بنت أمورة ... ورأيها فى التليفزيون!!!!

بنت امورة فى كى جى ون تقول رأيها فى التليفزيون
سألوا طفلة عن شعورها نحو تليفزيون البيت...فقالت:
"هو اخى الصغير الذى أحبه"

وتأكيد لكلام الطفلة يقول أحد خبراء التربية:
"جهاز التليفزيون اصبح وسط الاسرة كأحد أفرادها"

ومن هنا الخطورة
ماذا نشاهد؟...كيف نحتاط؟
وهل كل الوجبات الغذائية تناسب كل الاعمار وكل الاجسام؟
وتليفزيون زمان غير تليفزيون دلوقتى....
زمان كانت قناة واحدة ابيض وأسود تبع الدولة
النهاردة العالم كله امام عنيك وبالالوان وبث مباشر
والريموت سهل المأمورية
والتليفزيون ككل ادوات الحياة سلاح ذو حدين:
جمال وقبح....هدم وبناء....صدق وأكاذيب
وكتر الحزن يعلم البكا
والزن ع الودان يصحصح النعسان

وليه نلجأ للامثال الشعبية وقدامنا الواقع مجسم...فشيوع لبس البنطلون المحزق
بين البنات فى السنوات الاخيرة ما هو الا ثمرة ناضجة لما تعرضه الشاشة على معظم القنوات فى معظم البرامج ومعظم المسلسلات حيث يظهر البنات بالجينز المخنوق عادى جدااا وبالحاح جداااا

قس على هذا افلام الجريمة والعنف ومصارعة المحترفين فإدمان مشاهدتها يرفع درجة الجرأة على تقليدها

طبعا نرى أفلاما شبابية وأجتماعية وتاريخية جيدة لكن معها نرى أفلاما خليعة

طبعا هناك اغنيات جميلة رقيقة المعنى لكن معها نسمع اغنيات هابطة تدمر الذوق وتهدم الاخلاق

نعم تأتينا الاخبار حية وصادقة من الارض الى الشاشة لكن معها تطالعنا برامج خادعة مدبرة تدفع الناس الى اليأس والاحباط

نعم توجد برامج حوارية رائعة تجعل ادمغتنا تتفتح وتقارن وتفهم....لكن بجانبها توجد برامج حوارية مغرضة تهدف الى التضليل لاحظ ذلك عندما يفسح مقدم البرامج مساحة واسعة لوجهة نظر معينة ويضيق على وجهة النظر الاخرى لاحظ مقدم البرامج وهو يضم صوته للموقف الرسمى ويحاصر الموقف المعارض

وصحيح هناك مسابقات جميلة ترفع من ثقافة الشباب لكن بجانبها تنتشر المسابقات الحافلة بالمعلومات الميتة والتافهة التى تشغل مخ الناس وتبدد اوقاتهم اذا ماذا يعود على انا وانت من معرفة عدد ارجل حشرة "التسى تسى" او نوع فرشاة الاسنان التى كان يستخدمها رشدى أباظة

وعموما بصرف النظر عن الجميل والقبيح فإن ادمان النظر الى الشاشة المنزلية يؤدى الى خمول ذهنى وعضلى ينتهى بنا الى البلاده وفقدان التعامل مع الحياه....

اما المنظر الذى اثار غيظى فهو طباخ محترم يعرض على ستات البيوت طريقة تحمير البطاطس فيقول بالايقاع البطئ:
وبعد.....الزيت......ما يقدح......حطى......البطاطس
وفى ركن الشاشة العلوى كلمة تضئ وتطفى
" مباشر....مباشر....مباشر"

قراءة فى موضوع
الفضائيات وحلول مشكلات الحياة
صحيفة البلاغ

هاااااااااااااااااااااااايل يا لولو تسلم يا حبيبى

شكرا على الموضوع المهم جدا جدا جدا ده فى حياتنا

والله عندك حق ياعلاء

فعلا التلفزيون ده وسيله من خلالها ممكن يرتفع شأن بلد بحالها وبرده ممكن يكون سبب فى خراب امه باثرها

وهو بصراحه دلوقتى سبب للخراب والفساد والعنف والجرائم وووو
فى حين انتشار القنوات الاسلاميه لكنها للاسف تاثيرها ضئيل جدا امام هذا الكم الهائل من القنوات المؤسفه

وبمناسبه العنف انت عارف والله العظيم ياعلاء لو لاحظنا الاطفال فى اى مكان فى العالم سواء مصرى عربى او حتى اجنبى ولاحظ بقى العنف الى وصلو الاطفال
الاطفال بقست عدوانيه اوى
وممفيش تفسير الا بسبب قنوات المصارعه وافلام الرعب الى مفتوحه ليل ونهار

ومين يعنى شجع الشباب والبنات بمسايره الموضه المقززه دى الا القنوات دى
اصبح الشباب يقلدو تقليد اعمى

ربنا يهدى الجمييييييييييييييييييع
ويهدى لكل اب اسره الى مسك زمام الاسره

وحقيقى جزاك الله خير ياعلاء موضوع جميل

العفو يا حبى الساهر

مشكور جدا ع المرور

هايل كلامك يا سارة

بصى حضرتك
هو عموماً يعنى التليفزيون دة سلاح ذو حدين
يعنى زى ما هو موجود فيه القنوات الهابطة واللى ملهاش لازمة اصلا ً
هتلاقى فيه القنوات الدينية زى ما قولتى بالظبط
يعنى اللى بيحدد نفع أو ضرر التليفزيون هو المستخدم الكريم
والريموت طبعا أصبح فى يد الجميع

أما موضوع أفلام الرعب والعنف اللى جعلت أطفال العرب يبقوا عدوانين
انا من رأيى انها سياسة خارجيةمقصودة
واحنا علينا بقا نوجهة اطفالنا التوجيه السليم

والشباب اللى عنده تقليد اعمى
هو عارف ومتأكد ان اللى بيعمله دة مش كويس بس هو عامل نفسه مش واخد باله ... ويقول اعيش يومين وبعدين ربنا يسهلها

هنا بقا يجى دورى ..ودورك .... ودور كل الشباب
اننا نحاول نصحح المفاهيم المغلوطة مع الشباب اللى زينا
دأصحابنا ... وجيراننا ....والجميع

وربنا يهدى الجميع لما يحبه ويرضاه

جزاكى الله كل الخير

دى مشكلة مؤسفه فعلا ً استاذة هند

لما يكون الناس اللى المفروض يكونوا قدوة لينا بيعملوا كدة

بس بينى وبينك هما معذورين شوية

لان أغلب المجتمع اللى احنا فيه كدة

يعنى تلاقى مثلا ً جاى من الشغل تعبان ومطحون وتلاقيه يريح قدام التليفزيون ويشغل قناة اغانى .. أو أفلام علشان يهدى أعصابه بس شوية

دة بيحصل حقيقى والله

اتعودنا على كدة

ولو فكرنا شوية ممكن نبكى على حال الناس اللى زى كدة

ويا ترى مين المسئول عنهم
مين اللى المفروض عليه يغير من الناس دى ويروريهم الغلط من الصح

الاجابة هتكون اكيد .. احنا .. الشباب المتعلم الفاهم

ودى دعوة منى ان كل واحد فينا لو شايف قدامة نماذج زى كدة
يححاول يكون سبب فى انهم يستفيدوا من التليفزيون
سواء كانوا اقرابه .... او جيرانه ... او اصحابه فى الجامعه ..!!

وبرنا يهدى الجميع لما يحب ويرضى

مشكورة جدا يا نور الهدى