| معانى مقلوبة .... فى ايام مضروبة | |
|
|
كاتب الموضوع | رسالة |
---|
علاء المصرى22 مشرف المنتدى العام
عدد المساهمات : 2231 تاريخ التسجيل : 09/09/2007 العمر : 35 الموقع : مصر هى أمى بعد أمى
| موضوع: معانى مقلوبة .... فى ايام مضروبة السبت نوفمبر 03, 2007 5:32 pm | |
| المعاني المقلوبة ..في الايام المضروبة بالشبه كده.. كنت أستطيع أن أفهم مايستعصي فهمه من التعبيرات العربية الغريبة بالنسبة لي.. فإذا قال لي أحدهم إشي لونك!! أو شخبارك!! كنت أقوم بعملية تمصير فوري للكلمة إيش مثلا.. يمكن أن تكون أيه.. أيه لونك؟! يمكن هنا أن نترجمها.. عامل إيه.. وشخبارك تبأه ايه الأخبار!! وإذا كنا في تونس مثلا.. وقال لي أحدهم.. يعيشك.. أستطيع أن أمصرها الي.. الله يخليك.. وحتي في تركيا.. برغم أنني لا أعرف اللغة التركية.. استطعت أن أفهم.. وأن أتكلم مع أصدقائي هناك بكل سلاسة.. طالما أن لهجتنا المصرية لاتخلو برضه من تمام.. أفندم.. مضبوط.. تاكميم البيس( يعني طقم ملابس) تاكسيت..( تقسيط طبعا مش عاوزة فكاكة) ولهجتنا المصرية لهجة جامعة شاملة.. يفهمها كل الأشقاء العرب وكثيرا مايتكلمون بها خصوصا في مصر أو مع المصريين.. ولاشك أن الاستعمار كان هو السبب المباشر في هذا الاختلاف في اللهجات, والذي أدي إلي اختلاف في المواقف والآراء وأوصلنا الي حالة عامة من سوء الفهم وسوء التفاهم.. ورغم كل شئ.. ظلت العامية المصرية.. لهجة بها كثير من الجماليات وهي الأقدر علي التأثير في الأغاني والأفلام والمسرحيات.. وفجأة.. قومنا من النوم الصبح ياعم الحاج فإذا بالناس يتكلمون بطريقة عجيبة.. قالوا شبابية.. الشفاة تتحرك بسرعة شديدة ويدلقون الكلام من أفواههم دلقا.. وبصرف النظر عن الألفاظ التي أضيفت الي قاموس العامية مثل روش وطحن وبيئة وأحلق ونفض.. إلي آخره.. ولكن المصيبة في استخدام بعض الألفاظ التي كنا نستخدمها في أغراض عكسية.. مثلا يعني.. كلمة.. فظيع هذه.. أنا علي ما أذكر كانت تعني شيئا سيئا جدا.. وفظيعا لايطاق.. أما أن يقول لي أحدهم.. بصراحة كاظم الساهر فظيع.. وهو يعني أنه معجب.. فهذا شئ لا أفهمه.. ثم يقول عمل أغنية جامدة قوي.. وأندهش أكثر.. جامدة!! الجمود شئ سئ أيضا!! ثم يقول.. الكلام حلو موت!! يانهار أسود.. وهل الموت حلو؟! وهكذا بدأت المعاني تنزلق من علي الكلام وصارت الألفاظ القبيحة تعني الجمال.. فهذا مطرب صايع صايع أي أنه متمكن من أدواته وهذه مطربة سافلة.. سافلة... أي أنها عصرية جدا وهذا ملحن كافر وهذا مخرج عربجي وهذا مكان معفن طحن.. أي أنه مكان ستايل وروش وهذه تقول لي بسعادة( مش عارف ليه) أنا أصلي كده مهيسة علطول.. الآنسة فخورة بعدم التركيز والمخ الضايع!! وأخر يقول لي.. كنا بناكل تشاينيز فود إنما أيه قلة أدب.. انزعج وأسأله وحش للدرجة دي.. يرد باستغراب.. وحش إيه.. بقولك قلة أدب.. يجنن يعني.. وحضرته يقول لي.. أما شفت فيلم إمبارح.. ابن كلاب.. فأسأله بسذاجة ولماذا لم يعجبك.. ينظر لي مندهشا ويقول لي.. بقولك ابن كلاااااب.. وطلع الفيلم عاجبه.. تصوروا.. ألا توجد طريقة يعبر بها عن إعجابه سوي أن الفيلم ابن كلاب.. وهكذا يا أعزائي.. صرت أفهم اللهجة الخليجية والليبية وحتي المغربية بسهولة شديدة.. بالشبه كده.. بينما صرت عاجزا عن فهم لهجتنا المصرية الجديدة.. ولذا فأنني أرجوكم إذا أردتم أن تعبروا عن إعجابكم بكاتب هذا المقال مثلا.. إذا حصل هذا.. فبلاش ندخل الأب والأم في الإعجاب.. الاهرام... بتصرف | |
|
| |
sarahbosy أفضل مشرف
عدد المساهمات : 2172 تاريخ التسجيل : 16/11/2007 العمر : 35 الموقع : الاســــــــــــــــكنــدريه *نجمه مـــ صـــــ ر*
| موضوع: رد: معانى مقلوبة .... فى ايام مضروبة الجمعة ديسمبر 14, 2007 11:40 am | |
| هههههههههههههههههه
اسفه ياعلاء لسه شايفه الموضوع بس حقيقى مش لاقيه تعليق
اصلى الموضوع جامد هههههههههههههه
اقصد حلووووو اوى ومهم بجديعنى عندك حق طبعا
ربنا يهدينا | |
|
| |
DiaBiaN أزهري فعال جدا
عدد المساهمات : 406 تاريخ التسجيل : 12/08/2007 الموقع : Amr diab st Elmansoura
