قوم وشغل دماغك شوية

قاعدين فى البيت بقالنا كتير
وحياتنا محتاجة تغيير

الشارع زحمة وطوابير نفسى اخلع من الزحمة واطير
انت لسة واقف مكانك
لازم بكرة يبقى احلى
التغيير دى حاجة سهلة لو خططنا وركزنا
من الصبح فى مشواير وعلى طول ماشيين
عينى جت فى قهوة قولت نقعد نشرب حاجة بدل ما احنا عطشانين

شوفنا كل الناس قاعدة فاضيين عينهم على الدش ومشغولين


قولتهم انتم مين قالوا احنا الفاضيين
قوموا اعملوا حاجة
هتفضلوا كدا وتعدى عليكم السنين

لازم تحسبها صح وتفكر تفكير سليم
تانى ماشيين فى الشارع بعد زحمة المرور
جمبنا مدرسة عيال بتهرب من على السور ومحدش بتفرق معها الغياب من الحضور

المدرسين والناظر كام عصيانهم اشكال و الوان
اللى غاب يبقى عندة زكام واللى تعبان فى الفصل ونام
سالت نفسى العيب عيب مين الطلاب ولا المدرسين

وعلى العوم احنا ماشييتن الف باء تاء ثاء جيم
تا هيين فى الشارع مش لاقييتن حاجة غير فرح قصد عيينا

يالف نهار ابيض يا الف نهار مبروك
اب بيجوز بنته لرجل قد ابوة
والبت فى اعدادية وكان نفسها تكمل حقوق
طب وذنبه اية الطفل اللى هيجبوه
انت بتفكر تفكير قديم
البنت زى الولد ليها حق فى التعليم

لازم نتغير التغيير فكرة جملية
قوم بقى وكفاية
يا محروس
انت هتتغير امتى

عندك حق يا محمد فى كل كلامك

بصراحة الشباب حالهم مؤسف جدا ً

بس الحمد لله فى تقدم يعنى

بس الواحد يبدأ بنفسه

وبعدين بأهل بيته

علشان نوصل للمجتمع المسلم

يعنى كلنا مطالبين بالتغيير

اصلح نفسك وادعوا غيرك

ما انا بدات اهو
بادعو غيرى
ولا يعنى انا كاتب الموضوع لمين

انا عايزةاضيف حاجةصغيرة بس كبيرة
قال تعالى ( إن الله لا يغير ما بقوم حتى يغيروا ما بانفسهم )

الحمد للة يا بشمهندسة
احنا بنحاول نغير من انفسنا وندعوا الاخرين الى الاصلاح
وشكرا على ردك

على فكره دى اغنيه بس مش عارفه لمين وكليب حقها كله كرتون حتى اسمها لازم بكره يبقى احلى
بس موضوع جميل

ههههههههههه
ماشى يا نارمان
انتى الوحيدة اللى عرفتى انها اغنية
بس هى لفريق m_t_m

ايوه هى mtmافتكرت على كل حال موضوع مميز بس اوعى تكون زعلان علشان كشفتك ههههههه

كويس انك عرفتى
مين اللى قالها