمه اىظروف المهم انه يحافظ على حبه ولو ليكو نصيب فى بعض محدش يقدر يفرق بينكم
ربنا يوفقك

انا
واثقة
من
حبه
ده اكيد
بس مش اى حد بيقدر يكسر ويتحدى اى ظروف وعلى الجانب الاخر مش اى ظروف نفدر نتحداها
هو اكيد بيحافظ على حبه
واتمنى بجد ان يكون لنا نصيب
ادعيييييييييييييلى

على فكره دى اول مشاركه ليا وبصراحه كلامك اثر فيا بس لو انتى عايزه نصيحه من اخ . طالما هوا اللى اختار بلاش ترجعى له حتى لو كان ده حلمك زى مانتى بتقولى .طالما ده حصل مره يبقى هيحصل تانى وتالت
وبعدين الدنيا مش هتقف عند النقطه دى ولازم تكملى من غيره هوا ده حال الدنيا وبصراحه مش عارف اواسيكى ولا اشجعك وربنا يصبرك.
(بهاء . القلب العاشق)

شكرا ليك يا بهاء واهلا بيك فى اول مشاركة
وده شرف ليا انها تكون فى موضوعى
ونصيحتك انا اعتز بيها كتير
بس احب اوضح حاجة
انه مش عارفة اقول للاسف وللا الحمد لله لكن هو طبعا مش باختياره
اكيد لو كان باختياره كنت هحاول انساه حتى لو ضد رغبتى
الحقيقة انه فى طرف تالت بيننا وكان بيهدد
والامور احسن دلوقتى والحمد لله
اسال الله انه يبعده عنا ويقدر لنا الخير حيث كان
شكرا لاهتمامك

أختى سامحينى
ولكن أظن أن الحب وهم يعيشه شباب اليوم أظن أنه شئ زرعه الغرب فينا فأثمر حنظلاً بل هو أمر.
أظن أنه ليس هناك حب بين شاب وفتاة قبل الزواج.
وأرجو إن كلامى ما يزعلش حضرتك ولكن هذا ما أظنه وهذا رأيى وهذا ما أنا مؤمن به.

سيف-الاسلام كتب:

أختى سامحينى
ولكن أظن أن الحب وهم يعيشه شباب اليوم أظن أنه شئ زرعه الغرب فينا فأثمر حنظلاً بل هو أمر.
أظن أنه ليس هناك حب بين شاب وفتاة قبل الزواج.
وأرجو إن كلامى ما يزعلش حضرتك ولكن هذا ما أظنه وهذا رأيى وهذا ما أنا مؤمن به.

اولا لا داعى لطلب المعذرة
فانا احترم واعتز بكل راى وانت رايك يستحق الاحترام
شكرا اولا لعرضه
ثانيا :اكيد الحب اللى ممكن يبقى فيها مخالفات شرعية حرام قطعا
بس انا عتقد ان الحب الطاهر كمشاعر نبيلة الانسان بيعيشها وفى النهاية بيبقى مصيرها ونهايتها شرعية مفيش منه اى مانع بالعكس ده بيبقى اكتر حاجة تقوى الانسان على اكمال حياته
الحب ده حياة الانسان بيفضل دايما يدور عليه ومن غير حب دايما بيبقى حاسس ان حاجة ناقصاه

بشكرك مرة تانية واوعى تفتكر ابدا ان رأيك ممكن يزعلنى

فعلا مؤثر جدا يا يوكو
بس نقول ان دى سنة الحياه
ونقول الحمد لله
وياااااااااارب تركزى فى الوصفيه

مااااااااااشى يا اكرم
بقى سنة الحياة بجد هى الفراق ؟؟؟

الحمد لله على كل حال ونعوذ بالله من حال اهل النار
انا الحمد لله دلوقتى كويسة خالص وبعيش الحمد لله ايام متتعوضش
بس مش كنت تدعى بدرى شوية يا اكرم....!!!!!!! هههههه
عموما اللهم امين الوصفية بردو محتاجة ابتهال
والتكامل بقى معاك محتاج كمان دعوة ههههه
طمع بقى
مشكوووووووووور ياهندسة على ردك

ياه ليه الفراق ده بس اوحش حاجة فى الحب الفراق
بس بردك مع الايام الواحد منا بينسى

STriKe كتب:

ياه ليه الفراق ده بس اوحش حاجة فى الحب الفراق
بس بردك مع الايام الواحد منا بينسى

عندك حق يا STrike رغم كل شئ الواحد بينسى مع الايام
بس الاحلى انه يفضل مع اللى بيحبه مش كده؟؟؟
لانه فعلا اوحش حاجة فى الحب الفراق

الحمد لله
الاوضاع فى تحسن

شكرا يا طيب على مواساتك
وادعيلى

انا سعيده جدا ان الاوضاع بدأت تتصلح ويارب يارب كل الناس اوضاعها تتصلح واشوف كل الناس في سعاده وبصراحه عندك حق مش سهل تنسيه بس انتي شكل شخصيتك قويه وانا متأكده انك هتعدي من المحنه دي علي خير وتكوني أقوي انشاء الله