| موضوع: رد: معانى مقلوبة .... فى ايام مضروبة الجمعة ديسمبر 14, 2007 2:23 pm | |
| هههههههههههههههههههههههههههههههههههههههههههههههه يا سيدى شباب بقى هتعمل لهم اية | |
|
| |
علاء المصرى22 مشرف المنتدى العام
عدد المساهمات : 2231 تاريخ التسجيل : 09/09/2007 العمر : 35 الموقع : مصر هى أمى بعد أمى
| موضوع: رد: معانى مقلوبة .... فى ايام مضروبة الجمعة ديسمبر 14, 2007 9:01 pm | |
| - sarahbosy كتب:
- هههههههههههههههههه
اسفه ياعلاء لسه شايفه الموضوع بس حقيقى مش لاقيه تعليق
النعليق يا سارة هو " لا تعليق " لاننا مش عارفين ليه الشعب المصرى كدة مقلوب القلبة اللى مش عارفين اصلها ايه مشكورة جدا لمرورك يا سارة | |
|
| |
علاء المصرى22 مشرف المنتدى العام
عدد المساهمات : 2231 تاريخ التسجيل : 09/09/2007 العمر : 35 الموقع : مصر هى أمى بعد أمى
| موضوع: رد: معانى مقلوبة .... فى ايام مضروبة الجمعة ديسمبر 14, 2007 9:05 pm | |
| - DiaBAwY كتب:
- هههههههههههههههههههههههههههههههههههههههههههههههه
يا سيدى شباب بقى هتعمل لهم اية يا سيدى ربنا يبارك فى كل الشباب بس لو كان الشباب دة أحسن شوية حيكون فى خير كتير وبعدين يا DiaBAwY فى كلام أحسن من كدة يتقال مش لازم يعنى علشان احنا شباب يبقى نعفرها قوى كدة دى الملافظ سعد على العموم انا مبسوط جدا من ردك الصريح دة | |
|
| |
زائر زائر
| موضوع: رد: معانى مقلوبة .... فى ايام مضروبة السبت ديسمبر 15, 2007 9:29 am | |
| ههههههههههههههههههه
وفى رد احلى من ردك يا علاء لا تعليق..بس ياريتك تشيل الصوره اللى
حطتها فى الموضوع..معلش وده رجاء من اخ كبير |
|
| |
علاء المصرى22 مشرف المنتدى العام
عدد المساهمات : 2231 تاريخ التسجيل : 09/09/2007 العمر : 35 الموقع : مصر هى أمى بعد أمى
| موضوع: رد: معانى مقلوبة .... فى ايام مضروبة السبت ديسمبر 15, 2007 10:56 am | |
| جزاك الله خير يا احمد
الموضوع خلاص خلص ا مش هينفع اشيل منه اى حاجة
مشكور جدا ع النصيحة | |
|
| |
yasmein أزهري فعال جدا
عدد المساهمات : 391 تاريخ التسجيل : 06/11/2007 العمر : 32
| موضوع: رد: معانى مقلوبة .... فى ايام مضروبة الأربعاء ديسمبر 19, 2007 3:14 am | |
| هههههههههههههههههههههههههههههههههههههههههه لذيذ موت يا أستاذ علاء بس مش كل الكلام الناس كلها بتقوله عشان شخصية اللي قدامك دي بتبقى من كلامه يعني مثلا اللي هيقولك دي عربية قلة أدب انا طبيعي هاقول عليه انسان تافه لكن في حاجات يعني مبقاش فيها استغراب ويعني مش ........... يعني هو انا مش عارفة اوصلهالك ازاي بس مش زي مثلا مطربة ...................... اللي انت قولتها في موضوعك فهمتني كده؟؟؟؟؟؟؟؟؟؟ | |
|
| |
علاء المصرى22 مشرف المنتدى العام
عدد المساهمات : 2231 تاريخ التسجيل : 09/09/2007 العمر : 35 الموقع : مصر هى أمى بعد أمى
| موضوع: رد: معانى مقلوبة .... فى ايام مضروبة الأربعاء ديسمبر 19, 2007 1:09 pm | |
| انا كل اللى فهمته يا ياسمين انك عايزة تقولى مطربة ....... اللى فى موضوعى
انا مش فاهم المعنى العام لردك | |
|
| |
yasmein أزهري فعال جدا
عدد المساهمات : 391 تاريخ التسجيل : 06/11/2007 العمر : 32
| موضوع: رد: معانى مقلوبة .... فى ايام مضروبة الخميس ديسمبر 20, 2007 4:59 am | |
| قصدي في كلام طالع خلاص احنا اتعودنا عليه وبقى معرف زي حلو موت والكلام ده لكن في حاجات بقت over اوي ومفيش حد بيحترم الحاجات دي أرجو تكون فهمت | |
|
| |
علاء المصرى22 مشرف المنتدى العام
عدد المساهمات : 2231 تاريخ التسجيل : 09/09/2007 العمر : 35 الموقع : مصر هى أمى بعد أمى
| موضوع: رد: معانى مقلوبة .... فى ايام مضروبة السبت ديسمبر 22, 2007 9:14 am | |
| مظبوط يا ياسمين
عندك حق
الحاجات العادية دى مفهاش مشاكل
بس المشكلة فى الحاجات اللى بتتعدى الحدود
الحاجات اللى ملهاش علاقة اصلا بالموقف...ذى اللى ذكرتها فى الموضوع
دى بقا اللى عايزين نتخلى عنها
وفى الاول والاخر ....الملافظ سعد | |
|
| |
| معانى مقلوبة .... فى ايام مضروبة | |
|