يوم الامتحان .... يهان المرء او يهان

ازيكم يا جماعه
موضوع بقى نص كم شويه
بس عادى طنشوا
ندخل فى الموضوع
طبعا كلنا طلبه
او معظمنا كنا طلبه واكيد كلنا امتحنا حاجه بالعقل يعنى امال نجحونا ازاى
المهم
طبعا كل واحد له طقوسه قبل الامتحان
يعنى بتحب تعمل ايه قبل الامتحان فى ليله الامتحان يعنى
وحصل موقف معاك ايه قبل كده فى ايام الامتحانات دى

وفى الاخر ربنا يسترها معانا وننجح السنه دى

ههههههههههههههههههه

ماشى ياحمد

بجد انا هذكر موقف حصل السنه الى فاتت معايا فى الامتحان

كنت فى امتحان المنظمات الدوليه وفتحنا ورقه الامتحان وووووووووو

وحقيقى مكنتش عارفه الا اجابه سؤاللين من امتحان فى خمسه اسئله

وحتى اجابه السؤالين مش نموذجيه اوى يعنى

انا لفقيت البنات حوليا الى بتعيط والى ا لى نامت والى مشت من اللجنه خالص

روحت ماسكه الورقه وقريت الاسئله واعد االف فى الاجابات

اصلى انا مؤلفه قديمه هههههههههه

لا بجد لقيت نفسى بكتب كتير اوى استغليت راس السؤال وعممته بالمعلومات العامه اللى عرفينها ومليت الورقه هههههههههه

ونجحححححححححححححححححححححححت


سبحان الله

هههههههههههههههههههه..

مش قلت لك يا بنتى انتى مش سهله..

يعنى المفروض انك يعنى تقعى فى الماده دى بس علشان دمااااااغك عرفتى

تبهرى الدكتور واكيد جبتى تقدير كماااااان..ههههههههههه

عموما منكم نستفيد وده برده يخلينى أأكد واقول

(ذ..كـ..يـ..ـــه)

شكرا لمرورك يا ساره..بسش نعمل الحركه دى السنه دى ماشى..ههههههه

ربنا يسترها عليكى وعلينا وعلى كل اعضاء المنتدى..

بس مقلتييش يا استاذه الطقوس اللى قبل الامتحان وليله الامتحان

وبتنامى ولااااااا نص نص..

انا حصل معايه موقف عمرى ما هنساه مع انه من زمان بس لسه فكراه
نقلت جدول الامتحانات خلط مش كله بس بدلت يوم مكان يوم المهم فى ليلة الامتحان عماله اراجع الماده على اساس انى امتحنها بكره ورحت المدرسه بدرى والمفاجاءه كل البنات مسكين ماده تانيه خالص ياااه انا طبعا اتخطيت بس علشان جيت بدرى رجعت الماده والحمدلله دخلت الامتحان وحليت اللى ربنا قدرنى عليه وجبت درجه كويسه فى الماده وشكرا على موضوعك

ههههههههه
الامتحانات دى هههههه حبى الوحيد هى سهر الليالى هاقولك بقى
انا النهاردة كان عندى امتحان وتقدر تقول امتياز انشاء اللة
الهم انا بقى باعشق التدوين وتلخيص الافكار الرئيسية للموضوع وطبعا الشرح بيعتمد على فهم المادة وعمرى ما كنت باحفظ
والحمد للة انا ممكن ليلة الامتحان اقرا المادة كلها وتانى يوم تلاقينى فيها تمام احلى من الى كان بيحضر وبيذاكر فيها من اول يوم
كمان انا مش باحب السهر الكتير ليلة الامتحان واصلا مش باعرف انام
بس هاقولك موقف حصل معاى فى اولى كانت مادة الاحصاء واصلا القسم بتاعى كلة ادبى ومش فاهم حاجة فى الرياضيات
ماعلينا يوم الامتحان قالوا احنا مش فاهمين حاجة قولتهم طيب واللى يقولكم الامتحان
قالوا حبيب
قولتهم المسالة دى ودى ودى
واللة هى بالفعل كانت الامتحان ومعظم القسم جاب فيها امتياز وجيد جدا
ومن يومها وانا باتوقع اسئلة الامتحانات وعمرها ما طلعت معاى غلط
الحمدللة دة من فضل ربنا عليا ورضا امى عنى ودعائها الدايم ليها ربنا يخليها
بس نصحية كتر الاسئلة والتدريب عليها بيخلى الواحد يقدر يعرف اكبر قدر ممكن من المعلومات
كمان الاخوة بتوع الثانوى ربنا معاهم
عليكم بحل اسئلة الكتاب المدرسى والمرشد واللة الامتحان لن يخرج عنها واسالوا مجرب
شكر ا يا احمد على الموضوع

شكرا يا زمزم وان شاااااااااااااااااء الله يا ست الكل ميحصلش كده السنه دى كمان

وربنا يسترها..وتانى مره ابقى لى بالك يا شاطره واتى بتنقلى الجدول انتى

فاهمه.

شكرا على مرموك يا محمد وعقبال المواد التناهيه يا ستى وكويس اننا اتطمنا

عليك..وشد حيلك فى المواد الجايه

انا هتججن و افهم انا نجحت السنه اللى فاتت ازاى
انا ما حضرتش و لا يوم
و ما رضيتش اروح اجيب النتيجه
لانى اساسا ما كنتنش عايز تجاره دى

و بابا قال لى خلاص
انا اللى هروح اجيب النتيجه
قولت له يا سيدى انا ساقط ساقط ومش هدرس الا مزيكا
قالى مفيش مزيكا يعنى مفيش مزيكا

و مش هتكمل غير فى تجاره

و بابا راح جاب النتيجه

و طلعت ناجح
ازاى ؟؟؟
مش عارف

الحمد لله انك نجحت ومكملتش مزيكا

ههههههههههههههههه
ستى اية بس يا احمد انا ولد
يا احمد
عادل هو فية تربية موسيقية فى الازهر
بردك

ايوة يا محمد المعهد العالى للموسيقى بيقبل طلاب الازهر

كويس والله وانت كمان يا محمد ناوى تقدم ى معهد موسيقى..طيب كويس

ههههههههههههههههههههه
موسيقى اية بس يا عم احمد
انا باسال عادل بس
وبعدين اى مكان عادل بيكون فية يبقى جنة
واللة

ربنا يوفقنا كلنا يا رب فى الامتحانات

بس انا افتكر مره السنه اللى فاتت و كان عندى امتحان
و انا لذاكر بالليل النور قطع
فجومانه قامت ضحكت و قالتلى "
يوم الامتحان ...

قولتلها يكرم المرء او يهان و ان شاء الله هيكرم اسكتى بأه

هههههههههه
وقتها بصراحه ضحكتنى جدا
و كل ما النور يقطع و احنا بنذاكر نقوم نقولها مع بعض "يوم الامتحان يكرم المرء او يهان"

برضه السنه اللى فاتت كان عندى امتحان انجليزى و دايما بخاف منه
فبسهر اوى ليلة الانجليزى
فلما سهرت و ما كنتش خلصت كمان سهرت اوى نمت بعد الفجر تقريبا و قلت لماما و بابا و كده صحونى الساعه 7
هما بأه صعب عليهم يصحونى و سبونى نايمة و صحونى ع الامتحان بالظبط

بقيت اعيط و اقولهم ازاى ما تصحونيش انا ما خلصتش و بابا يقولى يا هند هتحلى ما تخافيش و انا كنت منهاره وقتها هههههههههه

بس الحمد لله الامتحان عدا و كل حاجه بتعدى و مواقف الامتحان كتيره جدا
بس ربنا يوفقنا كلنا و يكرمنا ان شاء الله فى الامتحان

و شكرا ع الموضوع لانه حلو و مناسب جدا دلوقتى

متخافيش يا هند واللة الانجليزى دة حبيبى
دايما اجيب فيها جيدجدا والجامعة اسهل حاجة فيها الانجليزى

مااااااااااااااااااشى يا ست هند..وحمد الله على سلامتك.احنا عارفين انك منهمكه فى المذاكره والامتحانات ربنا معاكى يا اختى..وربنا يسترها والنور ميقطعش ونشمت فينا الست اختك وربنا يعديها وتبقى ليله منوره ان شااااااااااااااء الله وشكرا لمرورك يا ست البنات

ايه ده ايه ده احنا بنخاف من الحسد ولا ايه يا ابله هند عموما مااااااااااااااشى يا ستى ربنا يوفقنا كلنا فى الامتحانات وكماااااااااااااان الست جومانه يا سلاااااااااااااااام دى الخير والبركه

ههههههههههههههه انا كمان كدا كنت قلقان اوى يوم السبت بليل لغاية الساعة 6 مش عارف انام وخلاص لازم اخرج عشان انزل للكلية وبجد كنت مرعوب من المادة دى خصوصا انها ارخم مادة والكتاب كلة مقرر
بس الحمد للة طول زمن الاجابة وانا ماسك القلم اللهم لاحسد هههههههههههههه
والورقة خلصت وكتبت على الغلاف الخارجى لورقة الاجابة والعميد والدكتور نفسة بتاع المادة كانمبسوط اوى منى
وقالى يا ابنى قوم بجد الورقة بتقولك ارحمنى هههههههههههههههههههههههههه
والحمد للة انا دلوقتى تمام وعادى كل المواد زى العسل بس يارب تكون النتجية كويسة

ماااااااااااااااااااااااااااااشى يا ست سااااااااااااره عموماربنا معاكى..يعنى بيجيلك نوم.اممممممممممممم..بمجرد ما تدخلى فى الامتاحانات.كويس احنا مش بنحسد ولا حاااااااااااجه بس بنقر فيها..ههههههههههههههه قبلينى بقى لو جالك نوم بقيه المواد..هههههههههههههههه..لالالالاا بجد يا ساره ربنا معاكى وتعرفى تنااااااااامى طول المواد الجايه بس مش تنامى اوى يعنى.

ماااااااااااااااااشى يا عم محمد الحمد لله انك طنمنتنا عليك فى الماده الاولى

عقباااااااااال بقيه المواد يا رب يا قمر

انا بقا جيت ليلة الامتحان فى ثانى مادة ليا فى الكلية

وكنت خايف جدا جدا

وقلت انا شايل المادة شايلها

ربنا يستر .......؟؟؟

كان قبل المادة فى يوم ونص اجازة فى نص اليوم معرفتش اذاكر خالص وسبت المادة ومذاكرتش ولا حاجة فيها

وفى اليوم اللى قبل يوم الامتحان على طول كنت هموت من الغيظ
غلشان مش قادر الم المادة

المهم بقا ....اللى صبرنى

أصحابى اللى ساكن معاهم

قالولى توكل على الله

وان الله لا يضيع اجر من احسن عملا ً

واقعد ذاكر لغاية ميجيلك وقت الامتحان

وبالفعل ذاكرت لغاية وقت الامتحان

والحمد لله دخلت اللجنة

ومسكت ورقة الاسئلة ومن اول نظرة دخلت قبلى

وحبيتها وحبتنى

وخدنا على بعضينا بسرعه

والحمد لله

كله تمام

حليت فيها وارتاح قلبى

ربنا يريح قلبها

ههههههههههههههه
انت شكلك كنت واخد الورقة على حب
من ليلةالامتحان
هههههههههههههههه

ازيكوااااااااااااااااااااااااااا يا جماعة
وحشنى مووووووووووووووووووووووووووووووووت
شوفتوا باء وحشنى قد اية
يارب يكون الحب متبادل
ياريت يا جماعة تدعولى عشان الامتحان بتاع الرياضة خبط فية جداااااا
ههههههه
ان شاء اللة هتعدى
اهم حاجة انى سلمت عليكم